Good News
![Good News](https://static.globalrecordings.net/300x200/gn-00.jpg)
ໂຄງຮ່າງ: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.
ໝາຍເລກສະຄຣິບ: 395
ພາສາ: Yao: Malawi
ຫົວຂໍ້: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)
ຜູ້ຊົມ: General
ແບບ: Monolog
ປະເພດ: Bible Stories & Teac
ຈຸດປະສົງ: Evangelism
ຄໍາພີໄບເບິນ: Extensive
ສະຖານະ: Publishable
ຂໍ້ຄວາມສະຄຣິບ
![](https://static.globalrecordings.net/300x200/gn-00.jpg)
Achalongo achimjangu. Lelo tujusaka kulola ya chinonyela cha Mlungu kwa wandu wosope wapachilambo chapasi pano. Pikanichisyani chenene ngani syambonesi. Wanyamwe, ana mkwete chibuku cha itusituse pameso penu? Naga mkoseche kwende tutande kulola, nambo kumbuchilani kuti naga kupikana lilowe ali.......unukulani palisambe linelyo mcibuku chenu cha itusitusicho. Sambano pikanichisayani chenene katema kamkulola pa itusitusiyo.
Chitusitusi chandanda: Mkanikuwe kupanganyikwe chilichose
![Chitusitusi chandanda: Mkanikuwe kupanganyikwe chilichose](https://static.globalrecordings.net/300x200/gn-01.jpg)
Pandanda kwaliji kwangali wandu, inyama, nyasa, itela, lyuwa pane indu ine. Kwaliji chipipe pa chilambo nipo kwaliji kwangali chilichose. Kele katemako kwaliji Mlungupe. Mlungu wawechete nikwati yosope ili pa chilambo yapanganyikwe ni Jwalakwejo. Kwa yele yiwapanganyisye nayi: - lyuwa, mwesi, liunde ni chilambo chapasi.
Chtusitusi chawili: Mlungu akuwecheta
![Chtusitusi chawili: Mlungu akuwecheta](https://static.globalrecordings.net/300x200/gn-02.jpg)
Chibuku chili mchitusitusi achi ni Chitabu Cheswela. Mlunga akusawecheta nowe kupitila mChitabu Cheswela. Chitabu Cheswelachi chikusatusalila yakwambaga Mlungu mwawelele. Mlungu akwanonyela wandu wosope. Chitabu Cheswelachi chikusatulosya litala lyati uwe mututupatile lukondwa ni mtendele. Kwati yosope yatinimsalile yikuuma mChtabu Chwswela.
Chitusitusi chatatu: Kupanganyikwa
![Chitusitusi chatatu: Kupanganyikwa](https://static.globalrecordings.net/300x200/gn-03.jpg)
Mlungu wapanganyisye itela yakulekangana - lekangana ni inyama yosope. Ni kwa yosope yiwapanganyisye jwalakwe yaliji yambone kusyene. Mlungu soni wapanganyesye mundu kuti awe jwakulolela ni kulamulila yindu yosope yiwapanganyisyeyo.
Chitusitusi chamcheche: Adamu na Ahawa
![Chitusitusi chamcheche: Adamu na Ahawa](https://static.globalrecordings.net/300x200/gn-04.jpg)
Mlungu wapanganyisye itela yakulekangana - lekangana ni inyama yosope. Ni kwa yosope yiwapanganyisye jwalakwe yaliji yambone kusyene. Mlungu soni wapanganyesye mundu kuti awe jwakulolela ni kulamulila yindu yosope yiwapanganyisyeyo.
Walume wandanda wa liji Anamu ni wakongwe wandanda waliji Abawa. Adamu na Ahawa waluju mkutama chene mu mgunda waukuwilanjikwa Edeni. Mu mgundamo mwaliji mwana itela yejinji. Mlungu watite lyeje isogosi ya itela yosope nambo wapasikati mgunda akasalya. Mlungu wasalile wanyao kuti tachisimana yakypweteka naga kulyamo chitela chapasikati mgunda. Adamu na Ahawa walile chisogosi chakulekasidwacho ungapikanila malamulo ga Mlungu. Wanyao walemwisye. Mkulola Adamu na Ahawa ali mkwakoposya kusa kwa mgunda wa Edeni. Wanyao walwmisye ni ligongo lyakwe Mlungu wapele yakupweteka. Kutyochela kele katemako wandu wosope akusapikana kupweteka, ulwele ni chiwa. Nambo Mlungu wapitilile kwanonyela wanyawo. Mlungu wasalile wanyawo kuti tachitumisya Mkulupusyo jwele jutachityoyakulemwa yao.
