unfoldingWord 11 - Yeyankanimi
Eskema: Exodus 11:1-12:32
Gidoi zenbakia: 1211
Hizkuntza: Gadsup
Publikoa: General
Helburua: Evangelism; Teaching
Features: Bible Stories; Paraphrase Scripture
Egoera: Approved
Gidoiak beste hizkuntzetara itzultzeko eta grabatzeko oinarrizko jarraibideak dira. Beharrezkoa den moduan egokitu behar dira kultura eta hizkuntza ezberdin bakoitzerako ulergarriak eta garrantzitsuak izan daitezen. Baliteke erabilitako termino eta kontzeptu batzuk azalpen gehiago behar izatea edo guztiz ordezkatu edo ezabatzea ere.
Gidoiaren Testua
Kocti Feron akacen temi, Israiliuc tiyinkanayac woko iye tiyinkewe, masicden Isipiuyic oc intauc namac yenyic tafurauc namaci yirontecumpe temi. Fero indemi, mini manam payanic uremi Koctin awayani iyen indemi.
Kocti ena ay uwicdemi wenkac yindum munkewayou yofaemi yenyic oc intauc iyen yiremoni. Micnonini mana mana ankun yeni awokuc sipisipi akaci ukacde arenoyo.
Kocti Israiliuc tiyimemi, sipisipi arurekaci wenic uwo iken yimac onakakac acdekaci wenic amac mandekac yunkarec yisti wac iyen wenim breti namac akakaec nekaci tesacoko, Isipi yererec winakomi.
Kocti uwarakowani tiyimeninic ureni Israiliuc macden anecnen uwareno. Nurampaci Kocti yemi macden Isipiuyic oc intauc yirumam pukemi.
Macden Israiliuc yimac onakac uwo acdukami Kocti mini makuc yeyankewani yeni ayum pawano, newarafi sipisipic uwon yemiyofa emi.
Isipiuc Koctimpac yindun iye munkeni wen awaya iyen indemi Kocti yen yimac iyen yeyan kemi. Kocti macden Isipiuyic oc intauc yirumam pukemi.
Isipiuc macden oc intauc dumintim weyou namac Feronic oc inta namac pukemi. Isipiuc ific deni anon umantin ukami wenoyo.
Ase ayufumi Fero, Mosesinuc Aronin kanda yararemi temi, akakaec Israiliuc yiwicmare Isipi yerere wono, macden Isipiuc yereni teni, akakec Israiliuc mana maku yererec woko teno.