Good News
ໂຄງຮ່າງ: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.
ໝາຍເລກສະຄຣິບ: 395
ພາສາ: Creole: Mauritius
ຫົວຂໍ້: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)
ຜູ້ຊົມ: General
ຈຸດປະສົງ: Evangelism
Features: Monolog; Bible Stories; Extensive Scripture
ສະຖານະ: Approved
ສະຄຣິບເປັນຂໍ້ແນະນຳພື້ນຖານສຳລັບການແປ ແລະການບັນທຶກເປັນພາສາອື່ນ. ພວກມັນຄວນຈະຖືກດັດແປງຕາມຄວາມຈໍາເປັນເພື່ອເຮັດໃຫ້ພວກເຂົາເຂົ້າໃຈໄດ້ແລະມີຄວາມກ່ຽວຂ້ອງສໍາລັບແຕ່ລະວັດທະນະທໍາແລະພາສາທີ່ແຕກຕ່າງກັນ. ບາງຂໍ້ກໍານົດແລະແນວຄວາມຄິດທີ່ໃຊ້ອາດຈະຕ້ອງການຄໍາອະທິບາຍເພີ່ມເຕີມຫຼືແມ້ກະທັ້ງຖືກປ່ຽນແທນຫຼືຖືກລະເວັ້ນຫມົດ.
ຂໍ້ຄວາມສະຄຣິບ
Introduction
Bonjour, banne camarade. Vinne écoute la bonne nuvel. Regarde banne photo dans sa livre-là ek écoute bien. Chaque fois ki zotte tende sa son-là, zotte bizin tourne zotte page dans sa livre photo.
Photo 1: Avant la création
Au commencement, seulement Bondié ti existé. Bondié fine créé le monde ek liine ordonne ki la lumière brillé ek la lumière fine brillé parceki partout ti dans l'obscurité. Liine sépare la lumière ek l'obscurité. Comment zottre trouvé dans sa premier photo-là, se ki li fine divise dilo en deux parties, ène ki represente la mer ek la rivière ek l'autre ki represente la pluie dans léciel. Bondié fine créé soleil pou controle lijour ek laline pou lesoir. Bondié li bon. Liine créé ek controle tout quitchose.
Photo 2: Bondié causé
Sa livre dans sa photo-là appelle ène la Bible. C'est la parole Bondié ek li cause lor Bondié ek so banne qualité Parole Bondié li la vérité. Tout sa banne lesson ki zotte pou gagné-là, li trouve dans la Bible.
Photo 3: Création
Bondié, par so parole, iine créé tout quitchose bon. Bondié iine forme la terre ek montagnes avec la mer ek la rivière. Après ki li fine créé cela, liine créé tout banne créature vivant, poisson dans dilo, oiseaux dans léciel ek tous banne lézotte zanimo.
Photo 4: Adam ek Eve
Après sa, Bondié iine créé ène premier missier ki ti appelle Adam. Juste après li, Bondié iine créé ène premier madame ki ti appelle Eve. Liine donne dimoune l'autorité lor tout quitchose ki liine créé lor la terre. Adam ek Eve ti camarade Bondié ek aussi zotte cause avec Bondié dans sa zardin ki li ti pé vivre. Bondié iine donne zotte permission pou mange nimporte ki fruit sauf ène pied particulier aumillieu sa zardin-là ki zotte ti pé vivre. Dans sa photo-là, à gauche, nou trouve zotte pé désobeir lorski zotte pé mange le fruit défendu. Zotte inne péché ek zotte finne casse l'amitié avec Bondié. Sa photo à droite-là, li montré couma Bondié inne pini Adam ek Eve ek li fine mette zotte dehors dans zardin. Depis sa jour-là, tous banne fruit dans sa zardin-là, fine être defendu en plus de sa zotte bizin travaille dur, la sueur bisin coulé de zotte front pou gagne zotte manger. Zotte la vie inne vine amer avec douleur, maladies ek la mort.
Photo 5: Caïn ek Abel
Adam ek Eve éna dé garçons ki appel Caïn ek Abel. Caïn ti jalou Abel ek ène beau jour linne touille Abel. Bondié fine pini Caïn pou so péché couma liine pini Adam ek Eve. Tous banne dimoune zotte vine dans descendant Adam ek Eve. Nou vivre dans la nature pecheresse accause sa même ki nou péché. Péché li separe nou avec Bondié. Nou merite punition pou nou péché.
