Nteenga Waambone
![Nteenga Waambone](https://static.globalrecordings.net/300x200/gn-00.jpg)
ໂຄງຮ່າງ: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.
ໝາຍເລກສະຄຣິບ: 395
ພາສາ: Yao: Mozambique
ຫົວຂໍ້: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)
ຜູ້ຊົມ: General
ແບບ: Monolog
ປະເພດ: Bible Stories & Teac
ຈຸດປະສົງ: Evangelism
ສະຖານະ: Publishable
ຂໍ້ຄວາມສະຄຣິບ
Kusaadicisya
![Kusaadicisya](https://static.globalrecordings.net/300x200/gn-00.jpg)
M'mwaanya acin'jaangu. N'jiise ni m'piikane asiingaani syaambone. N'nole, pacituusituusi, ni m'piikanicisyeeje. Katema koose pacim'piikaneje kusona kwa kuti: (cimanyisyo) galawusya pakuja cituusituusi ca pawujo n'cibuukumo.
Cituusituusi 1: N’kanicive kudiingaanya cacidi coose
![Cituusituusi 1: N’kanicive kudiingaanya cacidi coose](https://static.globalrecordings.net/300x200/gn-01.jpg)
Kuundaanda, jwaadiji baasi N'nuungu.
N'nuungu, jwaateesile cilaambo. Jwaalamwiile kuti dipagwe dilaanguka, pakuti kuundaanda caagambile kuva cipi. N'nuungu jwaalekaangeenye muusi ni cilo, m'pela mwatukuyiwonela.
Pacituusituusi caandaanda, jwele, sooni jwaalekaangenye meesi ni kuwoneka sulo, nyaasa, mbwaani ni meesi ga m'mapuundugulu. ( M'kuumbucile kuti meesi ga wula, gakutyoocela m'mapuundugulu). N'nuungu jwaatesile dyuuva, syakuti dimudicileje muusi, mweesi syakuti Wumudicileje cilo. Pele, N'nuungu, jwaateesile yoose ni kuyiviika muulamusi waakwe.
Cituusituusi 2: N’nuungu jwakuveecetaga
![Cituusituusi 2: N’nuungu jwakuveecetaga](https://static.globalrecordings.net/300x200/gn-02.jpg)
Cibuuku catukuciwona pacele cituusituusici, cikuvilaanjikwa Baayibolo. Gadi malove ga N'nuungu, gagakutujiiganya yoose pakwaamba matala ga N'nuungu. Malove ga N'nuungu, yidi yisyeene. Yele yisyeeneyo, ni yacin'nyipiikane kutyoocela mu Baayiboolo.
Cituusituusi 3: Kuwuumbwa
![Cituusituusi 3: Kuwuumbwa](https://static.globalrecordings.net/300x200/gn-03.jpg)
N'nuungu kwa malove gaakwe, vaawuumbwaasisye yoose. N'nuungu jwaadinganiisye diitaka, Matuumbi, mbwaani ni sulo. Pawujo paakwe, jwaadinganiisye yiciindu yoose yana wuumi. Soomba, yijuni ni yinyama Ya mituundu joose.
Cituusituusi 4: Adamu na Haawa
![Cituusituusi 4: Adamu na Haawa](https://static.globalrecordings.net/300x200/gn-04.jpg)
Pawujo paakwe, N'nuungu jwaadinganiisye jwan'nume, diina dyaakwe Adamu. Pawujo pa adamu, N'nuungu jwaadinganiisye jwan'koongwe jwaandaanda, juvaavilaanjikwe kuti Haawa.
N'nuungu, van'peele muundu wulamusi wa yoose yavaadinganiisye pacilaambo. Veevanya, vaadiji vaakuunguluka ni N'nuungu, ni vaavecetanaga adi mun'guunda wa heedeni Kwavaadiji n'kutaama. N'nuungu vaalamwiile vevaanya kuti adyeeje yisogosi yoose, naambo nganaadya, yisogosi ya citeela cimo, cacaadiji pasikati pa n'guunda. Citeela ca wumanyiidisi wa yaambone ni yakusaakala. Pacituusituusi ca kun'ciji, wuwe, tukwaawona vevaanya pavaalesile kum'piikanila N'nuungu, ni kudya cisogosi ceekaanye. Pacituusituusi ca kun'dyo, tukuyiwona N'nuungu yavaatiite kwaapa yipotesi Adamu na Haawa, ni kwaaviika paasa pa n'guunda wa yeedeni. Kutaandila kwa dyele diisiku, yisogosi ya mwele mun'guundamo, vaakaaniisye. Pele vevaanya Vaataandiite kuseveesa n'nope pakuti ayipate yakudya. Noombe kutaandila kwa dyele diisikudyo, vevaanya vaataandiite kuyipata yipotesi, yilweele ni ciwa.
Cituusituusi 5: Kaayini ni Abeele
![Cituusituusi 5: Kaayini ni Abeele](https://static.globalrecordings.net/300x200/gn-05.jpg)
Adamu na Haawa vaakweete vaanace vavidi, meena gaakwe, Kaayini ni Abeele. Kaayini vaateendeele wiiwu Abeele, kwa dyele digoongodyo, Kaayini vam'buleje m'pwaawojo (Abeele). N'nuungu, vam'peele yipotesi kaayini, kwa digoongo dya saambi syaawo, m'pela mwavaapelele, Adamu na Haawa. Uwe woose tudi n'nunduunde wa Adamu na Haawa.
Woose tukweete saambi syayimo. Saambi, sikutulekaanganya wuwe ni N'nuungu. Kwadyele digoongodyo, wuwe woose, tukuvajilwa kupocela yipotesi digoongo dya saambi syeetu.
