04. Keta, Pilikisya Kangi Uyege Nu Bumi: Ababombi ba Kyala - Ulubafu lwa kwanda

04. Keta, Pilikisya Kangi Uyege Nu Bumi: Ababombi ba Kyala - Ulubafu lwa kwanda

概要: Ruth, Samuel, David, Elijah. 24 sections. It has a picture book to go along with the recording.

文本编号: 421

语言: Ngonde

主题: Sin and Satan (Sin, disobedience); Christ (Birth of Christ); Eternal life (Salvation); Character of God (Nature, character of God, Word of God (the Bible), Power of God / Jesus); Living as a Christian (Obedience, Faith, trust, believe in Jesus, Children of God, Humility); Bible timeline (Prophecy, fulfillment of, Gospel, Good News, People of God)

听众: General

风格: Monolog

类型/流派: Bible Stories & Teac

目的: Teaching

圣经摘录: Extensive

状态: Translation

文本正文

Ababombi ba Kyala: Ubwandilo

Ababombi ba Kyala: Ubwandilo

Mughonile mwesa, nguba ponya mungamu ya Yesu khristu. Kyala anganile nukumpakikisya umundu gwesa, loli fiyo babo bikumpilikila nukumbombela. Pilikisya isi syabombigwe ifyinja ifi fikindilepo bo kusimbigwe mmasyu ga Kyala, mwi Bangeli, kangi keta pa kifwani ikya mwi buku. Igula ikifwani kingi apa mupilikisya ulwimbo ulu. (Ulwimbo)

Ikifwani Kya Kwanda Umundu Na Banake Bikubopa Injala

Ikifwani Kya Kwanda Umundu Na Banake Bikubopa Injala

Ruti 1:-5

Kyala apelile abandu bosa, loli balinsambukile. Kyala abasalile abanya Israeli ukuti bammanyege nukundambila. Babagile ukuti banangisyege ku bandu ba kisu kyosa ukuti bikunkoga Kyala. Loli mkabalilo kamo, ikisu kya Israeli kyali nsambukile Kyala. Balyandile ukwiputa kufifwani naku ba kyala abatungulu aba fisu fingi ifi fyabasyungutile. Kyala atwele ubwite ni njala pa banya Israeli, ukuti babomokele kwa Kyala.
Nkabalilo ka njala umundu na ba nyumba yake balinogwine ukubuka nkisu kya Moabu ukuti bakalonde ifyakulya. Balikele ifyinja kalongo nkaya kabandu. Ugwisabo nabana abanyambala babili bafwilile nkisu kila. Unyinabo nabakamwana bake babili bo basyele nkisu kya buhesya kila. (Ulwimbo)

Ikifwani Kya Bubili Naomi Na Ruti Bikugomokela Ku Israeli

Ikifwani Kya Bubili Naomi Na Ruti Bikugomokela Ku Israeli

Ruti 1:6-22

Ingamu ya mama gwa bana ali Naomi. Abakamwana bake bali ba ku Moabu nukuti ingamu syabo bali Ruti na Olipa. Naomi alinogwine ukugomokela ku kisu kya Israeli. Ruti palikimo na Olipa balinkubuka nu Naomi nkisu kya Israeli. Naomi alinkubabula abakamwana bake alinkuti, “Ngimba yiyege nongwa nki iya kubukila nanine? Ngimba ngali ndi nabana abangi munda mmyangu ukuti bo bise bayege balume binu? Gomokaga banangu, bukaga kumyinu, buno ngangele fiyo ukuti nje nabana abanyambala; ... Namanga Untwa Kyala asindile une inyuma.” Olipa alinkulagana nagwe unyina gwa ndume, alinkugomoka ukubuka kumyabo. Loli Ruti alinkumumilila Naomi alinkuti, “Komma ukufimbilisya une ukuti nguleke. Namanga kuno ukubuka ugwe, ko nanine nikubukaga, na apa kwakwitughalagha ugwe, po nanine nikwakwitughalagha; bope nabandu ba kumyako bobikwakuyaga bandu bangu nanine; Kyala gwako, yo ikwakuyaga Kyala gwangu nanine.” Bunobuno Ruti alinkubuka na Naomi nkaya ka Betelehemu nkisu kya Israeli. (Ulwimbo)