Photo 6: Arche de Noé
Ena boucou zénération ki fine passé, car péché banne dimoune ti tellement énorme ki Bondié ine decidé pou detruire zotte par un grand innondation dilo. Ti éna seulement ène missier ki content ek obéir Bondié. Li ti appelle Noé. Bondié inne dire Noé arrange ène grand arche dans laquelle so famille ek li pou sauvé car pou éna sa deluge.. Noé ti pé prêche la droiture Bondié pendant tous sa bannené ki li ti pé range l'arche. Mais banne dimoune pas ti croire warning Bondié ek pa ti lé quitte zotte mauvais chimin pou ki zotte capave sauver quand deluge passé.
Photo 7: Deluge
Car Noé fine termine l'arche, li fine mette toutes sortes qualités oiseaux ek zanimos dans bateau couma Bondié ti ordonne li pou faire. Ler-là Noé ek so madam ek so trois garçons avec zotte madam fine rentre dans bateau. Après-ki Bondié inne ferme la porte ek linne envoye ène gros la plui cotte dilo embas la terre pé flotté lor la terre. Ti deja trop tard pou ki lézotte capave rentre dans bateau pou ki zotte sauvé. Noé ek so famille ti endans bateau bien couvert ek cachette mais tout banne dimoune endehors bateau inne noyé. Noé inne sauvé parceki linne croire ek linne obeir Bondié.
Photo 8: Abraham, Sara ek Issac
Après ki dilo deluge fine sec, boucou lanné finne passé, après plusieur zénération, descendant Noé fine vine ène tribus ou zotte oulé plutot ène nations. Ene de sa banne descendant-là ti appelle Abraham ki ti content ek ti écoute Bondié. Bondié ti promettre Abraham ki so descendant pou vine banne dimoune bien connu. Abraham ek so madam Sara pas ti éna aucun zenfants, mais car même ki zotte ti ène vieux couple, Bondié fine garde so promesse fine donne zotte ène garçon ki zotte fine appel Issac.
Photo 9: Moïse ek la loi Bondié
Couma Bondié fine promettre Abraham, Issac so descendant ti boucou ek zotte inne vine ène nation bien connu ki appel Israel. Ene de banne israelite-là ti appelle Moïse. Li ti aussi quelqu'un ki croire ek ki obeir Bondié. Ene jour, Bondié ti appelle Moïse lor ène montagne lor ki li ti donne li la loi pou enseigne banne dimoune. Sa photo ki zo pé trouvé-là, montré ki Moïse pé descende montagne avec la loi Bondié ki Bondié li même fine écrire lor ène roche. Bondié oulé ki tou dimoune obeir so la loi ou plutot so commandement.
Photo 10: Les dix commandements ou dix la loi Bondié
Banne la loi ki zotte pou tendé-là, se banne la loi Bondié fine donne Moïse lor montagne. Zotte enseigne nou ki nou bizin content ek obeir Bondié couma ène seul vrai Bondié ki vivant. Commencé avec sa photo ki là-haut à gauche, nou trouvé ki nou bizin pas prié aucun idol ou bien statues animo ou bien ki nimporte banne lézotte quitchose. Nou bizin prié seulement Bondié ki nou créateur. (Sa lotte photo ki zotte pé trouvé, c'est ène famille contenant ène papa, mama ek so banne zenfants, zotte pé prié Bondié ensemble. Tous dimoune ki croire dans Bondié, zotte bizin au moins mettre ène jour à part pou prié ek aussi banne zenfants bizin lève l'honneur zotte parents. (Dans sa photo ki enbas à gauche) la loi Bondié dire: ki nou bizin pas commettre crime, pas prend mari ou femme nou camarade, eu pas commettre adultère envers nou mari ou nou femme. Dernier photo ki nou pé trouvé se ki nou bizin pas coquin ou envie quitchose ki pas pou nou ou bien pas coquin quitchose dimoune.