Cituusituusi 6: Coombo ca Noowa
![Cituusituusi 6: Coombo ca Noowa](https://static.globalrecordings.net/300x200/gn-06.jpg)
Yaapite yaaka ni milunduunde jeejiinji, jakutyoocela kwa Adamu. Vevaanya, vaalemwaaga ni nganaapiikanilaga ya N'nuungu. Vaandu woose syaagumbeele saambi, pele, N'nuungu Jwaanuuyiiye kwaajoonaanga woose ni cikuumba ca meesi. Jwaadiji baasi muundu jumo, juvan'nonyelaga ni kum'piikanila N'nuungu, diina dyaakwe Noowa. N'nuungu jwaatiite kwa Noowa kuti, adingaanye coombo. Noowa, vaadiji n'kulaadicila yakwaamba wuumbone wa N'nuungu, muyaaka yavaadiji n'kudiinganya coombo. Naambo vaandu, nganaasaka kwiiticisya kwa yele yimanyisyo ya N'nuungu, ni galeka matala gakusaakala, syakuti akaakulupwiice pa cikuumba ca meesi.
Cituusituusi 7: Cikuumba
![Cituusituusi 7: Cikuumba](https://static.globalrecordings.net/300x200/gn-07.jpg)
Pacaamasile coombo, Noowa, vaayiviisile yijuni ni yinyama ya mituundujoose n'coombo, m'pela muvaasadile N'nuungu. Pawujo paakwe, Noowa, van'kwaawo ni vaanace vaawo vatatu, acim'makwaawo vaanace, vaajiinjile n'coombo, N'nuungu ni jwaawugeele n'naango wa coombo. Pele, N'nuungu jwaatulwiisye wula jeejiinji, meesi gaatumbukaga paasi pan'taka, ciilambo coose, caagumbeele meesi. Paadiji paangakoomboleka kulupuka jwaadijoose. Noowa ni wuloongo waawo,vaakulupwiice n'kati mwa coombo. Naambo vaandu woose va paasa pa coombo, vaawiile mwakumilwa. Noowa ni wuloongo waawo, vaakulupwiice digoongo vaajiticiisye ya N'nuungu ni kum'piikanila.
Cituusituusi 8: Yibulayiima Saala ni Yisaaki
![Cituusituusi 8: Yibulayiima Saala ni Yisaaki](https://static.globalrecordings.net/300x200/gn-08.jpg)
Yaapite yaaka yeejiinji. Milunduunde ja Noowa, jaadiji mwangosyo syeejiinji. Yibulayiima, jwaadiji muundu juvan'nonyelaga ni kum'piikanila N'nuungu. N'nuungu, jwaakulupiisye kuti, milunduunde ja Yibulayiima, jiiciva yilaambo ya vaandu vaajiinji. Yibulayiima ni van'kwaawo, nganaakolaga vaanave. Naambo Yibulayiima vaajiticiisye kulupisya kwa N'nuungu. Aci cituusituusi-ci, cikulosya kuti vevaanya, vaakweete mwaanace, adyaacekulwiipe n'nope ni vam'peele mwaanace-jo diina dyakuti Yisaaki.
Cituusituusi 9: Muusa ni malamusi ga N’nuungu
![Cituusituusi 9: Muusa ni malamusi ga N’nuungu](https://static.globalrecordings.net/300x200/gn-09.jpg)
M'pela yavaatiite N'nuungu kulupisya kwa Yibulaayima, Yisaki vaakweete milunduunde jeejiinji. Milunduunde ja Yibulayiima jaakwanile kuva vaandu va cilaambo ceekulungwa, cacaavilaanjikwe yisirayele. Noombe Muusa jwaadiji jwa n'nunduunde wa Yibulayiima. Noombe-naajo, van'jiiticiisye ni kum'piikanila N'nuungu. Diisiku diine, N'nuungu jwaavilaasile Muusa, kuti ajaawule kwiituumbi, kwele, ni kwavaapele malamusi gakuti akaajiiganye vaandu. Aci cituusituusici, cikutulosya Muusa adin'kutuluka kwiitumbi, adyajigeele malamusi ga N'nuungu, geeleembekwe m'magaanga gavidi. N'nuungu, akusaka kuti vaandu apiikanileje, malamusi gaawo.
Cituusituusi 10: Malamusi diikumi
![Cituusituusi 10: Malamusi diikumi](https://static.globalrecordings.net/300x200/gn-10.jpg)
Apa, pana malamusi gaane, gavaapoceele Muusa kwa N'nuungu. Gele, gakutujiigaanya yakuti pakun'nonyela ni kum'piikanila N'nuungu jusyeene. Kutaandi cakwiinaani wupaande wa kun'ciji wa cituusituusici, m'paka tuyiwone kuti, nganitupopeela awu kujitiindivadila minuungu (miluungu) jiine. Wuwe tuve vakum'popeela baasi n'syeene juvaadinganiisye yoose (N'nuungu).
Pacituusituusi ca pawujo, baaba, maama ni vaanace akum'popeela N'nuungu. Vaanace, aveeje vakwaaciimbicisya ni kwaapiikanila acinaangolo-vaawo. Pacituusituusi capaasi, kun'ciji, N'nuungu akutusaadila m'malamusi mwaawo kuti, tukawulaga n'jeetu, ngajiiva vaakoongwe vaajeenu (cikululu), ngajiiva awu kuumbila (caanganiciva ceetu), N'nuungu, jukutuciisya gajeesya malamusi gaawo.
Cituusituusi 11: Mbopeesi jadigoongo dya saambi
![Cituusituusi 11: Mbopeesi jadigoongo dya saambi](https://static.globalrecordings.net/300x200/gn-11.jpg)
N'nuungu akupeleka yipotesi, digoongo dyaangam'piikanila. Mukatema ka Muusa, vaandu pavaalemwaaga, (kaasamalamusi ga N'nuungu), muundu-jo jwaapelekaga mbopeesi, ja kangondoolo kaambone, kwa N'nuungu. Kangondoolo-ko, kawaga m'maalo mwa vaalemwiisye-wo. Ngondoolo jaadiji mwa cimanyisyo, ca mwaanace jwa N'nuungu, Ambuje Yeesu m'kulupusyo. Yeesu, vaayice ni kuwa, mwaambopeesi ja N,nuungu, kwa vaandu woose va pacilaambo.N'nuungu, vaapaanjile kuundaanda, ya kun'tumisya Yeesu pacilaambo, pakwiisa kwaakulupusya vaandu kumacidi ni yipotesi ya saambi ni yaciwa. Wuwe, tuudiijiigaanye pacituusituusi capawujo.
