unfoldingWord 20 - المنفى و العودة
အကြမ်းဖော်ပြချက်: 2 Kings 17; 24-25; 2 Chronicles 36; Ezra 1-10; Nehemiah 1-13
ဇာတ်ညွှန်းနံပါတ်: 1220
ဘာသာစကား: Arabic (Sudanese Khartoum)
ပရိသတ်: General
ရည်ရွယ်ချက်: Evangelism; Teaching
Features: Bible Stories; Paraphrase Scripture
အဆင့်အတန်း: Approved
ဇာတ်ညွှန်းများသည် အခြားဘာသာစကားများသို့ ပြန်ဆိုခြင်းနှင့် အသံသွင်းခြင်းအတွက် အခြေခံလမ်းညွှန်ချက်များ ဖြစ်သည်။ မတူကွဲပြားသောယဉ်ကျေးမှုနှင့် ဘာသာစကားတစ်ခုစီကို နားလည်မှုရှိစေနိုင်ရန်နှင့် ဆက်စပ်မှုရှိစေရန် ၎င်းတို့ကို လိုအပ်သည့်အတိုင်း ပြင်ဆင်သင့်သည်။ အသုံးပြုနေသည့် အချို့သောဝေါဟာရများနှင့်သဘောတရားများကို ပိုမို ရှင်းပြရန် လိုအပ်နိုင်သည်၊ သို့မဟုတ် အစားထိုးခြင်း သို့မဟုတ် လုံးလုံး ချန်လှပ်ထားနိုင်သည်။
ဇာတ်ညွှန်းစာသား
مملكة اسرائيل و مملكة يهوذا كلهم اخطاوا ضد الله . كسروا العهد الكان الله عملو معاهم فى جبل سيناء . الله رسل انبيائه ليحذرهم عشان يتوبوا و يعبدوه تانى ، لكن هم رفضوا يطيعوه .
عشان كده الله عاقب المملكتين و سمح لاعدائهم يدمروهم . الاشوريين كانوا امة تانية بقوا قويين شديد . برضو هم كانوا قاسيين شديد للامم التانية . هم جوا و دمروا مملكة اسرائيل . الاشوريين قتلوا ناس كتار في مملكة اسرائيل ، شالوا اى حاجة دايرنو و حرقوا جزء كبير من البلد .
الاشوريين جمعوا كل القادة ، الأغنياء و الناس البقدروا يعملوا حاجات قيمة . شالوهم لاشور . بس بعض فقراء الإسرائيليين فضلوا فى اسرائيل .
بعد داك الاشوريين جابوا اجانب عشان يعيشوا فى الارض . الأجانب جددوا بناء المدن . اتزاوجوا مع الإسرائيليين الكانوا فضلوا هناك . نسل الشعوب ديل سموهم السامريين .
الشعب فى مملكة يهوذا شافوا كيف الله عاقب شعب مملكة اسرائيل لعدم ايمانهم و طاعتهم ليهو . لكن هم لسه يعبدوا الاصنام ، بيشمل الهة الكنعانيين . الله رسل انبياء عشان يحذرهم لكن هم رفضوا يسمعوا .
بعد حوالى ١٠٠ سنة من دمار الاشوريين مملكة اسرائيل ، الله رسل نبوخذنصر، ملك البابليين عشان يهاجم مملكة يهوذا . البابلية كانت امة قوية . ملك يهوذا قبل عشان يكون خادم لنبوخذنصر و يدفع ليهو كل سنة قروش كتيرة .
لكن بعد سنين بسيطة ، ملك يهوذا اتمرد ضد بابل . عشان كده البابليين رجعوا و هجموا مملكة يهوذا ، احتلوا مدينة اورشليم ، دمروا الهيكل و شالوا كلو ممتلكات المدينة و الهيكل .
ليعاقب ملك يهوذا على التمرد ، جيش نبوخذنصر قتلوا اولاد الملك قدامه و بقوه عميان . بعد داك شالوا الملك بعيد عشان يموت فى سجن بابل .
نبوخذنصر و جيشه تقريبا شالوا كل شعب مملكة يهوذا لبابل ، بس خلوا الناس الفقراء عشان يزرعوا المزارع . فترة الزمن ده لمن شعب الله اجبروهم عشان يخلوا ارض الموعد سموها المنفى .
رغم انو الله عاقب شعبه على خطيتهم عن طريق النفى ، هو ما خلاهم وما نسى وعوده .الله استمر يرعى شعبه و كلمهم من خلال انبياءه و وعد انو بعد ٧٠ سنة حيرجعوا تانى لارض الموعد .
بعد حوالى سبعين سنة ، كورش ملك فارس هزم بابل . عشان كده امبرطورية فارس حكمت شعوب كتيرة بدل امبرطورية بابل ، الاسرائيليين فى الوقت داك سموهم اليهود , كتير منهم عاشوا كل حياتهم فى بابل . بسيط من اليهود العجائز كان بتذكروا ارض يهوذا .
الفرس كانوا قويين شديد ، لكن كان عندهم رحمة على الناس النفوهم . وبعد زمن قصيرمن كورش بقى ملك على الفرس ، ادى اوامر بانو اى يهودى عايز يرجع لليهودية ممكن يخلى فارس ، كمان اداهم قروش عشان يعيدوا بناء الهيكل ! عشان كده بعد سبعين سنة فى المنفى ، مجموعة صغيرة من اليهود رجعوا من مدينة اورشليم لليهودية .
لمن الشعب وصلوا اورشليم ، اعادوا بناء الهيكل و السور حول المدينة . الفرس لسه حاكمينهم ، لكن مرة تانية كانوا عايشين فى ارض الموعد و بعبدوا فى الهيكل .