Ovarerye Owiriyane Nave Okhalemo Livuru Opatchera 1

Ovarerye Owiriyane Nave Okhalemo Livuru Opatchera 1

План-конспект: Adam, Noah, Job, Abraham. 24 sections. It has a picture book to go along with the recording.

Номер текста: 418

Язык: Lomwe: Mozambique

Тема: Sin and Satan (Judgement, Sin, disobedience, Satan (the devil)); Christ (Sacrifice / Atonement); Eternal life (Salvation); Character of God (Grace and Mercy, Nature, character of God, Word of God (the Bible)); Living as a Christian (Worship, Obedience, Faith, trust, believe in Jesus); Bible timeline (Creation, Prophecy, fulfillment of, Gospel, Good News); Problems (Problems, troubles, worries)

Aудитория: General

Стиль: Monolog

Жанр: Bible Stories & Teac

Цель: Teaching

Библейская цитата: Extensive

статус: Publishable

Текст программы

Mapatcherero

Mapatcherero

Moni asinthamwene. Rwani nihuserye sa makholo ahu opatchera. Muluku onnanoniherya oMulukuawe; wi orivo Muluku mmoharu. Vareryani eruku mu livuru ophilivila (ofila) nwiriyanaka ekaseti yela. Sohuserya iha inakhuma mu livuru a Muluku- Pipilia. Mwiwa oruma wu . Mukhunule eruku enatcharavo.

Eruku Yopatchera 1: Adamu Ni Asinama

Eruku Yopatchera 1: Adamu Ni Asinama

Genesis 1:1 - 2:14

Vopatchera ári Muluku. Havovo mukina árivovo. Orivo Muluku mmoharu. Yowo munepa. Ósuwela itchu sothene nave ori vothevene. Elapo nryahuvo hiyarivovo. Muluku ápatchusa sothene iri wirimu ni vathi. Ahelavo omwalela. Apakatho erimu ni elapo ya vathi. Akawanya epareya ni etchaya ya wuma, nave sawaliwa saninuwa. Muluku apaka nsuwa, mweri ni ithineri. Muluku apatchusa itchu sothene velaponi, nari sa mmahini. Mulopwana ori verukuni vava ti Adamu. Tori mulopwana opatchera ii akhale okhala-wokhala. Muluku ampaka yola mwa etchaya. Amwera yola ophwanaphwana ni Yowo. Wi mutchu akhale omurora Muluku "wi munepa wa mutchu okhale mmoharu ni munepa wa Muluku. Mupuwelo othene ni sokhwela ni wemererya wothene ekhaleke mamohamoha ni a Muluku. Nave Muluku ahóna wi sothene apankeiye satepa okhala phama.

Eruku Yanawili 2: Mwariye Adamu

Eruku Yanawili 2: Mwariye Adamu

Genesis 1:27-28, 2:15-25

Muluku ámwiyathi Adamu mu ematcha ya Edem, ámulela wi akhapeleleke. Sákhalavo miri sohiyana-hiyana, ni mwiri wa okumi. Adamu avahiwa miri sothene ni sawimasaya saphama wi alyeke. Muluku ámuruma Adamu wi atchuve masina inama ni ipalame sothene. Sakhalawo salopwana ni sethiyana. Hisamova mutchu nari. Adamu harinono ómukhaviherya. Muluku ámpaka muthiyana akhala ómukhaviherya Adamu. Muluku amurupiha erilo. Ahulula eparari ya Adamu. Mwa eparari yeyo ampaka muthiyana. Muluku amuruhela yola wa mulopwana. Nave muthiyana ni mulopwana hiyarino sowara, nave hiyuliwa muru. Yawo yanalotcha ni Muluku ntoko nthamwene aya. Nave hiwariwo sawitchela nari, okhwa, nari yonanara ekinene, vothene wariwo muretchele.

Eruku Yaneraru 3: Enowa Mwematcha Ya Edem

Eruku Yaneraru 3: Enowa Mwematcha Ya Edem

Genesis 2:16, 3; Isaias 14:12

Muluku amulamulela Adamu," wokhalano owerya olya sawima sothene sa miri, nnya mwiri wosuweliha saphama ni sonanara, yola ohilye, weyo walya onamukhwa tchiri". Nave Satana arwa omuwoka mwara Adamu. Satana ari munkelo a Muluku, nave yowo amutchekela Muluku yowo ampanke. Yowo atchuna okhala mutokwene omphwaha Muluku. Nave Muluku amwikara wirimu wawe, nave satana akhala mwitchani a Muluku. Satana, ónanara ola, arwa wa muthiyana ntoko yopatushiwa yaphamasha ya enowa. Satana amunyeserera wi muthiyana emererye olya yawima yosuweliha saphama ni sonanara. Satana ahi: Weyo horwa okhwa walya yawima yela. Nave muthiyana ahemererya alya; nave akusha ekina amvaha iyawe Adamu. Emanle olya mwawakuva yapatchera wona wi hawanre sowara. Yasona makukhu a muyépe ewara, emwipitha Muluku.

