Buku 7: Yezu - Mbuya Na Mpulumusi
![Buku 7: Yezu - Mbuya Na Mpulumusi](https://static.globalrecordings.net/300x200/lll7-00.jpg)
Balangkas: From Luke and John. 24 sections. It has a picture book to go along with the recording.
Bilang ng Talata: 424
Wika: Sena: Mozambique
Tema: Sin and Satan (Judgement, Sin, disobedience); Christ (Resurrection of Jesus, Son of God, Saviour of Sinful Men, Birth of Christ, Death of Christ, Life of Christ, Authority); Eternal life (Salvation, Eternal / everlasting life); Character of God (Grace and Mercy, Nature, character of God, Word of God (the Bible), Power of God / Jesus); Living as a Christian (Worship, Second Birth, Peace with God, Forgiveness, Faith, trust, believe in Jesus, Spiritual Life, Christian values); Life event (Death); Bible timeline (Gospel, Good News); Problems (Sickness, Problems, troubles, worries)
Tagapakinig: General
Istilo: Monolog
Klase: Bible Stories & Teac
Layunin: Teaching
Katayuan: Publishable
Salita ng Talata
Mafala Akutoma Nawo
![Mafala Akutoma Nawo](https://static.globalrecordings.net/300x200/lll7-00.jpg)
Axamwali, ndipyodi kuti ule anacemerwa Yezu ndiyedi Mwana wa Mulungu anakoza kutipasa upulumuki wa kwenda na kwenda? Pirengo pikhacita Iye pisatipangiza undimomwene kuti ndiyedi Mwana wa Mulungu. Phinduzani cipangizo patsamba inatewera mungabva tenepa.
Cipangizo 1: Kubarwa Kwa Yezu
![Cipangizo 1: Kubarwa Kwa Yezu](https://static.globalrecordings.net/300x200/lll7-01.jpg)
Juwau 1:1-14
Yezu abarwa mu thanga ya pinyama mudziko ya Israeli pyapita pyaka pizindji nduli, Mbwenye akhali tayi mwana ninga ana anango, akhali wakufunika kakamwe. Mai wace akhali mwali, pisalongera kuti akhasati agumana na mamuna. Dzina yace ikhali Mariya. Baba wace akhali Mulungu Mbodzi Wandimomwene! Yezu akhali wa maso mbadzati kubariwa. Iye akhali na Mulungu pakutoma. Yezu acita dziko. Iye apasa upulumuki wamunzimu wa Mulungu kwa mamuna wakutoma. Mbwenye anthu auluza upulumuki wenewo wa munzimu thangwi atowera ndjira ya sathana na ya kufa. Mbwenye Yezu abwera padziko ninga mwana kuti apangize Mulungu kwa ife, Pontho atipangize tinakhala tani ana a Mulungu.
Cipangizo 2: Yezu Mbaphinduza Madzi Kudza Vinyo
![Cipangizo 2: Yezu Mbaphinduza Madzi Kudza Vinyo](https://static.globalrecordings.net/300x200/lll7-02.jpg)
Juwau 2:1-11
Yezu akula mbakhala mamuna nkulu. Ntsiku inango akhali pa phwando ya kukwatana, pabodzi na mai wace na anyakupfundza ace. Mariya akhapidziwa kuti Yezu akhali Mwana wa Mulungu, tenepo pidamala vinyo iye alonga na Yezu. Natenepo Mariya abvunza anyabasa, "Citani pire pinalonga Iye." Pakhalipo penepo nkhali zakusoa pinthu zithanthatu zikulu. Yezu mbalonga kwa anyabasa, "Dzadzani nkhali na madzi." Iye mbalonga tenepa, "Cincino bulusani muendese kwa nkulu wa phwando." Madzi akhadasanduziwa kundza vinyo yadidi! Anyakupfundza wa Yezu atoma kuona phanbvu ikulu ya Mulungu ikhali na Yezu, mbantawira.
