Tara, Puratena & Hupa Embo 7 Jesus, Omuhona

Tara, Puratena & Hupa Embo 7 Jesus, Omuhona

रुपरेषा: From Luke and John. 24 sections. It has a picture book to go along with the recording.

स्क्रिप्ट क्रमांक: 424

इंग्रजी: Herero

थीम: Sin and Satan (Judgement, Sin, disobedience); Christ (Resurrection of Jesus, Son of God, Saviour of Sinful Men, Birth of Christ, Death of Christ, Life of Christ, Authority); Eternal life (Salvation, Eternal / everlasting life); Character of God (Grace and Mercy, Nature, character of God, Word of God (the Bible), Power of God / Jesus); Living as a Christian (Worship, Second Birth, Peace with God, Forgiveness, Faith, trust, believe in Jesus, Spiritual Life, Christian values); Life event (Death); Bible timeline (Gospel, Good News); Problems (Sickness, Problems, troubles, worries)

प्रेक्षक: General

शैली: Monolog

शैली: Bible Stories & Teac

उद्देश: Teaching

स्थिती: Publishable

स्क्रिप्ट मजकूर

Omatjiukisiro

Omatjiukisiro

Panga randje, Ingwi ngu isanewa kutja oJesus, Eye tjiri ongu ri Omuna waNdjambi (Ingwi ngwa hindwa i Ndjambi) nu me tu pe omuinyo waaruhe? Ongwatero yaJesus, noviungura ovihimise mbya tjita, nomuinyo we, nombendukiro ye mondiro, nomambo we, ye raisa kutja Eye ongu ri Omuna waNdjambi. Ngunda amo puratene kokasete nga, tara kotjiperendero membo indi epinge. Tji wa zuu ombosiro ndji (ombosiro) tara kotjiperendero tji matji kongorere.

Otjiiperendero 1: Ongwatero Yajesus

Otjiiperendero 1: Ongwatero Yajesus

Johanes 1:1-14; Lukas 2:1-11

Tara kotjiperendero. Pe notjunda. Oruveze pu pe rara ovipuka. Wina pe nokanatje ku ka kwatwa nambano nomukazendu, ina yokanatje nomurumendu we. Ovarumendu vetatu imba ovarwe ovarise vozondu. Avehe mave tara kokanatje. Ena rako oJesus. Omurumendu umwe wa woro ozongoro komurungu wokanatje Jesus. Ongwaye tji ma tjiti nai? Omena rokutja Jesus oku ke ri okanatje okanandengu mounatje auhe mbwa kwatwa. Ngunda Jesus e hi ya kwatwa kombanda youye, wa vazewa ku Ndjambi, koruveze ndu isanewa kutja eyuru. Ovina avihe vya ungurwa i Jesus. Ndjambi Eye Ombepo, nungwari we ri raisa ku ete mu Jesus, ngwa kwatwa ngunda ina aha rarere pu nomurumendu. Ihi tja tjitwa i yOmbepo Ondjapuke. Ombepo tjingeyo ondjiyai hupu mu Jesus Kristus. Mape hee kutja Jesus oNdjambi. Jesus we era okuyekukutura ovandu kouvi nokuturaisira kutja matu sora vi okurira ovanatje vaNdjambi.

Otjiperendero 2: Jesus Ma Tanaura Omeva Ye Rire Omavinu

Otjiperendero 2: Jesus Ma Tanaura Omeva Ye Rire Omavinu

Johanes 2:1-11

Jesus tja rira omurumendu omunene, otja ya komukandi. Ovahongewa ve na ina Maria, va ya puna Ye. Maria iya tjiwa kutja Jesus Omuna waNdjambi. Omavinu tji ya manuka, Maria wa karaera Jesus. Maria otja ka raera ovatirire vomavinu: "Tjiteye ngamwa atjihe tji me mu raere" Popezu mbo pari oviyemere 6 vyomeva. Jesus otja tja nai kovatirire vomavinu: "Uriseye ovikuve mbi nomeva." Owo otji va tjita nao. Jesus a tja: "Nambano woteye ko omeva nu mu ye tware komutye womariro." Omeva nga ya tanauka okurira omavinu omawa tjinene. Ovahongewa va uta okumuna kutja Jesus wa pewa omasa omengi i Ndjambi nowo va kambura mu Ye.

Otjiperendero 3: Jesus Ma Hungire Na Nikodemus

Otjiperendero 3: Jesus Ma Hungire Na Nikodemus

Johanes 3:1-36

Nikodemus wa ri omurumendu omunandengu ngwa ri omunane nomuhonge moIsrael.