Photo 11: Sacrifice offert pou péché
Bondié pini désobeissance. Dans lepoque, Moïse ti pé vivre, quand dimoune péché ou désobeir la loi Bondié, zotte ti bizin offert Bondié ène agneau. L'agneau fine offert en sacrifice dans place sa dimoune ki fine péché-là ou ki fine offense la loi. L'agneau ti symbol garçon Bondié, c'est à dire le Seigneur Jésus Christ. Jésus ti bizin vine dans le monde ek offert so lecorps comme sacrifice pou nou péché lor la croix du calvaire pou nou capave éna communion avec Bondié. Bondié inne planifié depis longtemps pou envoye so garçon dans le monde comme Sauveur pou sauve banne dimoune de sa puissance dans le monde ek punition nou péché ek la mort. Nou pou apprend plus lor sa sujet-là dans sa photo ki pé suivre.
Photo 12: L'ange, Marie ek Joseph
Boucou l'année après ki Bondie di don la loi Moïse, Jésus Christ ti fine né. Bien bien longtemps, Bondié ti promettre pou envoye ène sauveur (ène quiquène pou sauve nou de nou péché). (Dans sa photo à gauche-là), zotte capave trouvé l'ange Gabriel ki Bondié li envoyé fine sorti dans paradis pé vine vers sa jeune fille ki appelle Marie. Marie ti ène vierge jeune fille ki ti fiancé avec Joseph. L'ange ti dire li : Pas bizin to peur Marie, ...to pou enceinte ek to pou gagne ène garçon ki to bizin appelle Jésus. Li pou ène grand dimoune ainsi bien que le fils du Très-Haut, c'est à dire Bondié... ST-Esprit pou vine lor toi ek la puissance du Trés haut pou couvert toi. (Luc 1:31-32a, 35). Couma zotte trouvé dans photo à droite-là, l'ange fine apparaitre dans reve Joseph. Liine dire Joseph pas bizin peur pou prend Marie couma to madam. Li fine enceinte par St-Esprit Bondié ki fine descende lor li. Ti baba-là bizin appelle Jésus (ki signifié sauveur). Li pou sauve banne dimoune ek pardonne zotte péché. Joseph fine obeir Bondié ek li panne éna aucun relation sexuelle avec Marie avant ki ti baba-là li fine né.
Photo 13: Naissance Jésus Christ
Joseph ek Marie ti bizin alle dans ène la ville ki appelle Bethelème. Pendant ki zo ti pé reste là-bas, Marie fine gagne so ti baba, Jésus ek après so l'accouchement zotte inne mette so ti baba dans ène mangeoir parceki pas ti éna aucun la chambre pou zotte dans l'hotel ek zo pas ti éna aucun lézotte place pou aller. Ti éna ène ange ki ti fine apparaitre avec ène banne berger ki ti pé veille zotte mouton dans sa champs ki ti pré cotte zotte-là. Li fine raconte zotte à propos la naissance de Jésus à Bethelème. Juste après, zotte inne trouve boucou anges dans le ciel ki pé chanter ek glorifier Bondié. Sa banne berger-là inne galloupe bien vite pou alle guette sa sauveur ki appelle Jésus ki fine né.
Photo 14: Jésus ène professeur
Jésus inne grandi avec la grace faveur Bondié ki ti lor li. (Luc2:40b). Dans sa photo à gauche-là, nou trouve Jésus quand li ti éna 12 ans. Li ti pé cause quitchose Bondié avec so banne professeurs ek chef Israel ki ti pé écoute li en même pose li questions. Zotte ti bien surpris accause sa grand connaissance ki li ti éna lor Bondié. Sa deuxième photo ki zotte pé trouvé, c'est Jésus ki fine grandi ek inne vine ène jeune homme ki montré banne dimoune chimin ki mène cotte Bondié. Ena banne dimoune ki croire li ek écoute li mais éna banne lézotte dimoune ki pas ni croire li ni content li.
Photo 15: Miracle Jésus ti faire
Sa photo-là montré puissance Bondié Papa Jésus fine donne Jésus pou faire miracles. Sa photo à gauche-là, Jésus fine touche ène missier ki fine né aveugle. Juste après ki Jésus fine touche li, li fine trouve cler! Sa photo ki zotte pé trouvé aumillieu-là, montré ki Jésus fine faire ène zenfant ki ti inne mort révivre devant sa papa ek so mama ki ti pé débouter ek guette li. A droite, nou trouve Jésus pé marche lor délo ek so disciples ou so banne camarade ki dans bateau lor la mer. Le seigneur Jésus Christ fine faire beaucou miracle coumesa pou montre ki li vraimême garçon Bondié.