Cipangizo 3: Yezu Mba Longa Na Nikodemo
![Cipangizo 3: Yezu Mba Longa Na Nikodemo](https://static.globalrecordings.net/300x200/lll7-03.jpg)
Juwau 3:1-36
Nikodemo akhali npfundzisi wakufunika pikulu. Iye akhadabva kuti Yezu akhacita pirengo. Akhapidziwa kuti Yezu akhali wa kwa Mulungu. Tenepo masiku anango aenda kaonana na Yezu kuti apange thanwi ya Mulungu. Yezu mbalonga tenepa, "Ine ndinakubvunza undimomwene, Nkhambe munthu anadzaona ufumu wa Mulungu angakhonda kubarwa kaciwiri." Nikodemo mbabvunzisa,"Pinacitika tani mamuna wankulu kubarwa pontho patswa?" Yezu mbalonga tenepa, "Angabariwa mwana na mai wake ana upulumuki wa pantsi pano. Mbwenye munthu asafunika kuti abarwe mu Nzimu wa Mulungu kuti akhale na upulumuki wa munzimu." Onsene anatawira mbabvera Yezu anabarwa katswa, mbakhala kwenda na kwenda munzimu. Onsene anakhonda kumutawira Yezu anati akhale na kufa kwa kwenda na kwenda.
Cipangizo 4: Mambo Mbodzi Agodama Pasogolo Pa Yezu
![Cipangizo 4: Mambo Mbodzi Agodama Pasogolo Pa Yezu](https://static.globalrecordings.net/300x200/lll7-04.jpg)
Juwau 4:46-54
Iwe mbumudacitandji mwanako mbaduala pikulu? Mamuna pa cipangizo ici akhadafamba nsinzo ukulu kuti aonane na Yezu. Akhali mambo wakufunika, mbwenye aphemba Yezu, mbati, "Mbuya, bwerani, mwananga mbasati kufa." Yezu mbatawira, "Ndoko. Mwanako apulumuka." Mamuna atawira Yezu mbabwerera kunyumba kwace. Pikhabwera iye kundjira anyabasace abwera kuna iye. Mbanbvundza kuti mwana ace awanga. Akhadawangiswa pa ndzidzi udalonga Yezu, "Mwanako apulumuka." Mamuna weneyo pabodzi na mbumba yace atawira Yezu kuti ndiye wa kwa Mulungu.
Cipangizo 5: Mamuna Wakulamala Pa Thara Ya Madzi
![Cipangizo 5: Mamuna Wakulamala Pa Thara Ya Madzi](https://static.globalrecordings.net/300x200/lll7-05.jpg)
Juwau 5:1-47
Ku nzinda wa Jerusalema kukhalipo thara ya madzi. Anthu akhatawira kuti madzi apathara akhawangisa anyakuduwala. Mamuna mbodzi akhali wakuduwala pyaka makumatatu na picere. Yezu angumana pakhundu ya thara ya madzi mbanbvunzisa, "Usafuna uwangiswe?" mbwenye mamuna atawira, "Mbuya, nkhambe munthu anakoza kundipheza kupita muthara ya madzi." Tenepo Yezu mbanbvunza, "Lamuka! Kwata cakugonera cako, famba!" Pandzindzi umbodziene mamuna awangiswa. Mbwenye anthu anango akhala akuipirwa na Yezu thangwi akhadawangisa mamuna weneyo pa ntsiku ya sabudu. Sabudu ikali ntsiku ya majudeu yakuti akhasiya kuphata basa kuti acite maphembero akukuza Mulungu. Yezu afuna kuapangiza kuti Iye ndi Mwana wa Mulungu, tenepo kuti anamphanbvu yakuwangisa pa ntsiku ya Mulungu, mbwenye anthu akhamutawira tayi.