Ikifwani Kya Butatu Ruti Mungunda Gwa Kufulula

Ikifwani Kya Butatu Ruti Mungunda Gwa Kufulula

Ruti 2:1-23

Bo bagomokile ku Betelehemu, Ruti alinkuti kwa Naomi, “Bule, natigi unyitikisye ukuti mbuke ku migunda ngafululege ifisasa fya ngano munyuma muli aba bikutondola linga yumo abagile ukungetela nkisa.” Naomi na Ruti bali balondo fiyo. Bunobuno alinkubuka ku ngunda kuko baliko abatondoli. Umwene ngunda ali yo Boazi. Abalalusisye abambombo bake isya nkikulu unhesya mungunda myake. Yumo gwa babombi alinkuti, “Undindwana uyu gwa kikolo kya Moabu yo uyu alisile na Naomi ukufuma ku kisu kya Moabu.” Boazi apilike ubununu bwa ndindwana kufuma kwa mkamwana gwake. Aketile ukuti ali mbombi gwamaka. Popapo alinkuti kwa Ruti, “Isaga kuno gwikalege na babombi bangu abalindwana ukutelelege ungunda ugu abanyambala bafunjaga nukonga munyuma mwa balindwana.”
Boazi alinkubabula ababombi bake abanyambala alinkuti, “Mumwitikisyege afululege mbupipi nifikose fya ngano, komma ukunkemela.” Ruti alimbulile Naomi ubununu bwa Boazi. Popapo Naomi alinkuti, “Kyala Untwa ansayege umundu uyu!” Kangi Naomi alinkumbula unkamwana gwake alinkuti, “Umundu uyu, nkamu gwitu...” (Ulwimbo)

Ikifwani Kya Buna Ruti Na Boazi Pa Kupamanda Amapemba Pakipalo Kyake

Ikifwani Kya Buna Ruti Na Boazi Pa Kupamanda Amapemba Pakipalo Kyake

Ruti 3:1-18

Ilisiku limo Naomi alinkuti kwa Ruti, “Gwe mwanangu, ngimba sikaya nunu ukuti ngulondele unyambala, kokuti uye ni nyumba iyi yo yako? Boazi nkamu gwitu. Ikilo iki ikuya pakupamanda amapemba pa kipalo kyake. Bunobuno buka ukoge nukupakala amafuta, kangi ufwale imyenda imikinde ubununu, gwende nukwinula ifyakwikinga fyake nukulambalala kumalundi gake. Ikwakubula isi ubagile ukubomba.” Ruti abombile bobuno alimbulile Naomi. Pakilo pakati, Boazi alinkulembuka alinkunyomoka bo ikumbona unkikulu alambalele ku malundi gake, asyagenie ukuti ikulonda ukuti amwege, papo mo syayilile inyiho sya banya Israeli nkabalilo kala. Linga unyambala afwile mu Israeli unkamu gwake gwa nyambala amwegaga unkikulu umfwilwe. Popapo Boazi alinkuti kwa Ruti, “Ungayaga nulutende. Nikukubombelaga syosa sisyo kulonda. Namanga abandu bosa basimenye ukuti uli nkikulu unsubiligwa.” (Ulwimbo)

Ikifwani Kya Buhano Boazi Na Bakulumba Ba Kubetelehemu

Ikifwani Kya Buhano Boazi Na Bakulumba Ba Kubetelehemu

Ruti 4:1-22

Boaz alinkubakolela abakulumba ba nkaya kalongo ku kipata kya Betelehemu. Aliko yumo unkamu gwa ndume gwa Ruti ugwa kwanda uyu akalondaga ukuti amwege, loli bosa bapilikene ukuti egane na Boazi. Pakwitikisya ulwitikano, abakamu ba Boazi balimpele umwene ikilato. Lwali lwiho lwabo nkisu kya Israeli. Popapo Boazi alimwegile Ruti ukuya nkasi gwake. Bali nu mwana ingamu yake Obedi. Popapo unkikulu alinkuti kwa Naomi, “Atufigwege Untwa Kyala uyu akupele umusyugu akana akanyambala akakukupakisya ugwe. Ayifumukege ingamu ya mwanike yuyu nkisu kya Israeli kangi ubumi bwako buyege bupya nukukupakisya ugwe mbukangale bwako. Unkamwana gwako akuganile ugwe, abombile ukubakinda abana abanyambala bahano nababili, yo isakukupa ugwe ubumi.” (Ulwimbo)