Cituusituusi 12: Dilayika Maariyaamu ni Yuusufu
![Cituusituusi 12: Dilayika Maariyaamu ni Yuusufu](https://static.globalrecordings.net/300x200/gn-12.jpg)
Yaaka yeejiinji pawujo pa Muusa, Yeesu jwaapadi. Kwayaaka yeejiinji ya paanyuma, N'nuungu, jwaakulupiisye ya kutumisya n'kulupusyo. Pacituusituusi capawujo, tukudiwona dilayika dyadyaayice kuuveeceta ni mwaadi jwadiina Maariyaamu. Maariyaamo, jwaadiji mwaadi ni vaatomeelwe ni Yuusufu. Dilayika, dyaatiite kwa Maariyaamu: Nganin'joogopa Maariyaamu;... M'mwe, cin'kole mwaanace jwan'nume, jwacimum'pe diina dya Yeesu. Jwele, taaciva jwan'kuluungwa ni caacivilaanjikwa mwaanace jwa N'nuungu jwaakusile.... N'siimu weesyeela, ciiwuyika kukweenu, macidi ga N'nuungu, ciigam'bunicila. (Luka 1:31-32a, 35).
(M'pela mwatukuyiwonela pacituusituusi ca kun'dyo), Dilayika dyaawoneceele noombe Yuusufu muusagamisi. Dyaatiite: Yuusufu, nganin'joogopa kutayikanya wulombeela ni Maariyaamu van'kweenu... Vele, taacikola mwaanace jwan'nume, m'mwe, cin'cim'pa diina dya Yeesu, digoongo vele caaciyika kukwaakulupusya vaandu kuusaambi. (Diina dya Yeesu, diigopolela kuti n'kulupusyo). (Mataayo 1:19-21).
Cituusituusi 13: Kupagwa kwa Yeesu
![Cituusituusi 13: Kupagwa kwa Yeesu](https://static.globalrecordings.net/300x200/gn-13.jpg)
Yuusufu ni Maariyaamu vaatyoosile wulendo, wakuja kun'siinda wa Beeterehemu. Kateme kavaadiji kwele kun'siindaako, Maariyaamu vaakweete mwaanace Yeesu, vam'biisile mwakudiila ng'oombe, digoongo kwaadiji kwaangadi maalo gaagona veevaanya. Cilo cilacila, dilayika dimo, dyaawoneceele vakuciinga mbusi, vavaadiji pakuvaandika. Dilayika, dyaasadile ya kupagwa kwa Yeesu ku Beeterehemu. Malayika geejiinji, gaawoneceele kumawuunde, gaciimbaga mwa kun'jiimbila N'nuungu. Pele, vakuciinga mbusi-vala, vaatyoosile mwaanja kun'siinda kukun'nola Yeesu N'kulupusyo.
Cituusituusi 14: Yeesu jwaakombola
![Cituusituusi 14: Yeesu jwaakombola](https://static.globalrecordings.net/300x200/gn-14.jpg)
Yeesu jwaakulaga, mwa wupiile wa N'nuungu wawaadiji ni jweleejo. (Luka 2:40b) pacituusituusi ca kun'ciji, tukwaawona Yeesu adyaakweete yaaka 12 ya wukulu-waawo. Vele, vaaveecetaga yakwaamba malove ga N'nuungu, nacaakuluungwa va diini ja yiisirayeele, kupiikanila ni kuteendaga yiwuusyo. Vevaanya vaadiji n'kusimoongwa n'nope sya wumanyiidisi weekuluungwa wavaakweete Yeesu, pakwaamba ya N'nuungu. Pacituusituusi caviidi, tukum'bona Yeesu adyaakusile ni kwaajigaanyaga vaandu, ya malove ga N'nuugnu. Vaane vaandu vaajiiticisyaaga ni kulupidila, naambo vaane, vaakaanaga ni kudiimbanaga ni Yeesu.
Cituusituusi 15: Yiisimoosimo ya Yeesu
![Cituusituusi 15: Yiisimoosimo ya Yeesu](https://static.globalrecordings.net/300x200/gn-15.jpg)
Ayi yituusituusiyi, yikulosya macidi geekulungwa, gavaapoceele Yeesu kwa N'nuungu Ataati, gavaapele Yeesu kuti ateendeje yiisimoosimo. Pacituusituusi ca kun'ciji, Yeesu van'kwaayiiye muundu jwajwaapadi judi jwaangalola. Pawujo pakun'kwaaya, muundujo, jwaaloleete!
Cituusituusi ca pasikati, tukum'bona Yeesu adin'kun'syuusya mwaanace jwajwaawiile mwa citema, acinaangolo vaawo vaadiji n'kuloleela. Wupaande wa kun'dyo, tukwaawona Yeesu, adin'kweenda pacaanya meesi mwaanja kuvaadiji vakudijigaanya-vaawo, vavaadiji mwibooti. Yeesu, vaateesile yiisimoosimo yeejiinji, m'pela yeleeyi, pakusaka kulosya kuti vele vaadiji mwaanace jusyeene jwa N'nuungu.
Cituusituusi 16: Yeesu kulagaasika
![Cituusituusi 16: Yeesu kulagaasika](https://static.globalrecordings.net/300x200/gn-16.jpg)
Vaandu acaajiinji van'kuuyaaga Yeesu. Vele, vaaposyaaga ni kwajiigaanya vaandu ya diitala, dya N'nuungu. Yeesu, vaayice kukwaakulupusya vaandu vaasokonecele, vakweete saambi. Kwadyele digoongodyo, vaandu acajiinji vaaveengaga Yeesu, n'nnope-n'nope pavaaveecetaga ya saambi syavaateendaga. Mipiingo ni acakuluungwa va booma, nganaakulupidilaga kuti, vele yisyeene vaadiji mwaanace jwa N'nuugnu. Pele, vaatavile, vaalaambucisyaaga yawunami Yeesu ni kwaapuuta. Asikaadi, vaaweeciice cileemba camiiva mun'twe mwa Yeesu acaaputaga. Naambo Yeesu, nganaadimbana-naawo (nganaadiwucisya), vele vaayimaanyi kuti yele yoose yaapanjiigwe kuti yiwonece. Yeesu vaadileceelesye kuti muundu jwaadi ni sataani vaalagaasye ni kwaawulaga. Yeesu vaayimaanyi kuti vaayiice kwiisa kuwa mwambopeesi ja N'nuungu. Pakuteendekwa kwa yeleeyo, Yeesu, vaapoceele yipotesi ya saambi sya vaandu woose.