Cipangizo 6: Yezu Mbadyesa Pikwi Mazana Maxanu a Pikwi Pya Anthu
![Cipangizo 6: Yezu Mbadyesa Pikwi Mazana Maxanu a Pikwi Pya Anthu](https://static.globalrecordings.net/300x200/lll7-06.jpg)
Juwau 6:1-15, 25-58
Anthu azindji akhadabva kuti Yezu mbadawangiswa anyakudwala, tenepo ntsiku inango anthu azindji atowera Yezu kufikira ku mbuto yakusoa nzinda. Yezu abvundzisa anyakupfundza ace, "Tinaenda kagula kupi mikate kuti tidyese anthu awa?" nyakupfundza mbodzi mbatawira, "Tinamphale mbodzi pano ana mikate mixanu na nyama za madzi ziwiri, mbwenye ndinindji pyepi kwa anthu azindji?" tenepo Yezu awabvundza kuti akhale pantsi. Mbakwata mikate na nyama. Mbapereka takhuta kuna Mulungu, tenepo mbadyesa anthu onsene na mikate yeneyo na nyama zenezo. Anthu mbadya mbakwana napyo. Yezu pidamaleye mbabvundza anthu, "Lekani kuphata mbasa kuphatira mbasi cakudya cinabvunda, mbwenye kwa cakudya caupulumuki cinakhala kwenda na kwenda. Ine ndine nkate wa upulumuki. Ule ananditawira mbanditambira nkhambe kudzabva ndjala tayi."
Cipangizo 7: Yezu Mbafamba Padzulu Pa Madzi
![Cipangizo 7: Yezu Mbafamba Padzulu Pa Madzi](https://static.globalrecordings.net/300x200/lll7-07.jpg)
Juwau 6:16-21
Pakumala Yezu kudyesa anthu Iye atuma anyakupfundza ace kumbuto inango. Tenepo Yezu abuluka kuna anthu kuti akhale yekha mbaphembera Mulungu. Anyakupfundza ace akwira mwadya kuti awambuke nyandza ikulu, kukhadaswipa iwo mbali mumwadya pabwera mphepo ikulu munyandza. Tenepo Yezu aafendezera duzi, mbakhafamba padzulu pa madzi. Amuna agopa pikulu, mbanyerezera kuti cikali ciphoko. Mbwenye Yezu mbalonga, "Lekani kugopa; dine." Yezu mbapita m'mwadya, penepopene mphepo mbilimira. Kabodzi pontho anyakupfundza ace aona kuti kuti Yezu akhali na mphanbvu ya Mulungu.
Cipangizo 8: Yezu Mbawangisa Mamuna Wakukhonda Kuona
![Cipangizo 8: Yezu Mbawangisa Mamuna Wakukhonda Kuona](https://static.globalrecordings.net/300x200/lll7-08.jpg)
Juwau 9:1-41
Akhalipo mamuna mbodzi akhali boliboli kutomera pa kubarwa kwace. Anyakupfundza a Yezu akhanyerezera kuti uboliboli ukhali nyatwa ya kwa Mulungu Mbwenye Yezu alonga kuti mamuna uyu abarwa boliboli thangwi ya cinthu cadidi, Kuti akwanise kuona mphanbvu ya Mulungu ya kuwangisa. Yezu aphula mata pantsi mbacita matope. Iye mbaikha matope m'maso mwa boliboli. Tenepo Yezu mbanbvundza, "Ndoko ukapitsuke!" Mamuna aenda mbapitsuka, mbabwerera mbakhaona! Axamwali, ife ndife aboliboli munzimu; Nkhambe kukwanisa kuona ndjira ya Mulungu. Mbwenye Yezu alonga, "Ine ndine ceza ca padziko. Ule ananditowera anadzafambabve tayi mucidima, mbwenye anakhala na ceza ca upulumuki."
Cipangizo 9: Yezu Mbalamusa Lazaro
![Cipangizo 9: Yezu Mbalamusa Lazaro](https://static.globalrecordings.net/300x200/lll7-09.jpg)
Juwau 11:1-46
Yezu akafuna Lazaro na abale ace awiri, Mariya na Marta. Pidaduala Lazaro Yezu aziwi kwenderatu kukhakhala Lazaro tayi. Pakupita ntsiku zinango Yezu abvunza anyakupfundza ace, "Lazaro afa. Mbwenye diri wakukomerwa kuti sindirikweko tayi, thangwi ipi pinakuphedzani kuti munditawire Ine." Pidafika Yezu, Lazaro akhadakhala mu nthumbi ntsiku zinai. Abale ace akhadakhala akutsukwala thangwi Yezu adaenda tayi kawangisa Lazaro. Mbwenye Yezu alonga, "Mbale wanu analamuka pontho." Yezu alonga kuna anthu kuti afungule nthumbi. Tenepo mbakhuwa na fala ikulu, "Lazaro, buluka kundja!" Lazaro mbabuluka, mendo yace na mandja ace idafinikidzwa pontho na nkhope yace ikadafinikidzwa na nguwo. Munthu onsene anatawira kwa Yezu anakhala nawo upulumuki wa kwenda na kwenda, iye mbadamala khale manungo ace kufa. Iwe usatawira penepyi?