Eye wa zuva kutja Jesus u tjita oviungura ovihimise. Eye wa zuva kutja Jesus iya sokuhindwa i Ndjambi. Eyuva rimwe otje ya ku Jesus mokati koutuku okukahungira kuna Ye ohunga na Ndjambi nohunga noviungura ovihimise Jesus mbye tjita. Jesus wa tjere nai ku ye: "Tjiri tjiri, me ku raere kutja omundu tje hi nokukwatwa rukwao kamaa sora okumuna ouhona waNdjambi." Nikodemus otje mu pura a tja: "Omundu ngwa kurupa ma sora vi okukwatwa rukwao? Indu eye ma sora okuyaruka mezumo raina na pandukwa rukwao porutjavari are?" Jesus we mu zira: Okanatje tji make kwatwa mezumo raina, u kara nomuinyo worutu. Omundu opa sere okukwatwa mOmbepo yaNdjambi, kutja ma kare nomuiyo mOmbepo. Ihi matji hee kutja omundu auhe ngu ma kambura mu Jesus Kristus na kara nonduviro kuye, wa kwatwa rukwao. Ovakambure ve hupa nga aruhe, mena rokutja Ombepo yaNdjambi i kara muwo. Nungwari auhe ngu ha vanga okukambura, eye ma kara kokure na Ndjambi nga aruhe nu kamaa i keyuru.

Otjiperendero 4: Omunane Ma Woro Ozongoro Komurungu Wajesus

Otjiperendero 4: Omunane Ma Woro Ozongoro Komurungu Wajesus

Johanes 4:46-54

Otjo tjita vi omuatje woye omuzandu tja vere tjinene? Omurumendu ngu mamu munu motjiperendero hi wa wondjo orure okumuna Jesus. Omurumendu wa ri omunane omunandengu, nungwari iye riheka ku Jesus: "Muhona, indjo tu yende, omuatje wandje ngunda e hiya ta." Jesus wa zira: "Yaruka koyoye omuatje woye u nomuinyo!" Omurumendu wa kambura na i konganda. Ngunda e ri mondjira, ovaungure ve ve mu tjakanena. Ve mu raera kutja omuatje we u nomuinyo (wa veruka). Ihe yomuatje wa tjiwa kutja oupyu wa piti momuatje oruveze ndwi Jesus tja tja omuatje woye u nomuinyo." Omurumendu nonganda ye aihe opu va kamburira mu Jesus.

Otjiperendero 5: Omurumendu Omuvere Potjizeva Tjabetesda

Otjiperendero 5: Omurumendu Omuvere Potjizeva Tjabetesda

Johanes 5:1-47

Motjihuro Jerusalem mwa ri otjizeva otjinene. Ovandu iyave kambura kutja potuveze tjiva, omeva tji maye zungwa, omundu ngwa tengepo okuhita motjizeva, iya veruka. Omurumendu umwe wa ri a vera oure wozombura 38. Jesus we mu muna potjizeva e mu pura: "Mo vanga okuveruka poo indee?" Omurumendu wa zira kutja: "Muhona, ami hina omundu mba ngu me ndji pundisa motjizeva omeva tji ya zungwa, nu tji me vanga okupunda aruhe mbi tengerwa po i omukwetu warwe." Jesus a tja: "Sekama toora otjiraro tjoye nu u kawondje."
Omurumendu wa veruka tjimanga. Ovandu tjiva va pindikira Jesus, mena rokutja wa verukisa omundu meyuva rapeke eyapuke, indi Esabata. Meyuva ndi Ovajuda iyave suva koviungura vyawo vyeyuva nave rikotamene ku Ndjambi. Omurumendu wa ya na karaera Ovajuda kutja oJesus ngwe mu verukisa nungwari owo kave vangere okukambura mu Jesus. Omaverukisiro nga ya raisa kutja Jesus ongu nousemba nomasa waNdjambi okuverukisa mu ngamwa eyuva, nandarire mEsabata.