Cituusituusi 17: Yeesu kuwa adyaakomeelwe
![Cituusituusi 17: Yeesu kuwa adyaakomeelwe](https://static.globalrecordings.net/300x200/gn-17.jpg)
Ambuje Yeesu vaakomeelwe pan'salaaba wa mataabwa. Pawujo pakuviika n'salaaba pamaalo gagaavajiilwego, Yeesu vaakomeele mun'salaaba, mwele ni muvaadiji m'paka vaawiile. Pamaalo gagoogo, vaakomeele noombe acikacikwaanje vavidi, jwiine wupaande wiine, sooni jwiine wupaande wiine wa Yeesu.Yaadiji mwa n'teeto kelekatemaako, kwaawulaga vaandu vayileevi yeekulungwa mwa wutuundu waakomelwawo. Naambo Yeesu ngadi pavaateesile yiciindu yakusaakala yakulemwa. Vele, vaayice pakuti ave mbopeesi, jakudipiidila saambi sya vaandu woose. Wuwe woose tukulemwa ni tukuvajilwa kuwa, digoongo dya saambi syeetu. Naambo Yeesu, vaapoceele yipotesi, yatwaavajiilwe kupocela wuwe. Kwadyele digoongodyo, naaga tukupeesya ni kwiiticisya kuti, yisyeene tudi va saambi, mwa yisyeene ni galawuka n'tima, kuleka ya saambi, N'nuungu caacitukululucila ni kututyoocesya saambi syoose. Kwiiticisya ni kwaakuya Ambuje Yeesu Kiricitu, cin'civa vaakulupuce.
Cituusituusi 18: Kusyuuka
![Cituusituusi 18: Kusyuuka](https://static.globalrecordings.net/300x200/gn-18.jpg)
Amagoongo wa Yeesu, vaaganiisyaaga kuti, kun'komela kwa jwele, can'joonaange, naambo nganiyiwoneka awu kuteendekwa yele. Pawujo pakuwiila pan'salaaba, vaandu vavaang'aandaga ni Yeesu, vaajigeele ciyiilu-co ni kuja kuviika mwiileembe, dyavaasosile mwiigaanga, ni vaawugeele digaanga pan'naango pa dileembedyo. Gaapiite masiku gavidi, naambo padiisiku dyaataatu, Yeesu vaaswuucile kuvaawe. Pavaapiite acaakoongwe vaane kwiilembe-ko, vaapasimeene peelembepo, digaanga didi dyeewugule, Yeesu , paadiji paangadi. Malayika gavidi gaakopoceele, ni gaatiite kwa acim'masyeeto kuti; Yeesu adi wuumi! Vele nganaava apano; gaaveceete malayika. Vele, aswuucile. Kuswuuka kwa acaawe, Yeesu vaalosiisye kuti vaadiji ni adi N'nuungu. Yeesu adi vawuumi leelo, ni adi vamacidi kwaangalaandana sataani ni ciwa.
Cituusituusi 19: Tomasi akwiiticisya
![Cituusituusi 19: Tomasi akwiiticisya](https://static.globalrecordings.net/300x200/gn-19.jpg)
Pawujo pakwiimuka Yeesu kuciwa, vaawoneceele kwa acambusaanga-waawo vaajiinji, vavaaveceteene ni kudya pam'pepe ni Yeesu. Vamo mwa vakudiijigaanya va Yeesu,Tomasi, nganaajiiticisyaaga kuti Yeesu yisyeene asyuucile kwa acaawe ni adicijuumi kaane, ni vaatiite: "Naaga ngaangugawona mavaanga, muvakomeele misumaadi, ni kwaakwaaya m'mavaangaamo, ngaanyiiticisya. (Yaahaya 20:25). M'paka tuyiwone pacituusituusi kuti, Yeesu vaapiite ni kwaalosya Tomasi mavaanga-gaawo. Pele, Tomasi nganaakayicila (vaajiticiisye). Vaagwiidile pamakoongolo ga Yeesu ni vaatiite: Ambuje-vaangu ni N'nuungu-jwaangu. (Yaahaya 20:28). Yeesu ni vaajanjile kuti: Tomasi, m'mwe, muumweeni. Akole wupiile vaanganaamona, naambo ni kunyiiticisya. (Yaahaya 20:29)
Cituusituusi 20: Kuwuja Yeesu mwaanja kwiinaani
![Cituusituusi 20: Kuwuja Yeesu mwaanja kwiinaani](https://static.globalrecordings.net/300x200/gn-20.jpg)
Yeesu, vaawoneceele kwa vaandu acaajiinji, kwa masiku 40, pawujo pakusyuuka kwa acaawe. Vaandu vaajinji vaaweeni Yeesu kuti adicijuumi. Pele, Yeesu vaadinganiice yakuti awujile kwa Ataati-vaawo kwinaani, digoongo gaakwaniile maseengo-gaawo gavaayice kuteenda. Yeesu vaatiite kwa vakudijiigaanya kuti, apiten'ceenesya wuteenga waambo kwa vaandu woose. Vakudijiigaanya vaadiji n'kulola kumawuunde, katema kavaatyookaga Yeesu mwanja kwiiwuunde. Pele, malayika geewaale yeesweela, gaawoneece ni gaasaadiile kuti: wiine wusiku, Yeesu caaciyika pacilaambo, m'pela yan'tiite pakwaawona acaawulaga. M'paka dyele diisikuudyo, Yeesu caakave kumawuunde. Yeesu, akudiingaanya maalo, ga vaandu vaakwiticisya ni kwaakuya velewo. N'kuganiisya cici m'mwaanya? Cin'jiiticisye ni kwaakuya Yeesu? N'diinganiice pakwaamba kuyika kwaawo?