Cipangizo 10: Yezu Mbafa Pantanda
![Cipangizo 10: Yezu Mbafa Pantanda](https://static.globalrecordings.net/300x200/lll7-10.jpg)
Juwau 18:1 - 19:42
Yezu atipangidza na pirengo pikhacita Iye, kuti akhali Mwana wa Mulungu, mbwenye asogoleri amajudeu akhali na nsandje naiye. Iwo akhafuna kumupha. Yezu akhadabvundza anyakupfundza ace kuti Iye anadzafa, Pontho kuti anadzatumidza Nzimu wace. Ikhali ndjira ibodzi basi yakuti abweresa anthu kwa Mulungu. Judas, mbodzi wa anyakupfundza wa Yezu, azungulira, mbangulisa Yezu kwa majudeu. Natenepo abwera mbamanga Yezu, penepo Pedro na anango anyakupfundza ace mbathawa. Asogoleri adaona kudawa kwa Yezu tayi, mbwenye iwo majudeu mbakhuwa, "Nkhomereni! Nkhomereni!" Natenepo amuna mbapha Mwana wa Mulungu wakulungama. Maphanga awiri afambo na Yezu mbathabuswa na thangwi ya pyakuipa pyawo, mbwenye Yezu afa ninga ntsembe yakulungama kwa ife tonsene.
Cipangizo 11: Mariya Na Yezu Duzi Na Ndumbi
![Cipangizo 11: Mariya Na Yezu Duzi Na Ndumbi](https://static.globalrecordings.net/300x200/lll7-11.jpg)
Juwau 20:1-18
Manungo akufa a Yezu adaikhiwa mu ndumbi. Mwala ukulu udaykwa pansuwo wa ndumbi. Pa ntsiku yacitatu Mariya Madalena aenda ku ndumbi, mbwenye mwala ukhadabuluswa pansuwo pa nthumbi, manungo a Yezu akhadabuluka. Mariya atoma kulira. Iye akotama mbalangana nthumbi. Pakhadakhala maanjo awiri pa mbuto pakhali manungo a Yezu. Tenepo Yezu alonga kuna Mariya mba nbvundza, "Ukusaka ani?" Mariya akanyerezera kuti ndi nyabasa wa mwenemo, thangwi yeneyo iye aphemba manungo a Yezu. Mbwenye Yezu alonga, "Mariya." Mwakucimbiza iye aona kuti Yezu akhali m'manso! Tenepo Yezu mbanbvundza, "Ndoko kwa anyakupfundza anga uwabvundze kuti ndiri m'maso." Kufa kudakoza tayi kumanga mwana wa Mulungu wa maso.
Cipangizo 12: Yezu Mbabwera Kwa Anyakupfundza Ace
![Cipangizo 12: Yezu Mbabwera Kwa Anyakupfundza Ace](https://static.globalrecordings.net/300x200/lll7-12.jpg)
Juwau 20:30 - 21:19
Yezu mbasati kuenda kuzulu Iye acita pontho cirengo cibodzi. Masiku anango anyakupfundza ace aenda kamedza, mbwenye adaphata pinthu tayi. Pidatoma kucena kundja mamuna mbodzi abulukira pagombe. Iye awapangidza mbuto kuti aende kaponya kokota yawo, tenepa aphata nyama zizindji. Tenepo anyakupfundza adziwa kuti mamuna weneyo akhali Yezu. Abweresa nyama zonsene pagombe penepo Yezu akhadasasanya cakudya kuti iwo adye. Pidamala iwo kudya Yezu alonga na iwo. Pedro akhadathawa pidamangwa Yezu, mbwenye Yezu penepo anbvundza, "Nditewere." Yezu abvundza Pedro kuti awonere mbumba Yace, pontho kuti awapfundzise thangwi Yace. Yezu asafuna kuti anthu onsene apibve thangwi ya pirengo pyace kuti apidziwe mbatawira kuti Iye ndi Mwana wa Mulungu. Tenepo pinafunika kuti atowerembo Yezu, kuti atambire upulumuki wa kwenda na kwenda.