Otjiperendero 6: Jesus Ma Parura Ovandu Ovengi Kombanda Yo 5 000

Otjiperendero 6: Jesus Ma Parura Ovandu Ovengi Kombanda Yo 5 000

Johanes 6:1-15, 25-28, 35; Mateus 14:19; Markus 6:41

Ovandu ovengi va zuva kutja Jesus u verukisa ovavere. Eyuva rimwe ovandu otji ve mu kongorera koruveze rwapeke. Kombunda yoruveze Jesus wa pura kovahongewa ve na tja: "Ozomboroto ndu maze yenene okuparura ovandu avehe mba matu randa pi." Omuhongewa umwe wa zira: "Pe nomuzandona mba ngu nozomboroto ndano ozombomba zovirya nozohi mbari. Nozo ze nondengu yatjike kovandu avehe mbe ta mba." Jesus wa haamisa ovandu kombanda yehozu. Wa kambura ozomboroto nozohi natja okuhepa ku Ndjambi, neze teya moundondindondi na yandja kovandu, otja pu mave vanga. Eyuva rarwe ovandu ve mu kongorera rukwao. Jesus we ve raera kutja: "Tjiri, tjiri me mu raere kutja ene kamu nakundjipahera imbi ovihimise mbi mwa munu, nungwari mamu Ndji pahere omboroto ndji ndji mwa ri na mu kuta. Amu ungirire ovikurya mbi yanda, nungwari ungurireye ovikurya mbi ha yanda nu mbi nomuinyo waaruhe." Jesus iya hungire ohunga na Ye omuini. Jesus iya tja Eye u yorokisa Ihe Ndjambi. Nu mena ranao Jesus otja tja: "Owami ngu mbi ri omboroto yomuinyo. Ingwi ngu me ya ku ami kamaa tondjara, nu ngu ma kambura mu Ami kamaa tonyota."

Otjiperendero 7: Jesus Ma Kayenda Kombanda Yomeva

Otjiperendero 7: Jesus Ma Kayenda Kombanda Yomeva

Johanes 6:16-21; Mateus 14:22-32

Kombunda yaJesus tja za nokuparura ovandu, Eye we ve hinda okuyaruka. Eye otja ya erike kondundu okukakumba. Ovahongewa va ronda mokayaha okukonda omuronga omunene. Kwa zorera notjikwasekama otjivepo otjinene momuronga. Jesus otja wondja kombanda yomeva okuya ku wo. Owo ve ripura kutja Jesus otjiruru otjinene, nave uruma tjinene. Jesus wa hungira kuna wo a tja: "Owami, amu tira." Eye wa ronda puna wo mokayaha/mokawato notjivepo a tji poro. Panga randje ihi tja raisira ovahongewa na ete wina kutja omasa waNdjambi ye ungura mu Jesus.

Otjiperendero 8: Jesus Ma Verukisa Omurumendu Omupotu

Otjiperendero 8: Jesus Ma Verukisa Omurumendu Omupotu

Johanes 9:1-41, 8:12

Pari omurumendu ngwa kwatwa omupotu. Ovahongewa vaJesus ve ripura kutja pa zokukwatwa omupotu omena rokutja eye poo ovanene ve va tjita ourunde. Nungwari Jesus we ve raera kutja omena rokutja oviungura vyaNdjambi vi munikwe momuinyo womurumendu ngwi. Jesus wa tjeka omate pehi, na tjiti omunoko. Eye wa toora omunoko, a hu komeho womurumendu ne mu raere kutja: "Twende u kerikohe momurungu motjizeva tjaSiloam. Siloam ri ha kutja: "Omuhindwa." Omurumendu wa zuva ku Jesus. Eye we kerikoha na kotoka ama munu. Mapanga, ovengi vetu twa potupara okuhinakumuna ozondjira zaNdjambi. Jesus wa tja: "Owami ondjerera youye. Ingwi ngu me ndji kongorere, kamaa ryanga ko mondorera, nu ma kara mondjerera yomuinyo."

Otjiperendero 9: Jesus Ma Pendura Lazarus Mondiro

Otjiperendero 9: Jesus Ma Pendura Lazarus Mondiro

Johanes 11:1-46

Pa ri omurumendu wena Lasarus ngwa verere tjinene. Ovatena Maria na Marta va raa ombuze ndji ku Jesus: "Muhona epanga roye esuverwa ra vere." Jesus tja zuu omambo nga a tja: "Omutjise mbwi kawokuta kwaLasarus, nungwari owo wa tjitirwa omaraisiro womasa waNdjambi. Jesus wa suverere Lasarus novatena kwe avevari. Jesus ka hakahanene okuyenda ku ye. Kombunda yomayuva yevari Jesus otja raera kovahongewa ve kutja: "Lasarus wa tu, nu motjimbe tjenu Ami me nyanda omutima kutja himba ripo, kokutja ene mu kambure mu Ami. Nungwari indjeye tu yende ku ye." Jesus tje ya mbo, Lasarus tjandje wa tjiti omayuva 4 meyendo. Ovatena kwe ve rikenda tjinene mena rokutja Jesus kena pe ya rukuru okumuverukisa. Jesus wa hungira ku umwe wawo a tja: "Omutena kwoye ma penduka movakoke." Jesus wa raera ovandu kutja ve paturure eyendo. Eye otja ravaera: "Lasarus penduka u pite!" Nu Lasarus wa pita meyendo. Eye ngunda e hiya pendura Lasarus mondiro, wa raera Martha nai: "Owami ombendukiro nomuinyo. Ngu ma kambura mu Ami ma kara nomuinyo nangarire kutja wa tu. Nu ngu nomuinyo na kambura mu Ami kamaa tu nga aruhe."

