Good News

Good News

Esboço: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.

Número do roteiro: 395

Idioma: Makonde

Tema: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)

Público alvo: General

Estilo: Monolog

Tipo: Bible Stories & Teac

Propósito: Evangelism

Estado: Work in Progress

Texto do roteiro

Vyakumanyia

Vyakumanyia

Mashala Nnung’unumunu. Ida wigwilile au Ntenga Wambone.Lola ipisha ive mulibuku na yadavo igwilila shana. Kila wakati paulota kwigwa MUSHIKA, (MUSIC} Shiliukila ipisha ive mushu mo mulibuku.

Ipisha 1 AKANAVA KUKANDYANGA

Ipisha 1 AKANAVA KUKANDYANGA

Kutunduvanga 1:1-5; Shabuli 90:2

Kokunantadi. Kutunduvanga 1:1- 5. Shabuli 90:2
Kokunantandi ashipagwite shinu shinji ila Nnungu.Nnungu akakandyanga shilambo na akalamulila lilangadyo, mwaa kuvena shii. Nnungu andyapukanianga lilangadyo namu shii,kenga momo mwawonela mu ipisha,picture ya kutunduvanga,Nae akajavanianga medi anji mwina la mudyundi na imanga na lanji kunianiya maundi.(Kumbukila kenga imbula yaloka mmaundi).Nnungu andikandyanga liduva litawale mui na mwedi utawale shilo.Nnungu ni wambone.Nae andikandyanga kila shinu na akaing a lilamulo kila shinu.(MUSIC,MUSHIKA).

Ipisha 2 NNUNGU AKATANGOLA

Ipisha 2 NNUNGU AKATANGOLA

Ishaya 45:18-19; Balaniya 4:12; Shabuli 19:7-10

Lilove lya Nnungu. Ishaya 45:18-19 Balaniya 4:12 Shabuli 19:7-10
Libuku mu ipishai vashema Ibibiliya.Ni lilove lya Nnungu na ankutupundisha dindila dya Nnungu.Lilove lya Nnungu ni mwiu. Ni umwiu wowo ni waulota wako kwigwilila kwaloka mu Ibibiliya.(MUSIC,MUSHIKA).

Ipisha 3 KUKANDYANGA

Ipisha 3 KUKANDYANGA

Kutunduvanga 1:1-25

Kukandyanga Kutunduvanga 1:1-25
Nnungu kwa lilove, lyake andikandyanga kila shinu shambone. Nnungu andikandyanga shilambo na mashinga;Imanga na dyundi. Badaaye akakandyanga vinu uti vyashingumi, dyomba mmedi, vyuni na kila likola lya vanyama.(MUSIC,MUSHIKA).

Ipisha 4 ADAMU NA EVA

Ipisha 4 ADAMU NA EVA

Kutunduvanga 1-26 -31, 2:7-24

Adamu na Eva Kutunduvanga 1-26 -31, 2:7-24
Baadaye Nnungu andimmumba nnume ntandi.linalyake Adamu.Baadaye kavili Nnungu akankandyanga nnkongwe ntandi.lina lyake vashinshema Ava.
Nnungu akammupa malamulo uti nnume kwa vinu uti vyakandyenge pashilambo.vanavo vave vambodi namene na Nnungu na vashindaombanga mwaa mu liteka lya Edeni mwavashikala.Nnungu andivaing a litala lya lulya vyepo uti kanji nnandi nnandi uvele pakatipakati liteka.Mu ipisha ya kunshanda tunkwona vanavo vamwiludyanga Nnungu,na valya shepo shalaidye vakatenda didambi.Na mu ipisha ya kunkono nlyelo ipisha inkulodya Nnungu andiving a shaushanga Adamu na Eva kwa kuvakumulanga mu liteka lya Edeni.Kutunduvanga liduvalyo vyepo uti vya muliteka vindilayeka,Na doni kutunduvanga liduvalyo vanavo vashikola madengo alyuduku pakulota kupata shakulya.
Yadavo kutunduvanga muliduva alyo vanavo vakamanya kupwateka mwakuvalalele,shilwele,na kupela.(MUSIC,MUSHIKA)

Ipisha 5 KAIMU NA ABELI

Ipisha 5 KAIMU NA ABELI

Kutunduvanga 4:1-16; Lumi 3:23

Kaimu na Abeli. Kutunduvanga 4:1-16; Lumi 3:23
Adamu na Eva vandivanavo vana vavili vashivashema Kaimu na Abeli.Kaimu andimwonela ing ou Abeli na liduva limo akamyaa Abeli nnung une.Nnungu akamwing a shaushanga Kaimu mwaa wadidambi dyatandile,kenga mwaving idile shaushanga Adamu na Eva na wetu uti tunditega didambi.Didambi dinkutwapukanyanga na Nnungu.
Wetu inkutuvaila kupata shaushanga mwa wa didambi dyetu.(MUSIC,MUSHIKA}

Ipisha 6 INGALAVA IMWE NOE

Ipisha 6 INGALAVA IMWE NOE

Kutunduvanga 6:1-22; 2 padulu 3:9

Shimadengo shimwe Noe. Kutunduvanga 6:1-22; 2 padulu 3:9
Vindipita myaka vyoe (uumbala wa panyanyama} vanu avo vanditenda didambi dyakumamodya na kumwiludyanga Nnungu.Vanu uti vandilikandikidyanga na didambi na Nnungu akaamula kuvabamolanga na livambwe. Ila andipagwa munu jumu ashinnagwaledya na kutandedya mushu mwa Nnungu.Linalyake Noe.Nnungu akammanyia Noe denga ingalava ing umene ya kutilila wako pamo na likola lyako muponele momo. Noe akavalanga lilove lya Nnungu na shaushanga shilota kuvapata vanu mumyaka uti viashidenga ingalava. Kanji vanu avalotile kutandedya madumilo la Nnungu pakulota kulekanaga dindiladyavo dyakunyatanga pakulota kupona na livambwe.(MUSIC,MUSHIKA)