Mafala Akutoma Nawo
![Mafala Akutoma Nawo](https://static.globalrecordings.net/300x200/lll7-00.jpg)
Axamwali, Yezu ndi mpulumusi nkulu ndiye anatipulumusa. Iye asatipulumusa mu pyakuipa na kuidana, mbatipulumusa kuti tikhale na upulumuki wa kwenda na kwenda. Bveserani pyadidi pidacitika pinatewera. Phinduzani cipangizo patsamba inatewera ungabva tenepa.
Cipangizo 13: Yezu Mbapfundzisa Axamwali Awiri
![Cipangizo 13: Yezu Mbapfundzisa Axamwali Awiri](https://static.globalrecordings.net/300x200/lll7-13.jpg)
Luka 24:13-35
Majudeu akhanyindira kuti Yezu anawapulumusa kwa maRomano iwo akhatonga Israeli mwa kuipa. Axamwali awiri a Yezu akaenda kunyumba mbakhafamba. Padzidzi ubodziene Yezu abulukira pakati pawo. Iwo akanyerezera kuti Yezu ndi munthu wakukhonda dziwika, na thangwi yeneyo ambvundza pinthu pire pikhadacitika. Tenepo Yezu atoma kupfundzisa pyamumalemba, Biblia. Mose na onsene maprofeta akhadalemba thangwi ya Yezu pyaka pizindji mbasati ku bwera. Iwo akhadalemba kuti Yezu anadzathabuswa mbadzafa. Pontho akhadalemba kuti Yezu anadzalamuka mwa kufa mbazatonga mumambo wa Mulungu. Mwakucimbidza awiri awo apidziwa kuti malemba akhali andimomwene! Wakukhonda dziwika akhali Yezu! Akhali m'maso pontho! Mbatibveni ndinindji pinatipfundzisa Yezu muMalemba ace.
Cipangizo 14: Mwana Pakati Pa Nkhumba
![Cipangizo 14: Mwana Pakati Pa Nkhumba](https://static.globalrecordings.net/300x200/lll7-14.jpg)
Luka 24:13-35
Yezu alonga cithankano cinango thangwi mamuna akhali na ana ace awiri. Mwana wakumalisira alonga kuna baba wace, "ndipase kundu yanga ya npfuma." Tenepo baba agawa npfuma kwa ana awiri. Pakumalisa mwana wakumalisira abuluka mbaenda ku dziko ya kutali, kweneko avunga kobiri zace zonsene, mbakhala munthu wakukhonda kukhala wakulungama. Kwadzaoneka ndjala ikulu kudziko yeneyo, mbwenye mphale akali wakusowa cinthu. Na thangwi yeneyo mamuna mbodzi anbvundza kuti aende kamuonera nkhumba zace, ninga mulikuona pa cipangizo ici. Mphale akhali na ndjala mbafuna kudya cakudya cankhumba. Tenepo mbatoma kunyerezera. Anyabasa a baba wanga anacakudya cakudya cizindji. Mbalonga kwa iye yekha, "Ndinenda kuna baba wanga, mbindimbvundza, 'Baba, ndadawa kwa imwe... nkhambe sinakwanisabve tayi kukhala mwana wanu, tenepo ndiciteni kuti ndikhale nyabasa wanu."