Otjiperendero 10: Jesus Ma Tu Kotjikroise

Otjiperendero 10: Jesus Ma Tu Kotjikroise

Johanes 18:1 - 19:42

Jesus wa raisa okuza moviungura ovihimise mbya ungura, kutja Eye omuna waNdjambi. Nungwari ovanane vOvajuda va ri neruru na Ye. Owo iyave vanga okumuzepa. Jesus wa raere kovahongewa ve kutja Eye wa sokutira ozondjo zovandu avehe. O mbwa ri omuano wokukotora ovarumendu novakazendu novanatje ku Ndjambi. Judas, umwe wovahongewa, wa horora Jesus ne mu yandja kOvajuda, a sutwa ovimariva (ovisilveri 30). Owo ve ya nave kambura Jesus. Petrus novahongewa varwe va tupuka, mena rokutja iyave tira. Ovanane vOvajuda ve mu twara kombanguriro, nungwari owo kaave yenene okuraisa kutja Eye u notjina otjivi tja tjita.

Nu kombanda yanao va ravaera: "Mu papera kotjikroise! Mu papera kotjikroise!" Kombunda Jesus wa etwa komurungu wovandu. Owo wina va ravaera nomasa: "Nga ze po! Nga ze po! Kemupapere kotjikroise!" Ovandu otji va zepa Omuna waNdjambi ngu hari nondjo. Ovanandjo 2 va paperwa puna Ye. Owo va vererwa ouvi wawo, nungwari Jesus ngu hina wa tjitire ourunde, Eye wa ta otjombunguhiro kourunde wovandu avehe, owandje nowoye. Jesus ongwa ri ombunguhiro Ndjambi ndja yenena okuyakura kourunde wetu.

Otjiperendero 11: Maria Na Jesus Peyendo

Otjiperendero 11: Maria Na Jesus Peyendo

Johanes 19:38 - 20:18; Mateus 27:60

Umwe wovahongewa vaJesus, ngwa ri Josef, wa ningira orutu rwaJesus. Eye wa pewa nu Josef otje ke ru twa meyendo eye nda unguririre ye omuini. Josef wa kunguzurira po ewe enene potjinyo tjeyendo. Meyuva oritjatatu kombunda yondiro ye, Maria Magdalena otja ya keyendo. Ewe ka ra ri potjinyo tjeyendo. Maria wa uta okurira. Eye we ripeta na natere meyendo. Orutu rwaJesus ka mu rwa ri. Pu pa ri norutu rwaJesus pa ri ovaengeli vevari. Maria tja tanauka, otja muna omurumendu ngwa kurama, nungwari eye a ha tjiwa kutja ongu ri Jesus. Jesus wa pura Maria a tja: "Muyozikwa, mo ririre tjike? Ove mo paha ni?" Maria we ripura kutja eye omuungure wotjikunino, ne mu pura kutja orutu rwaJesus ru ri pi. Jesus wa tja ku ye: "Maria!" Eye otja muna kutja oJesus. Eye wa ri nomuinyo! Jesus we mu raera a tja: "Nungwari twende kovangu vandje u keveraere nai: "Ami me yaruka ku Tate, wina ngu ri Iho yenu, na ku Ndjambi wandje, wina ngu ri Ndjambi wenu." Jesus tji ma hungire kutja ovangu vandje, iya hee ovahongewa. Eyendo kaari yenene okuhanda Omuna waNdjambi.