Chitusitusi chamsano: Kanini na Abele
![Chitusitusi chamsano: Kanini na Abele](https://static.globalrecordings.net/300x200/gn-05.jpg)
Adamu nu Ahawa walemwisye ni wanache wao nombe walemwisye. Mundu jwakamulile msimbojo ni Kaini. Kaini na Abele waliji wanache wachalume wa Adamu na Ahawa. Kaini wawenjile Abele mpwao. Kaini walemwisye. Jwalekwe wawuleje Abele mpwakwe pakumputa ni msimbo. Niyoyo mbeju josope ja Adamu jili jakulemwa. Mwejo ni une tule wakulwmwa. Wosope tukusosegwa kusimana yakpweteka.
Chitusitusi cha msano na chimo: Chombo cha Nowa
![Chitusitusi cha msano na chimo: Chombo cha Nowa](https://static.globalrecordings.net/300x200/gn-06.jpg)
Mu mbeju ja Adamu wandu wapitilile kutenda yakusakala. Mlungu wasachile kwaonesya yakupweteka wanyawo. Jwalakweju kwaonesya yakupweteka ni chikumba chekulungwa. Nambo kwapali mundu jumo jwele juwakulupilileni ku mpikanila Mlungu. Lina lyakwe waliji Nowa. Mlungu wamsalile Nowa kuti apanganye chombo chakuti sakuti saulupuche kutyochela ku chikumba. Nowa wampikanile Mlungu nikwati wapanganyisye chombo. Chili chimasile kupanganyikwa, Nowa ni liwasa lyakwa wajinjile mchombomo. Nowawawilasile wandu wane kuti ajinjile mchombomo, nambo nganasaka kutenda yeleyo, ligongo nganamanyilila kuti Mlungu wasachile kwaonesya yakupweteka.
Chitusitusi cha msano na iwili: Chikumba
![Chitusitusi cha msano na iwili: Chikumba](https://static.globalrecordings.net/300x200/gn-07.jpg)
Nowa ni liwasa lyakwe ali ajinjile mchombo mula, ula jejinji jatandita kugwa, ni jatendesye chikumba chekulungwa. Matumbi gosope gamisilwe ni mesi. Wandu wajinji wasakaga kuti ajinjile nao mchombo mwele muwaliji Nowa. Nambo ngapanpakombola ligongo Mlungu waugele pa mlango wa chombo. Jwalijose juwaliji kusa kwa chomvocho wamisisle mesi ligongo ngamkulupilila ni kumpikanila Mlungu. Nowa ni liwasa lyakwe wakulupwiche ligongo Nowa wamkulupilile ni kumpikanila Mlungu.
Chitusitusi cha msano na itatu: Ibulahima, Sala ni Isaki
![Chitusitusi cha msano na itatu: Ibulahima, Sala ni Isaki](https://static.globalrecordings.net/300x200/gn-08.jpg)
Ibulahima walijimbeju jakutyochela my liwasa lya Nowa. Ibulahima nombe najo wamkulupilile ni kumpikanila Mlungu. Mlungu wamsalile Ibulahima ni wamkwakwe Sala kuti tachikola mwanache. Ali achekulwipe mnope, Ibulahima na Sala wakwete mwanache jwa mlume. Nikwati wamtele mwanachejo lina lyakwe Isaki. Mlungu soni wamsalile kuti kupitila mu mbeju ja Isaki tachiika Mkulupusyo jwele jutachilyosya yakulemwa ya wandu wosope. Mlungu wamtumisye mkulupusyo ku chilambo chapasi. Lina lyakwe ni Ambuje Yesu Klistu. Jwalakwe akwete machili gakutyosya yakulemwa yenu ni yangu soni.
Chitusitusi cha msano mamcheche: Musa ni Malamulo ga Mlungu
![Chitusitusi cha msano mamcheche: Musa ni Malamulo ga Mlungu](https://static.globalrecordings.net/300x200/gn-09.jpg)
Musa watyochele mu liwasa lya Ibulahima ni Isaki. Musa wamkulupilile Mlungu. Mlungu wamsalile Musa kuti akwele kwitumbi. Kweleko Mlungu wampeleche malamulo gakwe kwa Musa. Pachitusitusi achi tukulola Musa ali akutuluka kutyochela kwitumbi ni malamulo ga Mlungu. Mlungu akusosa kuti jwalijose agapikanile malamulo gakwe.
