Good News
Outline: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.
Script Number: 395
Language: Dhimba
Theme: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)
Audience: General
Purpose: Evangelism
Features: Monolog; Bible Stories; Extensive Scripture
Status: Approved
Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.
Script Text
Etwalomo
Okuyuhala
Ngatu teeleleßi pamo ondaka hendji ombwa. Taleßi membo lyomathano henga ngae li membo, ße mu teelele nawa. Awa teelele nawa omupopyo mbu, okutya vandula ethano ekwawo membo hemu.
1: Pomautilo
Pomautilo Kalunga oye a li ko vala. Kalunga wa uta ouye, ye ha twaa ko omitungatelo vyokutungatela, mokonda apehe pa li vala eÿiku. Wa yapula otjiteßi meÿiku. Ngahi u tji lwete methano lyolutenga, wa yapula omeva okohi momeva okeulu. Omeva opohi a ninga omilonga nomalunga, omeva opeulu ongatu mona momakaka. Thipalukeßi okutya ombula i dha momakaka. Kalunga wa twaa po etango okutungatela omutenya, nomwedhi okutungatela ouÿiku. Kalunga omuwa. Wa undapa ovipuka avihe, ye u tumina ovipuka avihe.
2: Kalunga ma popi
Embo ndii li methano mu, li tiwa Ombimbeli. Ombimbeli ondaka yaKalunga, i tu heela ouhunga naKalunga nouhunga nondjila yaKalunga. Ondaka yaKalunga oyo i li otjili. Ovipuka mbika mbimu yuvite napano, avihe vya dha mOmbimbeli.
3: Euto
Kalunga wa uta ovipuka avihe nondaka ye oviwa. Wa tunga ohi nodhondundu, elunga nomilonga. Wa uta ovipuka avihe vyomwenyo, novidhila novinamwenyo avihe.
4: Adam naEva
Kalunga hiaa dhi mpoka wa uta uke omuntu wolutenga nguu tiwa oAdam. Koßima Kalunga wa uta uke omukadhintu nguu tiwa oEva. Kalunga wa yandja odhonkono komulumentu okutumina ovipuka avihe mbyoka mbyaa undapa kombanda yohi.
Adam naEva va li omapanga aKalunga, nahi u popya kumo nawo motjana moka muva kala. Kalunga we ve pa outhemba okulya ovinyango avihe, kakele vala kovinyango vyokomuti mbwaa li pokati kotjana. Methano ndika lyokokumbinda mu lwete ovantu mboka hihava itavelele kehalo lyaKalunga, hiva lya ovinyango vyokomuti mboka mbuva tjaelwa. Ovantu mboka va lundha, okutya ekambulathano lyawo kumo naKalunga lya teka. Ethano lyokokulyo mali yulike Kalunga hiaa yumaneka Adam naEva, hiee ve lamba mo motjana moka. Potembu ndjoka va tjaelwa okulya ovinyango avihe vyomotjana, wo va li ave na okuundapa noudheu opo ve tjiiwe okumona ovikulya. Okudha mpoka va mona oviihamo, omauvela neÿo.
5: Kain naAbel
Adam naEva va li nodhondele vavali ovadhantu, umo u tiwa oKain nomukwawo u tiwa oAbel.
Kain wa li nonki naAbel, okutya etango limo he mu dhipaa. Kalunga wa yumaneka Kain mena lyonkali ndjoka ndjaa undapa, ngahi a yumaneka Adam naEva. Ovantu avehe oluyumuko lwa Adam naEva, iya nÿe atuhe wo twa lundha. Onkali ya itha omuntu puKalunga. Nÿe atuhe twa thele okuyumanekwa mena lyodhonkali dhetu.