Otjiperendero 12: Jesus Me Riraisa Kovahongewa Ve

Otjiperendero 12: Jesus Me Riraisa Kovahongewa Ve

Johanes 21:1-19

Ngunda Jesus e hiya yaruka keyuru, wa ungura otjihimise wina. Eyuva rimwe ovahongewa vaJesus tjiva, va kakambura ozohi, nungwari kave na tji va muna. Tji pa tja, omuhuka omunene, kwe ya Omurumendu okuza munda mbwina nomuronga. Eye we ve raera kutja ngave umbe ozombate zawo komanene yokayoha (yokawato) kawo, kutja ve kambure ozohi. Owo va kara nonduviro nave kambura ozohi ozengi. Ovahongewa va tjiwa kutja ya ri Jesus ngwa hungire kuna wo. Owo va eta ozohi komukuro womuronga. Tji va za nokurya, Eye wa hungira kuna wo. Petrus wa ri mokati kawo wina. Eye wa tupuka puna ovahongewa imba ovarwe, otjikando ihi Jesus tja kamburwa. Kombunda eye wa ka patana Jesus (a tja eye ke mu i). Jesus nambano wa raera Petrus nai: "Ndji kongorera." Eye wa raera Petrus okutja a honge ovandu vaNdjambi (okuzuvarisa ombuze yaNdjambi) nokuvetjevera. Panga randje, Ndjambi u vanga kutja ovandu avehe ve zuve ohunga na Jesus noviungura vye ovihimise, kokutja ve kambure kutja Eye ongu ri Omuna waNdjambi. Mu kongorera nu u mune omuinyo waaruhe.

Omatjiukisiro

Omatjiukisiro

Panga randje, Jesus ongu ri Omukuture omunene. Eye u tu yama komaurunde na kouvi wetu ne tu pe omuinyo waaruhe. Puratena nu u rihonge ovingi ohunga na Jesus. Tara kotjiperendero tji matji kongorere tji wa zu nokuzuva ombosiro ndji.

Otjiperendero 13: Jesus Ma Hongo Ovahongewa (Ovakongorere) Vevari

Otjiperendero 13: Jesus Ma Hongo Ovahongewa (Ovakongorere) Vevari

Lukas 24:13-35

Ovajuda ovengi iyave ripura kutja Jesus me ve yama kovanane vOvaroma mbu va tondere tjinene. Nungwari ka mbya ri ovina Jesus mbya yerere kombanda yehi. Ovajuda mba kombunda omba ningira ovanane vOvaroma okuzepa Jesus. Ovanane va zepa Jesus indu tji ve mu papera kotjikroise. O ka katira ngo. Eyuva rimwe, Jesus tja za nokuta na penduka movakoke, ovahongewa ve vevari va ri mondjira okuyenda kozonganda zawo. Tjimanga Jesus otje rimunikisa kuwo. Owo ve ripura kutja Jesus omuyenda, otji ve mu serekarera mbya tjitwa. Jesus otje ve honga Moses novaprofete (ovahonge woviungura vyaNdjambi) mbi va hungira okuza korukuru ohunga na Jesus otja mOmatjangwa (ombeipela). Ovaprofete va tja Jesus ma sokuhihamisiwa nokuta. Owo wina va tja ma sokupenduka meyendo, okukahaama kokunene kwaIhe pu ma kahonapara ngaaruhe mouhona waNdjambi. Ongurova ndjo Jesus otja haama pu novahongewa mba okurya. Ngunda Eye ama teya omboroto okuvepa, omeho wawo otji ya patururwa nowo ave tjiwa kutja oJesus. Kuzambo otja zenga momurungu wawo. Owo va ya ku Jerusalem okukaserekarera kovahongewa ovakwao kutja va munu Jesus nokutja Eye u nomuinyo. Indjee tu puratene kutja Jesus omuini me tu hongo tjike mEmbo re.

Otjiperendero 14: Omuzandu Mokati Kozombinda

Otjiperendero 14: Omuzandu Mokati Kozombinda

Lukas 15:11-19

Jesus wa serekarera omasanekero womurumendu ngwa ri novazandu vevari. Omuatje ingwi omuzandu wa tja nai ku ihe: "Tate, ndji pa otjirumatwa tjouini woye, ihi tji matji rire otjandje." Ihe wa hana ovina pokati kovanatje avevari. Ingwi omuangu wa ya kehi rokokure. Eye wa kanyona ovimariva vye nomuinyo omuhazendu.
Otji kwe ya ourumbu mehi. Omuzandu ke na mbya hupa navyo. Otja kaungura pomurumendu ngwe mu twa pokutiza ozombinda. Eye wa ti rondjara tjinene nga tja zera okurya kovikurya vyozombinda.Eye otja uta okuripura nai: "Tate u novemuungurire ovengi, nowo avehe ve novikurya okurya mbya takavara, nu owami ngwi me tondjara muno mwi." O tje rihungirira nai: "Me sekama, e yaruka ku tate ne katja nai ku ye: "Tate, ami mba tura ondjo komurungu waNdjambi na komurungu woye. Opu mbi ha pwire okuisanewa omuatje woye rukwao, ndji vara otja umwe wovakarere voye."

Eye wa sekama tjimanga nai ku ihe.