Photo 16: Jésus fine gagne boucou maltraités
Ene grand la foule ti suivre Jésus. Li ti bon. Li ti gueri banne malade ek li ti montré ki chimin amène nou vers Bondié. Li ti vini pou sauve banne dimoune ki ti perdi, c'est à dire banne pécheur, mais ti éna boucou banne dimoune ki pas ti content Jésus, specialement car li dire zotte ki zotte pé péché. Banne leader leglise ek politique pas ti lé croire ki li garçon Bondié. Zotte ti arrête li, cause menti lor li ek zotte ti faire li gagne batté. Banne soldats ti mettre ène courone pickan lor so la tête, crache lor li, rie li, ek dire li kifaire li pas capave faire narien si li même garçon Bondié car zotte pé persecute li. Même après tout sala, Jésus iine reste tranquille. Li fine reste dans le calme accepter la souffrance car li coné ki tou sala bizin arrive li. Li fine laisse sa banne dimoune contre-li blesse li ek touille li. Car li vine lor la terre couma ène sacrifice vivant pou paye péché l'humanité.
Photo 17: Jésus fine être mis à mort
Le Seigneur Jésus fine être cloué lor la croix en bois ki ti enfoncé dnas la terre ek li fine reste apandant lor sa la croix-là avec so deux la main percé lor chaque coté la croix ziska ki li mort. Ti éna deux criminelles ki ti fine crucifiés couma Jésus. Dans sa l'époque-là, ti zotte coutume pou touille banne criminel de sa façon cruelle-là. Mais Jésus pa ti faire narien se ki mauvais. Li ti innocent, li pas ti mérité pou mort lor la croix mais li fine offert li en sacrifice pou paye péché tous banne dimoune. Nou tou nou fine péché ek nou mérite la mort pou nou péché. Jésus fine recevoir nous pinition ki nou ti merité pou gagné. Si nou confesse nou péché parceki nou croire en Jésus, Bondié pou pardonne nou ek lave nou péché. Li pou donne nou so la force pou ki nous pas péché. Croire en Jésus Christ. Accept li dans zotte la vie, suivre li ek zotte pou êtes sauvés.
Photo 18: La résurrection
Jésus so banne l'ennemi ti croire ki zotte ti fini detruire li. Mais après ki Jésus fine mort lor la croix, so banne camarade ti fine mettre so lécorps dans ène la cave ki fine creusé dans ène roche. Après quoi zotte ti ferme la cave-là avec ène gros roche. Banne leader religieux ti rode banne garde kii zotte ti donne l'ordre pou scelle sa roche completement afin ki personne pas rentre dans la cave. Deux jours ti fine passé ek lor troisième jours Jésus fine ressucité entre les morts. Quand sa banne madam ki ti pé vine vers la cave cotte Jésus so lécorps ti été, zotte ti trouve sa gros roche-là ti fine deplacé ek Jésus ine disparaitre. Deux anges ti la-bas, zotte inne dire sa banne madam-là, ki Jésus li vivant. "L pas là. Li fine resucité", zotte ti pé dire. Quand Jésus fine resuscité entre banne mort, li ti fine prouvé clairement ki li Bondié, ek ki li pli fort ki satan ek la mort.
Photo 19: Thomas inne croire
Après ki Jésus fine ressucité entre banne mort, boucou banne dimoune surtout so banne disciple fine trouve li. Zotte ti même cause ek mange avec li. Thomas, ène Jésus so banne disciple pas ti lé croire ki Jésus fine v raiement ressucité parmi banne mort. Li dire : "Tant ki mo pas trouve sa trace ki coulou fine percé ek mo pas touche li mo pas pou croire" Nou trouvé dans sa photo-là ki Jésus fine vine montré Thomas so blessure. Li ti né pli douter. Li fine tout de suit humilié devant Jésus ek dire li ki li; "Mo Seigneur, mo Bondié". Jésus dire li: "Parceki to fine trouve moi, to fine croire; Béni! Banne dimoune ki pas fine trouve moi mais ki fine croire."
