unfoldingWord 33 - Buhchi Thehtu Tehkhin Thu
![unfoldingWord 33 - Buhchi Thehtu Tehkhin Thu](https://static.globalrecordings.net/300x200/z40_Mt_13_01.jpg)
Περίγραμμα: Matthew 13:1-23; Mark 4:1-20; Luke 8:4-15
Αριθμός σεναρίου: 1233
Γλώσσα: Mizo
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z40_Mt_13_06.jpg)
Ni khat chu, Isuan mipui tam tak te chu dîl kam hnaihah a zirtîr a. Tichuan, a thu ngaithla tûrin mi ṭhahnem tak an rawn kal avangin, an hnêna thu a sawina tûra hmun thawl tawk a awm theihnan Isua chu dîl kamah lawngah a chuang ta a. Lawnga ṭhuin mipuite chu a zirtir ta a.
![](https://static.globalrecordings.net/300x200/z40_Mt_13_01.jpg)
Isuan an hnênah he tehkhin thu hi a sawi a. “Buh chi thehtu buhchi thehin a feh a. A theh laiin a thên kawng dungah a tla a, savaten an rawn tlan zo ta a.”
![](https://static.globalrecordings.net/300x200/z42_Lk_08_02a.jpg)
“A ṭhen pialtlep lei pan hmunah a tlâ a, a ṭo ta nghal a, nimahsela, lei chhungah zung a kâi thuk thei lova. Ni a lo tlangsan a, a lo lumin, em vuaiin a awm a, a rawp ta mai a.”
![](https://static.globalrecordings.net/300x200/z42_Lk_08_03a.jpg)
“A ṭhên hnim hlingnei zîngah a tla a. An ṭo ta mai a, nimahsela, hlîngte chuan a dipral ta a. Tichuan, hnim hlîngnei zînga ṭo te chuan rah reng a chhuah ta lo va.”
![](https://static.globalrecordings.net/300x200/z42_Lk_08_04.jpg)
“A ṭhen lei ṭhaa a tla a. A rawn ṭhang lian a, a leh sawmthum te, a leh sawmruk te, emaw a leh za te hialin a lo rah ta a. Tupawh beng nei chuan hre rawh se,” a ti a.
![](https://static.globalrecordings.net/300x200/z42_Lk_08_05.jpg)
He tehkhin thu hian zirtîrte a tibuai hle a. Tichuan, Isuan a hrilhfiah ta a, “Buh chî chu Pathian thu hi a ni. Kawng dunga thu thehnate chu Pathian thu hretûte hi an ni, nimahsela, a awmzia an hrethiam lova, Diabolan an thû hriat chu a laksak ta a.”
![](https://static.globalrecordings.net/300x200/z41_Mk_10_12.jpg)
“Pialtlep chunga thu thehnate chu Pathian thu hriaa lawm taka pawmtute hi an ni. Nimahsela, harsatna leh tihduhdahna an tawhin an tlu mai thin.”
![](https://static.globalrecordings.net/300x200/z41_Mk_04_06.jpg)
“Hnimhlingnei zinga thû thehnate chu Pathian thû hretûte an ni a, nimahsela, hun a lo inher a, damchhung khawsak lungkhamna te, hausakna te, nawmsakna te chuan Pathian an hmangaihna chu a dîp ta a. Zirtîrna an hriat chuan rah rêng a chhuah lova.”
![](https://static.globalrecordings.net/300x200/z42_Lk_06_14.jpg)
Nimahsela, lei ṭhaa thu thehnate chu Pathian thû hria a, ring a, rahchhuahtute chu an ni,”a ti a.