Ikifwani Kya Buhano Na Kimo: Maria Nu Gwandumi Gwa Kyala

Ikifwani Kya Buhano Na Kimo: Maria Nu Gwandumi Gwa Kyala

Luka 1:26-38

Ifyinja fifingi bofikindilepo ukufuma pa Ruti, Kyala asalile unkikulu ugwakumbombela ingamu yake ali Maria. Afumile nkikolo kya Ruti. Maria ali ndindwana unsita kummanya nyambala. Ahahigwe nunyambala ingamu yake Yosefu uyu akalondagha ukumwega. Bo bakegana, ugwandumi gwa Kyala alinsetukile Maria. Popapo ugwandumi alinkumbula alinkuti, “Ungatetemagha Maria, buno ulyagile ilipyana kwa Kyala. Kwisakupapagha umwana undumyana, yo gwise umpege ingamu yake Yesu. Yo isakuyaga nkulumba, kangi isakuyobigwaga ukuya yo mwana gwa yu Nkinde, Untwa Kyala isakumpaga ikikota kya bunyafyale ikisita kumalika.” Loli Maria alinkundalusya ugwandumi yula alinkuti, “Syo sikuya bulebule sisisi, ngaya nunyambala nayumo?” Ugwandumi alinkumwamula, alinkuti, “Mbepo Mwikemo isakukwisilagha, gope namaka gayu Nkinde gisakukupilikilaga. Umwana umwikemo uyu isakupapigwa, isakuyobigwa ukuya mwana gwa Kyala.”
Maria alinkuyoba alinkuti, “Keta une ndi mbombi gwa Ntwa, asinyisileghe bosisyo usiyobile.” Popapo Maria alinkuya nikifuba kangi apapile umwana unyambala. Alimpele ingamu ya Yesu. Umo momuno Maria alinkuya inna gwa Yesu.
Panongwa yakuti Maria apilikile Kyala, umpoki Yesu apapigwe mmyake. Linga tukumpilikila Kyala, abagile ukutubombela ifikulumba nifya maka mmyitu. (Ulwimbo)

Ikifwani Kya Buhano Nabubili Hanna Ikwiputa Kwa Kyala

Ikifwani Kya Buhano Nabubili Hanna Ikwiputa Kwa Kyala

1 Samueli 1:1-20

Bo muno syayilile mkabalilo ka Ruti, alipo unkikulu yumo nkaya ka Israeli ingamu yake ali yo Hana. Akambombelaga kangi nukumpilikila Kyala. Undume gwake alinganile fiyo loli Hana akali nhobofu, panongwa yakuti akapapile nayo umwana nayumo. Akabalilo kosa bakabukagha kunyumba ya Kyala ku Silo. Bakegaga ifindu kangi nukutendekesya ilikemo ilyakwikemekesya kwa Kyala. Hana abukile kunyumba yakwiputilamo alinkuti, “Gwe Kyala linga kungumbuka une nukumpapo umwana unyambala, nisakukupapo ukuti ayeghe gwako amasiku gosa ga bumi bwake.” Imilomo gyake yilinkusukanika bo ikuyoba kwa Kyala, loli iputagha kimyemye itolo. Eli, ukinde gwa biputi, alimbwene Hana. Alinkwinoghona ukuti aghalile. Loli Kyala apilike ulwiputo lwa Hana, bo kakindile akabalilo apapile umwana unyambala, alikumpapo ingamu ya Samueli. (Ulwimbo)

Ikifwani Kya Buhano Nubutatu Umwana Samueli Mnyumba Ya Kyala

Ikifwani Kya Buhano Nubutatu Umwana Samueli Mnyumba Ya Kyala

1 Samueli 1:24-28, 2:12-17, 3:1-21

Bo Samuel akali mwanike, Hana alinkumbika Samueli kwa Kyala. Alimweghile ukuti akikaleghe na Eli nnyumba yakwiputilamo ku Silo. Eli ali mmanyisye Samueli pa kumbombela Kyala. Eli ali na bana babili. Bali baputi loli bali babibi. Popapo Kyala alekile ukuyoba na bandu ukwendela mbaputi bala. Ubusiku bumo Samueli alambalele nnyumba ya Kyala. Nakalinga itolo Kyala alinkukolela ingamu yake. Samueli alinkubopela kwa Eli alinkuti, “ Yone: gwambilikilagha.” Loli Eli alinkuti, “Mma ngakubilikilapo: buka kalambalale.”Isi syabombigwe katatu. Eli alinkusyaghania ukuti yo yu Ntwa uyu ikunkolela undumyana. Popapo alinkumbula Samueli alinkuti, “Linga yumo ikubilikila ugwe ukamwamuleghe ukatigi, ‘yobagha gwe Ntwa buno nembombi gwako nikupilika.” Kyala ayobile na Samueli amasiku amingi kangi alinkuya mwiputi, nsololi kangi ndongosi nkisu kya Israeli. (Ulwimbo)