Otjiperendero 15: Omuzandu Ngwa Pandjara Ma Kotoka Konganda

Otjiperendero 15: Omuzandu Ngwa Pandjara Ma Kotoka Konganda

Lukas 15:20-32

Omuzandu ngunda ri kokure, ihe we mu muna tji ma wondjo. Ihe wa tjakanena omuzandu we. We rimanga mosengo ye ne mu hupite. Eye wa raera ovakarere ve ve yete ozombanda ozombwa nokumutunina ovikurya oviwa. Eye wina wa tja: "... tu rye nu tu nyande. Orondu omuatje wandje ngwi wa kokere, nu eye ngwi nambano wa kotora omuinyo; wa pandjerere, nambano eye ngwi wa munika." Pa kara enyando enene. Panga randje, Jesus we tu honga kutja Ndjambi u ri otja ihe yomuzandu ngwi. Ovandu avehe ve ri otja omuzandu ngwa tjita ouvi ngwi. Nungwari Ndjambi we tu suvera ngamba. Eye ma undju kutja ete tu kotoke ku Ye. Ma vanga okutuisira. Opa za okuhinda Jesus okupaha nokukotora imba mbe ri kokure. Ovandu mbe hupa kokure na Ndjambi, va pandjara nu Jesus ongu ri Ondjira ai yerike ovandu mba pandjara ndji mave sokutoora okukotoka ku Ndjambi.

Otjiperendero 16: Ouini Womurumendu Omutumbe

Otjiperendero 16: Ouini Womurumendu Omutumbe

Lukas 12:13-21

Jesus wa serekarera kotjimbumba tjovandu ohunga nomurumendu omutumbe ngwa muna ovikurya ovingi mehi re romakunino. Eye wa tya okutunga ozondjuwo zomapwikiro ozonene nu me ripwikire ovikurya avihe mbi. Eye we ripura nai: "Indino otji me tja kwami omuini: Mundu omuningandu, u novina ovingi mbya pwikirwa ozombura ozengi. Nambano suva, u rye u nwe nu u nyande! " Nungwari Ndjambi wa tjere ku ye: "Yova ove! Outuku mbunombwi ove mo koka; nu tjazumba imbi mbi wa pwika mavi rire ovyaune?" Panga randje, Jesus wa tja: "Otjinga ape ri nao nomundu ngwe rinyanyangizira omautumbe, nungwari tjandje koumune mbwi wa Ndjambi eye ka mutumbe," mape hee kutja eye ke na omahakaeneno na Ndjambi nu kena ndakameno mu Ye.

Otjiperendero 17: Omuningire Nomutumbe

Otjiperendero 17: Omuningire Nomutumbe

Lukas 16:19-31

Jesus wina wa serekarera ehungi romurumendu omutumbe ngwa ri novina avihe omutima we mbu wa zerire. Ka a ri notjina tja hupisire omurumendu omuningire nguye ya pomuvero we. Omurumendu omuningire ngwi otja ta na i keyuru. Eye wa kahaama poruveze oruyozikwa mene yaAbraham. Ovajuda avehe va ri ozondekurona zaAbraham.

Omurumendu ngwi omutumbe tja ta, wa ya koruveze oruvi rwomihihamo indwi otjomuriro. Eye wa isana Abraham ma hinde omuningire okumuyetera omeva omatiti. Nungwari Abraham wa tja: "Pe na orutjiva orunene pokati ketu na ene, kutja imba ovanguno mbu mave vanga okukonda ku ene ngo, ave ha sora, nu imbo vomunda wenu wina ave ha sora okukonda nguno." Panga randje, motjomuriro kamuna ouwa nu kamu na omuano wokuhena. Ovandu mbu mave i ngo, mave kamuna omahihamisiro waaruhe. Kutja owete ovatumbe poo ovasyona, matu sokukongorera Ndjambi momuinyo mbwi, ete indu tji matu vanga okuyenda keyuru. Opu mo sokukambura mu Muhona Jesus Kristus nu mo yamwa komberero yatjomuriro.

Otjiperendero 18: Epanga Pomuvero

Otjiperendero 18: Epanga Pomuvero

Lukas 11:5-13

Omurumendu umwe, otjikando tjimwe we ya kepanga re mokati koutuku a tja: "Mukwetu, ndji yazema ozomboroto ndatu ozombomba. Omukwetu ngwe kuka we ya koyandje nambano nai, nu ami hi novikurya okumupa!" Epanga re ndi novanatje ve va ri ava rara. Neye kaa vanga okupenduka. Nungwari omurumendu ingwi ngwa ri pomuvero kaa tire ohoni okuningira komurungu ngunda ama rambwa, ngandu ndi epanga re tja tokusekama okukemupa mbi ma hepa. Jesus wa tja: "Ningireye nu mamu pewa; paheye nu mamu munu; kongoreye nu mamu patururirwa."