Cipangizo 15: Mwana Wa Kutayka Mbabwerera Kunyumba
![Cipangizo 15: Mwana Wa Kutayka Mbabwerera Kunyumba](https://static.globalrecordings.net/300x200/lll7-15.jpg)
Luka 15:20-32
Mphale akhabwerera kwa baba wace, mbwenye iye mbali kutali baba wace amuona, mbathamanga kwenda kuna mwana ace, mbankumbatira mbanswoswona. Tenepo acemera anyabasa ace kuti ambweresere nguwo na cakudya cadidi, mbati, "Bwerani tikomerwe thangwi mwana wanga uyu ali m'maso pontho. Iye akhadatayka mbwenye awoneka." Axamwali, Yezu atipfundzisa kuti Mulungu alandana na baba ule. Ife takhala ninga mwana, tandawira Mulungu mbitienda. Mbwenye Mulungu asatifuna. Iye asafuna tibwerere kuti atilekerere. Yezu abwera kuti atipulumuse mukudawa na kufa. Iye atipangiza ndjira yakubwerera kuna Mulungu Baba.
Cipangizo 16: Nfuma Ya Mamuna Nfumi
![Cipangizo 16: Nfuma Ya Mamuna Nfumi](https://static.globalrecordings.net/300x200/lll7-16.jpg)
Luka 12:13-34
Yezu alonga kwa anthu cithankano ici. Mamuna mbodzi nyanfuma akhali na pyakukolola pyadidi. Na thangwi yeneyo acita cikwa, penu panango cete cikulu kuti akoere pyonsene, mbalonga kwa iye ekha, "Ndinapyo pyonsene pinafunene kufikira pyaka pizindji. Cincino ndinapuma, ndinadya, ndinamwa, ndinakhala pyadidi!" Mbwenye Mulungu mbanbvundza, "Munthu wakukhonda kuziwa! Iwe masiku ano unafa. Tenepo mbani anafuna kukwata pyonsene pidasasanyira iwe?" Yezu alonga, "Lekani kuneseka napire pinafuna imwe kudya penu kubvala, mbwenye sakani pire pinapasa kukhomerwa Mulungu." Axamwali, tisapasa kukhomerwa Mulungu tingaphedza anyakusowa. Mulungu anatipasa pyonsene pinafuna ife cincino, pontho anatipasambo nfuma kuzulu.
Cipangizo 17: Nyakusowa Na Mamuna Nfumi
![Cipangizo 17: Nyakusowa Na Mamuna Nfumi](https://static.globalrecordings.net/300x200/lll7-17.jpg)
Luka 16:19-31
Yezu alonga thangwi ya mamuna nfumi akhali na pyonsene pikhafuna iye, Mbakhakhonda kulangana nyakusowa akhali ntsiku zonsene pa nsuwo wace. Pakupita midzidzi nyakusowa ule adazafa, mbakwatwa kuenda kumbuto yadidi inacemerwa kuzulu. Kweneko Abraamu, baba wa nkulu wa majudeu onsene, akhamukoya iye. Mbwenye pidafa mamuna nfumi, aenda kumbuto ya nyatwa ikulu. Kubulukira kweneko iye acemera Abraamu kuti atume nyakusowa kuti amphedze. Mbwenye Abraamu alonga tenepa, "Pakati pathu na iwe panadzenje ikulu. Natenepo ale anafuna kubuluka kuno kuti abwere kweneko nkhambe kukwanisika, Nkhambe pontho kozeka kubuluka kweneko kubwera kuno." Axamwali, tisafunika titowere ndjira ya Mulungu pa upulumuki wathu uli na ife lero, penu tingakhala afumi penu akucelenga tingafuna kupita kuzulu tonsene tinatoma kufa. Tenepo tawirani cincino muna Mbuya Yezu munapulumuswa.
Cipangizo 18: Xamwali Pansuwo
![Cipangizo 18: Xamwali Pansuwo](https://static.globalrecordings.net/300x200/lll7-18.jpg)
Luka 11:5-13
Mamuna mbodzi afika pansuwo wa xamwali wace pakati pamasiku mbalonga, "Xamwali, ndirikuphemba undipasembo nkate, thangwi mulendo mbodzi andifikira kunyumba kwanga cincino pano mbwenye ine nkhambe cakudya kuti ndimpase." Xamwali yace akhadagona patalimba, na ana ace,tepo padzidzi wenewo adafuna kulamuka tayi. Mbwenye mamuna ule adaleka tayi kumenya nsuwo, pakupitiriza kuphemba, tenepo xamwali wace alamuka mbampasa pire pikhafuna iye. Yezu alonga kuti nkhambe funika kufamba mbatiphemba pya Mulungu thangwi Iye ndi Baba wathu. Iye asafuna kutipasa Nzimu wace mbafuna kutiphedza pa pyonsene pinafuna ife.
