unfoldingWord 20 - المنفى و العودة
![unfoldingWord 20 - المنفى و العودة](https://static.globalrecordings.net/300x200/z12_2Ki_25_07.jpg)
Ուրվագիծ: 2 Kings 17; 24-25; 2 Chronicles 36; Ezra 1-10; Nehemiah 1-13
Սցենարի համարը: 1220
Լեզու: Arabic, Sudanese: Khartoum
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z11_1Ki_13_01.jpg)
مملكة اسرائيل و مملكة يهوذا كلهم اخطاوا ضد الله . كسروا العهد الكان الله عملو معاهم فى جبل سيناء . الله رسل انبيائه ليحذرهم عشان يتوبوا و يعبدوه تانى ، لكن هم رفضوا يطيعوه .
![](https://static.globalrecordings.net/300x200/z12_2Ki_15_04.jpg)
عشان كده الله عاقب المملكتين و سمح لاعدائهم يدمروهم . الاشوريين كانوا امة تانية بقوا قويين شديد . برضو هم كانوا قاسيين شديد للامم التانية . هم جوا و دمروا مملكة اسرائيل . الاشوريين قتلوا ناس كتار في مملكة اسرائيل ، شالوا اى حاجة دايرنو و حرقوا جزء كبير من البلد .
![](https://static.globalrecordings.net/300x200/z12_2Ki_17_03.jpg)
الاشوريين جمعوا كل القادة ، الأغنياء و الناس البقدروا يعملوا حاجات قيمة . شالوهم لاشور . بس بعض فقراء الإسرائيليين فضلوا فى اسرائيل .
![](https://static.globalrecordings.net/300x200/z12_2Ki_17_04.jpg)
بعد داك الاشوريين جابوا اجانب عشان يعيشوا فى الارض . الأجانب جددوا بناء المدن . اتزاوجوا مع الإسرائيليين الكانوا فضلوا هناك . نسل الشعوب ديل سموهم السامريين .
![](https://static.globalrecordings.net/300x200/z12_2Ki_22_01.jpg)
الشعب فى مملكة يهوذا شافوا كيف الله عاقب شعب مملكة اسرائيل لعدم ايمانهم و طاعتهم ليهو . لكن هم لسه يعبدوا الاصنام ، بيشمل الهة الكنعانيين . الله رسل انبياء عشان يحذرهم لكن هم رفضوا يسمعوا .
![](https://static.globalrecordings.net/300x200/z12_2Ki_15_02.jpg)
بعد حوالى ١٠٠ سنة من دمار الاشوريين مملكة اسرائيل ، الله رسل نبوخذنصر، ملك البابليين عشان يهاجم مملكة يهوذا . البابلية كانت امة قوية . ملك يهوذا قبل عشان يكون خادم لنبوخذنصر و يدفع ليهو كل سنة قروش كتيرة .
![](https://static.globalrecordings.net/300x200/z12_2Ki_25_05.jpg)
لكن بعد سنين بسيطة ، ملك يهوذا اتمرد ضد بابل . عشان كده البابليين رجعوا و هجموا مملكة يهوذا ، احتلوا مدينة اورشليم ، دمروا الهيكل و شالوا كلو ممتلكات المدينة و الهيكل .
![](https://static.globalrecordings.net/300x200/z12_2Ki_25_04.jpg)
ليعاقب ملك يهوذا على التمرد ، جيش نبوخذنصر قتلوا اولاد الملك قدامه و بقوه عميان . بعد داك شالوا الملك بعيد عشان يموت فى سجن بابل .
![](https://static.globalrecordings.net/300x200/z12_2Ki_25_07.jpg)
نبوخذنصر و جيشه تقريبا شالوا كل شعب مملكة يهوذا لبابل ، بس خلوا الناس الفقراء عشان يزرعوا المزارع . فترة الزمن ده لمن شعب الله اجبروهم عشان يخلوا ارض الموعد سموها المنفى .
![](https://static.globalrecordings.net/300x200/z26_Eze_02_02.jpg)
رغم انو الله عاقب شعبه على خطيتهم عن طريق النفى ، هو ما خلاهم وما نسى وعوده .الله استمر يرعى شعبه و كلمهم من خلال انبياءه و وعد انو بعد ٧٠ سنة حيرجعوا تانى لارض الموعد .
![](https://static.globalrecordings.net/300x200/z27_Da_06_01.jpg)
بعد حوالى سبعين سنة ، كورش ملك فارس هزم بابل . عشان كده امبرطورية فارس حكمت شعوب كتيرة بدل امبرطورية بابل ، الاسرائيليين فى الوقت داك سموهم اليهود , كتير منهم عاشوا كل حياتهم فى بابل . بسيط من اليهود العجائز كان بتذكروا ارض يهوذا .
![](https://static.globalrecordings.net/300x200/z15_Ezr_01_01.jpg)
الفرس كانوا قويين شديد ، لكن كان عندهم رحمة على الناس النفوهم . وبعد زمن قصيرمن كورش بقى ملك على الفرس ، ادى اوامر بانو اى يهودى عايز يرجع لليهودية ممكن يخلى فارس ، كمان اداهم قروش عشان يعيدوا بناء الهيكل ! عشان كده بعد سبعين سنة فى المنفى ، مجموعة صغيرة من اليهود رجعوا من مدينة اورشليم لليهودية .
![](https://static.globalrecordings.net/300x200/z16_Ne_03_01.jpg)
لمن الشعب وصلوا اورشليم ، اعادوا بناء الهيكل و السور حول المدينة . الفرس لسه حاكمينهم ، لكن مرة تانية كانوا عايشين فى ارض الموعد و بعبدوا فى الهيكل .