6: Ondjuwowato yaNoa
Odhombula odhingi ndhaa ka pita omaluyumuko nomaluyumuko a kala amaa lundha. Okulundha kwovantu kwa kala okußingi unene, okutya Kalunga otjo a tokola oku ve haßauna po nomeva omengi ngoka ngaa li amaa pupu. Kwa li omulumentu umo vala ngoka ngwaa li ae hole, ye nguu tyaa kuKalunga, nguu tiwa oNoa. Kalunga wa heela Noa a tunge ondjuwowato onene moka mwaa thele okukala nonganda ye, a hupithwe. Noa wa kala ama teetha ouvyuuki waKalunga odhombula adhihe ndhoka tainkolo a li ama tungu ondjuwowato ndjoka. Ovantu kava li amava hala okwiitavela elondolo lyaKalunga, okutya otjo va pa oßima kuKalunga, hava twikile okuundapa odhondjila dhawo, ahamava hupithwa kethundja lyomeva.
7: Ethundja
Ondjuwowato hiya pu, Noa wa twaa ovidhila novithitu novipuka avihe mbii kala kombanda yohi, he vi twaa mondjuwowato ngaKalunga hiee mu heela. Noa nomukadhe novana ovadhantu vatatu novakadhintu wovana va ya mondjuwowato ndjoka. Kalunga wa yedhila omuvelo. Kalunga wa tuma ombula onene, omeva okudha mohi, ethundja hali kungulula ohi aihe. Kapa li uke oluvedhe lwomuntu okutya a hupithwe. ONoa vala nomukadhe noluyumuko lwawo mbava hupila mondjuwowato, owo va hupithwa vala, masi ovantu avehe mbava li kotjila tjondjuwowato, va ya nomeva. Noa wa hupithwa mena lyokutya wa itavela muKalunga, ye ha ningi ngahi a heelwa kuKalunga.
8: Abraham, Sara naIsak
Omeva ethundja a tena, iya koßima yodhombula odhingi oluyumuko lwaNoa lwa ninga oviwaßa ovingi. Umo owomoluyumuko hendu wa li omulumentu nguu tiwa oAbraham, ngoka ngwaa li ae hole, ye nguu tyaa kuKalunga. Kalunga wa ußikila Abraham okutya oluyumuko lwe malu ka kala otjiwaßa otjinene. Abraham nomukadhe Sara kava li nodhondele, atjaa Abraham wa itavela eußiko hendi lyaKalunga. Ethano hendi mali yulike okutya, wo va li nomuna omudhantu ngwaa ka yumukwa moukulupe wawo, have mu luku Isak.
9: Moses noveta yaKalunga
Kalunga ngahi a ußikila Abraham, Isak wa ka kala noluyumuko olußingi. Va ka ninga otjiwaßa otjinene hitji tiwa oIsrael. Umo owomotjiwaßa tjOvaisraeli u tiwa oMoses. Moses wa itavelele, ha landula ehalo lyaKalunga. Etango limo Kalunga wa ithanena Moses kondundu hwee mu pela oveta, e ke i longe ovantu.
Ethano ndika mali yulike Moses hima heluka kondundu ae na odhoveta ndhoka dhaKalunga ndhaa sonekelwa mewe. Kalunga ma hala ovantu avehe va itavele ovitumino vye.
10: Ovitumino omulongo
Mpaka pe na ovitumino vimo mbyoka Kalunga mbyaa yandja kuMoses. Mavi tu longo okukala atu hole Kalunga, nÿe tu mu itavele nguu li Kalunga omunamwenyo.
Omathano opomautilo peulu kokumbinda twa mono okutya katwa thele okuundapela ovikalunga ne omathano ovithitu ne ovipuka vimo. Twa thele okuundapela Kalunga ka tjili.
Ethano ndimali landula, mu na ihe naina nodhondele mboka mbamava undapele Kalunga. Ovantu avehe mbava itavela Kalunga etango limo lyomotjivike va thele okuundapela Kalunga. Odhondele va thele okutyaa nokutumbaleka ovanene vawo.
Methano hendi olyopohi lyokokumbinda, oveta yaKalunga mai tyaa: Hátu dhipaa. Ethano ndimali landula, matu heelwa okutya hátu i movihulo. Methano lyathiinina matu heelwa okutya hátu vaka ne hátu itha po otjipuka hihatji thi otjetu.