Photo 20: Ascension
Pendant 40 jours après ki Jésus fine ressucité parmi banne mort, li ti apparaitre boucou fois avec boucou banne dimoune. Après ki Jésus ti prêt pou retourne cotte so papa dans le ciel, car li fine fini accompli travail ki li ti vine faire, Jésus dire so banne camarade ou so banne disciple pou dire tou dimoune so bonne nuvel. Banne disciples fine regarde Jésus ziska ki li monte au ciel. Deux anges fine apparaitre avec banne disciple pou dire zotte ki ène jour Jésus pou ré retourne lor la terre pareille couma li ti monté. Ziska zordi, Jésus encore dans le ciel. Li fine alle prepare ène place poui tou dimoune ki pou croire en li ek ki suivre li. Astère-là, très cher écouteur, mo pou faire ène appel, ki sanela envie accepter Jésus dans zotte la vie, ek suivre so chimin. Eski zotte pret pou accepté li?
Photo 21: La croix
En grosso modo, ki faire Jésus ti bizin mort lor la croix. Jésus fine mort pou sauve banne pécheur de zotte péché. Rappelle zotte, ki disang Jésus, garçon Bondié, li lave zotte de zotte péché. Jésus fine jamais péché, mais li ti fine mort pou prend nou péché ki separe nou avec Bondié. La croix faire nou rappelle ki Jésus ti ène agneau parfait (saint, sans péché, sans tache), sans aucun défaut ki ti offert en sacrifice pou nou. Quand nou croire en Jésus ek nou repenti de nou péché (c'est à dire demande pardon nou péché), Bondié pardonne nou péché, comme-ci jamais nou pas fine péché. Jésus faire nou vine zenfants Bondié ek li restaure nou relation avec Bondié. Sa photo ki suivre-là, pou aide nou pou comprendre ki veut dire ène croyant, Chrétien, disciple de Jésus.
Photo 22: Deux chimins
Jésus montré ki nou capave compare so la vie, avec deux chimins. Tou dimoune ki existé de zotte premier jour zotte naissance, zotte trouve zotte lor sa grand chimin facile-là ki aussi ène chimin ki rempli avec péché ki ammene nou vers la destruction (difer, l'enfer). Nou tou nou éna ène nature pécheresse ki nou fine hériter avec Adam ek Eve. Mais nou éna ène privilège pou retourne de sa chimin-là, ek prend ti chimin ki difficile mais ki pou ammene vers Bondié dans paradis. Si ène dimoune croire en Jésus ek suivre li, sa dimoune-là pou recevoir la vie éternelle. Li ve dire aussi ki zotte quitte sa chimin facile-là, ki represente péché ek rentre dans chimin serré ek marche dans sa ti chimin ek difficile ki mène vers paradis. Péna aucun jugement pou banne dimoune ki péché lor sa chimin serré-là car Jésus lave zotte de zotte péché par so disang précieux.
Optional
Si zotte décidé pou suivre Jésus, zotte capave cause avec Bondié, coumesa: " Bondié, mo avoué ki mo ène pécheur. Mo croire ki Jésus inne mort lor la croix pou paye mo péché. Pardonne-moi, mo péché ek lave mo lécoeur avec to disang ek faire moi vine ène membre de to famille. Mo envie suivre sa chimin Jésus ki donne la vie, ek aprè la mort vivre avec Jésus dans paradis. Merci Bondié". Si zotte inne croire ek prié sincèrement, zotte fine astère-là rentre dans sa chimin serré mais ki aussi donne la joie, la paix, la guérison avec Bondié.
Photo 23: Zenfants Bondié
Jésus acceuille dimoune n'importe ki religion, nimporte ki nation, nimporte ki race, nimporte ki couleur, nimporte ki langage. Tou dimoune ki croire en li, zotte pou être appelé zenfants Bondié. Zotte pou nepli lor chimin facile ek large mais lor chimin serré ki mène vers Bondié dans paradis. Banne dimoune ki conne Bondié, zotte couma ène famille, ki uni ensemble dans le Seigneur Jésus.
Photo 24: Né de nouveau
Quan Jésus ti lor la terre, ti éna ène professeur religieux, ki ti appelle Nicodème, ki ti vine cotte li pou ki li apprend plus lor Bondié. Jésus ti dire Nicodème ki tou dimoune ki envi joindre sa grand famille Bondié-là ou ki envie alle dans paradis, zotte bizin gagne ène nouveau la vie. Li pareille couma dire, zotte bizin né de nouveau. Nou péna aucun puissance pou change nou par nou même. St Esprit Bondié donne nou ène nouveau la vie quand nou croire ek suivre Jésus. Lèrelà, nou vine banne nouveau être, c'est à dire zenfants Bondié.