Eruku Yanesheshe 4: Adamu Ni Eva Ahikariwa Mwematcha Ya Edem

Eruku Yanesheshe 4: Adamu Ni Eva Ahikariwa Mwematcha Ya Edem

Genesis 3:14-24

Eruku ela ennoneiherya tisheni yerenye Adamu vohimwiwelela wawe Muluku. Muluku amulaka Adamu vohiwelela wawe malamulo, vopatchera Muluku alotcha ni enowa "vawi weyo woherano ela, awulumeliwa ti weyo mwa asinama othene" Opatchera elukulukwene yele satana ori mwitchani a Muluku ni atchuawe. Nave Muluku alotchatho wi Adamu ni mwariye enarwa emulapiha satana. Yesu oherano ela okhwela sotcheka selapo avinya wokhwani. Muluku alotcha ni muthiyana "kinamwatcherera ohawa-wa onarwa wona ekoi voyara " Muluku alotcha ni Adamu; vawi weyo wowiwelela amwariyo olya yawima ya mwiri, onarwa wona ekoi volima etchaya, onarwa wona ekoi wi ophwanye yolya ya weyo ni emusia. Muluku amanle olotcha ni Adamu amwikara mwematcha ya Edem. Adamu amutchuwa muthiyana Eva, notaphulela okumi. Ayarano anamwane. Othene yehu nnarwela mwa Adamu ni Eva. Adamu, Eva ni atchu othene emanle otcheka, yotchekaya yahamwalanya ni Muluku ni mukina ni mukhwawe. Othene yehu hanimmwiwelela Muluku; ohiwelela yotcheka. Vawi hi notcheka, ninnakhwa. Nave wokhalavo oweherya wa Yesu yowo okhanle mukumi óniviheryavo ikuru sa sotcheka ni sa Satana.

Eruku Yanethanu 5: Nowa Ni Mwatcheya

Eruku Yanethanu 5: Nowa Ni Mwatcheya

Genesis 6:1 - 7:5

Anamwane Adamu ni Eva yahátchererana muhólomwaya. Yatchara ephiro ya Satana, yanerano sonanara. Nave Muluku atchimwa nthowa tani kimpakenlaka mutchu. Akhalavo mutchu mmoha ekhaikhai nsinanawe ti Nowa. Nihiku nimoha Muluku alotcha ni Nowa ii "kinammaliha elapo ntakhara atchu asareya wera sonanara. Wipakele mwatcheya". "Kinamurumiha mahi otolosha elapo ya vathi. Nave kinnalakana ni weyo. Rowa omwatcheyani weyo ni emusiá yothene, anamwaná, vamoha asáraya. Okushe inama ni ipalame sasilopwana ni sasithiyana, okhapelele mmwatcheyani. Muluku amulela Nowa makhalelo ompatcha mwatcheya. Nowa ahérano sothene Muluku amurummeiye. Arikimmutekaru mwatcheya analopola atchu Muluku onahala otolosha elapo; nave atchu hiyamwiwelenle Nowa. Mwa olopola wa Nowa yamwera mulipa anepa.

Eruku Yanethanunamoha 6: Osareya Wa Mahi

Eruku Yanethanunamoha 6: Osareya Wa Mahi

Genesis 7:6-23

Muluku aherano ntoko yolakanawe. Nowa ni emusiawe ni asinama yavolowa mmwatcheyani. Muluku awala nsele. Evinre mahiku mathanu nameli epatchera orupa. Yarupa mahiku makhumi masheshe ohiyu ni othana. Nave mahi yahuruwela itchu sothene. Atchu ni inama sothene sahavolonwe mmwatcheyani sákhwa. Anetchutchu yáphwaluwa vothevene. Atchu othene ni asinama othene ni ipalame sothene sari vate va mwatcheya sákhwa. Ophiyera olelo ákhalavo atchu ahirukununwe, anatchara ephiro ya satana ekhotcha omwiwelela Muluku. Pipiliya onnalotcha okoka wa nawili w'Apwiya Yesu kristo, watoriha othene ohiwelela. Nave Muluku oreherya ephiro yawavulusha othene yawo anamwiwelela ni omuroromela yowo.