11: Eyambo lyodhonkali
Kalunga u yumaneka mbahava tee. Omuntu aa lundha kuKalunga potembu yaMoses, aha itavelele ovitumino vyaKalunga, u tha okuyamba eyambo lyondjona. Ondjona i tha okudhipawa, opo i ya polukalo lwangwaa lundha. Ondjona ya li etangaßeko lyOmunwaKalunga ngoka nguu li Muhona Jesus Kristus. Jesus we ya, he tu ÿile, a kale eyambo kuKalunga mena lyovantu avehe mouye. Kalunga wa kala nontanto yokutuma Omuna mouye, a hupithe ovantu avehe modhonkono nometumino lyeÿo nolyodhonkali. Momathano ngamaa landula matu ke lilonga otjingi.
12: Omweengeli naMaria naJosef
Pa pita odhombula odhingi koßima yaMoses, Jesus ha yumukwa. Kalunga lukulu wa udhika okutuma omuhupithi. Methano hendi lyokokumbinda mu lwete omweengeli ngoka ngwaa dha meulu heya komuthukona nguu tiwa oMaria. Maria wa li omuthukona wongendjo, ngoka ngwaa nepelwe olukupo kuJosef. Omweengeli wa heela Maria ha tyaa: <
Ena Jesus mali tya omuhupithi. Josef wa itavela muKalunga, ye ka lalele naMaria katee a mono ondele omudhantu.
13: Okuyumukwa kwaJesus
Josef naMaria va ile kouyenda kondolopa ndjii tiwa oBetlehem. Tainkolo va li hoka, Maria we livelipa okapepe hoka, haa luka Jesus, he ke laleke momutemba mumu lila ovipako, mokonda kava mwene olukalo mondjuwo yovayenda. Ouÿiku watjo vala mboka omweengeli wa hololokela ovalumentu ovaÿita mboka mbava li ama yungu ovipako vyawo mokuti. We ve heela okuyumukwa kwaJesus muBetlehem.
Iya koßima ovaengeli ovengi ve liholololela ovaÿita, hava imbi, wo hava tumbaleke Kalunga. Ovaÿita va kanyauka, va ka tale Omuhupithi Jesus.
14: Jesus ongomulongethi
Jesus wa kula monkalelo ombwa kotjipala tjaKalunga. Methano ndyoka lyokokumbinda tu lwete Jesus tainkolo aa li nodhombula omulongo nambali. Wa li ama popi ouhunga naKalunga pamo novalongethi novaviyuli ovanene wotjiwana tjaIsrael noku ve teelela noku ve pula. Wo va li ave kumwa kodhondunge dhe odhingi ouhunga naKalunga. Ethano etyavali mali yulike Jesus hiaa kulu, hiaa ile omulumentu omunene, hiaa utu okulonga ovantu ouhunga naKalunga. Ovantu vamo va itavela elongo hendi lyaJesus, wo have mu itavele. Ovantu vamo kave mu itavelele, ve mu kondjetha.
15: Ovilingakumithi vyaJesus
Omathano ngaka maa yulike odhonkono odhonene, Kalunga Ihe ngwaa yandja Jesus okuundapa ovilingakumithi. Methano hendi lyokokumbinda Jesus wa ÿißa omulumentu ngoka ngwaa yumukwa omupoÿi. Koßima Jesus hiaa ÿißi omulumentu ngoka, ye we ku mona. Ethano lyopokati mali yulike Jesus hiaa imuna omuÿe, ha kala nomwenyo, ihe naina va li ava kulama mpoka amava talele. Ethano ndyoka lyokokulyo tu lwete Jesus hiaa li ama ende kombanda yomeva, ama i kovalongwa ve mboka mbava li mowato yawo. Muhona Jesus wa undapa ovilingakumithi ngahi tji li hembi mbimavi yulike okutya ye wa li OmunwaKalunga tjili.