Cituusituusi 21: N’salaaba
![Cituusituusi 21: N’salaaba](https://static.globalrecordings.net/300x200/gn-21.jpg)
Kweende tuyiwo digoongo cici Yeesu vaawiidiile pan'salaaba. Yeesu vaawiile pakusaka kwaakulupusya vaasaambi kuyipotesi. M'mwaanya n'kuumbucile, myaasi ja Yeesu Kiricitu, Mwaanace jwa N'nuungu, jwaatucapile mituundu joose ja saambi. Yeesu ngakola pavaalemwiisye, naambo vele, vaawiile pakusaka kusijoonaanga saambi syasikutulekaanganya pasikati peetu ni N'nuungu. N'salaaba, wukutukuumbusya kuti Yeesu, jaadiji m'pela mwa ngondoolo jaambone jakupeleka mwaambopeesi kwa N'nuungu, jajaatudipidiile wuwe. Naaga kun'jiiticisya Yeesu, ni kupeesya saambi syeetu, wuwe tuuve vaakululucikwe kwa N'nuungu Ataati. Yeesu vaatuteendekaasisye kuti tuve vaanece va N'nuungu. Vele vaayice kuuluumbikanya wupiikaangani-weetu ni N'nuungu. Yituusituusi ya pawujo, ciyitusaadicisye ngopolelo jaambone, pakuti muundu ave n'kiricitu ( jwakun'kuuya Yeesu).
Cituusituusi 22: Miseewo jividi
![Cituusituusi 22: Miseewo jividi](https://static.globalrecordings.net/300x200/gn-22.jpg)
Yeesu vaatujiiganiisye kuti wuumi, m'paka wukoombolece kuwulaandanya ni miseewo jiwidi. Wuwe woose patukupagwa, tukuva mun'seewo weekuluungwa n'nope waasaambi, pakuja kucoonaasiko (komooto waangasima). Wuwe woose tudi vaasaambi, digoongo tudi n'nunduunde wa Adamu. Naambo wuwe, m'paka tunuuye ngadikuuya dye diitalaadyo, nikutyooka kuja mwiitala diine, dyadidi dyaakaanganika, naambo dyakutujigadila kwa N'nuungu kumawuunde. Naaga muundu kwiiticisya mwa Yeesu ni myaasi-jaawo, caacipocela wuumi waangamala. Kwavele vakusaagula diitala dyaakaanganika, nganaajiimbikwa magaambo ga saambi.
Kusaagula kweenu: Naaga m'mwe kunuuya kum'kuya Yeesu, m'mwe koomboleka kuveeceta ni N'nuungu mwiipopeelo kwa wutuundu waakwe awu: " N'nuungu, wune ngupeesya kuti ndijwaasaambi. Wune ngwiiticisya kuti Yeesu, vaawiile pan'salaaba pakuti adipiidile n'teengo wa saambi syaangu. Muungululucile ni muunjape n'tima waangu, muundendekaasye kuti-me jumo jwa muuloongo weenu. Wune, ngusaka kuuya mwiitala dya Yeesu, ni pawujo pa ciwa caangu, caandaame noomwe kumawuunde. Ngun'togolela N'nuungu Ataati".
Naaga m'mwe kweene-kweene n'kwiiticisya, ni kum'beenda N'nuungu, kwa wele wutuundu-wo, m,mwe, cin'jiinjile mwiitala dyaakaanganika, dyakuja kuutendeele wa N'nuungu.
Cituusituusi 23: Vaanace va N’nuungu
![Cituusituusi 23: Vaanace va N’nuungu](https://static.globalrecordings.net/300x200/gn-23.jpg)
Yeesu akum'pocela muundu jwajudi-joose, jwalukosyo lwaludi-loose, va cilaambo awu civeeceto cacidi coose. Woose vakun'jiiticisya Yeesu, akuvilaanjikwa vaanace wa N'nuungu. Vevaanya, adi mwiitala dyamwaana dyakujakuyika kwa N'nuungu Ataati. N'ntaameje mwawuloongo wumo, wa Yeesu Kiricitu.
Cituusituusi 24: Kupagwa sooni kaane
![Cituusituusi 24: Kupagwa sooni kaane](https://static.globalrecordings.net/300x200/gn-24.jpg)
Katema kavaadiji Yeesu civeela pacilaambo-pano, Vele van'jiiganiisye muundu jumo, diina dyaakwe Nikodemu. Cilo ciine, vele vaayiice kwa Yeesu, syakuti adiijiigaanye yakwaamba malove ga N'nuungu. Yeesu vaateesile a Nikodeemu kuti, woose vaakusaka kuva mwiivaasa dya N'nuungu, akusacikwa kupagwa mu wuumi wiine. Kupagwa caatiwudi kaane. Wuwe, nganitukola macidi ga kudiceenga twacin'syeene. Naambo N'siimu Wesyeela wa N'nuungu, ni wawukutupa wuumi waambone, pa katema katukunuuya kwiiticisya kun'kuuya Yeesu. Pele wuwe, tukusyuuka kuva muundu jwaambone, mwaanace jwa N'nuungu.
Cituusituusi 25: Kwiika kwa N’siimu Weesyeela
![Cituusituusi 25: Kwiika kwa N’siimu Weesyeela](https://static.globalrecordings.net/300x200/gn-25.jpg)
Avavaanduuva, adi vakudijiiganya va Yeesu ( vakwakuuya Yeesu). N'kanaawujile Yeesu kumawuunde, vele, vaakulupiisye kutumisya N'siimu Weesyeela, kwa woose wakwaajiiticisya Yeesu. Kupita kwa masiku diikumi, Yeesu adyaapiite kumawuunde, vakudiijiigaanya-vawo, vaatemi pamaalo gamo. Mwacisupucisya, N'siimu Weesweela wa N'nuungu, wayicidiile vevaanya, ni vaagumbadiilwe ni macidi ga N'siimu Weesyeela, m'pela yavaatiite Yeesu paakulupisya. Vevaanya, vaakweete macidi ni wumanyiidisi wa kuveeceta yiveeceto yiine, ni kwaasadila vaandu vaane, ya yiisimoosimo yavaateendeele N'nuungu. N'siimu wa N'nuungu, wukuva mwa jwaadijoose jwaakukulupidila ni kun'kuuya Yeesu. N'siimu Weesweela, wukutujiigaanya yakuti kun'noonyela ni kum'piikanila Yeesu.