Eruku Yanethanu Napili 7: Ekhwi Ni Olakana Wa Muluku

Eruku Yanethanu Napili 7: Ekhwi Ni Olakana Wa Muluku

Genesis 8:1 - 9:17

Nowa ni emusiawe yákhala mmwatcheyani ophwaha muyakha mmoha. Emanle orupa epula mahi yahuma nave othene yákhumela vate. Vavo Nowa áteka mpuro wohelavo ephepa, ntoko munonelanyu verukuni vava. Amwipha mwasinama avelela ephepa wa Muluku. Muluku áhakalalano ni yela, éyera eneneryo ya ekhwi wirimu. Yeyo enoneiherya wi harwa atolosha elapo ni mahi. Ekhwi ennupushera eneneryo yolakana ni Muluku. Upuwela yolakana ni Muluku. Upuwela Muluku onarwa atoriha elapo wili-wili. Yowo onarwa atoriha elapo ni móro. Yawo anamuroromela Muluku enamwiwelela Yowo haphwanenle wova otoriha wa muhólo. Omuroromele Apwiya Yesu kristo horwa otorihiwa.

Eruku Yanethanu Natcharu 8: Étore Yopapele

Eruku Yanethanu Natcharu 8: Étore Yopapele

Genesis 11:1-9

Atchu othene a velaponi anakhuma munihimo na anamwane araru a Nowa. Atchu othene yarino elotchelo emoha. Hiyakhwela omwalamwala velaponi. Yawo hiyamwiwelenle Muluku; yalakana oteka mutchetche vamoha ni etóre yorakama wi ekome erimu. Muluku áhona mutchetche ni etóre yele. Ahona wirumiha waya ni ohiwelela waya. Muluku ahi "othene ari amoha ni elotchelo emoha-moha. Hankoni nakhuruwele nakanyere elotcheloaya, wi ehiwananeke mukina ni mukhwawe". Mweruku yela nnonahu vava atchu haniwanana mukina ni mukhwawe. Yáhiya oteka mutchetche emwalamwala eyaka mapuru ohiyana-hiyana. Nthowa na ohiwelela waya hiyo olelo nokhalano ilotchelo sohiyana-hiyana. Nahimwiwelelaka Muluku, ninnatcheka. Yotcheka ennammwalanya mutchu ni Muluku, nave ennámwalanya atchu mukina ni mukhwawe. Hankoni nimwiwelele Muluku nave nimuroromele yowo mahiku othene.

Eruku Yanethanu Nasheshe 9: Yópu Onnamurumela Muluku

Eruku Yanethanu Nasheshe 9: Yópu Onnamurumela Muluku

Jó 1:1-12

Vava nnamona Yópu éyelaka ephepa yomvaha Muluku. Yópu onnamurumela Muluku éparipari, harwaru atchara ephiro ya satana. Yópu orino anamwane athanu napili ásilopwana ni ásithiyana araru, nave ávelela ephepa wa Muluku nthowa na anamwanawe. Yópu áveka makhurumuwelo wa Muluku, Yarimwi anamwanaka yotchekenleni mwakhurumuwele. Muluku áhakalala ni yela. Muluku ámureliha ni omwatcherera muhakhuawe. Yópu ákhalano asinama antchipale ni anamalapa antchipale. Nihiku nimoha, Muluku álotcha ni satana wi miyo kotepa ohakalala ni Yópu. Nave satana ápatchera omóhterya Yópu okhoveni wa Muluku ariki onorumelani vanthowa nawi árele. Satana álotcha ni Muluku "wamveiheryavo sothene Yópu oriyeno, onamolotcha mónanara". Muluku ásuwela wi satana mulipa awotha, nave Yópu ori mulophwana ekhai-khai yowo onavya okerela yaphama. Nave Muluku ámuhiya satana amveiheryavo sothene wi amwehe Yópu.

Eruku Yanekhumi 10: Wunla Wa Yópu

Eruku Yanekhumi 10: Wunla Wa Yópu

Jó 1:13-22

Eruku ela ennoniherya nihiku na othanana otokwene wa Yópu. Namalapawe árwano mitchaka sónanara wa yowo. Namalapa ópatchera árwa atchimakaka arwelaka omulela wi akukhula othene a inama ahiphiwa. Arikimulotcharu árwa mukina alotcha wi etari yohipha inama sothene. Ómaliherya áwrano mitchaka sonanarasha "anamwaná yari ofestani áphitiwa ni empa". Amanle wiwa seiha Yópu átchema mphati úwela vathi ananla, ariki "Muluku okivaha nave Muluku ohakusha. Ntchitchimihiwe nsina n'Apwiya ". Mwa sonanara sothene siha samwerenle, Yópu hamutchekenle nári hamulontche Muluku mónanara.