Chitusitusi cha likumi: Malamulo likumi ga Mlungu
![Chitusitusi cha likumi: Malamulo likumi ga Mlungu](https://static.globalrecordings.net/300x200/gn-10.jpg)
Aga ni malmulo likumi gale Mlungu wapeleche kwa Musa. Chitusitusi chandanda: Mkasiitindiwalila inyago pane isanamu ya inyama ni indu ine. Chitusitusi chawili: Mkole lisiku limo pa mlungu, ni kuleka masengo genu gosope kuti mumtindiwalile Mlungu. Chitusitusi chatatu: Wananche akusogegwa kwapikanila anangolo wao. Akawaga wakuwecheta unami. Chitusitusi chamcheche: Mkasiulaga mundu. Chamsano: Mkasimkumbila wakongwe wasyene kuleka wamkwenu. Chamasano na chimo: Mkasijiwa, mkasimkumbila yindu yasyene.
Chitusitusi cha likumi kwisa chimo: Mbopesi ja ulemwa
![Chitusitusi cha likumi kwisa chimo: Mbopesi ja ulemwa](https://static.globalrecordings.net/300x200/gn-11.jpg)
Mmowa ga Ibulahima ni Musa, mundu naga kulemwa waliji mkupelika mbopesi ja nyama ligongo lya woga ni ulemwa wao. Lelo jino ngakukusosekwa kuulaga ngondolo, ligongo Mkungu wamtumisye mwanagwao Yesu Klistu kuti atutyochesye ulemwa wetu. Yesu wawilile pa mgomba kupochela yakupweteka ya ulemwa wetu. Palipapite masku gatatu chiwilile Yesu kwa ulemwa wetu, wasyuchile kutyochela kuwawe. Naga mkulimanyilila kuti mli wakulemwa, mkulupilile Ambuje Yesu ni kwitichisya yakulemwa yosope nipo Mlungu tachimkululchila, mwe.
Chitusitusi cha likumi kwisa iwili: Lilaika ni Maliamu
![Chitusitusi cha likumi kwisa iwili: Lilaika ni Maliamu](https://static.globalrecordings.net/300x200/gn-12.jpg)
Sambano tinimsalile ya upagwe wakwe Yesu Klistu. Jwalakwe waiche ku chilambo chipasi kukumalisya chilangano cha Mlungu kwa Adamu na Ahawa kukutyosya ulemwa. Lisiku line Lilaika lya Mlungu lyaiche kwa mwalimwalipe lina lyaka Maliamu. Lialika lyatite Msimu Weswela wa Mlungu tuchimtenda mwejo kuti timkole mwanache jwamlume. Mwanachejo tachiwa mkulupusyo jwele juwaliji pachilangano ni Mlungu. Ni mumte lina lyakwe mwanachejo Yeso. Yesu ni jumo jwele jutachityosya ulemwa wa wandu wosope pa chilambo pano. Soni Lilaika lila lyawonechele kwa Yusufu jwele juwatomele Maliamu kuti tawe wamkwao, nombe wamsalile yakwambaga mwanache jwele Maliamu jutachikola. Maliamu waliji mwalimwalipe jwangamanya walume mpaka pa waweleche mwanache.
Chitusitusi cha likumi kwisa itatu: Kupagwa kwa Yesu
![Chitusitusi cha likumi kwisa itatu: Kupagwa kwa Yesu](https://static.globalrecordings.net/300x200/gn-13.jpg)
Lolani pa chitusitusi chandandacho: Maliamu aweleche mwanache jwamlume. Lolani pa chitusituse chawilicho: Chilo chichocho malika go Mlungu gawonechele kwa likuga lya wakuchinga ngondolo. Malaika gatite, "Chilo chino, Mkulupusyo jwamalangano ni Mlungu jula spali. Lina lyakwe ni Yesu. Ni Yesupe jwele jetachityosya ulemwa wenu wosope." Sano wakuchinga wala waiche, wamsimene Yesu nipo wantindiwalile jwalakwe.
Chitusitusi cha likumi kwisa mcheche: Yesu mpela Mundu
![Chitusitusi cha likumi kwisa mcheche: Yesu mpela Mundu](https://static.globalrecordings.net/300x200/gn-14.jpg)
Mchitusitusi chandandachi, tukulola Yesu katema kawaliji jwamchanda. Ali ni yaka likumi kwisa iwili. Jwalakwe wakombolekaga kuwecheta ya Mlungu lwa achakulungwa-kulungwa wa dini. Yesu watendaga yeleyi ligongo waliji Mwanache jwa Mlungu, Mchitusitusi chawilichi, Pali papite yaka yeinji ali amasile kula msingu jwalakwe wajiganyisye wandu wajinji Soni kwapali wandu wawasachile kukulupilila soni kwapali wandu wane wanganasaka kulupilila Ambuje Yesu. Nmbo Mlungu watite kuti Yesu ni Mwanache jwakwe nipo Mlungu atati akusaka uwe tumpikanile Yesu.