Cipangizo 19: Amuna Awiri Mu Nyumba Ya Mulungu
![Cipangizo 19: Amuna Awiri Mu Nyumba Ya Mulungu](https://static.globalrecordings.net/300x200/lll7-19.jpg)
Luka 18:9-14
Ndipyodi kuti Mulungu asabva munthu angakhala alikuphembera? Mbodzi mamuna apa pacipangizo ndinyakuphembera wa nkulu. Pontho ndi nyakupikudza pikulu. Iye abvundza Mulungu kuti ndi wadidi kupita anthu anango. Imwe munanyerezera kuti Mulungu akhadakomerwa na mamuna uyu? Mamuna unango akhali nyakukumbusa misonkho. Iye akhaba kobiri za anthu anango. Mbwenye iye akhapidziwa kuti akhadadawisira Mulungu. Tenepo iye akhafuna tayi kulangana kuzulu mbwenye akhamenya cifuwa cace na manyazo. Kuphembera kwace kuna Mulungu adalonga tenepa, "Mulungu, khala na ntsisi na ine, munthu wa kudawa!" yezu alonga kuti Mulungu abva maphembero wa munthu weneyo, mbamulekelera pikadadawa iye mamuna weneyo. Mulungu nkhambe kufuna nyakupikudza, mbwenye asafuna wakupicepesa.
Cipangizo 20: Mamuna Mbodzi Mbabzwala Mbeu Yace
![Cipangizo 20: Mamuna Mbodzi Mbabzwala Mbeu Yace](https://static.globalrecordings.net/300x200/lll7-20.jpg)
Luka 8:4-8
Ntsiku inango Yezu apfundzisa anthu azindji, mbati, "Nyakulima aenda kabzwala mbeu yace. Inango mbeu yagwa pa ndjira pa kundu na munda, mbalame zaidya. Zinango mbeu zagwa pa myala, mbwenye pidamera izo zauma thangwi ne pakhali na mataka tayi. Zinango mbeu zagwa pa minga, Mbizikula, minga pambodzi na mbeu, zapha pire pikhadamera mbeu. Mbwenye inango mbeu yagwera pa mataka adidi. Mbeu yeneyo yakula mbibulusa misapho cikwi kupita pikhadabzwaliwa." Yezu alonga tenepa kuna anthu, "ule anamakutu akubva, mbabve." Anthu azindji abva cithankano ici mbwenye anthu adapibvesesa pyadidi tayi. Iwe wapibvesesa?
Cipangizo 21: Mbeu Mbikula
![Cipangizo 21: Mbeu Mbikula](https://static.globalrecordings.net/300x200/lll7-21.jpg)
Luka 8:9-10
Anyakupfundza a Yezu amubvundzisa cisalongerandji citankano ceneci, Yezu mbatawira tenepa, "Mbeu ndi fala ya Mulungu. Ile idagwera pandjira ndiwo ale anabva, mbwenye asabwera diyabo mbabulusa fala muntima mwao kuti aleke kutawira mbaleka kupulumuswa. Ile idagwela pa myala ndi ale asatambira fala, tenepo asatawira pa ndzidzi ungono, mbwenye pandzidzi wakuleserwa asataiyka. Mbeu pakati pa minga ndi ale anatawira mbatambira Fala pa ndzidzi ungono, mbwenye asadzalasiwa na macitiro na ufumi wa padziko, natenepo iyo idambara cipatso tayi. Tenepo mataka adidi ndi ale anatambira Fala mbabala cipatso cadidi." Axamwali, munabva tani mbumutambira Fala ya Mulungu? Penu munakhonda fala kukhonda bvera Fala, mbumutayka? Penu munati mutambire Fala mungamala mbumucita mabasa anakhomerwa na Mulungu?
