unfoldingWord 36 - Исаның нұрлы салтанатымен көрінуі
개요: Matthew 17:1-9; Mark 9:2-8; Luke 9:28-36
스크립트 번호: 1236
언어: Kazakh
청중: General
목적: Evangelism; Teaching
Features: Bible Stories; Paraphrase Scripture
지위: Approved
이 스크립트는 다른 언어로 번역 및 녹음을위한 기본 지침입니다. 그것은 그것이 사용되는 각 영역에 맞게 다른 문화와 언어로 조정되어야 합니다. 사용되는 몇 가지 용어와 개념은 다른 문화에서는 다듬어지거나 생략해야 할 수도 있습니다.
스크립트 텍스트
Бір күні Иса дұға ету үшін биік тауға көтерілді. Ол Өзімен бірге үш шәкіртін: Петір, Жақып және Жоханды ертіп алған еді.
Иса тауда дұға етіп тұрғанда Оның бет-әлпеті күндей жарқырап кетті. Оның киімдері нұрланып, жер бетіндегі бірде-бір шебер ағарта алмайтындай аппақ болды.
Кенеттен жүздеген жылдар бұрын жер бетінде өмір сүрген Мұса мен Ілияс пайғамбар пайда болды. Сонда олар Исамен Оның Иерусалимдегі өлімі жайлы сөйлесіп тұрды.
Мұса мен Ілияс Исамен сөйлесіп тұрғанда, Петір Исаға: “Осы жерде болғанымыз сондай жақсы! Үш күрке жасайық: бірі Саған, бірі Мұсаға, бірі Ілиясқа” — деді. Қорыққаннан Петірдің өзі не айтып тұрғанын түсінбеді.
Петір әлі де сөйлеп жатқанда, олардың үстіне жарқыраған бұлт түсіп, олар бұлттың ішінде қалды. Сонда бұлттың арасынан: “Бұл Менің сүйікті Ұлым! Оған ризамын. Оны тыңдаңдар” — деген дауыс естілді. Шәкірттердің үшеуі қатты қорыққандарынан етпеттерінен жерге құлап түсті.
Сонда Иса оларға қолын тигізіп: “Қорықпаңдар! Тұрыңдар!” — деді. Олар жан-жағына қарағанда, Исадан басқа ешкімді көрмеді.
Содан кейін Иса үш шәкіртімен таудан түседі. Иса оларға: “Мұнда көргендеріңді ешкімге тіс жарып айтпаңдар. Мен жақында өлемін, бірақ қайта тірілетін боламын. Сол кезде ғана адамдарға айтсаңдар болады” — деді.