unfoldingWord 10 - ضربات العشرة

unfoldingWord 10 - ضربات العشرة

概要: Exodus 5-10

文本編號: 1210

語言: Arabic, Sudanese: Khartoum

聽眾: General

類型/流派: Bible Stories & Teac

目的: Evangelism; Teaching

聖經摘錄: Paraphrase

狀態: Approved

腳本是翻譯和錄製成其他語言的基本指南,它們需要根據實際需要而進行調整以適合不同的文化和語言。某些使用術語和概念可能需要有更多的解釋,甚至要完全更換或省略。

文本文字

الله حذر موسى و هارون بانو فرعون حيكون عنيد . لمن مشوا لفرعون ، قالوا ، "ده القالوا اله اسرائيل ، خلي شعبي يمشوا!" لكن فرعون ما سمع ليهم . بدل ما هو يخلي الاسرائيليين يمشوا احرار ، هو اجبرهم يشتغلوا حتى الشغل الصعب !

فرعون استمر يرفض بان يخلي الناس يمشوا، عشان كده الله رسل عشرة ضربات قوية في مصر . من خلال ضربات دى، الله ورى فرعون انو هو اقوى منه و من كل الالهة في مصر .

الله غير موية نهر النيل الى دم ، لكن فرعون لسه رافض يخلي شعب اسرائيل يمشوا.

الله رسل ضفادع في كل حتة في مصر . فرعون طلب من موسى يشيل الضفادع برا . لكن بعد ما كل الضفادع ماتوا ، فرعون قسى قلبه و رفض للاسرائيليين يطلعوا من مصر .

عشان كده الله رسل ضربة البعوض وبعدو رسل ضربة الضبان . فرعون نادى موسى و هارون و قال ليهم انو لو وقفوا الضربة ، الاسرائيليين حا يرحلوا من مصر . لمن موسى صلى ، الله شال كل الضبان من مصر .لكن فرعون قسى قلبه و ما خلى الناس يمشوا احرار.

و بعد داك الله خلى كل بهائم المصريين يمرضوا و يموتوا . لكن قلب فرعون كان قاسى وما خلى الاسرائيليين يمشوا .

بعد داك الله قال لموسى يرش رماد في الهواء قدام فرعون . لمن عمل كده ظهر جروح بوجع شديد في جسم المصريين ، لكن ما ظهر لاسرائيليين . الله قسى قلب فرعون و فرعون ما خلى الاسرائيليين يمشوا احرار.

بعد داك ، الله رسل حبات التلج خرب محاصيل كتير في مصر و قتل اي زول مشى برة . فرعون نادى موسى و هارون و قال ليهم ، "انا اخطات . ممكن تمشوا". عشان كده موسى صلى و حبات التلج وقف ينزل من السماء .

لكن فرعون اخطا تاني وقسى قلبه . ابى يخلي الاسرائيليين يمشوا احرار .

عشان كده الله خلى كمية من الجراد يجي على مصر . الجراد ديل اكلوا كل المحاصيل الكان ما خربه حبات التلج .

بعد داك الله رسل ظلام لمدة ثلاثة ايام . و كان الظلام شديد حتى المصريين ما قدروا يطلعوا من بيوتهم . لكن كان فى ضوء في المكان الساكنين فيه الاسرائيليين .

حتى بعد الضربات التسعة ، فرعون لسه رافض عشان يخلي الاسرائيليين يمشوا احرار . ما دام فرعون ما داير يسمع ، الله خطط يرسل اخر ضربة . ده البخلي فرعون يغير رايه .

相關信息

生命之道 - 環球錄音網擁有用數以千計的語言去錄製的福音信息,內容包括一些有關救恩和基督徒樣式的聖經信息。

免費下載 - 免費下載傳教及發展教會組織所用的錄音、圖片、文本和其他相關資料。內容包括聖經故事與傳教課程,并已被翻譯成上千種語言。

環球錄音網音頻圖書館 - 提供mp3,CD和磁帶形式的傳播福音和基本的宣教材料,適宜人們的需要和文化。錄音材料的形式多樣,包括簡單的聖經故事,福音信息,經文朗誦和歌曲。

Choosing the audio or video format to download - What audio and video file formats are available from GRN, and which one is best to use?

Copyright and Licensing - GRN shares it's audio, video and written scripts under Creative Commons