Eruku Yanekhumi Namoha 11: Ekoi Ya Yópu

Eruku Yanekhumi Namoha 11: Ekoi Ya Yópu

Jó 2:1 - 41:34

Satana amóna Yópu wi ohikhalelaru mwa Muluku, satana álotcha ni Muluku "wamuruhela maretcha mmwilini mwawe onammona otchekenle. Muluku ámuhiya satana omweha Yopu wili-wili. Satana ámuruhela eretcha ya maretcha. Yópu akilathi wansuwani isunaka makwatchawe nnivali népiya. Amwáriye yahi: "omulumele Muluku wavinyaka okhwe". Yópu ahakhula "nnaweherya saphamaru orwa wa Muluku, hannaweheryatho sonanara?". Akhwawe Yópu araru yárwa wa yowo elotchano mahiku mantchipale. Yahererya ophwanya nthowa Yópu oneleiye ekoi. Yálotcha wi weyo woherano etchu yánanara, nave Muluku onotorihela yeyo. Nave Yópu hawemerenrye yawo. Yamukoha makhalelo ohiyana-hiyana, nave hamulontche Muluku monanara. Vavo Muluku ahoneiha ntchitchimiho nawe veri va Yópu.

Eruku Yanekhumi Napili 12: Openuwa Wa Yópu

Eruku Yanekhumi Napili 12: Openuwa Wa Yópu

Jó 42:1-17

Verukuni ninnamona Yópu yowo mukumi. Kintchuna woleliheryani tisheni yamwerénle. Yópu akumanneiye ni Muluku, ásuwela wi Muluku mutokwenesha nave árukunuwa wa sotcheka sawe. Vavo Muluku álotcha vamoha ni mmoha ayále yamótherya itchaniwa Elifaz, miyo kosarasareya ni weyo vamoha akhwá opili vawi himwalontche wa miyo yeyo eri ekhaikhai, ntoko okirumeláka Yópu enreiye". Nave Muluku ahaléla ophwaha oya wa Yópu ehele ephepa wa yawo mekhaya. Nave ómurumelawe Yópu ávekelele yawo. Muluku álotcha wi miyo kinamokhurumuwelani. Yópu ahavekelela asinthyamweneawe nave Muluku ahiwa mavekelo awe. Simanle iha, Muluku ampenusha Yópu. Asinthamwene a Yópu ni amwatchamani awe yárwa ofestani eruhaka yovelela wa Yópu. Muluku ánvaha anamwane asilopwana athanu napili ni anamwane asithiyana araru orérasha. Nave yowo ákhwa ari awuluvala. Muluku ontchuna wi nimuroromele yowo, nave nikhaleno evilelelo ni sohosha. Muluku onnona sothene inereya mwa hiyo. Upuwela, Muluku onnansivela nave onatchuna wavaha yaphamasha yawo anamuroromela yowo.

Mapatcherero

Mapatcherero

Asinthamwene, kintchuna wolelihani sa mulopwana awitchaniwa Abrahamu. Amwiwelela Muluku. Vanthowa nenna atchu antchipale árelihiwa. Vareryani eruku enatcharavo mwiwa oruma.

Eruku Yanekhumi Natcharu 13: Abrahamu Áhiya Empáwe Oya Elapo Ekina

Eruku Yanekhumi Natcharu 13: Abrahamu Áhiya Empáwe Oya Elapo Ekina

Genesis 12:1 - 13:4

Verukuni ninnamona mulopwana awitchaniwa Abrahamu amwariye Sarai, musuluawe Loti ni anamuteko awe othene. Ari vamukwahani mutokwene, Muluku álotcha ni Abrahamu ariki: "ohiye elapwá ni atchu a nihimo ná orowe elapo kinothonyeraka, kinarwa kinnuwiha mulokwá ni oréliha; nave mwa weyo atchu othene enarwa erélihiwa". Abrahamu ároromela olakana wa Muluku. Abrahamu ni asinthamwenawe yákusha itchu saya, yetcha mukwaha worekamela oya oKanane. Muluku árwa wa Abrahamu ii; "kinamovaha elapo yela". Abrahamu ahetcha aphiya mpuro Muluku amuthonyenreiye. Etala yátepa, nave hiwariwo yolya. Abrahamu ni atchuawe yávinya eyaka elapo ekina yitchaniwa oYikuputo wavya olya. Muholo mwaya átchikela okanane, vawi ároromela yolakana ya Muluku. Muluku ólakana onivaha okumi wohimala ni mpuro wawitchaniwa wirimu. Ntoko Abrahamu, hankoni nimwiwelele yowo wi nakhele yolakana ya Muluku.