Cituusituusi 26: Kweenda mwiilaanguka
![Cituusituusi 26: Kweenda mwiilaanguka](https://static.globalrecordings.net/300x200/gn-26.jpg)
Muundu n'kanaave kun'jiiticisya Yeesu, jwele muundu, akunaava m'pela jwan'nume jwaadi pacituusituusi ca kun'ciji. Jukweenda n'cipi. Jwele muundu, juukuvala mwandaayi-syoose , ni gwiila muusaambi, digoongo vaangadi dilaanguka dyakwaamudicila. Naambo naaga tukuviika cikulupi ceetu mwa Ambuje Yeesu, tukuva m'pela muundu jwakweenda mwiitala dyamwaana-dila, didin'kuvala dyuuva. Yeesu vaatiite: "Wunendi dilaanguka dya pacilaambo. Vakuunguuya Wune, ngaajenda n'cipi. (Yaahaaya 8:12). N'nuungu, akupeleka N'siimu waawo Weesweela, syakuti waakamucisye ni kwajiigaanya woose vaakwiiticisya ya diitala dyaawo dya wuumi.
Cituusituusi 27: Kugajiiticisya Malove ga N’nuungu
![Cituusituusi 27: Kugajiiticisya Malove ga N’nuungu](https://static.globalrecordings.net/300x200/gn-27.jpg)
Muundu jwaakwiiticisya mwa Yeesu Kiricitu, jwele muundu-jo, akupagwa kaane, ni jukwiiticisya malove ga N'nuungu. Jwele, jukutogolela kwa N'nuungu, pakwaakululucila saambi syaawo. Jwaakwiiticisya mwa Yeesu, ngaakuteenda cikululu, ngaakuva jwaakangaana yaangava yisyeene, jwaangajiiva, ngajukupopeela minuungu jiine, awu majiini. N'siimu Weesweela, wukupeleka macidi kwa muundu kiricitaawu pakuti ayivaambaleje yiciindu yakusaakala ni kuteendo yiciinda yaambone.
Cituusituusi 28: Divaasa dya kiricitaawu
![Cituusituusi 28: Divaasa dya kiricitaawu](https://static.globalrecordings.net/300x200/gn-28.jpg)
N'nole! Adi divaasa, dikweenda mwiitala dya N'nuungu. Vaalume, akwaanyonyela van'kwaawo, noombe vaakoongwe, akwaacimbicisya vaalume, m'pela yagakuti kuciisya Malove ga N'nuungu. Vevaanya akudiimbisyaana jwiine ni n'jaakwe, akwaajigaanya vaanace kun'nonyela N'nuungu ni kudiijiigaanya Malove ga N'nuungu, pakuti agapiikanileje gelego. Divaasa dya kiricitaawu, diveeje dyakupopeela, ni kuseveesa yim'pepe pamaseengo ga N'nuungu.
Cituusituusi 29: Mwaanyonyele amagoongo veenu
![Cituusituusi 29: Mwaanyonyele amagoongo veenu](https://static.globalrecordings.net/300x200/gn-29.jpg)
Yeesu vaajiigaaniisye vakwaakuya-vaawo kuti, mwaanonyele vaandu woose, ni m'paka amagoongo veenu. Tuveeje vakwaakamucisya vaandu vaasingadiilwe, ni m'paka vaandu vamikutula jiine. Yeesu vaataanjile citaagu ca muundu jwiine, jujwaapuutiigwe ni vawiiyi. Muundu jwan'kutula wiine, van'simeene jwele, judi jugonile, ni jwaadiji jwam'bulale. Caateesile caanaasa ni vaadinganiisye, digoongo vele, vaasingadiilwe pakusaka cikamucisyo, noombe jwaakamucisyaa-jo, ngadi cavaalamwiile. Yeesu jwaatiite kuti, noowe tuveeje vakuteenda yiciindu yaambone yatim'pela yeleeyo.
Cituusituusi 30: Yeesu jwamacidi goose
![Cituusituusi 30: Yeesu jwamacidi goose](https://static.globalrecordings.net/300x200/gn-30.jpg)
Vele vaandu, adin'kucoma minuungu ni yituumwa ya wusavi. N'kanaave kun'kuuya Yeesu, vevaanya vaadiji n'kuyikulupidila yele yiciinduyo. Naambo makiricitaawu, gaveeje gakuyijaasa yoose yayidi ya sataani ni majiini. Ambuje akweete macidi jejiinji kwaangalaandana ni sataani, majiini, minuungu ni wusavi. Wuwe, vatudi makiricitaawu, nganitukolaga wooga, wakun'joogopa sataani. Yatukuyisaka, baasi kwaamba kuveenda kwa N'nuungu kuti atukamucisye ni kutuceenjela.
Cituusituusi 31: Gaviinga majiini
![Cituusituusi 31: Gaviinga majiini](https://static.globalrecordings.net/300x200/gn-31.jpg)
Aci cituusituusi-ci, tukum'bona muundu, jwajun'kamule majiini. Jwele, ngakoomboleka kun'tava ni migoji awu wunyolo, digoongo majiini gaadi mwaveleewo gadi gamacidi. Naambo Yeesu, vaagalamwiie majiinigo kuti gatyooce mwa muundu-jo. Gele, gaatyoosile! Gam'piikanile Yeesu, digoongo Yeesu adi vamacidi, ngalaandana sataani ni majiini. Muundu-jo, gan'tyoosile majiini-go, ni jwaatyoosile mwaanja kukwaasaadila acin'jaawo yavaateesile Yeesu kwa muundu-jo. Yeesu jwana macidi geekuluungwa kwaangalaandana sataani kumo ni majiini-gaakwe. Yele yooseeyo, yikum'pikanila Yeesu. M'mwaanya ni vakunuuya. Naaga gakun'sawusya majiini, baasi n'gaambe kum'beenda kiricitaawu kuti am'popeelele, kuveenda kwa N'nuungu, mudiina dya Yeesu kiricitu, kuti agaviinje majiini-go ni nganagawujila sooni. Naaga n'kwiiticisya, gele caagatopole. Yeesu jukweete macidi gakum'boombola muundu jwajudi-joose kumaseengo ga sataani.