Photo 25: St Esprit pou vini
Sa banne missiers-là, zotte ti banne camarade ou disciple Jésus. Avant ki Jésus ti fine être enlevé dans le ciel, li ti promettre pou envoye so l'Esprit Saint lor tous banne dimoune ki pou croire em li. Après ki Jésus fine retourne dans le ciel, tou banne disciple ti assembler ène seul place, car tou d'un coup, l'Esprit Bondié inne descende lor zotte ek rempli zotte tou couma li ti promettre. Car l'Esprit Bondié inne rempli zotte, sa banne dimoune-là inne gagne labilité ek la connaissance pou cause banne lézotte langage ki banne lézotte dimoune causé pou partage banne merveilleux quitchose Bondié inne faire pou zotte. L'Esprit Bondié vive au dedans tou banne vrai croyant ek disciple Jésus (c'est à dire dimoune ki fine né de nouveau). Esprit Saint montré zotte couma pou content ek obeir Bondié.
Photo 26: Marche dans la lumière
Avant ki ène dimoune croire en Jésus, li pareille couma sa dimoune dans photo à gauche-là, ki pé marche dans l'obscurité. Li facile pou li cogner ek souvent tombe dans péché parceki li péna aucun la lumière pou éclaire li ek guide li. Mais quand nou croire dans le Seigneur Jésus, nou vine pareille couma sa missier ki pé marche lor sa chimin étroite-là, dans sa gros soleil-là. Ene fois, Jésus ti dire: "ki li ti la lumière le monde". Nimporte ki dimoune ki suivre moi, li na pas pou marche jamais dans lobscurité, mais li pou gagne la lumière de la vie". Bondié inne envoye so l'Esprit Saint pou aide ek montré banne nouveau croyant sa chimin ki amène la vie.
Photo 27: Obeir parole Bondié
Ene croyant (chrétien, disciple) Jésus,c'est ène quiquène ki obeir la parole Bondié. Li ène quiquène ki rendre grâce Bondié, parceki so péché fine pardonné. Ene croyant pas commettre adultère, li pas la guerre ni faire pallabre, li pas coquin, li pas prié aucun lézotte statue, aucun lézotte bondié ou aucun lézotte l'esprit. L'Esprit Saint aide ène croyant pou ki li pas péché ek ki li faire bon quitchose.
Parole 28: La famille chrétienne
Guette sa famille chrétienne-là. Zotte pé vivre couma Bondié oulé ek zotte pé marche avec Bondié. Missié-là content so madam, madam-là honore so mari couma parole Bondié commandé. Chacun aide zotte camarade ek encourage zotte camarade ek zotte grandi zotte zenfants dans lamour Bondié. Zotte aussi enseigne zotte zenfants ek obeir la parole Bondié. Banne famille chrétien, zotte prié ek travaille ensemble pou Bondié.
Photo 29: Content to banne ennemies
Jésus fine montré so banne disciple pou content tou banne dimoune, même zotte banne l'ennemie. Nou bizin aide nimporte ki dimoune dans le besoin, même banne dimoune lézotte nation ou religions ou tribu. Ene fois, Jésus ti raconte ène zistoire lor ène missier ki ti gagne batté à mortek picker pocket ti coquin tou so banne zaffaire. Ti éna ène missier ki ti ène lotte nation ou tribu ou religion ki ti pé passé, inne trouve sa missie kiine blesser. Li fine aide pou soigne li parceki li blessé boucou ti bizin ène dimoune pou occupe li. Li pas fine même demande l'argent avec sa missier or rode banne lézotte faveur avec li, au contraire, li fine paye dimoune pou occupe li. Jésus dire ki nou aussi nou bizin faire banne bon quitchose pou dimoune.
Photo 30: Jésus li même pli puissant
Sa banne missié ti pé brule tou zotte statues, zotte banne instrument sataniques ek zotte banne tabises. Zotte ti croire dans tou sa banne zaffaire-là avant ki zotte vine chrétien. Banne croyant chrétien bizin jette tou banne quitchose concernant Satan ek so banne demons. Le seigneur Jésus li pli puissant ki Satan, l'esprit demoniac, banne statue ek banne tabises. Nou banne croyant bizin pas peur Satan ek so demons au contraire nou bizin croire dans l'aide, protection ek guérison Bondié. Nou capave croire li dans tout quitchose car narien pas impossible pou li.