Chitusitusi cha likumi kwisa msano: Masengo gakusimonjeka ga Yesu
![Chitusitusi cha likumi kwisa msano: Masengo gakusimonjeka ga Yesu](https://static.globalrecordings.net/300x200/gn-15.jpg)
Yesu ali ni machili ga Mlungu.Yesu ali ni machili gakupunda misimu jakusakala josope ni wa isango. Lolani pachitusitusi chandandachi: Yesuakumposya mundu jwangalola. Lolani pachitusitusi chawilichi: Yesu akwimusya mwali jwa'we ni kuwa ni umi. Lolani chitusitusi chatatuchi: Yesu akwenda pa nyasa. Yesu wakomboleche kutenda kalikose ligongo jwalekwe waliji Mwanache jwa Mlungu. Yesu waliji ni wakumkuya wajinji wele uwaiweni iwatesile jwalakwe soni kupikana iwawechete.
Chitusitusi cha likumi kwisa msano machimo: Yeso akulagasika
![Chitusitusi cha likumi kwisa msano machimo: Yeso akulagasika](https://static.globalrecordings.net/300x200/gn-16.jpg)
Yesu ndawi syosope watesile yambone. Yesu nganalemwa kose. Yesu wawechete ya Mlungu nipo wajiganyisye wandu kuti awe wakumpikanila Mlungu. Ambuje Yesu wajiganyisye kuti wandu wosope ali wakulemwa. Wandu wajinji nganasaka kwitichisya kuti ali wa ulemwa. Nipo watumbile, ni mpaka wamkawile Yesu. Ambuje waputidwe, wasunilwe mata nit kutendekwa chanache. Nambo Ambuje Yesu nganauchisya kose. Ligngo chichi? Yesuwakundile jika kutendekwa chanache ni kupochela yakupweteka ligongo lya yakulemwa yetu.
Chtusitusi cha likumi kwisa msano na iwili: Yesu akuulajidwa
![Chtusitusi cha likumi kwisa msano na iwili: Yesu akuulajidwa](https://static.globalrecordings.net/300x200/gn-17.jpg)
Ambuje Yesu nganatendekwape chanache. Ambuje Yesu wamkomele pa mgomba wa chitela. Mowa gelego wiliji msyungu wao kwa wandu wachiswamba chisau yiyi. Mlungu Atati watite chiwa cha Ambuje Yesu chaliji mbopesi ja yakulemwa yetu. Ambuje Yesu wapochele mchilu chao asyene yakupweteka ya yakulemwa yenu ni yakulemwa yangu soni, katema kawawile. Naga tukwirichisya kuti tuli wakulemwa ni kuleka yakulemwa yetu, palepo ulemwa wetu ukululuchilwe. Ana mlemwisye? Ana mkusaka ulemwa wenu ukululuchilwe? Kulupililani Ambuje Yesu.
Chitusitusi cha likumi kwisa msano na itatu: Kusyuka ku wawe
![Chitusitusi cha likumi kwisa msano na itatu: Kusyuka ku wawe](https://static.globalrecordings.net/300x200/gn-18.jpg)
Ali awile Ambuje Yesu pa mgomba, achalongo achimjao Ambuje Yesu, wawisile chilu cha Yesu mu mbanaga. Nipo mlango wakwe wa mbangawo waugalidwe ni liganga lyekulungwa. Pali papite masiku gatatu, Maliamu ni achalongo achimjao waiche ku malembe. Nambo Ambuje Yesu nganawa mwilembemo, mwaliji malaikape jika. Malaika gagite, "Yesu ali jwamjumi. Nganawa ali amuno." Nipo malaika gatyosile. Yesu ali jwamjumi chiwela lelo nipo akusatupikana katema katukusa' wenda jwalakwe.
Chitusitusi cha likumi kwisa msano na mcheche: Tomasi
![Chitusitusi cha likumi kwisa msano na mcheche: Tomasi](https://static.globalrecordings.net/300x200/gn-19.jpg)
Ali asyuchile Yesu, wandu wajinji waweni ni kuwecheta najo. Tomasi jumo jwakumkuya Yesu watite, "Akawe ndili nagaweni mawasi ga misomali mmagasa mwao ngasingulupilila kuti ali ni umi soni." Lolani pa chitu situsichi: Mkulola kuti Ambuje Yesu waiche kwa Tomasi ni wamlosisye mawasi gakwe. Tyoyo Tom si wakulupilile kuti Yesu kusyene waliji jwamjumi. Nambo Ambuje Yesu akusaka uwe kumkulupilila jwalakwe atamuno ngamituwona. Ana mkumkulupilila jwalakwe?