16: Jesus ma tatethwa
Owingi wovantu wa landula Jesus. Jesus wa li omuntu omuwa. Wa velula ovavedhi, wa longa ovantu ondjila yaKalunga . We ya okuhupitha ovantu ovalundhi mbava keka, nandaku tiwa ovantu mboka ovavi va kala ave yele Jesus, unene tuu ama popi nawo ouhunga nodhonkali dhawo. Ovantu wodhongeleka novaviyuli wodhopolotika kava itavelele okutya Jesus OmunwaKalunga. Ve mu kambulitha, have mu kuminine, have mu tonetha. Ovakwavita ve mu dhaleka ohala yomakuya komutwe we, have mu kambele omate, have mu penye. Jesus ke ve tjußinine ouvi. Wa li ae tji i okutya hika me ke tji ningilwa. Wa yetha ovantu mboka ovavi, ve mu ninge navi, wo ve mu dhipae. Wa kala ae tji i okutya we ya okuÿa, a kale eyambo kuKalunga. Pankalelo hendji otjo a tjinda oluyuma aluhe mena lyodhonkali dhovantu.
17: Jesus ma dhipawa
Muhona Jesus wa papelwa komuti mbwaa tjaakana. Omutjaakano wa dhikilwe meheke, Jesus oko a yendjelelekwa, tee a ÿi. Odhompuhi mbali nadho wo dha papelwa komitjaakano pamo naJesus. Potembu ndjoka otjo tja li onkalelo ne ondjila ndjii endwa nayo okudhipaa ondhompuhi. Iya Jesus ke na tjimo hiaa undapele, hitja puka. Ye wa li omuvyuuki. Iya ye wa ninga eyambo, a thute odhonkali dhovantu avehe. Ovantu avehe va lundha, wo va thele okuÿila odhonkali dhawo. Jesus wa tambula oluyuma hendu, nÿe atuhe ndutwa thele okupewa.
Andaa matu hipulula odhonkali dhetu, hatu itavele muJesus, Kalunga me tu ithile po odhonkali dhetu, he tu koho kodhonkali dhetu. Me tu pa odhonkono tu yethe odhonkali dhetu. Itavela muMuhona Jesus Kristus, ove u hupithwe.
18: Eimuko kouÿe
Odhondjedhi dhaJesus dha li amadhi lipula okutya Jesus dhe mu haßauna po. Koßima Jesus hiaa ÿi komutjaakano, omapanga e e mu paka mombila ndjaa hokwa mewe. Va yedhila ombila newe enene. Ovaviyuli wodhopolotika va yandja ovayungi va twee otjilimbo kewe, wo va yunge ombila. Hipa piti omatango avali, etango etyatatu Jesus wa imuka kouÿe. Ovakadhintu vamo hive ya pombila, va mona okutya ewe lya alangatethwa po, naJesus ke mo, wa dhi mo. Ovaengeli vavali mbava li mpoka, va heela ovakadhintu hava tyaa: Jesus u na omwenyo. Ovaengeli va popya hava tyaa: <
Iya Jesus hiaa imuka kouÿe, we liyulika otjili okutya ye oKalunga, ye u na odhonkono okupoßa Satana neÿo.
19: Okwiitavela kwaTomas
Koßima yokwiimuka kwaJesus kouÿe, omapanga e omengi e mu mona. Wo va popya naye, va lyawo uke pamo naye.
Tomas ngoka epanga lyaJesus owomovalongwa vaJesus, kaa li aa itavele okutya Jesus wa imuka kouÿe. Tomas we ve heela ha tyaa: <
20: Okuya meulu
Moule womatango omilongo vine Jesus hiaa imuka kouÿe, we liholololela ovantu ovikando ovingi. Iya Jesus wa li ae, ae lilongekedha okutjuna kuIhe. Wa mana otjilinga soka hiee ya okuundapa. Jesus wa heela ovalongwa ve va heele omuntu kese ouhunga nondaka hendji ombwa. Ovalongwa ve va tala Jesus hima i okudha kombanda yohi, hima i meulu.
Ovaengeli vavali ve ya, hava heele ovalongwa okutya etango limo Jesus ma ka tjuna okudha meulu, he ya kombanda yohi ngahi ve mu mona hima i. Etango ndyoka tainkolo háliye ya, Jesus ma ka kala vala meulu. Ye ma ka longekedha olukalo mpoka mpama ka kala pamo namboka avehe mbave mu itavela. Wa itavela, mo landula Jesus? We lilongekedha okuwanena naye?
21: Omutjaakano
Ngatu lipule okutya omena lyatji Jesus wa thele okuÿa komutjaakano. Jesus wa ÿa opo a hupithe ovalundhi komaluyuma odhonkali dhawo. Koneka okutya ombindhi yaJesus Kristus OmunwaKalunga, i itha po odhonkali dhetu adhihe.