Photo 31: Chasse l'esprit demons
Dans sa photo, nou trouve ène missié rempli avec demon. Pas capave attache li, ni avec la corde ni avec la chaine car sa banne démon ki ti en li, ti pli fort. Jésus ti ordonne sa banne l'esprit demon lor sa missié pou quitte li. Banne demon-là, ti bizin obeir Jésus parceki li pli puissant ki Satan ek so demon. Quand sa missié-là in vin normal, li fine alle dire tou so banne camarade se ki Jésus inne faire pou li. Rappelle zotte ki Jésus li pli fort ki diable ek so banne esprit demoniac. Optional Si éna banne l'esprit ki pé fatigue toi, demande banne chrétien pou prié pou toi. To capave prié ensemble avec zotte ek to demande le seigneur Jésus Christ pou chasse banne l'esprit ek libère toi. Si zotte conne banne dimoune ki possedé par ène ou plusieurs l'esprit mauvais, zotte capave amène li cotte ène chrétien pou prié pou li. Zotte capave demande Bondié dans le nom de Jésus pou chasse banne esprit demoniac ek commande zotte pou ki zotte na pas retourné jamais. Jésus éna pouvoir pou libère banne dimoune nimporte ki l'esprit satanique ki captive zotte.
Photo 32: Suivre Jésus
Sa photo-là, montré ène dimoune ki pé gagne tentation pou arret marche avec Jésus. Satan oulé ki nou oublié Bondié ek pense seulement l'argent, l'habillement, cigarette, la boisson alcolisés et boucou banne lézotte kitchose. Satan faire nou croire ki sa banne kitchose-là pou faire nou reste dans la joie. Mais Satan li même pli grand papa menteur. Li rode decevoir et detruire nou. Bondié inne dire dans so parole: "Si nou soumettre nou Bondié, Resister au diable, Satan pou casse pican". Bondié li nou Papa dans le ciel. Non seulement li conne besoin so banne zenfants mais li fine promettre "pou donne banne bon kitchose banne dimoune ki demande li". Quand nou croire dans Bondié et écoute so garçon Jésus, li pou donne nou so la force quand Satan pé tente nou pou nou capave resister Satan.
Photo 33: Si nou péchés
Ene jour, Jésus ti raconte ène zistoire: Ene jeune garçon inne decidé pou quitte so la case, alle bien loin ek faire beaucoup banne kitchose (amuse li beaucoup). Linne gaspille tous l'argent so papa inne donne li. Li fine vivre ène mauvais la vie ziska ki li ti fine servi tou so l'argent. Eh dans même lepoque, ti éna ène grand la sécheresse dans sa pays ki li ti pé resté. Li fine vine bien misère ziska ki li ti né pli gagne mangé. Li ti pé gagne tellement faim ki li fine reconnaitre li fine péché. Li fine alors decidé pou retourne cotte so papa pou demande pardon de so péchés. Parceki so papa ti tellement content ki liine trouve so garçon ki ti perdu. Li fine accepté ki li fine retourne la case. Sa zistoire-là, montré nou si nou péché, nou capave demande Bondié pardon. Si nou pé cause la vérité, Bondié pou pardonne nou péché ek nou pou capave continue nou communion avec Bondié.
Photo 34: Maladies
Sa missié ek sa madam-là, zotte paraitre bien triste et tracassé. Ene membre de zotte famille bien malade. Eski zotte conné ki banne zenfants Bondié capave faire quand zotte malade? Zotte capave prié le seigneur Jésus ek croire ki li capave gueri maladie, car dans so meurtrissure éna la guerison. Bondié content banne zenfants ek li controle tous ce ki passé dans la vie so banne zenfants. Bondié protège banne croyant contre Satan. Alors, nou bizin pas peur Satan, mais croire en Jésus Christ ki prend nou soin ek protège nou. Jésus Christ, avec nou, li pou donne nous so la paix dans banne moment difficile.
Photo 35: La mort
Nou tou conné ki ène jour nou pou mort. Eski zotte conné ki pou arrive nou après cela? La Bible ki aussi parole Bondié dire nou ki car ène croyant li mort, so l'esprit pou alle avec Jésus Christ. Parents victimes-là ek so banne camarade bizin pas laisse tristesse règne dans zotte la vie car ène jour zotte pou joindre zotte bien aimé dans paradis cotte Bondié. Banne croyant bizin pas gagne peur la mort parceki zotte conné ki Bondié content zotte ek ki li fine sauve zotte de zotte péché. Tous se ki pas pou croire en Jésus, zotte pas pou éna sa merveilleux l'espoir pour éna la vie avec Bondié car zotte mort. Zotte pou alle dans sa lieu de punition, ki appelle l'enfer. Cher ami écouteur, cotte to pou allé quand to mort?