Chitusitusi cha lakumi gawili: Kukwela Kwiunde
![Chitusitusi cha lakumi gawili: Kukwela Kwiunde](https://static.globalrecordings.net/300x200/gn-20.jpg)
Pali papite mowa makumi mcheche, Ambuje Yesu wawele ni umi soni, wajigalile wakulijiganya wakwe kwitumbi. Jwalakwe watite, "Sambano ngwaula kwiunde. Ndili mbitemo mkuwajilwa kwasalila wandu wosope kuti nakomedwe ketyosya jakupweteka ya ulemwa wao. Jwalijose jutambikanile une tachikululuchilwa ulemwa nipo ulemwa nipo soni tachitama ni une kwiunde. Nipo pelepo waweni Yesu achikwelaga kwiunde. Ili ipite ayi, achimala ika wawile wawite kwa achalongo achimjakwe Yesu kuti, "Lisiku line Yesu tachika soni kukwajigala wosope wakumkulupilila jwalakwe kuti akatame najo kwiunde. Ayi ni iwawechete achimalaikawa nipo watyosile pa wanyao. Mkuyeni Yesu lelo kuti panyuma pakwe timjaule kwiunde.
Signal
Mbali jandanda jikumlila apano, jimikani machinigo nipo galausyani kasitijo ni kupikanila mbali jinejo.
Signal
Ajino ni mbali jawili.
Chitusitusi cha makumi gawile kwisa chimo: Mgomba
![Chitusitusi cha makumi gawile kwisa chimo: Mgomba](https://static.globalrecordings.net/300x200/gn-21.jpg)
Mgomba ulusatukumbusya uwe yakwambaga chiwa cha Ambuje Yesu. Ambuje Yesu nganalemwa kose, nambo wakundile kujigala ipwetesi ya yakulemwa yetu. Jwalakwe watesile yeleyi, katema kawamnyosisye ni kuwa pa mgomba pala. Ali amasile kuwa, wakwete umi soni. Sambano jwalakwe ali jwakoseka kwakamuchisya kwene wandu wakumpikanila jwalakwe. Katema katukwitichisya yakulemwa yetu ni kumkulupilila Yesu yakupwete ka yetu isimasiche. Panyuma pakwe tuchikola malo gatutama ni Mlungu kwiunde.
Chitusitusi cha mkumi gawili kwisa iwili: Matala gawili
![Chitusitusi cha mkumi gawili kwisa iwili: Matala gawili](https://static.globalrecordings.net/300x200/gn-22.jpg)
Yesu watite pana matala gawili; Lyekulunwa ni lyakanganika. Mundu jwalijose ali pa ali litala lyekelungwa chipagwile. Litala lyekulungwali likutujigalile uwe kuga ku ipwetesi ya kumoto wangasimakwa. Naga mundu akukulupilila Yesu ni kugapikanila malamusi gakwe akusakopoka pa litala lyekulungwali ni kuwa pa litala lyakanganika. Ltala lyakanganikali likusatulongolela uwe kuja umi ni Mlungu kwiunde. Ana mkusaka kumkulupilila Yesu? Nawaga mkusaka wechetani ni Yesu kwatiiyiyi: "Yesu ngwitichisya kuti ndili jwakulemwa, ni ngukulupilila kuti Ambuje Yesu wawilile pa mgomba kutyosya ipwetesi ya ulemwa wangu. Sikomo Yesu, Amen.'"
Naga mkuwecheta ni mtima wamtundu kwati iyiyi ni Yesu tiwe mwanache jwa Mlungu nipo Mlungu tawe Atati wenu.
Chitusitusi cha makumi gawili kwisa itatu: Wanache wa Mlungu
![Chitusitusi cha makumi gawili kwisa itatu: Wanache wa Mlungu](https://static.globalrecordings.net/300x200/gn-23.jpg)
Naga tukulupilila kuti Ambule Yesu wawile Kutovosya ipwetesi ya ulemwa wetu, tuchikululuchilwa nipo tutumtende Mlungu kuwa Atati wetu ligongo atukundile uwe kuwa wanache wakwe. Mlungu akusosa jwalijose kuumila ku mtundu uliwose ni ku lukosyo, kumkuya jwalakwe. Pa chitusitusi achi tululola Ambuje Yesu ali mkwapochela wandu wosope wakumlulupilila jwalakwejo. Mlungu akusosa mwejo ni une kuti tumkulupilile Ambuje Yesu ni kuwa wanache wa Mlungu.