Ikifwani Kya Buhano Nabuna Samueli Akwiputila Abanya Israeli

Ikifwani Kya Buhano Nabuna Samueli Akwiputila Abanya Israeli

1 Samueli 4:10-11, 7:2-14

Kyala alinkubafunda abana babili ba Eli. Bagogigwe pa bwite kangi abanya Israeli batoligwe ku banya Filisiti. Ifyinja malongo mabili abanya Filisiti bo balinkulagila ikisu kya Israeli. Popapo Samueli alinkuti ku bandu, “Linga naloli mukugomokela ku Untwa ni ndumbula yinu yosa, polelo mubasosyemo aba Kyala abahesya kangi nififwani fya Kyala ... musilabisye indumbula syinu kuku Untwa nukumbombela Yuyomwene, po umwene isakubapokaga umwe kuba Filisiti.” Abanya Israeli balimpilikile Samueli. Babungene pabuyo bumobwene. Samueli alinkwikemesya ilikemo ilyoke kwa Kyala nubiputila abanya Israeli. Abanya Filisiti babungene pampene ukuti balwe nabanya Israeli. Loli Kyala alinkulunduma kangi alikutuma injasi pamyabo. Aba Filisiti balinkubopa panongwa ya lutende popapo abanya Israeli balinkubatola bosa. (Ulwimbo)

Ikifwani Kya Kalongo Samueli Akumpaka Amafuta Sauli

Ikifwani Kya Kalongo Samueli Akumpaka Amafuta Sauli

1 Samueli 8:1-9, 9:15 - 10:1

Kyala yo ali malafyale gwa bwanaloli gwa banya Isreali kangi Samueli molongosigwa na Kyala, alinkubalongosya abandu. Panongwa yakuti abafikolo abangi bali na banyafyale babo, popapo abanya Israeli bope bakalondaga ukuti baye nu malafyale gwabo. Samueli sikalinhobwisye sisisi. Loli Kyala alimbulile ukuti, “Ulibapilika abandu muli syosa isi bikuyoba kumyako ugwe; namanga babakusyokela yo yuyugwe, loli bakangana une ukuya malafyale gwabo.” Alipo undumyana, unandi ingamu yake Sauli. Ali ntali kangi moghi. Ilisiku limo Sauli abukile kwa Samuel. Bo Samueli ambwene ikwisa, Kyala alinkuti kwa Samueli, “Uyu yo mundu uyu nayobile. Namanga yo ikubalagilagha abandu bangu.” Popapo Samueli alinkwega ikipake kya nyemba, nukumonelela amafuta pantu Sauli. Iki kikunangisyaga ukuti asaligwe ukuya malafyale. Ifyinja amalongo mana Sauli ali malafyale gwa banya Israeli. (Ulwimbo)

Ikifwani Kya Kalongo Na Kimo Sauli Ikunyafula Ikipeto Kya Samueli

Ikifwani Kya Kalongo Na Kimo Sauli Ikunyafula Ikipeto Kya Samueli

1 Samueli 15:1-29

Mukabalilo ka bunyafyale bwa Sauli, abakikolo kya Amaleki babatesile fiyo abanya Israeli. Popapo Samueli alinkumbula malafyale alinkuti, “Pilikisya amasyo agofuma kwa Kyala ... bukaga kabagogege abakikolo kya banya Amaleki, nufigoga fyosa ifi balinafyo. Komma ukwakubaleka bumi, ... ” Kyala alintulile Sauli nabalwa bwite bake ughogha aba kikolo kya banya Amaleki. Loli abanya Israeli bakampilikile Kyala. Bafilekile ifinunu ifya bakikolo kya Amaleki ukongania ifinyamana ukuti fikemo kwa Kyala kangi bakalingoghile umalafyale gwa bakikolo kyaba Amaleki bo muno Kyala ababulile. Popapo Samueli alinkuti kwa Sauli, “Panongwa yakuti ughakanile amasyo gha Kyala nu Kyala akukanile ugwe ukuya mwalafyale.” Samueli ikisyutuka ukuti abukeghe, Sauli alinkukolako kipeto kya nselekesye gwa Samueli, po lelo gilinkwenda nukunyafuka. Popapo Samueli alinkumbula alinkuti, “Untwa anyakileko ubunyafyale kumyako ubunyafyale bwa Israeli, ampele umwinako uyu yo nnunu akukindile ugwe.”
Sauli alinkubika ilikemo kwa Kyala, loli akalimpilikile Kyala. Samueli alimpilikile Kyala nukumbombela m’masiku gosa agha bumi bwake. (Ulwimbo)

Ikifwani Kya Kalongo Nububili Yesu Mnyumba Ya Kyala

Ikifwani Kya Kalongo Nububili Yesu Mnyumba Ya Kyala

Luka 2:41-50

Ifyinja fifingi bofikindilepo pa Samueli, alipo umwana nkaya ka Israeli ingamu yake Yesu. Maria yo ali nyina, loli Kyala yo gwise. Yesu nkabalilo kosa akampilikilagha Kyala. Bo alinifyinja kalongo na fibili, Maria nundume gwake Yosefu babukile nkaya ka Yerusalemu. Yesu abukile nabo. Bo bikugomokela, Yesu ayongile, po balinkundonda. Bo pakindile amasiku matatu balinkumwaga nnyumba ya Kyala. Alitugele pakati pabamanyisi ikubapilikisya nukubalalusya isya Kyala. Unyina alinkumbula umwanike alinkuti, “Gwe mwagwe, nongwa yafiki utubombile bo sisisi? Keta ughuso nanine tukulondile nubusulumanie?” Umwene alinkubamula alinkuti, “Mwandondelagha fiki? Ngimba mukamenye ukuti kumbaghile une ukuya nnyumba ya Tata?” Bo Yesu ali ndumiyana bo Samueli, asimenye ukuti alisile ukumbombela Kyala. Yesu alisile ukuti abalongolele abandu kwa Kyala. Pakuti Kyala yo malafyale gwa bwanaloli nu ndongosi gwabosa.