Photo 36: Christ so lécorps
Ici, nous trouve different parti de membre nou lécorps. Chaque parti éna spécial mouvement ki li capave faire par exemple li yeux pour regarder et trouver, zoreil pou tender, la bouche pou manger et causer. Mais seulement tous parti travaille en harmonie. Si ène partie malade ou blessé, lécorps entier senti douleur. La parole Bondié, montré nous ki banne croyant bizin travaille ensemble pareille couma chaque parti lécorps (ce ki nou appelle léglise). Jésus la tête sa lécorps. Bondié éna travaille pou donne tou banne croyant, par exemple: pou prié, pou preché, pou enseigné parole Bondié, pou chante la louange, pou labourer ek soigne zotte famille, pou cuit zotte manger. Chaque dimoune faire zotte parti dans travail ki le seigneur Jésus inne commençé, pou aide lécorps du Christ en entier pou li capave vine fort. Tou banne croyant bien content zotte camarade ek travaille ensemble, sinon lécorps du Christ pou souffert.
Photo 37: Joindre ensemble
Tou banne croyant bizin rencontrer regulièrement pou adore Bondié ensemble. Nou bizin apprenne dans la Bible, ki aussi la parole Bondié, pou chante cantique ek prié. Nou bizin aussi gagne banne cadeau pou travaille Bondié. Ici nou trouvé ki banne croyant pé prend la Sainte Cène (c'est à dire mange dipain represente lécorps du Christ ki fine brisé lors la croix ek boire divin ki represente disang de Jésus ki fine versé lor la croix du calvaire pou efface nou péché ek aussi pou faire nou rapproche pli pré avec Bondié). Jésus oulé ki nou rappelle so la mort afin ki nou capave content li de tou nou lécoeur.
Photo 38: Jésus pour retourner encore
Ene jour, sans ki nou esperer, Jésus pou retourner pareil couma li ti monte au ciel. Seulement Bondié Papa connait quand ça jour la peu vini. Jésus pou vine prend tou banne vrai croyant ki lor la terre avec li sa grand jour-là. Tou se ki fine mort, pou ressucité ek zotte tombeau pou vide. Banne ki vivant aussi pou enlever. Tou banne vrai croyant pou rencontre le seigneur Jésus ek zotte pou vivre avec li pou leternité. Banne non croyants zotte pou reste en place ek zotte bizin passe par ène jugement très sévère. Mais nou pas conné quand exactement Jésus pou rétourner mais nou bizin toujours prepare nou ek attende li. Eski to pré pou rencontre le seigneur Jésus, si li vini aujourdhui?
Photo 39: Porte fruit
Pareille couma sa pied fruit dans sa photo-là, pé produire fruit, en tant ène croyant nou bizin produit fruit du St Esprit. Jésus ti dire : "Mo ène pied. Zotte banne branches. Si zotte reste lor moi ek moi en zotte, zotte pou gagne boucou fruit". St Esprit Bondié reste dans lécoeur dimoune pou ki zotte produire fruit de lamour, la joie, la paix, la patience, la bonté, la gentillesse, la foi, l'humilité, control de soi dans nou la vie. Si branche de sa pied pas produire aucun fruit, zotte pou êtes coupé ek brulé. Banne disciple de Jésus bizin éna ou produire fruit. Sa pou glorifié Bondié ki aussi nou Papa Céleste.
Photo 40: Dire lézotte dimoune
Sa photo-là montré ène croyant ki fine obeir Jésus ek raconte lézotte dimoune ce ki Jésus inne faire dans so la vie. Jésus inne donne l'ordre ki tou croyant bizin alle dire lézotte banne dimoune so merveilleux nouvelles : li fine mort la croix, mais li fine ressucité parmi banne mort afin ki nou capave sauvé de nou péché ek la mort. St Esprit Bondié pou aide nou pou témoigne banne lézotte dimoune de Jésus.Zotte capave aussi raconte zotte banne camarade ek lézotte dimoune tous se ki zotte fine apprend dans sa livre photo-là.