unfoldingWord 36 - Hiloito No Yesu
Samenvatting: Matthew 17:1-9; Mark 9:2-8; Luke 9:28-36
Scriptnummer: 1236
Taal: Lopit
Gehoor: General
Genre: Bible Stories & Teac
Doel: Evangelism; Teaching
Bijbelse verwijzing: Paraphrase
Toestand: Approved
De scripts dienen als basis voor de vertaling en het maken van opnames in een andere taal. Ze moeten aangepast worden aan de verschillende talen en culturen, om ze zo begrijpelijk en relevant mogelijk te maken. Sommige termen en begrippen moeten verder uitgelegd worden of zelfs weggelaten worden binnen bepaalde culturen.
Tekst van het script
Ifa obo holoŋ, eyari Yesu ho inyeja efahat ohunik, Peturu, Yakobo ojo Yoani. (hejufani ile ara fure nohonyi Yoani obe ara lafa etifoto Yesu.) Ofwo ifa isieja ahide doŋe nesaga ta kwaite innohosie lomojori.
Hati ifa omojo Yesu, ette homom nohonyi calai no lobwor iya holoŋ. Ojo boŋojin innohosie ette hira boŋi, obwor agalik inno huwo illo lowuon da fau obe lobo oremik ehuhumu isieja.
Hati olieu ifa Moses ho hekiliani Elija illafa amanya to fou ŋasi hisihai ahisihit hobe Hiram innaŋ. Ero ifa isieja ho Yesu hiram no Ye nohonyie, nolohu wuana kwak to Yerusalem.
Hati nafa ero Moses arik he Elija to Yesu, ojo Peturu to Yesu, "Anyar to hoi hoto wanari enni. Hehuhumak hajik hunik, nobotie nohoi, nobo to Musa ojo nobo te Elija." Obe ifa Peturu oyen hiro inne ero inyeja.
Hati ifa ero Peturu, olu ifa itiran no lobwor afau ette hijo, “Lenyi hanaŋ illeŋ ille amuno naŋ. Itirai to honyi." Ette hejufak ille lohunik baŋi, ette isieja ŋahuyik to fau.
Hati ette Yesu hitir hejufak ette hijo, Ibaŋa hebaŋ, itite ahide." Ifa ewolo isieja daŋ ette ŋegonyu Yesu alobotie.
Ifa ŋacahari Yesu arik hejufat ohunik to hide toŋe afou. Hati ojo Yesu to hosi ibaŋa elimak lobo tihoni. Ahu iso naŋ ye ajo hidofe acohini tamanya. Hati tahalu ifanu iso ŋelimak huwo."