unfoldingWord 11 - Yeyankanimi
เค้าโครง: Exodus 11:1-12:32
รหัสบทความ: 1211
ภาษา: Gadsup
ผู้ฟัง: General
เป้าหมายของสื่อบันทึกเสียง: Evangelism; Teaching
Features: Bible Stories; Paraphrase Scripture
สถานะ: Approved
บทความเป็นแนวทางพื้นฐานสำหรับการแปลและบันทึกเสียงภาษาอื่นๆ ควรดัดแปลงตามความจำเป็นเพื่อให้เข้าใจและเหมาะสมกับวัฒนธรรมและภาษาแต่ละภาษา คำศัพท์และแนวคิดบางคำที่ใช้อาจต้องอธิบายเพิ่มเติม หรือแทนที่ หรือตัดออก
เนื้อหาบทความ
Kocti Feron akacen temi, Israiliuc tiyinkanayac woko iye tiyinkewe, masicden Isipiuyic oc intauc namac yenyic tafurauc namaci yirontecumpe temi. Fero indemi, mini manam payanic uremi Koctin awayani iyen indemi.
Kocti ena ay uwicdemi wenkac yindum munkewayou yofaemi yenyic oc intauc iyen yiremoni. Micnonini mana mana ankun yeni awokuc sipisipi akaci ukacde arenoyo.
Kocti Israiliuc tiyimemi, sipisipi arurekaci wenic uwo iken yimac onakakac acdekaci wenic amac mandekac yunkarec yisti wac iyen wenim breti namac akakaec nekaci tesacoko, Isipi yererec winakomi.
Kocti uwarakowani tiyimeninic ureni Israiliuc macden anecnen uwareno. Nurampaci Kocti yemi macden Isipiuyic oc intauc yirumam pukemi.
Macden Israiliuc yimac onakac uwo acdukami Kocti mini makuc yeyankewani yeni ayum pawano, newarafi sipisipic uwon yemiyofa emi.
Isipiuc Koctimpac yindun iye munkeni wen awaya iyen indemi Kocti yen yimac iyen yeyan kemi. Kocti macden Isipiuyic oc intauc yirumam pukemi.
Isipiuc macden oc intauc dumintim weyou namac Feronic oc inta namac pukemi. Isipiuc ific deni anon umantin ukami wenoyo.
Ase ayufumi Fero, Mosesinuc Aronin kanda yararemi temi, akakaec Israiliuc yiwicmare Isipi yerere wono, macden Isipiuc yereni teni, akakec Israiliuc mana maku yererec woko teno.