Jesus wina wa tja kahepero okuriheka ku Ndjambi. Eye oTate wetu omuwa. Eye U vanga okutupa Ombepo ye Ondjapuke nokutuvatera mu avihe mbi matu hepa. Tji matu sokutjita okuningira aruhe mongumbiro kutja Eye me tu vatere okukambura mu Ye nokuzuva kEmbo re.

Otjiperendero 19: Ovarumendu Vevari Mondjuwo Yandjambi (Ondembeli)

Otjiperendero 19: Ovarumendu Vevari Mondjuwo Yandjambi (Ondembeli)

Lukas 18:9-14

Ndjambi u zuva, omundu tji ma kumbu ku Ye? Motjiperendero hi matu munu ovarumendu vevari mbu mave kumbu mokereka (mondjuwo yaNdjambi/ondembeli). Omurumendu umwe omundu wokereka. Eye wina omuritongamise. Eye me rikumbire omuini ama tja: "Ndjambi me tja okunene uri okuhepa kOve kutja hi ri otja omutundu wovandu, okutja omarunga novahasemba novakatuke votukupo, nokutja wina hi ri otja omusutise wotjisuta tjouhona ngwi." Ndjambi ke nenyando nongumbiro yomurumendu ngwi. Omurumendu ingwi owarwe omusutise wotjisuta tjouhona ngwa ri omuhinauatjiri. Eye iya vaka ovimariva vyovandu. Eye otjaa tjiwa kutja ongaro ye ku na Ndjambi kai ri nawa. Eye we ripambara motjari napete otjiuru tje mohoni. Eye wa kumba ku Ndjambi a tja: "Arikana, Ndjambi, tjariparera ami omunandjo." Jesus wa tja Ndjambi wa zuvira ongumbiro yomurumendu ngwi. Eye we mu isira ozondjo ze. Panga randje, Ndjambi ka vanga overitongamise, nungwari ma sekirisa overisusuparise momitima.

Otjiperendero 20: Omurumendu Ma Kunu Ondwi Ye

Otjiperendero 20: Omurumendu Ma Kunu Ondwi Ye

Lukas 8:4-9

Eyuva rimwe Jesus iya hongo ovandu ovengi. Wa tja: "Eyuva omukune wa ire okukakuna ovikokotwa. Eye ngunda ama kunu ozondwi motjikunino, tjiva za wira mondjira naze yatwa, nozondera aze ze ri. Tjiva za wira mehi romawe, nozo tji za pita za kukuta tjimanga, ehi tjinga ari ha ri notjeme. Ozongwao zarwe za wira mehi ewa, nozo za hapa aze twa ko ovikokotwa, aihe peke esere rimwe." Jesus wa tjere kuwo: "Ngu nomatwi okuzuva nga zuve." Ovahongewa vaJesus ve mu purire kutja omasanekero nga maye hee tjike.

Otjiperendero 21: Ondwi Mai Piti

Otjiperendero 21: Ondwi Mai Piti

Lukas 8:9-15

Jesus omasanekero nga we ye handjaura nai: "Ozondwi ozo Embo raNdjambi. Ozondwi nda nda wira mondjira ozo ovandu mba mbe zuva indi embo, nungwari Satan e ya, nu a hakana embo ndi momitima vyawo, kokutja ave ha kambura nu ave ha yamwa. Ozondwi nda nda wira mehi romawe ozo ovandu mba mbe zuva indi embo nave yakura ro nenyando. Nungwri embo ndi kari hara omize mu wo; owo ve kara nongamburiro okaruveze okasupi uriri, nu omarorero tji ye ya ave poka kembo ndi. Ozondwi nda nda wira mokati kozohongwe ozo ovandu mba mbe zuva indi embo; nungwari omerikendero noutumbe nomananukiro wovina vyouye mbwi vi ya mu wo navi nee indi embo, nu ari ningi ovihape. Nozondwi nda nda wira mehi ewa ozo ovandu mba mbe zuva indi embo nave tiza ro momitima omiwa nominanduviro, nowo ve ramanga mu ro nave ruku ovihape."
Panga randje, ove mo tjiti vi Embo raNdjambi tji mari hungire kuna ove? Mo kara nokuhinanduviro opandjara? Poo mo kara nonduviro kEmbo raNdjambi, nokambura mu ro nu momuano mbwi onyandisa omutima waNdjambi? O tji mo kara otja ondwi ndji ri mehi ewa.