Ababombi ba Kyala Ulubafu babubili: Ubwandilo

Ababombi ba Kyala Ulubafu babubili: Ubwandilo

Abandu bamo abasubiligwa babo baliko liyolo bali babombi ba Kyala. Ndubatiko ulu, tukuya pakubabula mumo Kyala abasalile abandu abo ukuya basubiligwa kangi balongosi ba bandu. Igula ikifwani kingi apa mupilikisya ulwimbo ulu. (Ulwimbo)

Ikifwani Kya Kalongo Nubutatu Davidi, Untimi Unkifu

Ikifwani Kya Kalongo Nubutatu Davidi, Untimi Unkifu

1 Samueli 16:1-13, 17:34-35

Sauli ali malafyale gwa kwanda nkaya ka Israeli, loli akindilile ukusita kumpilikila Kyala. Kyala alindekile Sauli kangi akalintulile. Alipo undumyana unandi ingamu yake Davidi. Akatimaga ing’osi sya Tata gwake. Kyala alinsalile kale Davidi ukuya malafyale mmbuyo bwa Sauli. Davidi alinsubile Kyala kangi akali nulutende nalumo. Ilisiku limo ingalamu ya kolile ingosi yimo ndutimo lwake. Davidi akataga inyimbo inunu kangi akabalilo kosa ikimbaga inyimbo sya kumpala Kyala. Inyimbo sya mapalo syukoleligwa masalimo kangi sikwagigwa mmasyu ga Kyala mwibangeli. Davidi ali malafyale yuyo Kyala akandondagha ukuti abandu bosa bobayeghe. (Ulwimbo)

Ikifwani Kya Kalongo Nabuna Davidi Nu Goliati

Ikifwani Kya Kalongo Nabuna Davidi Nu Goliati

1 Samueli 17:1-54

Bwalipo ubwite pakati pa banya Israeli nanya Filisiti. Paba Filisiti alipo kalyoto ingamu yake Goliyati. Alinkukolela ku banya Israeli alinkuti, “Amusale yumo umundu ... uyu abagile ukulwa nukunghogha une, tukwisa kuyagha babombi binu.” Abakikolo kya ba Israeli bantilagha Goliati. Akalipo ugwakulwa nagwe. Popapo undumyana unandi ingamu yake Davidi alinkuti, “Ywani unfilisiti uyu ikutetemesya abalwa bwite ba Kyala gwa bumi?” Davidi akali nulutende na Goliati. Asimenye ukuti Kyala abagile ukuntula ukungoga kalyoto panongwa yakuti ubwite bwa Kyala. Popapo Davidi alinkusumuka ukwa kwaganila naGoliati, alyegile ifyata nkiboko alinkwega ulusangalabwe lumo, alinkulasa nifyata, popapo alinkundasa pakyeni. Goliati alinkwenda nukugwa pasi nukuti Davidi alinkubopela mbibimbibi nukwakwima pamwanya pa kalyoto. Popapo alinkwega ulubo lwa Goliati kutumula untu gwake. Bo aba kikolo kyaba Filisiti baketile ukuti ukalyoto gwabo afwile, balinkubopa. Abalwa bwite ba banya Israeli balinkubabopesya aba Filisiti nukubagoga. (Ulwimbo)

Ikifwani Kya Kalongo Nubuhano Sauli Ikugela Ukungoga Davidi

Ikifwani Kya Kalongo Nubuhano Sauli Ikugela Ukungoga Davidi

1 Sam 18:1 - 23:29

Pabwandilo Sauli ahobwike na Davidi nongwa yakubapoka abanya Israeli. Davidi alinkuya ndwabwite nkulumba kangi nundongosi gwa Israeli. Abanya Israeli bahobwike fiyo ukunkonga Davidi. Loli Sauli ali nakabini na Davidi. Ilisiku limo Davidi akamwimbilagha Sauli inyimbo pi pango lyake. Imbepo inyali syalingile mwa Sauli popapo alinkwegha ingwebo nkiboko kyake nukuyisopa ukuti andase Davidi, nikuti atoligwe loli iyene ingwebo yilikwakwingila mwimato. Ukufuma papo Sauli akalondagha ukuti anghoghe Davidi. Loli Kyala alinkunfigilila pa kuntuma umwana gwa Sauli ingamu yake Jonatani na banya Israeli abangi ukuntula Davidi ku balugu bake. Loli Davidi alinkubopa ukuya pabutali na Sauli utila ughoghigwa. (Ulwimbo)