Jesus ka yonene nokoholo, iya ye wa ÿa opo a ithe po odhonkali dhetu adhihe ndhoka ndhee tu itha kumo naKalunga. Omutjaakano mau tu thipalukitha okutya Jesus ondjona yaKalunga, ke na tja okatodhi, we liyambela nÿe. Andaa twa itavele muJesus, hatu liteyulula, hatu yetha odhonkali dhetu, odhonkali dhetu madhi ithwa po kuKalunga. Jesus me tu ningi odhondele dhaKalunga. Jesus ma ningi nawa oupanga wetu naKalunga mbwaa teka po. Omathano ngamaa landula maa ulu oku ku popila, u tyee okutya okukala omwiitaveli watjili matji tya vi.
22: Odhondjila mbali
Jesus wa longa ovantu okutya onkalamwenyo mai ulu okuyelekwa nodhondjila mbali.
Omuntu kese okudha ketango lyokuyumukwa kwe u li mondjila ndjaa handjana yodhonkali ndjoka ndjimai twala momulilo waapehe. Nÿe atuhe pauntjitwe tuvalundhi, twa pingana odhonkali hendhi kuAdam.
Matu ulu okutokola tu yethe ondjila hendji ndjimai twala kouvi, tu ende nondjila hendji ndjimai tu twala kuKalunga meulu. Andaa omuntu wa itavela muJesus, ye he mu landula, ma pewa omwenyo waapehe. Awa yetha ondjila ndjoka onene ndjaa handjana, ho landula ondjila ndjoka ndjaa thißa, mai ku twala meulu. Ovantu mboka mbamava landula okandjila haka thißa, kaava ka koywa.
23: Odhondele dhaKalunga
Jesus ma tambula ovantu avehe okudha moviwaßa avihe nomomalaka aehe. Avehe mbave mu itavela va ithanwa odhondele dhaKalunga. Ovaitaveli ve li mondjila ndjaa thißa, ndjii twala meulu. Ovantu vaKalunga va ngala omuhoko umo, avehe va wanenena muMuhona Jesus.
24: Okuyumukululwa
Jesus tainkolo a li kombanda yohi, omulongethi wodhondaka dhaKalunga umo nguu tiwa oNikodemus, we ya puJesus ouÿiku okulilonga otjingi ouhunga naKalunga. Jesus wa heela Nikodemus, okutya ngoka nguma hala okukala omuntu waKalunga, ma hepa omwenyo omupe. Ma ngala omuntu nguma yumukululwa uke.
Nÿe katu na tja odhonkono dhokulipilulula munÿe ovene. Ombepo Ondhilikwa yaKalunga mai tu pa omwenyo omupe, andaa nÿe ovene twa tokola okwiitavela muJesus noku mu landula. Iya okudha mpoka matu ningi ovantu ovape, ovantu vaKalunga.
25: Okuya kwOmbepo Ondhilikwa
Ovantu mbaka va li ovalongwa vaJesus. Tainkolo Jesus héya twalwa meulu ovantu mboka mbave mu itavela we ve udhikila oku ve tumina Ombepo Ondhilikwa. Koßima yomatango omulongo Jesus hiaa i meulu, ovalongwa mboka va li ava ongana pamo polukalo lumo. Dhivadhiva Ombepo Ondhilikwa yaKalunga ye ya, hai yula muwo avehe ngahi e ve udhikila.
Ovantu mbaka va pewa ounongo wokupopya omalaka ngae lili okuheela ovantu ouhunga wovipuka ovikumithi mbyoka Kalunga mbyee ve ningila.
Ombepo yaKalunga i kala movaitaveli avehe vatjili nomovalanduli vaJesus. Ombepo Ondhilikwa ye ve longa hiva thele okukala, va kale ave hole, wo va itavele Jesus.
