Buukhu 7 Woone, Wiiwe ni okhale

Buukhu 7 Woone, Wiiwe ni okhale

रुपरेषा: From Luke and John. 24 sections. It has a picture book to go along with the recording.

स्क्रिप्ट क्रमांक: 424

इंग्रजी: Xirima

थीम: Sin and Satan (Judgement, Sin, disobedience); Christ (Resurrection of Jesus, Son of God, Saviour of Sinful Men, Birth of Christ, Death of Christ, Life of Christ, Authority); Eternal life (Salvation, Eternal / everlasting life); Character of God (Grace and Mercy, Nature, character of God, Word of God (the Bible), Power of God / Jesus); Living as a Christian (Worship, Second Birth, Peace with God, Forgiveness, Faith, trust, believe in Jesus, Spiritual Life, Christian values); Life event (Death); Bible timeline (Gospel, Good News); Problems (Sickness, Problems, troubles, worries)

प्रेक्षक: General

शैली: Monolog

शैली: Bible Stories & Teac

उद्देश: Teaching

बायबल अवतरण: Extensive

स्थिती: Publishable

स्क्रिप्ट मजकूर

Masu Oopacera

Masu Oopacera

Mooni atthu ootheene. Neereke Yeesu mwaana a Muluku? Onoonivaha okumi woohimala? Oyariwawawe, sootikinihasawe, mweettelowawe, ovinyererawawe mookhwaani, ni maswaawe onnoonihera weera mwaana a Muluku. Mwiiwaka ekasete, mwehe itthu sicaambuliwe sa Buukhu 7.

Mwiiwaka oruma, (signal) mpittikuxe ebuukhu mwehe soocaambuliwa sikina.

Ethoonyihero 1: Oyariwa wa Yeesu

Ethoonyihero 1: Oyariwa wa Yeesu

Olaleya wa Yohaani onnileela sa Yeesu opacenre h: "Ompacereroni naari Nsu ni Nsu naari ni Muluku ni-tho naari Muluku. Nsu naathatuwa erutthu ni naakhala variyariwahu." Iyo sintaphulela weera Masu, mutthu. Masu a Muluku anninihusiha weera Masuweene yaawo, ti Yeesu.

Marweelowaawe Yeesu mwelaponi ti h: Mwaamwali mmoha iitthaniwa Maria, aakhala ecidade ekhaaneene yeeriwa oNazareti, niwooko aari anloko na Abrahamu. Maria khaatheliwe, aari othomeriwa ni mulopwana eeriwa Yosefe. Nihiku nimoha Muluku aamuruma ngelo mutthenga wa Maria. Ngelo aaheera: "Maria, weyo wothanliwa weera omuyare mwaana a Muluku. Munepa Wootteela onimookhuruwela ni onimoorupaliha erukulu. Mwaana oneeraawo omuyare aniitthaniwe Yeesu, niwooko anaavuluxe atthuwaawe mwa soottheka saya."

Ngelo aarowiha mitthenga wa Yosefe, weera ahoove omuthela Maria, erukulu erwiy wa Muluku, khehiyono ya mutthu. Tivawo aniitthaniwe mwaana a Muluku.

Ethoonyihero 2: Yootikiniha yoopacera ya Yeesu

Ethoonyihero 2: Yootikiniha yoopacera ya Yeesu

Yeesu unnuwa moosuwelani ni mmahalani va maithoni va Muluku ni va atthu. Nihiku nimoha Yeesu ni oohuseraawe vamoha ni amayawe yaalattuliwa woothelanani. Ohakalaliwa hiihaale namuteko aaneene vaate aaheera: "soowura soomala." Maria aahiiwa ni aamuleela Yeesu. Owo aasuwela weera Yeesu mwaana a Muluku, tivawo aaweerela anamiteko: "Mpakeke sootheene onoorumaaweni opaka." Saakhala weiwe nyaapu sitokotoko sa maluku aYuda yiirapihaaya sintoko yaahimaaya malamulo adiinaaya. Yeesu aaweerela anamiteko: "Musarihe nyaapu iya maahi." Ni awo yaasariha sootheene. Ni Yeesu aaweerela: "Mukuxe mmurowihele mutokweene a anamakawa." Anamiteko yaapaka hiiho. Mutokweene aanamakawa aalawiha, ni aahoona weera yoowura ele yooreeraxa opwaha sikina saawuriwa. Mutokweene eera ahisuwelaka weera Yeesu oopanka sootikiniha. Oohusera a Yeesu yaahoona itthu aapankaawe ni yaaroromela weera orwiye wa Muluku ni weera ti Apwiya.