Chitusitusi cha makumi gawili kwisa mcheche: Msimu Weswaela ukusatutenda kuwe wasambano
![Chitusitusi cha makumi gawili kwisa mcheche: Msimu Weswaela ukusatutenda kuwe wasambano](https://static.globalrecordings.net/300x200/gn-24.jpg)
Pachitusitusi achi tukulola Ambuje Yesu ali mkuwedheta ni mwalimu jwa dini, lina lyakwe Nikodemo. Ambuje Yesu akumsalila kuti: naga kuti tukajinjile kwiunde tukusosegwa kupitikuka. Mipo Msimu Weswelape wampaka ututende uwe kuwa wasambano. Sayi kwa uwepe jika ngakomboleka kupitikuka ligongo tuli wakulemwa klape. Naga tukwitichisya kuti tuli wakulemwa ni kukulupilila kuti Yesu mpaka apalombole kusimasya ulemwa wetu, Msimu Weswela tuchitutenda uwe kuwa wasambano. Mu wenda Yesu kuti amtende mundu jwasambano lelo.
Chitusitusi cha makumi gawili kwisa msapo: Kwisa kwa Msimu Weswaela
![Chitusitusi cha makumi gawili kwisa msapo: Kwisa kwa Msimu Weswaela](https://static.globalrecordings.net/300x200/gn-25.jpg)
Ali awile Yesu pa mgomba ni kuwa ni uni soni, wapite kumangwakwe kwiunde. Ili ipite ayi achalongo achimjakwe Yesu wasongene pamo ni kupopelaga pama. Chisimucho Msimu Weswela watulwiche kuuma kwiunde, ni watusile pa jwalijose jwa wanyawo, ni kwapa machili gakwamuchisya kuti wasalile wandu wane yakwambaga Yesu. Msimu Weswela ni jwakwakamuchisya wanyawo. Msiumu Weswela ukusiwakamuchisya kumanyilila malowe ga Mlungu ni kutenda yayikumnonyelesya Mlungu. Aklistu changasowa chikamuchisyo kutychela ku misimu jine. Naga mumpochele Yesu Klistu kuwa mkulupusyo jwenu, sano Mlungu tampe wanyamwe Msimu Weswela kuti umkamuchisyeje.
Chitusitusi cha makumi gawile kwisa msano na chimo: Kwenda mwilanguk
![Chitusitusi cha makumi gawile kwisa msano na chimo: Kwenda mwilanguk](https://static.globalrecordings.net/300x200/gn-26.jpg)
Mkanitumkulupilile Ambuje Yesu tuli mpela mundu jwakwenda mchipi mwangali kuwala. Ndawi syejinji tukusalwmwa ligongo pangali jwine jwakwe jwakuti mpaka atukamuchisye uwe nipo ngatukusamanyilile yakuti mpaka tutende. Katema katumkulupilile Ambuje Yesu tuli mpela wandu wakwenda mwakuwala musi. Msimu Weswela ni Msimu wa Yesu uli wakoseka kutukamuchisya uwe ni kutulosya litala lya Mlungu ni malowe ga Mlungu.
Chitusitusi cha mkumi gawili kwisa msano na iwili: Kupikanila Malowe ga Mlungu
![Chitusitusi cha mkumi gawili kwisa msano na iwili: Kupikanila Malowe ga Mlungu](https://static.globalrecordings.net/300x200/gn-27.jpg)
Mklistu akusapikanile malowe ga Mlungu ligongo ali mkutogolela kuti Mlungu wamkululuchile ulemwa wakwe. Malowe ga Mlungu gakusati kuti Mklistu akasatenda chikululu, akasenda ndeu, akasatenda wiyi pane kwitindi walila inyago pane misimu ja wandu uwawile kala.
Chitusitusi cha mkumi gawili kwisa msano na itatu: Liwasa lya Chiklistu
![Chitusitusi cha mkumi gawili kwisa msano na itatu: Liwasa lya Chiklistu](https://static.globalrecordings.net/300x200/gn-28.jpg)
Liwasa lya chiklistu likuwajilwa kuwa sayi mpela malowe ga Mlungu. Walume wachiklistu akusosegwa kwanonyela wamkwao. Wakongwe wachiklistu akusosegwa kwachimbichisya wamkwao. Wakongwe wachiklistu akusosegwa kwachimbichisya wamkwao. Walume ni wakongwe asusosegwa kukamuchisyana jwine ni jwine. Wanyawo akusosegwa kwalwla wanache wao ni kwajiganya yakwambaga Yesu.