26: Endeßi motjiteßi
Omuntu tainkolo héya itavela Jesus, u ngala omulumentu hengu nguu li methano hendi lyokokulyo, omuntu nguka ma ende meÿiku. U enda ama pungauka, otwingi u wila moudheu mokonda kape na otjiteßi himatji mu tungatele. Iya andaa twe liußika muMuhona Jesus, matu ngala omuntu ngoka nguma ende mondjila yotjiteßi.
Jesus wa popya ha tyaa: <
27: Okwiitavela kodhondaka dhaKalunga
Omwiitaveli ngwaa itavela muJesus Kristus, omuntu omupe ngu tyaa kodhondaka dhaKalunga.
Omuntu u na olupandu kuKalunga mena lyokutya wa ithilwa po odhonkali dhe. Omwiitaveli ka i movihulo, hamuntu wokulwaalwaa nokutanguna, hatjimpulu, ye hamuntu ngoka nguu undapela ovikalunga ne odhombepo dhovilulu. Ombepo Ondhilikwa i popila omwiitaveli a yethe odhondjila odhombi, ye a undape ouwa.
28: Onganda yovakriste
Tala konganda hendji. Wo va enda mondjila yaKalunga. Omulumentu u hole omukadhintu we, nomukadhintu wa tumbaleka omulumentu we ngodhondaka dhaKalunga himadhi popi. Ve lipopila, wo have lipa omatha, hava longo odhondele dhawo okukala ave hole Kalunga, wo ve lilonge odhondaka dhaKalunga, wo ve dhi itavele. Ovakriste monganda yawo va kumba pamo, wo hava undapele Kalunga.
29: Kala au hole odhondjedhi dhoye
Jesus wa longa ovalongwa ve va kale ave hole ovantu avehe nodhondjedhi dhawo wo.
Nÿe twa thele okupopila omuntu kese mompumbwe ye, novantu wo woviwaßa mbii lili. Jesus wa hipulula okahipululo hamaka popi ouhunga nomulumentu ngwaa tonenwe, ha nyekwa ovipuka vye kodhombotjotjo. Omulumentu umo womotjiwaßa tjimo wa vadha omweendanandjila aa ihamekwa navi mondjila.
Wa popila, ha ningi nawa omuntu ngoka ngwaa ihamekwa mena lyokutya wa li ama hepwa okupopilwa. Ka pulile othuto, ye ke mu popilile uke mena lyotjipuka tjimo. Jesus wa tya nanÿe twa thele wo okuundapa ovipuka oviwa ngahembi.
30: Jesus omunamatha
Ovantu mbaka mava hike po ovikalunga nomiti vyawo vyoumpule avihe. Tainkolo háveya ninga ovalanduli vaJesus, va li ava itavela movipuka mbyoka. Ovakriste ovaitaveli avehe va thele okukala ava yetha ovipuka avihe mbyoka vyaSatana novyodhombepo odhombi. Muhona omunamatha okupoßa Satana nokupoßa uke odhombepo odhombi novikalunga. Nÿe ovaitaveli katu tha okutila Satana. Nÿe twa itavela muKalunga, me tu popile, me tu amene, ye me tu velula. Nÿe twa thele okuliußika muye movipuka avihe.
31: Okulamba mo odhombepo odhombi
Methano muka tu lwete omulumentu ngwaa li nodhombepo odhombi. Kaa li ama ulu okukutwa nodhongodhi ne nomalyenge mena lyokutya odhombepo ndhaa li muye, dha li nodhonkono unene. Jesus wa heela odhombepo odhombi dhi dhe mo momulumentu hengu.
Odhombepo odhombi dha itavela kuJesus ngwaa li nodhonkono okupoßa Satana nodhondemoni dhaSatana. Omulumentu nguka wa kutuluka kodhombepo ndhoka odhombi, ha i, ha ka heela omapanga e soka hiaa ningilwa kuJesus.
Koneka okutya Jesus u na odhonkono okupoßa Satana, odhondeveli nokupoßa odhombepo adhihe odhombi. Amo ningwa navi kodhombepo odhombi, pula ovaitaveli ve ku kumbile. Ove mo ulu wo okukumba pamo nawo, pula omunadhonkono, Muhona Jesus Kristus, a te mo odhombepo ndhoka. Andaa omuntu wa kambulwa kombepo ne kodhombepo odhombi ma ulu okupula ovaitaveli ovakwawo ve mu kumbile. Mava ulu okupula Kalunga mena lyaJesus a i thepo odhombepo dhoka odhombi muye, ye a popye nadho, ahamadhi tjuna uke muye. Jesus u na odhonkono okukutulula omuntu kese ketumino lyaSatana nomonkalamwenyo ye.