Ethoonyihero 3: Nikodemu onkumana ni Yeesu

Ethoonyihero 3: Nikodemu onkumana ni Yeesu

Aakhala mulopwana mu Yuda eeriwa Nikodemu, aari mutokweene adiini. Aavinya ohiiyu arowaka olokolola ni Yeesu niwooko aatthuna osuwela vancipale sa Muluku. Yeesu aamweerela: "Mutthu aahiyariwa wanaaveeli, khanoona omwene wa Muluku." Nikodemu aamukoha: "Mutthu anaayariwe hayi wanaaveeli uluvanleene?" Yeesu aamwaakhula: "Mwaana ayariwa ni amayawe, onkhalano okumi wa erutthu, tivawo onnatthuneya mutthu oyariwa ni Munepa wa Muluku weera akhaleno okumi wa mmunepani." Hiiho ontaphulela weera yaawo animuroromela Yeesu Kristu, aayariwa wanaaveeli. Yaawo aroromenle, anookhalano ni okumi mahiku ootheene niwooko Munepa wa Muluku onkhala mwa yaawo. Vano ale ahimuroromenle Yeesu, anookhala ottayi ni Muluku mahiku ootheene.

Ethoonyihero 4: Mwene mmoha onimukokhorela Yeesu

Ethoonyihero 4: Mwene mmoha onimukokhorela Yeesu

Ecidade ya oKafarnau aakhala mwene mmoha mutokweene. Owo khaahakalala niwooko mwanaawe aamvoreiwa vancipale. Iiwalaawe sihimmwaka sa Yeesu aaheetta mukwaha mutokotoko orowa omoona. Aamphwanya Yeesu aamucoondelela weera arowe owanyawe amulamihe mwanaawe. Yeesu aahoona weera mutthu ola veekhaikhai oororomela weera Yeesu onoomulamiha mwanaawe. Tivawo aaheera: "Oroweke, mwanaawo mukum." Mulopwana ole aaroromela masu a Yeesu ni aahokoleela owaani. Eettaka hiihaale arowaka, anamitekowawe yaamuthikileela omuleela masu ooreera weera mwaninyu oolamihiwa. Mulopwana aahoona weera ehuhueene yeele Yeesu eenraawe mwanaawo mukum, aalamihiwa. Mulopwaneene yooleni amusaawe ootheene yaamuroromela Yeesu.

Ethoonyihero 5: Yeesu onimulamiha mutthu ooheetta

Ethoonyihero 5: Yeesu onimulamiha mutthu ooheetta

OYerusalemu naakhala nipuro na maahi. Atthu yannaakhulela weera wakhala mutekuteku mmaahini, muretta anaakuvele okhupwela mmaahini, onoolama. Aakhala mulopwana saavinre iyaakha miloko miraru ni iyaakha ithanu ni tthaaru avoreiwaka. Yeesu aamoona weiwo ni aamweerela: "Munnatthuna olama?" Mulopwaneene yoole aahaakhula: "Miyo nkimmoona ookikhavihera okhupwela mmaahini wakhala mutekuteku." Yeesu aamweerela, "Ovinye, ovinxeke mwinlaawo ni oroweke." Ehuhueene yeele, mulopwana aalama. Atthu akina yaamunyoonyeriwa Yeesu niwooko aalamiha nihiku nooveruka. Nooveruka naari nihiku aYuda yaamulapaaya Muluk'waaya. Mulopwana aarowa ni aahaaleela aYuda weera okilaminghe Yeesu, ni awo khayaatthuna omuroromela Yeesu.