Eruku Yanekhumi Nasheshe 14: Abrahamu Ni Loti

Eruku Yanekhumi Nasheshe 14: Abrahamu Ni Loti

Genesis 13:5-18

Abrahamu ári vamoha ni Loti okanani. Yákhalano asinama antchipale, nave hiwariwo munyepu wolya inama. Akukhula a Loti ni a Abrahamu yanákhulanela mpuro wolyihavo inama saya. Abrahamu álotcha ni Loti "hankoni nimalihe wákhulana wanamalapahu ni hiyo ntakhara hiyo nri onnáhu". Abrahamu álotcha ni Loti: Othanle makupa élapo anosivela wi wakhalekewo. Loti átchuna yaphama wa yowo, hiha áthanla mpopa waphama watchamela muhitche woYordano, Weiwotho wakhalawo mutchetche. Loti áya anakhala mpopa yole watchamela mutchetche w'oSodoma. Atchu oSodoma yámutchekela Muluku. Abrahamu áhikhalaru oKanani, weiwo Muluku alotchano vanawili, nave ahi: "Elapo yothene ononawe, kinarwa kovaha ni anamwaneá". Asinthamwene, antchipale hanatchuna wi akhwaya ekhale mwaphama, nave annikushera sothene saphama. Hankoni nikhale óphwanaphwana ni Abrahamu.

Eruku Yanekhumi Nathanu 15: Abrahamu Vamoha Ni Mwene Osalem

Eruku Yanekhumi Nathanu 15: Abrahamu Vamoha Ni Mwene Osalem

Genesis 14:1-24

Loti ari opopani ekhotcho yápatchera. Loti ni emusiawe yáphariwa vamoha ni muloko w'oSodoma. Abrahamu ni anakhotchoawe yaya onvulusha Loti. Yawo yaháwerya amwitchaniaya, nave yahavulusha atchu ni itchu saya sothene. Etchikaka okhotchoni yákumana ni mwene, ntoko munonelanyu verukuni. Nsinanawe itchaniwa Melkisedeki. Ári mwene a mutchetche witchaniwa Salem, notaphulela " muretchele". Ámvekela Muluku eparipari, nave ánamurumela Muluku. Árwano ipau ni yowurya amvaha Abrahamu. Abrahamu ákokhora amutamala Melkisedeki. Nave áruha yovelela anvaha yowo. Nave mwene oSodoma atchuna omvaha yamahala Abrahamu vawi ahávulusha atchu, nave Abrahamu ákhótcha yovaha ya mwene ótcheka. Asinthamwene, hankoni nikhale ophwanaphwana ni Abrahamu nihetche mphironi mwatchu ótcheka. Iphiro iha sinnanivelela wotholowani. Pipiliya onnanihusiha wi Melkisedeki ori óphwanaphwana ni Apwiya Yesu kristo, vawi ephiro awe ennanivelela ophwanya muretchele.

Eruku Yanekhumi Nathanunamoha 16: Abrahamu Ni Itheneri

Eruku Yanekhumi Nathanunamoha 16: Abrahamu Ni Itheneri

Genesis 15:1-21

Amanleiye omwákiha Loti ni muloko, Loti ákokela oSodoma. Nave Muluku álotcha ni Abrahamu "ohove Abrahamu miyo ka yolipihá, yamahalá tila". Muluku ahúlula olotcha wili-wili ni Abrahamu wi elapo yothene ya okanani tiyawá. Nave Abrahamu ánanariwa vawi harino mwana. Vanthowa nenla Muluku ámukumiherya vate Abrahamu ii: "Varerya, wóne watcha wa itheneri seiha, wátcha wa anamwaná anamphwanaphwana ni itheneri seiha". Abrahamu ároromela olakana wa Muluku. Muluku áhakalala ni Abrahamu. Asinthamwene, Muluku onatchuna wi nimuroromele, nimwiwelele. Vawi Yowo ori Muluku mutokwene. Hiyotho nnarwa nákhela yolakana ni Muluku, ntokotho Abrahamu.