Cipangizo 22: Kuphedzwa Kwa Munthu Wakupheka
![Cipangizo 22: Kuphedzwa Kwa Munthu Wakupheka](https://static.globalrecordings.net/300x200/lll7-22.jpg)
Luka 10:25-37
Tinakhala tani na cikhulupiriro kuti tinapulumuswa ku upulumuki wa kwenda na kwenda? Malemba asatipfundzisa kuti tifune Mulungu na anthu. Mbwenye mbani anthu anewo anafuna ife kuafuna? Yezu alonga cithankano thangwi ya mamuna akhali pa ulendo munseu wakukhonda kufambwa ntsiku zonsene,mbamenya namaphanga. Mbambera pyonsene pikhali na iye, mbansiya mbafuna kufa.amuna awiri anyakuphembera apita na penepo. Mbodzi na mbodzi wa iwo amuona mamuna wakupheka mbwenye adafuna kumphedza tayi. Tenepo mbadzakabwera mufambi pyace wakukhonda kuphembera. Iye ambvera ntsisi mamuna. Iye ansasanya pironda pyace. Pidamala iye ankwata mamuna wakupheka paburo yace mbaenda na iye kumbuto yakukondja kweneko ndiko kudadzaphedzwa iye pikulu. Yezu alonga kuti tingafuna Mulungu Pisafunikambo kuti tipangize kufuna anthu onsene anaoneka panyatwa.
Cipangizo 23: Mwaniciro Nyumba Mbabwerera
![Cipangizo 23: Mwaniciro Nyumba Mbabwerera](https://static.globalrecordings.net/300x200/lll7-23.jpg)
Luka 12:35-48
Musanyerezera kuti Yezu adzakabwerera mbakhala m'maso pakumala kufa kwace? Anthu azindji amuona mbasati kubwerera kuzulu. Mbwenye Yezu alonga kuti anabwerera pontho. Natenepo Yezu alonga kuti mbatikhaleni ninga anyabasa analanganira kubwerera kwa mwaniciro. Ife nkhambe kudziwa tayi ntsiku inafuna iye kumbwera Yezu Mbuya. Tisafunika tiphate basa kuti tikhale akusasanyira, timutambire pa dzidzi unabwera iye. Tenepo Iye andzasasanya phwando ikulu kwa ife tonsene, unadzakhala ndzidzi wa kukomerwa kukulu.
Yezu alongambo kuti ale ali asogoleri anyabasa ace asafunika kuti akhale akusasanyira. Penu asasogolera pyadidi nyumba ya Mulungu, mbaonerera pyadidi mabicu ace, anadzatambira moni ukulu. Mbwenye anacita pyakuipa mabicu, mbakhala wakuledzera, Tenepo kuthabuswa kwawo kunati kukhale kukulu.
Cipangizo 24: Mamuna Padzulu Pa Muti
![Cipangizo 24: Mamuna Padzulu Pa Muti](https://static.globalrecordings.net/300x200/lll7-24.jpg)
Luka 19:1-10
Yezu anakoza kupulumusa munthu onsene. Bveserani pyadidi! Zakeu akhali nyafuma nyakukumbusa misonkho mbakhaba kobiri za anango. Iye akhafuna kuona Yezu, mbwenye akhali wakubvira mbwenye pakakhala na mwindji ukulu. Tenepo Zakeu akwira m'muti. Yezu pikhapita iye alangana kuzulu mbalonga, "Zakeu citha, thangwi lero ndinati ndikhale kunyumba kwako." Anthu akhala akututumuka thangwi Zakeu akhali munthu wakuipa. Mbwenye Zakeu acitha mbatambira Yezu nakukomerwa kukulu. Iye alonga kwa Yezu kuti anatawira kuna iye mbasiya pyakuipa, mbacinja makhaliro ace. Yezu alonga, "Lero upulumuki wafika pa nyumba ino." Thangwi Yezu abwera kasaka na kupulumusa munthu onsene adataika kwa Mulungu.