Ethoonyihero 6: Yeesu onaanceerera yooca

Ethoonyihero 6: Yeesu onaanceerera yooca

Nihiku nimoha Yeesu aarowa ottayi wa atthu, ni atthu yaamutthar weiwo, niwooko yaahoona weera Yeesu onnapanka sootikiniha. Yeesu annaahusiha sa Muluku. Yeesu aahaakoha oohuseraawe: "Nnakuxe wowi sooca sowaavaha atthu ootheene? Mmoha aahaakhula: "Ookhala mmiravo ola orino ipau ithanu ni ihopa piili, nseere ohikwana." Yeesu aahaakilaathiha atthu. Aakuxa ipau ni ihopa amvaha assante Muluku. Aameyanya sooca anaakawela atthu. Atthu ootheene yaahooca enavona. Oxaawaya, atthu yannamuttharatho Yeesu. Yeesu aaweerela: "Kinooleelani weera khohiyono munkittharela woona sootikiniha, niwooko mohooca ni moovona irukulu sanyu." Aaweerelatho: "Nyuwo muhipwatth sooca sinuuntta, mpwattheke sooca sihimmala mpaka okumi woohimala, ti seiyo mwaana a mutthu aarweelaawe ovaha." Yeesu aaheera: "Miyo ti yoomi yooca ya okumi, yoowo onrwa wa Miyo khamvoliwa ettal."

Ethoonyihero 7: Yeesu oneetta vasulu vamaahi

Ethoonyihero 7: Yeesu oneetta vasulu vamaahi

Yohane 6:16-21

Yeesu aahaalaxera atthu weera erowke mmawanyaya. NI aaweerela oohuseraawe weera elapuwe mpaka okhopela wa ephareya yo Galileya. Owo arowaka ovekela nipuro na meekhaawe. Ohiyuweene, yanneettiha nikula ni ikuru, niwooko epheyo yannoopa etokotoko yaamana nikula. Ehuhueene yeele, yaamoona Yeesu arwaaka eettaka vasulu va maahi. Oohuseraawe, emoonakaru, yaahoova ni othanana yeeraka apaale kayaya. Yeesu oonnaawe woova waya, aaweerela: "muhoove, ti yoomi." Yeesu aavolongwaawe munikulani, epheyo ni mutekuteku waamaala. Ni yaaphiya vaanaanoru yaarowaayawo.

Ethoonyihero 8: Yeesu ni mutthu oohoona eyareliwaawe

Ethoonyihero 8: Yeesu ni mutthu oohoona eyareliwaawe

Yohane 9

Nihiku nimoha, Yeesu ni oohuseraawe yaakumanano mulopwana oohoona eyareliwaawe. Oohusera yuupuwela weera naari niwooko na soottheka yaapankaaya apapawe hoye-hoye muneene. Vano Yeesu aaheera: "Ola oyariwe hiiho oohoona weera oon ikuru sa Muluku mookumini mwawe." Yeesu aasenyela vathi eetheya etthaya ni isenye. Aakuxa mattope ahela mmaythoni mwa mulopwana ole ahoona. Ni Yeesu aaheera: "Orowe, wasuusule ntthiya no Siloam." Siloam ontphulela oorummwa. Mulopwana ole aahaakhulela ni aarowa osuusula. Aahokolowa oonak. Owo ni amusaawe yaatikhina ni yaahakalala, enamuttittimiha Muluku. Ancipale ari oohoona moomusuwelani Muluku. Yeesu eenre: "Miyo ti omwaleela wa elapo. Yoowo onkitthara, khaneetta mpiphini, onookhalano omwaleela wa okumi."

Ethoonyihero 9: Yeesu onimvenxa Lasaru mookhwaani

Ethoonyihero 9: Yeesu onimvenxa Lasaru mookhwaani

Yohane 11

Ookhala mulopwana aavoreiwa iitthaniwa Lasaru. Axirokorawe eeli, Maria ni Marta, yaamuleela Yeesu weera Apwiya, ole mwaamusivelaanyu onoovoreiwa. Yeesu iiwakaru, aaweerela: "Eretta eyo khehiyono yookhwano. Oneereliwa mwaana a Muluku weera attittimihiwe niwooko na yeeyo." Yeesu aamusivela Lasaro ni axirokorawe, vano khaarongwe ehuhueene yeele. Evirakaru mahiku meeli, Yeesu aaweerela oohuseraawe: "Nthamwenaahu Lasaru ohookhwa. Wooreeravo wa nyuwo mwahakhanlaanyuwo weera mukiroromele. Nrowe weiwo." Yeesu aphiakaru, aamphwanye Lasaru avithiweene evinreene mahiku maxexe. Axirokorawe Lasaru yaari oothanana niwooko Yeesu khaaphinye ahikhwiiye weera amulamihe. Vano Yeesu aaweerela "Murokoranyu onoovinya." Aaweerela atthu muhule mahiyeene. Ni aakhuwela eeraka: "Lasaru, okhumele vaate!" Lasaru aakhuma ni ekuwoweene aakhuneeliwaawe. Yeesu aaheera: "Miyo ti yoomi ovinyerera ni okumi. Yoole onkiroromela, naari akhwiyeene, onookhalano okumi."