Eruku Yanekhumi Nathanu Napili 17: Mwana Esmaele

Eruku Yanekhumi Nathanu Napili 17: Mwana Esmaele

Genesis 16:1 - 17:22

Varerya verukuni. Abrahamu ókhalano mwana mwamulopwana. Abrahamu ákhala oKanani miyakha khumi, nave áwehereryaru olakana wa Muluku, wi Sarai mwariye onarwa ayara. Sarai analekela ahikhanleno mwana. Sarai ákhalano namalápawe mwamuthiyana itchaniwa Hagar. Yowo anatchuna wi namalapáwe ayarihiwe ti Abrahamu iyawe. Nave Sarai ammukhapelela ntoko mwanawe. Yári yokhovelela munlokoni mwaya. Hagar árupalihiwa ti Abrahamu, nave Sarai ámukhalela ehatche Hagar. Sarai amwérela opwalo namalapawe, nave Hagar átchawa. Nave munkelo a Muluku ákumana ni Hagar amulipisha. Amulela yola wi onarwa okhalano mwana awitchaniwa Esmael. Notaphulela "Muluku ohiwa". Muluku ahéra kinammureliha Esmael. Esmael onarwa awaniha. Nave Esmael áyariwa akhala mutokwene a nloko namaka (Árabes). Emanle miyakha khumi natcharu, Muluku álakana onvaha Abrahamu elapo yothene ya oKanani wi emusiawe enorwa yahiye yakhale weiwo mahiku othene okumiaya. Nave Abrahamu ni emusiawe ekhale awiwelela masu a Muluku. Abrahamu árino miyakha makhumi mathanu nasheshe ni miyakha misheshe, (99) Muluku áhi wa yowo "miyo ka Muluku aikuru. Etcha mmanani aka, nave okíwelele musothene. Kinarwa kikhwaniherya olakana waka ni weyo. Kinnovaha okhala tithi a maloko othene elapo ya vathi. Opatchera olelo horwa witchaniwa Abrahamu. Nsinana ná wa Abraamu. Vanthowa na nsina nahihano otchuiweiye ti Muluku, Abraamu ánasuwela wi Muluku onarwa akivaha anamwane antchipale. Muluku álotcha ni Abraamu" kinamovaha elapo yothene ya oKanane, vamoha ni emusiá enorwa eyo. Kinarwa kikhala Muluku aya". Nave Muluku ámvaha nsina nahihano Sarai anítchaniwa Sara. Muluku álakana omureliha ni omvaha mwana mwamulopwana. Mahiku mantchipale ntoko Abraamu ni Sara, ninnerano itchu wa hiyo mekhihu. Nave sinnaniruhela masoso ni epahu. Nimuroromele Muluku musawera sahu sothene.

Eruku Yanekhumi Nathanu Natcharu 18: Sara Onamutheya

Eruku Yanekhumi Nathanu Natcharu 18: Sara Onamutheya

Genesis 18:1-15

Nihiku nimoha, Abraamu arino miyakha makhumi mathanu nasheshe ni miyakha misheshe (99), alipa oruha mitchaka wa Abraamu orwela wa Muluku yári araru. Abraamu amwitchana Sara wi areherye yolya, nave yawo yaherano vamekhaya. Alopwana yamukoha Abraamu "oruwi mwará Sara?" Abraamu ahakhula "ori mpa". Mmoha a yala araru ári mwanene Muluku. Álotcha ni Abraamu "mweparipari kinarwa kotchikela elukuluku yawi siyela, nave Sara mwará onarwa ayara. Sara iwaleiye ákhwavo nútheya vawi ári awuluvala, a miyakha makhumi mathanu nasheshe (90). Nave haroromenle. Muluku amukoha Abraamu ariki: " Nthowa tani mwará onatheyeleiye, yokhalavo etchu enamvila Muluku ? Sara onarwa ayara.