32: Okulandula Jesus
Ethano ndika mali yulike omwiitaveli ngwaa tyolethwa okulandula Jesus. Satana u hala okutya tu dhimbe Kalunga, nÿe apehe tu kale amatu soko ovipuka hembi ngahi tji li: odhombongo, ovikutu, omakaya, ovikunwa novipuka ovikwawo mbii li ngahembi. Satana u tu heela okutya ovipuka hembi mavi tu hulukithwa. Iya Satana onkembi, ye u kondja oku tu heela ovithithi opo e tjiiwe oku tu teya po. Kalunga wa popya ha tyaa: <
Kalunga wa udhikila mbamave mu pula, e ve pe ovipuka oviwa. Andaa twe liußika muKalunga, nÿe hatu tee komuna Jesus, matu pewa odhonkono andaa twa lundha.
33: Andaa twa lundha
Etango limo Jesus wa hipulula okahipululo heha. Omulumentu umo omutanda wa thiaa po onganda, ha i kokule, ha ka undapa ovipuka ovivi. Omulumentu ngoka wa haßauna odhombongo dhaihe ndhoka ndhaa pewa, ha kala monkalamwenyo ombi. Odhombongo hidha pu po, motjilongo atjihe mwe ya ondjala, nomulumentu hengu wa ka kala omuthona, ye ha ka vadhwa kondjala onene.
Ye wa li a etetha onkenda mena lyokutya wa lundha, we lipula okutjuna ku ihe, e ke liyaye. Mena lyokutya ihe wa li ae mu hole unene, ye wa tambula omuna hengu monganda ye.
Okahipululo haka make tu yulikile okutya atwa lundha, matu ulu oku hipulula odhonkali dhetu. Andaa twe litwaa mo tjilitjili okuhipulula odhonkali dhetu, Kalunga me tu ithile po odhonkali dhetu, ye he tu tambula uke, tu tjune moukumo hembu naye omwene.
34: Ouvela
Mpaka omulumentu nomukadhintu va etetha onkenda. Owawo umo wa li ama vele unene. Ovantu vaKalunga va thele okuninga vi? Va thele okukumba kuMuhona, hava itavele okutya Kalunga me ve ningile ouwa.
Kalunga ma velula omuntu andaa ehalo lyaKalunga olyoku mu velula, ne me mu popile, a mone omiti omiwa. Kalunga u hole odhondele dhe, ye u na etumino okutumina avihe mbyoka mbimavi ningilwa odhondele dhe.
Kalunga ma amene omwiitaveli kuSatana. Iya nÿe katwa thele okutila Satana, iya twa thele okulißiunika muJesus ngoka ngume tu ÿile otjiho. Jesus u li pamo nanÿe, ye me tu pa ouwa oluvedhe aluhe ndutu li moudheu.
35: Eÿo
Nÿe atuhe tu tji i okutya etango limo matu ÿi. Iya matu ka ningwa vi? Omwiitaveli andaa wa ÿi, ombepo ye mai i kuMuhona Jesus Kristus. Ombimbeli ndjoka ndjii li ondaka yaKalunga, otjo mai tu heele nyahoka. Omapanga omuntu ngwaa ÿi, kava thele okweetetha onkenda. Ovaitaveli kava thele okutila eÿo mena lyokutya wo va iwa okutya Kalunga u ve hole, ye we ve hupitha kodhonkali dhawo. Mboka mbahamava itavele muJesus, kave na tja eliußiko lyomwenyo puKalunga koßima yeÿo. Mava i hoka humava ka yumanekelwa, huku tiwa okoheli. Ove awa ÿi, mo i pi?