Ethoonyihero 10: Okhwa wa Yeesu vamuttaandani

Ethoonyihero 10: Okhwa wa Yeesu vamuttaandani

Yeesu ohoonihera mwa sootikiniha sawe weera owo mwaana a Muluku. Vano asitokweene aYuda yaasarano nrima. Tivawo yaahiiwanana omwiiva. Yeesu aahaaleela oohuseraawe weera owo onnatthuneya okhwa weera akwanihere soowuupuwela sa atithawe a wiirimu waavuluxa atthu. Ti okhwawawe weeraaya owereye waakuxa atthu waahokoloxera wa Muluku. Yudas mmoha a oohusera a Yeesu aamvariha eerelaka musurukhu. Asitokweene aYuda yaahoorwa emvara Yeesu. Oohuseraawe ootheene yaahoova, etthaw. Asitokweene aYuda yaamurowiha omilattuni, vano khiyaamoonneno etthu yoonanara. Waarookhalaru hiiho yaakhuwela yeeraka: "Munthomeye, munthomeye." Ni Yeesu aakuxiwa ni atthu. Ootheene ekhuwelaka: "Akuxiweke, arowihiweke, munthomeye!" Vaavaale atthu yaamwiiva mwaana a Muluku oohittheka. Aakhwiiye vamoha ni anamwiiya eeli. Awo yaakhwenle onanariha waya, vano Yeesu aakhwiiye antoko mukuttho waatthu ootheene. Hiiho Yeesu aarweenle onoopola ottaruxiwawahu niwooko na sootthekasahu. Yeesu aari mukuttho mmoharu Muluku aakhulenlaawe niwooko na sootthekasahu.

Ethoonyihero 11: Yeesu oovinyerera mookhwaani

Ethoonyihero 11: Yeesu oovinyerera mookhwaani

Yohane 20

Yaari etthu yaakhoveleliwe khalayene vaavaale mutthu akhwa, aavithiwa mukhukuni. Yeesu akhwaakaru, asinthamwenaawe yaamukuxa envoliiha mukhukuni. Ettiya vamulako ni nluku ntokotoko. Nihiku nanaararu, naari Namurungu, Maria Madalena aarowa onihiyeni. Aakhuveelaawewo, aahoona nluku ntokotoko naari vamulako nireene okhwipi. Anapacera winla. Aahuurama athurumelaka mpuwa. Erutthu ya Yeesu khoonnemo. Aawoonne angelo eeli ekilantheene vaavaawo Yeesu aaraawewo. Maria aahokoleela ottuli ni aamoona mulopwana, khaamusuwenle weera Yeesu. Yeesu aamukoha: "Muthiana, oninla eheeni? Onaasa eheeni?" Maria eera apaale muneene ematta yaari vaavaale, ni aamukoha: "Erutthu ya Yeesu eri wowi? " Ni Yeesu aaheera: "Maria!" Owo aahoona weera aari Yeesu. Mukumi! Yeesu aamweerela Maria: "Ohokoloweke waaleele axunnaka weera Miyo kinohokoleela waatithaka ni atithinyu, wa Mulukwaka ni Mulukwaanyu." Eeraawe axunnaka aahima oohuseraawe.

Mwaana a Muluku mukumi. Okhwa khowenre omvara omutthuka.