Cituusituusi 32: Kun’kuuya Yeesu
![Cituusituusi 32: Kun’kuuya Yeesu](https://static.globalrecordings.net/300x200/gn-32.jpg)
Aci cituusituusici, cikutulosya makiricitaawu gadin'kudiingwa, ni kuleka, kun'kuuya Yeesu. Sataani jukusaka kuti wuwe, tun'divadile N'nuungu, ni kuumbucila baasi yaambiya, yakuwaala, soona, yakung'wa yawukadi, ni yiciindu yiine yakusaakala. Sataani akutulaanjisya yele yiciinduyi, pakutusaangalasya, naambo sataani judi jwawunami, ni jukuteenda yooseyo syakuti atujoonaanje. N'nuungu jukuti M'malove gaawo: N'kulupidile kwa N'nuungu, n'diimbaangane ni sataani-jo, jwele, cacin'tiila m'mwaanyaajo. (Yakoobo 4:7). N'nuugu, adi Ataati va kumawuunde. Julakwe, jukuyimanya yiciindu yatukulajila. Jwele, jwaakulupiisye kutupa yiciindu yatukuveenda. Wuwe, vatukun'kulupidila N'nuungu ni kum'piikanila mwaanace-jwaawo Yeesu Kiricitu, wuwe ciitukola macidi, muundayi ja yisawusyo.
Cituusituusi 33: Naaga tukulemwa
![Cituusituusi 33: Naaga tukulemwa](https://static.globalrecordings.net/300x200/gn-33.jpg)
Diisiku diine Yeesu, vaataanjile citaagu caakwe aci: N'nyamaata jwiine, jwaatyoosile kunyuumba-jaawo, ni jwaapite kuuteenda yiciindu yakusaakala . Julakwe, jwaajoonaasile mbiya syoose syavaapeele babaa-vaawo, ni vaapiite kulama wuumi wa kusaakala. Pasyaamasile mbiya, sala jeekuluungwa jayiice n'cilaambo-mo. Jwele muundu-jo, jwaadijin'kulaga ni sala jan'nope. Jwaadin'kudiiganiicisya ni kudiigamba sya yiciindu yavaateesile. Jwaawujiile kwa baaba-gwe, ni jwaaveendile kuti vaakululucile.
Pakutiipo baaba-gwe van'nonyelaga n'nope, vele vam'poceele mwaanagwaawo-jo kaane panyuumbaapo. Aci citaaguci, cikutulosya kuti naaga wuwe kulemwa, wuwe m'paka tupeesye saambi syeetu. Naaga tudin'kudigaamba ni galawuka n'tima, N'nuungu, m'paka atukululucile.
Cituusituusi 34: Yilweele
![Cituusituusi 34: Yilweele](https://static.globalrecordings.net/300x200/gn-34.jpg)
Pacituusituusici, Vaalume ni Vaakoongwe, akujagadika. Vakuvaandikana vaawo, akulwaala n'nope. Vaandu va N'nuungu, naaga adin'kulwaala yikusacikwa kuteenda cici? Vevaanya yikusacikwa kupopeela, ni kulupidila kuti Ambuje, caateende yayidi yaambone. N'nuungu, jwatikoomboleka kuposya wulweele wawudi woose, awu kun'kamucisya muundujo kuti apate n'teela wakupolela. N'nuungu akwaanyonyela vaanace vaawo, ni digoongo dyaakwe akwaaloondesya kwa yoose yayikuteendekwa. Naambo sooni, akutuceenjela ku sataani. Ni digoongo dyaakwe wuwe ngatupiinjila kun'jogopa sataani, naambo tuve vakwaakulupidila Yeesu, pakutuloongolela ni kutuceenjela. Yeesu adi noowe, Vele akutusaangalasya muundayi ja yipotesi.
Cituusituusi 35: Ciwa
![Cituusituusi 35: Ciwa](https://static.globalrecordings.net/300x200/gn-35.jpg)
Wuwe woose, tuyimaanyi kuti diisiku diine ciituwa. Naambo cici cicituwonecela pawujo paciwa? Katema kajukuva jwaakulupidila, n'siimu waawo, wukwaawula ni Yeesu. Baayiboolo, Jajidi Malove ga N'nuungu, gakutujiigaanya yeleyi. Acaambusaanga-vaawo vakuwa, nganaavaaga vakudaandawula. Vaakulupidila, nganaavaaga ni wooga wa ciwa, digoongo tuyimaanyi kuti N'nuungu akutunyonyela, ni vaatukulupwiisye kuusaambi. Kwavele vaangaan'jiiticisya Yeesu, Vaangadi kweembeceya pakuja kutaama ni N'nuungu, pawujo pakuwa. Vevaanya caacijawula kuyipotesi, kwaakukuteenda kumooto waangasima.
M'mwe, cin'cija kwaapi pacin'ciwa?
Cituusituusi 36: Ciyiilu ca Yeesu
![Cituusituusi 36: Ciyiilu ca Yeesu](https://static.globalrecordings.net/300x200/gn-36.jpg)
Apa, tuyiwo yivalo yeejinji ya ciyiilu ca Muundu. Acila wuupaande wana maseengo gaakwe. Meeso gakulolela, mapiikanilo gakupiikanila, pakamwa pakudiila ni kuveecetela. Yivalo yoose ya paciyiilu, yikuseeveesela yimo. Naaga civalo cimo cikulwaala, awu kuyiimba, ciyiilu coose cikulaga. N'nuungu kutujiigaanya m'malove gaawo kuti, vaakulupidila mwa Yeesu, ave vakuseveesa caluumo, m'pela wupaande wa ciyiilu ceetu (mpiingo). Yeesu adi n'twe wa mpiingo. N'nuungu akweete maseengo kwa acila muundu, mwa ciwaanicisyo: Pakupopeela, kudiijiima yakudya, Pakwiigaanya Malove ga N'nuungu, pakwiimba ni kuciimbicisya, pakupaanda ni pakuteleka. Acila muundu, akuteenda wupaande waawo pamaseengo ga Ambuje Yeesu, paakamucisya ciyiilu ca kiricitu kuti cidiimbaangane. Vaakulupidila mwa Yeesu woose, anonyelaneje jwiine nin'jaakwe, kuseveesa yaluumo; awu ciyiilu ca Kiricitu civen'kulaga?