Chitusitusi cha makumi gawili msano na mcheche: Nonyelani achamagongo wenu
![Chitusitusi cha makumi gawili msano na mcheche: Nonyelani achamagongo wenu](https://static.globalrecordings.net/300x200/gn-29.jpg)
Mlungu akulamulila ni kwakamuchisya aklistu kuti wanonyela wandu wosope pampete achamagongo wao. Apa tukulola mundu jwele jwakumkamuchisya mmagongo jwakuuma ku mtundu wine. Aklistu akuwajilwa kwatendela wandu wosope yambone atamuno wele wakusiwalemwechesyaga.
Chitusitusi chamakumi gatatu: Yesu ni Ambuje wa machili gose
![Chitusitusi chamakumi gatatu: Yesu ni Ambuje wa machili gose](https://static.globalrecordings.net/300x200/gn-30.jpg)
Pa chitusitusi achi tukulola wandu wawila ali mkuwocha isanamu ni isasi yakwe. Mklistu akukundilwape kumtindiwalila ni kuwenda chikamuchisyo kutuochela kwa Mlungu, mu lina lya Yesu. Yesu ni iwa machili kupunda ni jwa mesenga jwalijose, isanamu pane misimu ja wandu uwawile kala.
Chitusitusi cha makumi gatatu kwisa chimo: Kutyosya misumu jakusakala
![Chitusitusi cha makumi gatatu kwisa chimo: Kutyosya misumu jakusakala](https://static.globalrecordings.net/300x200/gn-31.jpg)
Pachitusitusi achi tukulola mundu jwele juwakamwilwe ni misimu jakusakala. Jwalakwe mpaka akomboleche kukutula ngonji syosope ni maunyolo ligongo misimu jili mwa jwalakweju jili ni machili gakupunda mnope. Jwalakweju waposile ni Yesu. Misimu jakusakala jalamulidwe kutyoka mwa. Jwele munduju ligongo Yesu akwete machili gapunda misimu uliwose wakusakala. Misimu jakusakala ni atamuno shewani akumsajokopa Yesu. Mkasimpembesya misimu jakusakala. Naga mkulaga ni misimu jakusakala, wendani kwa Yesu kuti ajityose.
Chitusitusi cha makumi gatatu iwili: Kumkuya Yesupe
![Chitusitusi cha makumi gatatu iwili: Kumkuya Yesupe](https://static.globalrecordings.net/300x200/gn-32.jpg)
Shetwani akusaka kuti aklistu ndawi syosope aweje wakuganisya ya mbiyasyejinji, yakuwala yejinji ni indu ine. Jwalakwe akusaka aklistu kuti aliwalile Mlungu. Yesu akwasalila aklistu wosope kwapa iliyose yayikwasowa.
Chitusitusi cha makumi gatatu kwisa itatu: Naga tukulemwa
![Chitusitusi cha makumi gatatu kwisa itatu: Naga tukulemwa](https://static.globalrecordings.net/300x200/gn-33.jpg)
Yesu wawechete ndano jwakwambaga mcanda jwele juwalemwisye mnope. Jwalakwe wajonasile chipanje chakwe chosope chiwampele atatigwe. Jwalakwe watesile, chikululu, kuchesa njunga, ni kulisangalasya umi wakwe, mpela muwasosele mose. Ali amasile konanga chipanje chakwe niachalongo achimjakwe soni ali amtisile ni wakamwilwe ni chanasa ni wawusile kwa atatigwe. Jwalakwe wawendile chikululuko. Ligongo lyakuti atatigweo wamnonyela mwanachejo, ni ulemwa wakwe wamkululuchile nipo wampochele soni. Naga tukulemwa tukuwajilwa kuwa wachanasa, tuleche yakusakala yetu, ni kwitichisya nlemwa wetu kwa Yesu. Yesu akusatunonyela uwe nipo watuwilile kutyosya yakulemwa yetu yosope.
Chitusitusi cha makumi gatatu kwisa mcheche: Ulwela
![Chitusitusi cha makumi gatatu kwisa mcheche: Ulwela](https://static.globalrecordings.net/300x200/gn-34.jpg)
Wandu wosope komboleka kulwala. Naga mkulwala wende kwa Yesu, wendani Yesu kuti amkamuchisye. Mkasiwenda chikamuchiyo kutyochela kwa wamasenga pane ku misimu ja wandu uwawile. Yesu akwete machili gakunda chindu chili-chose.