Ikifwani Kya Kalongo Nubuhano Na Kimo Davidi Ikukana Ukungoga Sauli

Ikifwani Kya Kalongo Nubuhano Na Kimo Davidi Ikukana Ukungoga Sauli

1 Samueli 26:1-25

Sauli na balwabwite balinkwibilila ukundonda Davidi mululangalanga. Ikilo kimo bo Sauli na bandu bake balambalele, Davidi palikimo na Abishayi balinkubuka kuno baliko abalwa bwite ba Sauli. Balinkwaga Sauli agonile utulo nkati m’masasa, Abishayi akalondaga ukunghogha Sauli loli Davidi alinkanisye. Davidi alinkumbula ukuti, “Kyala ikwisa kulanga bosa abo bikubombela imbibi abanafyale abasaligwa.” Davidi alyegile ingwebo na misi kuntu kwa Sauli. Bo basokilepo pa misasa, Davidi alinkukolela kubandu ba Sauli. Alinkuti kwa Abinara, uyu ali mundu gwa kunfigilila umalafyale, “Utoligwe ukundindilila umalafyale gwako, lilino ukete kuno yiliko ingwebo ya malafyale gwako, nulupale ulwakunwelamo amisi, ifi afibikile kuntu?” Bo sikindile isi Davidi alinkuti kwa Sauli, “Mumo ubumi bwako bugindikigwa ilisiku ili kumyako, bunobuno mo buyilile ubugindikigwa ubumi bwangu kumyako, umwene Kyala yo ambokege une kubutolwe bwangu bosa.” Popapo Davidi alinkubuka kumyake yope Sauli alinkugomokela ku kaya kake. (Ulwimbo)

Ikifwani Kya Kalongo Nubuhano Davidi Ikuya Malafyale

Ikifwani Kya Kalongo Nubuhano Davidi Ikuya Malafyale

1 Sam 31:1-6; 2 Sam 5:1-25, 8:1-15

Abakikolo kya ba Filisiti balisile kangi ukulwana na banya Israeli. Umalafyale Sauli, umwanake Jonatani nabanyabo bagogigwe ku bwite. Popapo abandu balimbikile Davidi ukuya malafyale gwa banya Israeli. Ayengile inyumba yake ya bunyafyale nkaya ka Jerusalemu. Kyala alinkumbula Davidi alikuti, “Nakwegile kulukubo pa mtimo ukuya ndongosi gwa bandu ba Israeli...lino nguyapoyipeleka ingamu yako ukuya ngulumba, bo ingamu sya banyambala abakulumba pa kisu kya pasi.” Bo abakikolo kya ba Filisiti bapilike ukuti Davidi lino malafyale, bosa balinkwitendekesya ukwakulwa nagwe. Loli Davidi asubile kwa Kyala kangi alinkubomba bo mumo Kyala alimbulile, popapo alinkubagoga abakikolo kya ba Filisiti. Nkabalilo kake abatolile bosa abanya Filisiti. (Ulwimbo)

Ikifwani Kya Kalongo Nabuhano Nubutatu Davidi Na Batisheba

Ikifwani Kya Kalongo Nabuhano Nubutatu Davidi Na Batisheba

2 Samueli 11:1 - 12:20

Ilisiku limo Davidi akendaga pamwanya pa nyumba yake ya bunyafyale. Alimbwene unkikulu umogi ikoga. Davidi alinkundonda unkikulu yula. Ingamu ya nkikulu ali Batisheba. Ali nkasi gwa Uriya yuyo ali ndwabwite gwa Davidi. Uriya abukile ukwakulwa ubwite na balugu ba kikolo kya banya Israeli. Davidi apilike ukuti Uriya akayapo po alinkutuma amasyo ku ndongosi gwa bwite. Alimbulile unkulumba gwa bwite ukuti aketesye ukuti Uriya afwilile pa bwite. Popapo Davidi alinkumwega Batisheba ukuya nkasi gwake. Loli isi Davidi abombile sikalinhobwisye Kyala. Umwana gwakwanda gwa Davidi na Batisheba afwile. Davidi alinkusuma uluhobokelo kwa Kyala pa kindu ikibibi iki abombile. Amasyu ga Kyala gakuti “Ungalogwagha” kangi “Ungaghoghagha.” (Ulwimbo)