Eruku Yanekhumi Nathanu Nasheshe 19: Abraamu Ommuvekelela Sodoma

Eruku Yanekhumi Nathanu Nasheshe 19: Abraamu Ommuvekelela Sodoma

Genesis 18:16 - 19:29

Verukuni nnamona Abraamu ni arummwa araru. Muluku átchuna otolosha mutchetche wa Sodoma ni Komora vawi atchu yera yeyo ekhanle yonanara vamithoni va Muluku. Áhiya wera okhwela wa Muluku, wátána wawela muthiyana ni mulopwana. Abraamu onamupushera Loti wi Apwiya Muluku: "onamotoloshani ni sawera sanyu. Muluku onamotoloshani. Abraamu ápatchera wunla okhoveni wa Muluku anvekaka wi Sodoma avulushiwe. Nave Muluku ámulela wi hakamutolonshe Sodoma yariwo atchu khumi omuroromela Muluku . Arummwa a Muluku yaphiyalaya oSodoma, yawo yahona yotcheka yatchu. Hiyaphwannyewo khumi yamuroromela muluku oSodoma. Mmoha pahi ekhai-khai ári Loti. Arummwa yamulela Loti ni emusiawe otchawa oSodoma. Yahalelatho wi ehiwehe otchuli. Vava Muluku árumiha moro worwela wirimu nave Sodoma ni Komora ni atchu othene yátholowa. Eyáka mphironi mwariye áweha otchuli, nave áthatuwa nluku namakha. Abraamu ahamveka Muluku wi evulushiwe ekhai-khai othene.

Eruku Yamakhumi Meli 20: Ephepa Ya Abraamu

Eruku Yamakhumi Meli 20: Ephepa Ya Abraamu

Genesis 21:1 - 22:19

Sara arino miyakha makhumi mathanu nasheshe (90) ámuyara mwana mwamulopwana; ntoko Muluku alakanneiye ni Abraamu. Yámutchuwa Isake, notaphulela otheya. Isake ari mmiravo, Muluku amweha Abraamu. Muluku átchuna omona Abraamu ariki amwiwelele yowo. Muluku álotcha ni yowo " mukushe mwana mmoharu Isake, ósiveliwá, omvahe ephepa wa Muluku ". Abraamu ámuroromela Muluku. Ároromela wi Isake akhwa Muluku onammuviha wokhwani akhale mukumi wili-wili. Hiha amureherya Isake omvelela ephepa wa Muluku, ntoko munonelanyu verukuni va. Abrahamu arikimutchukhularu mwalo wi amuhiteno Isake, munkelo a Muluku álotcha ni yowo: Abraamu, ohinamwerela mwana yonanara. Vano kosuwela wi onnamova Muluku vawi homukhótchihale mwaná. Abraamu áhona eputcheputche eri vatakhwani. Akusha eputcheputche avelela ephepa munipuroni na mwanawe Isake. Muluku ahi: (Vawi weyo wohiwelela masuaka miyo kinamoreliha; véri va weyo atchu othene elapo ya vathi enarwa erelihiwa).

Eruku Yamakhumi Meli Namoha 21: Abraamu Ni Anamutekoawe

Eruku Yamakhumi Meli Namoha 21: Abraamu Ni Anamutekoawe

Genesis 24:1 - 25:26

Amanle wuluvala Abraamu alotcha ni anamalápawe ariki " kiroromeliheni otchikela elapo kiyariwakawo; mwamwavye muthiyana wi mwanaka Isake amuthele". Abraamu hatchuna ohiya elapo Muluku amvanheiye, nári omwavya muthiyana a nihimo na Akanani. Anamalapa yamwiwelela Abraamu, yetcha mukwaha worekama oya mutchetche woNawor. Weiwo yámveka Muluku wi ahólele omphwanya mwana mwamuthiyana atheliwe ti Isake. Ahóneya mwana mwamuthiyana orérasha awitchaniwa Rebeka arwa wehimeni orika mahi . Nave ahakalala ovaha mahi anamalapa Abraamu ni asinama khumi. Anamalapa yasuwela wi tiyola muthiyanene nnamwavyahu. Yaphwanya munihimoni wi ári munamanya Abraamu. Anamalapa yamuthamala Muluku yowo iwale mavekeloaya. Vawi hiha Rabeka ákhala mwara a Isake. Abraamu akhwile arino miyakha nsana ni makhumi mathanunameli ni miyakha mithanu (175) Muluku amwákhela nave amuréliha. Ophiyera olelo Muluku onnaréliha yawo anamuroromela yowo ntoko Abraamu.