36: Olutu lwaKristus
Mpaka tu lwete ovißepo vimo vyolutu lwomuntu. Otjißepo kese tjolutu tji na ovilinga vyatjo mbitji undapa. Eho olyokutala, okutwi okokutyaa, notjinyo otjokulya nokupopya. Ovißepo avihe vyolutu lwomuntu vi undapela kumo. Otjißepo tjimo amatji vele ne atja ihamethwa, okutya olutu aluhe malu ihama.
Ondaka yaKalunga mai tu longo okutya ovaitaveli va thele okuundapela kumo ngovißepo vyomuntu hivi undapela kumo (mbyoka mbii ithanwa okutya ongeleka). Jesus oye e li omutwe wolutu ndoka. Iya novakriste va thele okuundapela kumo ngahi tji li: okukumba, okuteetha, okulonga ouhunga novipuka vyaKalunga, okwiimba noku mu tanga, okuundapa nokutekula odhonganda dhawo, okuteleka ovikulya vyawo. Omuntu kese ma undapa otjilinga tje, ye ma undapele Muhona Jesus okupopila olutu lwaKristus apehe opo lu kale alwa kolo. Ovaitaveli avehe va thele okukala ave lihole nokuundapela kumo, olutu lwaKristus opo hálu mono ovihuna.
37: Okwoongana pamo
Ovaitaveli avehe va thele okwoongana otwingi va undapele Kalunga pamo. Twa thele okulilonga mOmbimbeli ndjoka ndjii li ondaka yaKalunga okwiimba omaimbilo nokukumba. Nÿe twa thele wo okweeta oviyandjwa vyovilinga vyaKalunga.
Mpaka tu lwete ovaitaveli vaKalunga himave liyandjele ovikulya nokunwa. Omboloto mai tu thipalukitha olutu lwaJesus ndoka ndwaa nyanyaunwa komutjaakano mena lyetu. Okunwa maku tu thipalukitha ombindhi yaJesus ndjaa tika, hai koho odhonkali dhetu, hai tu eta popedhi naKalunga. Jesus ma hala tu thipaluke eÿo lye opo tu tjiiwe okukala atu mu hole nomitima vyetu avihe.
38: Jesus me ya uke
Etango limo Jesus me ke ya ontukuluka okudha meulu ngahi e tji udhikile. Kalunga Ihe oye vala omwene e i etango ndyoka ndime ke ya.
Iya Jesus me ke ya okweeta ovantu avehe mboka mbave mu itavela tjili kombanda yohi, va ka kale naye. Ovaÿe avehe mava ka imunwa kouÿe, odhombila madhi ka kala vala adha yuhama.
Mboka mbamava ka vadhwa nomwenyo, mava ka ya naye. Ovaitaveli avehe mava ka wanena naMuhona Jesus, hava ka kala pamo naye apehe katee apehe. Mbahava itavelele, mave ke thiwa po opo va ka ye moudheu wokukoywa kuKalunga.
Nÿe katu tji i okutya Jesus ma tjuna nalußi, iya atjaa nÿe twa thele vala okukala apehe atwe lilongekedha oku mu kevelela. Ove we lilongekedha okuwanena naJesus nandaku tiwa ma tjuna ndino?
39: Okuma ovinyango
Methano muka ngahi tji li omuti wovinyango hiuu ma ovinyango, omukriste nga me ovinyango vyOmbepo Ondhilikwa. Jesus wa popya ha tyaa: <
Ovalanduli vaJesus va thele okuma ovinyango ovingi. Hika matji tumbaleketha Kalunga, omuhivilikwa wetu Tate owomeulu.
40: Okuhipululila ovantu
Ethano ndika mali yulike omwiitaveli nguu tyaa Jesus, ye nguu hipilulila ovakwawo ouhunga naJesus. Jesus wa heela ovakriste avehe, ovaitaveli, va ka heele ovakwawo elaka hendi ekumithi ouhunga naye okutyaa: Jesus wa ÿa komutjaakano, atjaa wa imuka kouÿe opo tu tjiiwe okuhupithwa modhonkali nomeÿo. Ombepo Ondhilikwa yaKalunga mai tu popile, tu kale odhombangi ouhunga naJesus Kristus. Iya mo ulu okuthitululila omapanga oye novantu ovakweßi soka ove hiwe lilongo membo hendi lyomathano.