Ikifwani Kya Kalongo Nabuhano Na Buna Inyumba Ya Kyala

Ikifwani Kya Kalongo Nabuhano Na Buna Inyumba Ya Kyala

2 Samueli 7:1-29, 1 Isyambukulu 22:1-19

Davidi atulile inongwa nkyeni mwa Kyala, loli alinganile Kyala kangi akalondaga ukumbombela. Akalondagha ukuyenga inyumba yakwiputilamo inywamu, kuko abandu baghanileghe pampene ukundambila Kyala. Loli Kyala alinkuti, “Ukabagila ukunjengela une inyumba, buno ghonile fiyo ilopa pa kisu bo nanine nguketa namaso ghangu. Loli umwana undumyana uyo kwisa kumpapagha, yo isakuya mundu unganalutengano, yo nisa kumpagha ubutusyo kubalughu bake bosa aba bansyungutile; namanga isakubilikiligwaga ingamu ya Solomoni...yo isakunjengela une inyumba...nisakukyimikaga ikikota kyake ikya bunyafyale nkisu kya Israeli, ukuti kiyege kya bwila na bwila.” Davidi atendekisye ifindu fingi fiyo ifya nyumba ya Kyala nkaya ka Yerusalemu bo akafwa, loli yo Solomoni yo ayengile inyumba iyi. Pakindile ifyinja fihano nafibili ukumalisya inyumba iyi. Bwali buyo bununu fiyo. Abandu ba Israeli bakandambilaga Kyala mu nyumba ya Kyala yamu Yerusalemu, ifyinja ba mia, kangi bakalibibwe ukuti Davidi ali malafyale unkulumba. (Ulwimbo)

Ikifwani Kya Malongo Mabili Yesu Ikusulukila Ku Yerusalemu

Ikifwani Kya Malongo Mabili Yesu Ikusulukila Ku Yerusalemu

Matai 21:1-11

Ifyinja elifu bo fikindile bo afwile Davidi, Yesu apapigwe. Yesu afumile nduyungu lwa Malafyale Davidi. Unyina ali ndindwana unsita kumanya unyambala ingamu yake Maria ugwise yo Ntwa Kyala. Pa kisu Yesu ali mbombi nkulumba gwa Kyala. Akabamanyisyagha abandu isya bwanaloli sya Kyala. Akabombaga ifika namaka ga Kyala. Sauli na Davidi na twesa twebandu tuli batula nongwa pamaso gha Kyala. Loli Yesu akatulile inongwa. Akabalilo kamo afyukile imbunda ubuka ku Yerusalemu. Abandu babukile ukwakwaghana na Yesu nukuti balinkukolela, “Hosana gwe nnya Davidi,” hosana yusanusya ‘utufigwege.’ Kangi balinkukolela, “Nsagigwa uyu ikwisila mungamu ya Ntwa.” Abandu balinkuketa ukuti Yesu ali nkulumba ukinda Davidi. Malafyale ukinda abanyafyale bosa. (Ulwimbo)

Ikifwani Kya Malongo Gabili Na Kimo Injuni Sikundyesya Eliya

Ikifwani Kya Malongo Gabili Na Kimo Injuni Sikundyesya Eliya

1 Abanyafyale 16:29 - 17:6

Ufuma pa Davidi na Solomoni, abanyafyale abangi balagile ikisu kya Israeli. Alipo yumo umundu ingamu yake Ahabu. Ali nu nkasi umbibi ingamu yake Yezebeli. Aghoghile ababombi ba Kyala abingi, kangi abafimbilisyaga abandu ukulambila ififwani fya Baala, kyala gwa butungulu. Eliya ali nsololi nkulumba gwa Kyala nkabalilo kala. Abukile kwa Ahabu alinkuti, “Nikuyisila mu Ntwa Kyala gwa Israeli uyu nikumbombela, yitisakuyako indungwa nalinga kokutima ifula mfyinja fibili pamo fitatu ifi, bo une ngayoba.” Popapo Kyala atumile injala nkisu kya Israeli. Loli Kyala akindilile ukumpakikisya umbombi gwake Eliya. Kyala alintumile Eliya kubuyo ingamu yake Keriti, kuko akanwagha amisi ndusoko, kangi lubunju losa na ku namayolo, amakungulu gakatwalagha ifisyesye ni nyama kwa Eliya ukuti alye. (Ulwimbo)