Ethoonyihero 12: Yeesu onaakhumelela oohuseraawe

Ethoonyihero 12: Yeesu onaakhumelela oohuseraawe

Yeesu ahihokoleenle wiirimu, aapakatho yootikiniha emoha. Waakhala ohiyu mmoha, oohuseraawe yaarongwaaya otothela ihopa, khiyaaphwannye etthu. Oyaaka ni oxa, aakhumelela mulopwana muxerexere mwaaphareya. Owo aaweerela: "Mvonyere matthavi mpantta woolopwana wanikula, munoophwanya etthu. Awo yahiiwelela ni yaaphwanya ihopa sincipale. Vano oohusera yaasuwela weera aari Yeesu. Awo yaasusihera ihopa oxerexere. Weiwo Yeesu aareherera yoocaaysa. Ecaakaru, Yeesu aalokololano. Pedrutho aari vaavaawo. Ompacereroni, Yeesu aavariwaawe, owo aatthawano ni aamukhoottatho Yeesu weera nkimusuwenle. Yeesu aamweerela Pedru: "Okitthareke Miyo." Yeesu aamweerela Pedru weera aahusiheke atthu a Muluku ni aakhapeleleke. Asinthamwene, Muluku ontthuna weera atthu ootheene yiiwe sa Yeesu sootikiniha sawe ni weera emuroromele weera mwaana a Muluku. Mmutthare yoowo munoophwanya okumi woohimala.

Mpittikuxe ekasete weera mwiiwe etthu enkhumelela hiyo naakhulela weera Yeesu Mvuluxa.

Ethoonyihero 13: Yeesu onaahusiha oohusera eeli

Ethoonyihero 13: Yeesu onaahusiha oohusera eeli

AYuda ancipale yuupuwela weera Yeesu anaavuluxe mwa asitokweene yahaatthunaaya ooRoma. Vano Yeesu khaarweenle yeeyo. Tivawo aYuda yahaavekela aRoma weera emwiive Yeesu. Awo yaamwiiva emukhomelaka ni misomaari vamuttaandani.

Akhwiiyeene Yeesu oohuseraawe eeli yaamweetta erowaka owanyaya. Yeesu aamutthaananano erowaka omoha. Muluku aahaakhoottihera omusuwela ehuhueene yeele. Awo yuupuwela weera multto. Tivawo, yaammuleela sootheene seerenye ni Yeesu. Asilopwana ale yaahiiwa weera Yeesu oohokoleela okumi, vano khiyaasuwela yaareene ekhaikhai. Ni Yeesu aapacera waaleela itthu sootheene ahimme Moises ni maprofeeti a Muluku khalayi sa mvuluxa. Maprofeeti yaahima weera Mvuluxa onoohaawa ni onimookhwa, ni weera nihiku nanaararu onookhala ni okumitho. Ohiyuweene yoole, owo aakilaathi ni yaale ecaaka vamoha. Yeesu aameyanyaawe epau ntoko nihiku noomalihera yaaciyaaya vamoha, yaamusuwela weera ola, Yeesu. Emusuwelakaru, aalakaseya. Ale ooweeli yaatthimakela oYerusalemu waaleela oohusera akina weera noomoona Yeesu, owo mukumi. Ohakalala wahaasareya mmirimani ni yaasuwela weera Yeesu, Mvuluxa eekhaikhai.

Ethoonyihero 14: Mwaana ooriheya

Ethoonyihero 14: Mwaana ooriheya

Yeesu aahima ethal yamulopwana aarino anamwane eeli. Amukhaani aaweerela apapawe: mukikaweleke sawaka itthu nraahuno. Apapawe yahaakhulela yahaakawela ooweeli. Amukhaani aarowa elapo ekina ottayi. Aamaliha itthusawe sootheene onanariha. Aapacera ohaawa niwooko aananariha musurukhwaawe ootheene ni asinthamwenaawe ootheene yaamutthawa. Muteko aphwanyaawe waar woociha ikuluwe. Annavoliwa vancipale mpaka otthuna oca sooca sa ikuluwe. Aapacera wuupuwela: Anamiteko aapaapa animooca enavona, vano miyo, kinoohaawa etal. Aahuupuwela weera kinoohokoleela waapaapa kaaleele weera Miyo koomutthekela Muluku ni kohootthekelani. Nkiphwanenle okhala mwaninyu. Mukipake namutekowaanyu. Aavinya anapwaha waapapawe.