Chitusitusi cha makumi gatatu kwisa msano: Chiwa
![Chitusitusi cha makumi gatatu kwisa msano: Chiwa](https://static.globalrecordings.net/300x200/gn-35.jpg)
Naga mundu jwamkulupilile Ambuje Yesu kuwamo, chilu chakwe chikusasililidwa. Nambo misimu wakwe tuchija kwinani ligongo ulemwa wakwe wakulululwe kala ni Ambuje Yesu kuwamo, chilu chakwe chikusasililidwa. Nambo misimu wakwe tuchija ku ipisya mmoto ligongo ali chiwela ni ulemwa. Ana timchija kwapi mli wile? Naga Yesu nganamtenda nwe kuwa mundu iwasambano nipo kuti amtyochesya ulemwa wenu ngamkuwajilwa kogopa mu ndawi jakuwa.
Chitusitusi cha makumi gatatu kwisa msano na chimo: Iwalo ya chilu
![Chitusitusi cha makumi gatatu kwisa msano na chimo: Iwalo ya chilu](https://static.globalrecordings.net/300x200/gn-36.jpg)
Chiwalo chili chose chikwete masengo gakwe. Liso likusalola, pakamwa pakusawecheta, ni kulya, liwiwi likusapikana. Naga chiwalo chimo chikwasile chilu chosope chikusalawala. Mlungu akuti mklistu jwalijose ali mpela chiwalo chimo cha chilu, mungu jwalijose akwete masengo gakwe, mpela sayi ayi: kulalichila kwimba, kuteleka, nambo jwalijose atende mpelega kwa Ambuje Yesu. Aklistu wosope akuwajilwa kunonyelana jwine ni jwine ni kukamuchisyana jwine ni jwine.
Chitusitusi cha makumi gatatu kwisa msano na iwili: Kusongana pamo
![Chitusitusi cha makumi gatatu kwisa msano na iwili: Kusongana pamo](https://static.globalrecordings.net/300x200/gn-37.jpg)
M,ungu akusajiganya kuti kuli kwambone aklistu wosope asongane pamo, kupembesya, kupopela, ni kwimba. Papegweje ndawi jakugawana wiganyo kutyochela ku Malowe ga Mlungu. Soni papegweie ndawi jakwisi najo mituka ku masengo ga Mlungu walamulile soni kuti tuweje wakukumbuchila chiwa cha Ambuje Yesu mpaka patachiika soni.
Chitusitusi cha makumi gatatu kwisa msano itatu: Yesu tachiika soni
![Chitusitusi cha makumi gatatu kwisa msano itatu: Yesu tachiika soni](https://static.globalrecordings.net/300x200/gn-38.jpg)
Yesu wapite kala kwiunde nambo lisiku tachiika soni. Katema patachiikapo, jwalijose jwele juwamkulupilile tachijigalidwa kuja kwiunde. Nambo wandu wele wanganamkulupilile Yesu tachilechedwa nikulaga mmoto. Ana mwemkoseche kuja kwiunde, naga Ambuje Yesu akwisa sambano?
Chitusitusi cha makumi gatatu msano na mcheche: Kusogola isogosi
![Chitusitusi cha makumi gatatu msano na mcheche: Kusogola isogosi](https://static.globalrecordings.net/300x200/gn-39.jpg)
Uwe tukusajembecheya isogosi kutyochela ku itela ya isogosi. Buku jeswela jikuti lunyambi lulilose lwangasogola isigosi lukusakatidwa ni kuwocha pa moto. Yesu akusajembecheya isogosi kutyyochela mwa mklistu. Misimu Weswela ukusatenda masengo gakusogola: lukondwa, umbone, kuwa, jwakoseka kukamuchisya, kukulupichika ni kuswejela mu umi wenu. Mnundu jwele jwakumkulupilila Yesu tawe chenene kulekangana ni mkanawe mklistu.
Chitusitusi cha makumi mcheche: Kwasalila wandu wane
![Chitusitusi cha makumi mcheche: Kwasalila wandu wane](https://static.globalrecordings.net/300x200/gn-40.jpg)
Yesu walamulile aklistu kuti wasalileje wandu wane yakwambaga msyene jika. Jwalijose jwakusaka kwitichisye ulemwa wakwe ni kukulupilile Ambuje Yesu, ulemwa wakwe wosope ukululchilwe ni misimu wakwe tuchilinganyikwa soni. Pachitusitusi achi tukulola mklistu ali mkupikanila lilamulo lyakwe Yesu. Nambi uli mwe, ana timchasalile wandu wane yakwambaga Ambuje Yesu? Sambano timpakombole kwasalila wandu yamiljiganyisye kala.