unfoldingWord 33 - Buhchi Thehtu Tehkhin Thu
![unfoldingWord 33 - Buhchi Thehtu Tehkhin Thu](https://static.globalrecordings.net/300x200/z40_Mt_13_01.jpg)
เค้าโครง: Matthew 13:1-23; Mark 4:1-20; Luke 8:4-15
รหัสบทความ: 1233
ภาษา: Mizo
ผู้ฟัง: General
เป้าหมายของสื่อบันทึกเสียง: Evangelism; Teaching
Features: Bible Stories; Paraphrase Scripture
สถานะ: Approved
บทความเป็นแนวทางพื้นฐานสำหรับการแปลและบันทึกเสียงภาษาอื่นๆ ควรดัดแปลงตามความจำเป็นเพื่อให้เข้าใจและเหมาะสมกับวัฒนธรรมและภาษาแต่ละภาษา คำศัพท์และแนวคิดบางคำที่ใช้อาจต้องอธิบายเพิ่มเติม หรือแทนที่ หรือตัดออก
เนื้อหาบทความ
![](https://static.globalrecordings.net/300x200/z40_Mt_13_06.jpg)
Ni khat chu, Isuan mipui tam tak te chu dîl kam hnaihah a zirtîr a. Tichuan, a thu ngaithla tûrin mi ṭhahnem tak an rawn kal avangin, an hnêna thu a sawina tûra hmun thawl tawk a awm theihnan Isua chu dîl kamah lawngah a chuang ta a. Lawnga ṭhuin mipuite chu a zirtir ta a.
![](https://static.globalrecordings.net/300x200/z40_Mt_13_01.jpg)
Isuan an hnênah he tehkhin thu hi a sawi a. “Buh chi thehtu buhchi thehin a feh a. A theh laiin a thên kawng dungah a tla a, savaten an rawn tlan zo ta a.”
![](https://static.globalrecordings.net/300x200/z42_Lk_08_02a.jpg)
“A ṭhen pialtlep lei pan hmunah a tlâ a, a ṭo ta nghal a, nimahsela, lei chhungah zung a kâi thuk thei lova. Ni a lo tlangsan a, a lo lumin, em vuaiin a awm a, a rawp ta mai a.”
![](https://static.globalrecordings.net/300x200/z42_Lk_08_03a.jpg)
“A ṭhên hnim hlingnei zîngah a tla a. An ṭo ta mai a, nimahsela, hlîngte chuan a dipral ta a. Tichuan, hnim hlîngnei zînga ṭo te chuan rah reng a chhuah ta lo va.”
![](https://static.globalrecordings.net/300x200/z42_Lk_08_04.jpg)
“A ṭhen lei ṭhaa a tla a. A rawn ṭhang lian a, a leh sawmthum te, a leh sawmruk te, emaw a leh za te hialin a lo rah ta a. Tupawh beng nei chuan hre rawh se,” a ti a.
![](https://static.globalrecordings.net/300x200/z42_Lk_08_05.jpg)
He tehkhin thu hian zirtîrte a tibuai hle a. Tichuan, Isuan a hrilhfiah ta a, “Buh chî chu Pathian thu hi a ni. Kawng dunga thu thehnate chu Pathian thu hretûte hi an ni, nimahsela, a awmzia an hrethiam lova, Diabolan an thû hriat chu a laksak ta a.”
![](https://static.globalrecordings.net/300x200/z41_Mk_10_12.jpg)
“Pialtlep chunga thu thehnate chu Pathian thu hriaa lawm taka pawmtute hi an ni. Nimahsela, harsatna leh tihduhdahna an tawhin an tlu mai thin.”
![](https://static.globalrecordings.net/300x200/z41_Mk_04_06.jpg)
“Hnimhlingnei zinga thû thehnate chu Pathian thû hretûte an ni a, nimahsela, hun a lo inher a, damchhung khawsak lungkhamna te, hausakna te, nawmsakna te chuan Pathian an hmangaihna chu a dîp ta a. Zirtîrna an hriat chuan rah rêng a chhuah lova.”
![](https://static.globalrecordings.net/300x200/z42_Lk_06_14.jpg)
Nimahsela, lei ṭhaa thu thehnate chu Pathian thû hria a, ring a, rahchhuahtute chu an ni,”a ti a.