Ethoonyihero 15: Mwaana aarihengye onghokoleela owanyawe

Ethoonyihero 15: Mwaana aarihengye onghokoleela owanyawe

Arwaaka ottayi, apapawe yaamoona. Apapawe yaamutthimakela ni yaamukhubaara. Awo yaahaaruma anamitekowaaya weera eruuhe ikuwo sooreera engwarihe ni weeratho yaapeiye sooca sooreeraxa. Yaaheeratho: "Nnoohakalala vancipale niwooko mwanaka aahookhwa, vano mukumi, aariheya, vano oophwanyeya." Waahakalaliwa vancipale. Asinthamwene, Yeesu oonnileela weera Muluku onipanke, ori ntoko apaapa yaawo. Atthu ootheene ari ntoko mwaana yoowo aatthenke. Vano Muluku nlelo onnanisivela. Owo ontthuna weera hiyo nimuhokoleelaka yoowo. Owo ontthuna onilevelela. Tivawo owo omurummaawe Yeesu weera awaase ni aavuluxe yaale ari ottayi ni Muluku. Atthu ari ottayi wa Muluku ni Yeesu ephiro emoharu yoovira orowaka wa Muluku.

Ethoonyihero 16: Namuhakhu oohuupuwela nnene

Ethoonyihero 16: Namuhakhu oohuupuwela nnene

Yeesu aahima mwaha ola anileelaka wiirehera wa okumi woohimala. Aakhala mulopwana mmoha namapuha aarino emattaawe. Aahepha sooca sincipale saakwana mmutthekonimwawe. Owo aahuupuwela weera kiphwate mittheko sootheene kipake sikina sitokotoko. Owo aahiixerela mwaneene: "Ii, kookhalano itthu sootheene sintthuneya mwa iyaakha sincipale. Kinimooca, kinoowura, kinoopaka itthu sookisivela."

Vano Muluku aaheera: "Weyo nsikini, ohiyuweene yoola onimookhwa. Taani anahaleno itthu sootheene iyo oraaweno?

Munnoona asinthamwene, mulopwana ola aapaka itthu saamusivela mookuminimwaawe, aamuttiwala Muluku ni okumi woohimala. Soophwanya sa elapo sookhala ni ehuhuwaaya, khasinrowa ottayi. Mulopwana ole aahookhwa ni aari ottayi ni Muluku mahiku ootheene. Vano Yeesu eenre: "Yoowo onkiroromela, onoophwanya okumi woohimala, oovira mookhwaani mpaka mookumini woohimala."

Ethoonyihero 17: Namapuha ni mulipa oovekela

Ethoonyihero 17: Namapuha ni mulipa oovekela

Yeesu aahimatho mwaha wa mulopwana oophwanya aarino sootheene aatthunaawe. Aakhalatho vaate va ewapowaawe mulipa oovekela eeriwa Lasaru. Lasaruweene aamvoreiwa erutthu yootheene yaasareya makhwatta. Vano namapuha khaamorela ikharari ole aahaawiye niwooko annamuxupa vaate vawe. Sookhumelela sa okumi wa Lasaru saamukhaliha oovoreiwa ni oohaawa, hiiho nlelo Lasaru annamuroromela Muluku. Lasaru akhwaakaru, aateexiwa ni angelo a Muluku arowihwaka wiirimu. Weiwo aavahiwa nipuro aakilaanthawewo Abrahamu, mulopwana oopacera anloko nawe aamuroromenle Muluku. Weiwo, Lasaru aahakalala vancipale. Olekenle vakhaaneene, namapuwa aahookhwatho. Ahulaka maithowawe, oonne areene nipuro noowoopiha. Aamweerela Abrahamu: "dyoontte, mmuleele Lasaru akivahe maahi vakhaaneene kinaanihe nlumi naka, kinoohaawa. Abrahamu aamweerela: "khongwereya niwooko nookhala nxepa ntokotoko nnanimwalamwaliha nihintupheya." Namapuha aamvekelatho Abrahamu weera amurume Lasaru aaleele axunnawe athanu ehiphiye nipuro nne noohaaweya. Abrahamu aamwaakhula: "Khontthuneya, niwooko awo aakhalano masu a Muluku, etthariheke yaawo. Yaahitthariha masu a Muluku, naari waaleela mutthu ohokolongwe mookhwaani khammwiiwelela khanrukunxa okumaaya." Asinthamwene, Muluku khanimpwattha mutthu aareene namphwanya hoye- hoye muhaawi, etthu entthuneyaxa ti omusiveliha Muluku mookuminimwanyu. Mwaakhwaakaru, khasiwowo miruku soowaasa nipuro nikina. Ti wootthuneyaxa wiiwa masu a Muluku olelo ni otthariha.