Eruku Yamakhumimeli Napili 22: Yesu Óyariwa

Eruku Yamakhumimeli Napili 22: Yesu Óyariwa

Maeyu 1:18-25; aGalatiya 4:4-5

Masu a Muluku eparipari. Muluku hanótha. Muluku amuléla Adamu wi onammurumiha óthanliwawe amulapihe satana. Yowo amulopola Nowa wi onamwatolosha othene ónanara mirima. Muluku ámoniherya Yópu wi ontchuna onivaha yaphama. Amóniherya Abraamu sa okhapelela wawe malakano awe. Mwa eruku yela munnamona mwana awitchaniwa Yesu ayariwe mwelapo y'aIsraele, weiwo witchaniwa Kanani. Amannya yitchaniwa Mariya a nihimo na Abraamu ni Isake. Mariya ári mwali amuyaraka Yesu. Yesu hanono atithinya ammwilini, atithinya ori Muluku eparipari. Yesu oniruhela mareliho elapo yothene yavathi. Órwa okhwaniherya yolakana ya Muluku . Muluku omulapiha satana nave onikokiherya mu eyatano ya Muluku.

Eruku Yamakhumi Meli Natcharu 23: Okhwa Wa Yesu

Eruku Yamakhumi Meli Natcharu 23: Okhwa Wa Yesu

Agalatiya 3:13-14

Yesu ári elapo yavathi ononiherya ephiro yoya wa Muluku. Yesu aherano sotikiniha ni woniherya wi arwéla wa Muluku. Atchu ónanara murima hiyamuroromenle yowo. Yamwipha Yesu emuthomeya vamwikimanyo. Atoropa yamulipelela wi yerele onamona arimwi paripari akhwile. Asinthamwene, Muluku ámulela Adamu wi weyo onamukhwa walya yawima yamwiuri. Othene nomutchekela Muluku, nave nophwanela olakiwa wohimala. Hiyo othene nnakhala óhimwiwelela Muluku nophwanela olakiwa. Upuwelani Muluku amvaha eputcheputche Abraamu wi iphe munipuroni na Isake. Vava Muluku omvaha mwanawe mmoharu Yesu okhwela sotcheka sa maloko , yola ori ephepa yatchu othene. Yotchekahu ennanimwalanya ni Muluku. Yesu tori ephiro yokokela wa Muluku. Upuwelani Muluku alotcha ni Adamu wi onammuruma mutchu wi amulapihe satana. Vava Yesu ákhwileiye avinya wokhwani, omala omulapiha satana. Wa yawo anamuroromela Yesu ikuru sa satana sonyanyiwa. Muluku álakana ni Abraamu. Mwa orelihiwa wa Abraamu anamwanea othene enarwa erelihiwa. Mareliho ala okhala ni Muluku mahiku othene anaphwanyeya mwapwiyahu Yesu kristo. Hiyo nokhala wakhela mareliho a Muluku namuroromela ni omwiwelela Yesu.

Eruku Yamakhumi Meli Nasheshe 24: Yesu Mukumi

Eruku Yamakhumi Meli Nasheshe 24: Yesu Mukumi

Yohane 20:19-29

Asinthamwenawe a Yesu yávitha murutchu munihiyeni. Mahiku mararu ákona munihiyeni. Avinya wokhwani. Okhwa hiwawenrye omphara Yesu mwana a Muluku eparipari. Yesu ahísoneiha veri va ohuseryawe. Othene yatikiniheya. Mmoha awitchaniwa Tomasi, hári vamoha ni akhwawe vava Yesu awonénleiye. Tómasi ahi wa yawo "kahóna maharipáwe akhommweiye mmatani nave kivosa matáka mmaharipani mwawe, nkinaroromela". Emanle esumana yesu árwa wili-wili. Varerya eruku. Yesu onnamoniha Tómasi eneneryo ya okhommwa mmatani mwawe; nave álotcha ni Tómasi. Vosa matá mwemmo kahommwakamo. "ohiye okhwa minikwa nave ororomele". Yesu álotchatho; "órela tiyawo anaroromela nari ehónne". Asinthamwene, nihikhale ntoko Tómasi ákhwile minikwa ni Muluku. Hankoni nikhale óphwanaphwana ni Abraamu ároromenle yolakana ya Muluku amwiwelela yowo. Iri mwa omuroromela Apwiyahu Yesu kristo ni omwiwelela yowo wi niwerye omusuwela Muluku, ni wakhela yamahala ya okumi wohimala.

Схожая информация

Free downloads - Here you can find all the main GRN message scripts in several languages, plus pictures and other related materials, available for download.

"Look, Listen and Live" audio-visual - A set of 8 programs of 24 pictures each for evangelism and Christian teaching. The series presents Old Testament characters, the life of Jesus, and the young church.

How to use GRN Audio visual resources - 2: Going Deeper - This article gives further explanation of how people learn from the stories, and why the stories do not have a lot of commentary.

Аудиотека GRN - Евангелистские и базовые Библейские учебные материалы , присущие людским нуждам и культуре в различных стилях и форматах

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?