Ikifwani Kya Malongo Mabili Nububili Eliya Nu Moto Gwa Kyala

Ikifwani Kya Malongo Mabili Nububili Eliya Nu Moto Gwa Kyala

1 Abanyafyale 18:16-46

Nkinja kya butatu kya njala Eliya alimbulile Ahabu ukuti abakolele abandu bosa abanya Israeli na basololi aba bakiputaga ku fifwani fya Baala, kyala gwa butungulu, ku kyamba ka Karameli. Atile kubene, “Linga Untwa yo Kyala, amunkongheghe yuyo; loli linga Baala, yo kyala amunkongege yuyo.” Akalipo uyu alyamwike. Eliya alinkuti, “Utupepo ingambako ibili; oko, abene bisalilepo ingambako yimo, bayighoghe bayilambalike inyama pa mwanya pa mbabu loli bangakosyangapo umoto. Nanine nikuya pakuyigoga ingambako iyingi nikuyilambalika inyama pamwanya pa mbawu, kusita kukosyapo umoto. Mukuya pakusuma kwa kyala gwinu, nanine nikuya pakusuma ku Ntwa.” Eliya alinkuti, “Kyala uyu ikwamulaga nu mot obo yo Kyala gwa naloli.” Abandu balitikene na Eliya. Ilisiku lyosa abasololi Baala balinkwiputa kwa kyala gwabo. Balinkusyungutila nu fina pa likemo lyabo kangi balinkwibola mumbili nimimage. Loli umoto gukalipo. Namayolo, Eliya atendekisye ilikemo. Ababulile abandu ukuti bone amisi pa likemo na pa mbabu. Popapo alinkwiputa kwa Kyala. Nakalinga itolo umoto ghulinkugwa ufuma kumwanya pa likemo lya Eliya. Gwa lyokike ilikemo na misi. Abandu bosa bali kukolela, “Untwa yo Kyala.” (Ulwimbo)

Ikifwani Kya Malongo Mabili Nubutatu Eliya Ikubuka Kumwanya

Ikifwani Kya Malongo Mabili Nubutatu Eliya Ikubuka Kumwanya

1 Abanyafyale 19:1-21; 2 Abanyafyale 2:1-14

Eliya aghoghile bosa abasololi ba Baala panongwa yakuti bali babibi fiyo. Unkasi gwa malafyale Ahabu Yezebeli alintetemisye Eliya ukuti ikuya pa kungoga. Ali nulutende nukuti ali nkubopa ukubuka kubutali kubuyo bwa lungalangala. Kukuko Kyala alyagene na Eliya. Bo Kyala ayobile nagwe, akali nulutende nalumo. Akindilile ukubamanyisya abandu ukundambila Kyala yumoywene ugwa bwanaloli.
Kyala alagile ukuti Elisha aye ntuli gwa Eliya. Ilisiku limo bo bikwenda pampene, umoto gwa magaleta mbibimbibi guli nkugwa pakati pamyabo nukuti Kyala alinkumwega Eliya mukafulafumbi ukubuka nagwe kumwanya. Popapo Elisha akalimbwene kangi Eliya. (Ulwimbo)

Ikifwani Kya Malongo Mabili Nabuna Eliya Na Mose Na Yesu

Ikifwani Kya Malongo Mabili Nabuna Eliya Na Mose Na Yesu

Luka 9:28-36

Ifyinja mia bahano na babili bo Eliya afwile, bo Yesu ikwikala pa kisu kya pasi, abegile abafundigwa bake batatu ubuka nabo ku kyamba ukuti bakipute. Bo Yesu ikwiputa, Mose na Eliya bali nkusetuka. Abafundigwa batatu bali nkububabona bala mbusisya. Popapo Kyala umwene alinkuyoba ufuma kumwanya, alinkuti, “Uyu yo mwanangu unsaligwa yo mumpilikileghe.” Yesu alisile pa kisu kya pasi kangi nukufwa ngati likemo lya mbibi syitu nimbibi sya bandu bosa akabalilo kosa, nongwa yakuti Kyala olonda ukubapoka abandu bosa ukwendela mmwanake Yesu. Yesu yo mpoki gwitu yuyo Kyala alinsyusisye mbufwe. Kyala ikupa ubumi bwa bwila bwila kubabo bikupilikila amasyo gake, nukusubila, nukunkonga Umwene.

相关信息

免费下载 - 免费下载传福音及发展教会所用的录音、图片、文本和其他相关资料。内容包括福音与圣经故事,并已被翻译成上千种语言。

"看,听,行"视听材料 - 这套材料,共有八个部分,每个部分24个图片,非常适合用于传播福音和基督宣讲。这套材料涉及到旧约中的人物,耶稣生平,早年的教会。材料已翻译成数百种语言形式。

如何运用GRN的音频和视频资源 - 第一部份: 使福音容易分享 - 这篇文章介绍了GRN音像资源在事工时的多方面应用。

如何使用GRN视听资源-第二部分:不断深入 - 这篇文章详细解释了人们如何从故事中学习,以及为什么故事中没有很多的评论。

环球录音网音频图书馆 - Mp3,CD和磁带格式的福音材料和圣经教学材料,满足人们不同文化的需求。录音材料的形式多样,包括简单的圣经故事,福音信息,经文朗诵和歌曲。

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?