Ethoonyihero 18: Nthamwene vaate

Ethoonyihero 18: Nthamwene vaate

Nihiku nimoha mulopwana aaphiya wa nthamwenaawe ni aaheera: "Nthamwene, okikopihe ephepa ohoorwa nthamwenaaka nkinoona yoomvaha. Nthamwenaawe ole eera akonak, khaatthuna ovinya ni amusaawe ootheene. Ole aari vaate khaakhulumungwe omunyeserera omvekela mpaka ovahiwa aatthunaawe. Yeesu eenre: "Mvekele munoovahiwa, mwaaseke munoophwanya, mumvahe hootti munimwaakhuliwa." Muluku ti atithihu annene. Owo onnatthuna onivaha Muneepa Wootteela ni onnatthuna onivaha itthu seiye sintthuneya. Tivawo ti wooreera olokolola ni Yoowo mmavekeloni.

Ethoonyihero 19: Asilopwana eeli evekelaka

Ethoonyihero 19: Asilopwana eeli evekelaka

Yeesu eenr: "Muluku khanoona mikhalelosahu sa erutthu, onoona mirima. Munnawoona alopwana eeli acaambuliwe? Mmoha nadiini ni ti oowikuxereratho. Iivekelela mwaneene eeraka: "Apwiya, asante weera miyo nkihiyono sintoko akina - anamwiiya, olavilavi, anamararuwa. Muluku khaamuhakalaleenle ni mutthu ole ni mavekelowawe. Mutthu mukina aari namaliviha a musookho. Annaliviha mwincipale mukina iiyaka. Owo aasuwela weera Muluku oonanariwa. Aathanana oonaka wuuliha muru uuramela vathi, anamana ekakasaawe eeraka: "Muluku, mukimorele ikharari, miyo namattheka!" Yeesu eenre: "Muluku aahiiwa mavekelowawe ni aamulevelela sootthekasawe. " Asinthamwene, Muluku onnaakhootta oowikuxerera, onnamoriwa ikharari ni ale owiiyeviha.

Ethoonyihero 20: Mulopwana ommisa

Ethoonyihero 20: Mulopwana ommisa

Luka 8:4-9

Nihiku nimoha, Yeesu aamwahusiha atthu ancipale. Aaheera: "mulopwana mmoha aarowa omisa ez'waawe. Ezo ekina yaamorenle mphironi, ni apalame yaattottamo. Ezo ekina yaamorenle va masorosoroni. Yaamela, yuuma niwooko khiyaariwo etthaya. Ezo ekina yaamorenle vatiikhinani. Yaamela, ni yaavuvuriwa ni malaxi. Ezo ekina yaamorenle vatthayani yooreera. Yaamela, ni yaahiima vancipale. Yeesu aaheera: "Yoole orin maaru oowiiwa, iiw. Evinyaka oohusera aYeesu yaamukoha entaphulelaaya niphwanaphwaniho nene.

Ethoonyihero 21: Etaphulelo ya niphwanaphwaniho na ezo

Ethoonyihero 21: Etaphulelo ya niphwanaphwaniho na ezo

Yeesu aataphulenle niphwanaphwaniho nene ha: "Ezo, masu a Muluku. Ezo yaamorenle mphironi enlikana ni atthu aniiwa masu a Muluku. Satana arweeke awaakheke masu weera ehimuroromele Yeesu ehivuluxiwe mwa soottheka saya.

Yaamorenle va masorosoroni ti yaale aniiwa masu enaakhela ni ohakalala, vano nroromelonaya khaninneela vatthayani. Yaphiya ehuhu ya milattu sa nroromelonaya, khaanlipa murima anghiya nroromelo.

Ezo yaamorenle vatiikhinani enlikana ni ale aniiwa masu a Muluku. Annivuvuriwa ni maxankiho a okumi, ni otthuna okhalano itthu sincipale, ni otthuna wa okumi.