Otjiperendero 22: Ombatero Komundu Ngwa Ri Moumba

Otjiperendero 22: Ombatero Komundu Ngwa Ri Moumba

Lukas 10:25-37

Matu tjiwa vi kutja eyuva arihe me hupu otja Ndjambi pu ma vanga? Omatjangwa (Ombeipela) ye tu honga kutja matu sokusuvera Ndjambi novakwetu. Nu imba ovandu ovakwetu oovene mbu matu sokusuvera? Jesus wa serekarera omasanekero womurumendu ngwa ri mouyenda mondjira muya mu ha wondjwa. Otjimbumba tjovandu ovapunde tje mu wira na tji mu tono. Owo va vaka avihe mbya ri navyo nave mwesa e ri ohinga kokukoka. Kombunda ovarumendu vevari vokereka va kapita puye. Va muna omurumendu ngwi ngwa tonwa a saravara, nungwari kave mu vaterere. Otji pakapita omurumendu wambangu ne mu tire ondjenda. Eye wa manga oviraro vye, e mu turike kokasino ke ne mu twara konganda yovayenda kutja a ka vaterwe. Jesus wa tja tji twa suvera Ndjambi matu sokuraisa orusuvero tjingero ndwi, okuvatera omundu ngamwa ngu ri moumba.

Otjiperendero 23: Omuini Wonganda Ma Kotoka

Otjiperendero 23: Omuini Wonganda Ma Kotoka

Lukas 12:35-42

Zemburukeye kutja Jesus wa penduka meyendo tja za nokuta. Ovahongewa (ovakongorere) ve ve mu muna ngunda e hi ya ya keyuru. Jesus we veraera kutja ma kotoka rukwao. Eye iya tja avehe mbe kambura mu ye mave sokukara otjovakarere mbu mave undju omuhona wawo okukotoka okuza komukandi. Jesus wa tja: "Ovaningandu ovakarere mba eye mbu ma vaza ave ri katumba." Panga randje, katu tjiwa kutja Jesus ma kotoka rune. Matu sokumuungurira a twe rirongere okumuyakura Eye tji ma kotoka. Eye ma tjiti kutja ru rire oruveze rwenyando enene. Kovahakambura (mbe ha kongorere Jesus) maru rire oruveze rworuhoze orunene. Jesus wa ya, ovandu mba zikwa kombanda yovakarere ve mave sokurirongerera omeero we. Tji mave ungura nawa mondjuwo ye, ave tjevere ovakarere ve, mave pewa otjisuta otjinene. Nungwari tji mave tumbu ovakarere ve navi nave nu ovipurukise, omberero yawo mai rire ondeu tjinene.

Otjiperendero 24: Omurumendu Kombanda Yomuti

Otjiperendero 24: Omurumendu Kombanda Yomuti

Lukas 19:1-10

Jesus ma yenene okuyama omundu ngamwa kourunde. Puratena. Sakeus wa ri omuwonge wotjisuta tjouhona ngwa ri aa tumba. Eye wa ri novineya nu iya vaka ovimariva vyovandu. Eye iya vanga okumuna Jesus, nungwari wa ri okasupi tjinene nu Jesus wa ri a kondorokwa i yotjimbumba tjovandu. Sakeus opa za okuronda komuti, nu Jesus tja kapita mbo, wa tara kombanda na tja: "Sakeus, hakahana okuheruka, orondu ndino me sokukauhara moyoye." Ovandu va kuminwe. Sakeus kaari omurumendu omuwa. Nungwari Sakeus wa heruka komuti na yakura Jesus nenyando enene. Eye wa kwizika kutja ma isa ovina avihe ovivi momuinyo we na rundurura ongaro yomuinyo we. Eye wa tya okuyarura ovina avihe mbya vakere. Jesus wa tja: "Ndinondi ondjuwo ndji ya munu ondjamo." Panga randje, Jesus we ya okupaha nokuyama mba pandjara. Zemburuka, tji mo tanauka okuza ko kondjira ombi, tjimuna Sakeus tja tjita, mo yenene okutuna omuinyo woye kuna Ndjambi indi tji mo kambura mu Jesus nokara nonduviro ku Ye.

संबंधित माहिती

Free downloads - Here you can find all the main GRN message scripts in several languages, plus pictures and other related materials, available for download.

"Look, Listen and Live" audio-visual - A set of 8 programs of 24 pictures each for evangelism and Christian teaching. The series presents Old Testament characters, the life of Jesus, and the young church.

How to use GRN Audio visual resources - 1: Sharing the Gospel made easy - This article gives an introduction to some of the many different ways the GRN audio visual resources can be used in ministry.

How to use GRN Audio visual resources - 2: Going Deeper - This article gives further explanation of how people learn from the stories, and why the stories do not have a lot of commentary.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?