Cituusituusi 37: Wukamulani wa cikicitu
![Cituusituusi 37: Wukamulani wa cikicitu](https://static.globalrecordings.net/300x200/gn-37.jpg)
Makiricitaawu, gaveeje gakusimaangana mwa cisyoovelo, syakuti woose am'popeeleje N'nuungu. Aveeje vakudiijiigaanya kwiimba nyiimbo sya wuciimbiciimbi, kupopeela kwa kutyoocela mu Baayiboolo, pakuti gele, gadi Malove ga N'nuungu. Tuveeje noombe vakupeleka kaandu katukweete, pakusaka kamucisya maseengo ga N'nuungu. Ambuje akutuciisya sooni kuti, tukuumbucile ya kuwa kwa Yeesu syeetuwe. Pacele cituusituusi-ci, tukwaawona vaandu vaakulupidila mwa Yeesu adin'kugavana yaluumo n'kate ni n'viinyo. N'kate wukutukuumbusya ya ciyiilu ca Yeesu, cacaapokosweece pan'salaaba syeetuuwe. N'viinyo, wukutukuumbusya ya myaasi, jajaasulwiile syakutucapa saambi syeetu ni kutuluumbikanya sooni ni N'nuungu. Tuveeje vaakuumbucila ya ciwa ca Yeesu sya digoongo dyeetu, syakuti twaanonyeleje ni n'tima weetu woose.
Cituusituusi 38: Yeesu caaciyika sooni
![Cituusituusi 38: Yeesu caaciyika sooni](https://static.globalrecordings.net/300x200/gn-38.jpg)
Muundaayi jeene, jeeleembe N'nuungu, Yeesu caaciwuja mwa citema kutyoocela kumawuunde kwiika paasi, m'pela yavaatiite kulupisya. Vele caaciyika, kukwaatola vaakulupidila-vaawo, divaasa dya N'nuungu. Ambuje Yeesu, caacaajiimusya vaadi m'maleembe, pakuja kumawuunde. Vaandu woose vavaawiile, maleembe-gaawo , ciigava gasejeleje. Wupaande wa vaandu vawoowo, vacaaciva ni wuumi pacilaambopano, noombe caacijigadikwa mwaanja kumaawuunde. kwacaacija kutaama ni Yeesu kwa yaaka yoose, awu m'paka kalakaala. Vaangaakwiiticisya ni ngan'kuuya Yeesu, caacisigala pacilaambo-pano, ni caaciva n'kuyiwona yipotesi yeejiinji ya N'nuungu. Ngatukuyimanyiidila kuti Yeesu caawuje caakaci, kwa dyele digoongodyo, tuve vaadiinganice pakwaajembeceya. N'divaadiinganice naaga kun'simanaga Yeesu leelo?
Cituusituusi 39: Kupeleka kwa yisogosi
![Cituusituusi 39: Kupeleka kwa yisogosi](https://static.globalrecordings.net/300x200/gn-39.jpg)
Kwa wutuundu wacikuti kupeleka yisogosi citeela ca pacituusituusi-ci, n'kiricitu jukusogola yisogosi ya N'siimu Weesyeela.Yeesu vaatiite: wuneendi citeela, m'mwaanya ndi nyaambi. Naaga m'mwaanya n'dimukwaangu, Wune nikuva mwa m'mwaanya, tin'cisogola yisogosi yeejiinji. Naambo naangadi Wune, paangadi cam'paka n'teende. Naambo jwaadi-joose naangava noone, caaciva vakwaajaasa paasa, m'pela lujaambi ni kuumula, kululokota ni kujakwaasa pamooto nikupya. (Yaahaya 15:5). N'siimu Weesweela, wukutaama ni kuseveesa m'mitiima mweetu, pakusogosya yosogosi mwa cinonyelo. Kuseengwa, Kusaangalala, n'tendeele, kupididila, koondwa, kulupicika, kudiinaandiya ni ngadiikweesa. Naaga nyaambi syan'citeela ngasogola yisogosi, ciisikatigwa, siiciwa ni kuumula paambesi paakwe, kusicoma. Vakun'kuuya Yeesu, aveeje vakupeleka yisogosi yeejiinji, kwa wele wuweeceteewu, ni m'pela cinonyelo ni yiine yaakwe. Kun'ciimbicisya ni kun'nyakusya, jwakusacikwa N'nuungu Ataati va kumawuunde.
Cituusituusi 40: Kuteendeela wumbooni yan’teenga wa N’nuugu kwa vaane
![Cituusituusi 40: Kuteendeela wumbooni yan’teenga wa N’nuugu kwa vaane](https://static.globalrecordings.net/300x200/gn-40.jpg)
Yeesu, vaalamwiila vakwaakulupidila woose kuti, n'jeenesye n'teenga waambone, wa wukulupusyo kwa vaandu woose, syakuti vaandu acaajiinji m'paka akulupuce kuusaambi ni kumooto. Aci cituusituusi-ci, cikulosya kwa jwaakulupidila kuti, am'piikanileje Yeesu, ni kwaasadila vaane yakwaamba julakweejo. Kuti Yeesu vaawiile pan'salaaba, naambo ni vaasyuucile kuciwa, syakuti tukulupuce kuusaambi ni kuciwa. N'siimu wa N'nuungu, wukukamucisya ni kutupa macidi, pakuti tuteende wumbooni waambone. M'mwaanya, m'piteje n'casaadila acin'jeenu yan'tiite pakudiijiigaanya malove, kupitila n'cibuuku ca yele yituusituusiyi.