Ezo yaamorenle etthaya yooreera, ti yaale aniiwa masu a Muluku ni murima wannene enatthariha, enniima vancipale.

Asinthamwene, nyuwo muniiwa hayi masu a Muluku, ni munaakhela hayi?

Ethoonyihero 22: Ekhavihero ya mulopwana ovulalihiwe

Ethoonyihero 22: Ekhavihero ya mulopwana ovulalihiwe

Nnisuwele hayi weera ninnamusiveliha Muluku mookumini mwahu mahiku ootheene? Masu a Muluku annihusiha weera nimusiveleke Mulukwaahu ni murima wootheene ni mukhwiihu sintoko muneenaahu. Vano, mukhwiihu taani? Weera nisuwele mukhwiihu taani, Yeesu aahima ethale ya mulopwana aari vamukwahani. Anamwiiya yaammana emwiiyera sootheene aaraaweno emuhiya akomonkeene. Yaavira anadiini eeli. Awo yaamoona mulopwaneene yoole avulanleene, khiyaatthunne omukhavihera. Avinyaka aavira mmalapo mmoha. Owo aamoriwa ikharaari. Aarehera makhwattaawe amuteexa amurowihaka waatthuni.

Yeesu eenre: "Naamusivelaka Mulukwaahu, nikhalekeno osivelawene weiwo wamukhwiihu oxanke.

Ethoonyihero 23: Mwaneene onghokoleela owaani

Ethoonyihero 23: Mwaneene onghokoleela owaani

Nyuwo munnuupuwela weera Yeesu akhwakaru, oovinyerera? Oohuseraawe aamoona ahaakuvale ohokoleela wiirimu. Yeesu aahaaleela weera onoohokolowatho. Aaweerela ootheene yaale animuroromela, ekhaleke ntoko anamiteko animuweherera mwaneene ohokoleela owanyawe. Onaakhale wooreera wa anamiteko yaale eneera ephwanyiwe evaraka muteko. Asinthamwene, hiyo khanisuwenle nihiku onrwaawe Yeesu. Nikhaleke ovara mitekosawe ni nikhaleke owirehera weera nimwaakhele aahokolowaka. Eniikhale ehuhu ya ohakalala. Eniikhale ehuhu ya othanana wa ale ehinimuroromela.

Ethoonyihero 24: Mulopwana mmwirini

Ethoonyihero 24: Mulopwana mmwirini

Yeesu onnawera omutaphula yoole ori mutthu mwa soottheka. Mwiiwelele: Sakeyu aari namaliviha a musookho. Owo aari oohiroromeleya anniiya musurukhu wa akina. Owo aatthuna omoona Yeesu, vano owo aari ookhuveya ni atthu yaahaatta. Aawela mmwirini. Yeesu aamoonnaawe, aamweerela: Sakeyu, okhuruwe, miyo muletto oowanyawo. Atthu yaatikhina niwooko Sakeyu khaahiyono annene. Vano Sakeyu aakhuruwa amwaakhela Yeesu ni ohakalala. Aamweerela Yeesu: "Onoottharuwa soonanara sawo amuttharaka mphironimwawe Yeesu. Aheeratho: "Onoohokoloxa musurukhu wootheene iiyalaawe." Ni Yeesu aaheera: "Olelo, nivaate nna, woovolowa ovuluwa." Asinthamwene, Yeesu aarweela owaasa ni waavuluxa yaale ari ottayi ni Muluku. Muupuweleke weera nyuwo mwaatthunaka ottharuwa soonanara sanyu ni orukunxa ephirowaanyu, ntoko Sakeyu, onoowereya mwamuroromela Yeesu woovuluxani.

संबंधित माहिती

Free downloads - Here you can find all the main GRN message scripts in several languages, plus pictures and other related materials, available for download.

"Look, Listen and Live" audio-visual - A set of 8 programs of 24 pictures each for evangelism and Christian teaching. The series presents Old Testament characters, the life of Jesus, and the young church.

How to use GRN Audio visual resources - 1: Sharing the Gospel made easy - This article gives an introduction to some of the many different ways the GRN audio visual resources can be used in ministry.

How to use GRN Audio visual resources - 2: Going Deeper - This article gives further explanation of how people learn from the stories, and why the stories do not have a lot of commentary.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?