Ipisha 7 LIVAMBWE

Ipisha 7 LIVAMBWE

Kutunduvanga 7:1-24

Livambwe. Kutunduvanga 7:1-24
Pamalidile kudenga ingalava,Noe akainjidya vyuni na vanyama vakuvilingananga mu ingalava,kenga Nnungu mwamwaulidile.Badaye,Noe na ndyagwe na vanavake valume vatatu kila munu na ndyagwe,vakainjila muingalava.Nnungu akaunga nnango wa ingalava.Baadaye akatuma imbula na medi oe kwaloka pai pakava na livambwe.
Vanu vanji uti vandikakova kuliposha.Noe na likola lyake vave nkati mwingalava vandiliposha,kanji vanu uti vavepanda ingalava vandipelanga shingangala.
Noe na likola lyake vandiliposha,mwaa nae andinnagwaledya Nnungu na kutandedya malamulo ake.(MUSIC,MUSHIKA)

Ipisha 8 ABULAAMU, SHALAA NA ISHAKI

Ipisha 8 ABULAAMU, SHALAA NA ISHAKI

Kutunduvanga 9:18-19, 17:1-8, 21:1-7; Mateu 1:1-16

Abulaamu,Shalaa na Ishaka.Kutunduvanga 9:18-19,17:1-8,21:1-7,Mateu 1:1-16
Livambwe likajuma na myaka vyoe vikapita (Uumbala) Na udukulu umwe Noe vakavalakananga makola oe namene(Vilambo).Abulaamu avemunu ashinnagwaledya Nnungu na kutandedya mwashilotela Nnungu.Na Nnungu akammanyia kenga udukulu wako undaavana na kuva makola loe.Abulaamu na ndyagwe Shalaa havavenavo mwana,kanji Abulaamu andikulupila shitangodi (aadi}ya Nnungu.Mu ipishai inkulodya vanavo vandivanavo mwana nnume vakangapalenge namene na vandinshema lina Ishaki.(MUSIC,MUSHIKA)

Ipisha 9 MUSHA NA MALAMULO A NNUNGU

Ipisha 9 MUSHA NA MALAMULO A NNUNGU

Kuma 19:1-25, 34:27-32

Musha na Malamulo Kumi. Kuma 19:1-25,34:27-32
Kenga mo mwamwaulidile Nnungu Abulaamu,Ishaki handivanavo udululu(uummbala).
Udukulu umwe Abulaamu undilitenda kuva shinu shimo likola lya tushema Ishilaeli.Musha avele udukulu umwe Abulaamu na andinnagwaledya Nnungu.Liduva limo Nnungu andinshema Musha kukwela pashanya lishinga,ako andipata malamulo pakulota avapundishe vanu uti.Mu ipishai inkutulodya Musha ankushuluka lishinga,na malamulo a Nnungu laandike pashanya majanga mavili.
Nnungu ankulota kila munu atandedye malamulo ake.(MUSIC,MUSHIKA)

Ipisha 10 MALAMULO KUMI

Ipisha 10 MALAMULO KUMI

Kuma 20:1-17

Malamulo Kumi. Kuma 20:1-17
Apa hankupagwa malamulo anji Nnungu andimwing a Musha.Lanavo lankutupundisha wetu kunagwaledya na kutandedya kwa Nnungu wa Mwiuu.Tukatunduvanga kushanya ipisha, kunshanda tundaona kenga hatunalipudyange kwali kujugwa mashinamu,mohoka, mashinamu la vanyama na vinu vinji vitekuumbala.Wetu tulipudye kwa Nnungu mwiu (Namalunda) Nnungu.( Ipisha ivandikanenge nao) Baba na mama na vana vavo vankunjugwa Nnungu kwa pamo.Vanu uti vatandole liduva limo pa ishumana vanjugwe kwali kulipudya kwa Nnungu kwa upamo.(Mushu mwake) Vana vatandedye na kuvaishimu vatatavavo.(Ipisha yoyo yo mwina mwake kunshanda) Nnunngu anditumanyia mmalamuake,kenga atunabyaane,(mushu)aunammilile mata kwali aunalale na ndyagwe mujo washitanono).(Ipisha yoyo yo kunkanakono mwina)Atunaive kwali kumilimata( shikaveshetu),kwali kwiva vinu vya vanu vanji.Nnungu ankututuma wetu tutandedye malamuake.(MUSIC,MUSHIKA)

Ipisha 11 DINUDYO MWAA WADIDAMBI

Ipisha 11 DINUDYO MWAA WADIDAMBI

Lawi 4:27-35; Yuwana 1:29

Dinnudyo mwaa wadidambi.
Nnungu andaumya shaushanga mwaa wa mene kutandedya. Mu umbala umwe Musha munu jumo akatega,(kwa kutemanga malamulo a Nnungu),
Ishinantadya mauvilo (kuumyia) liputiputi jumo akave lilemba kumwing a Nnungu.Liputiputi vashinanshinda kuwa badala imwe ajo alijugulanga (wakutega)
Liputiputi ashiva kenga mpano wa mwana wa Nnungu,Umu Yesu Kristu.Yesu andida kukupela kenga dinudya dya mauvilo badala yetu wetu uti pashilambo sha pai kwa Nnungu.Nnungu andipanga po pananntandi kumwidanavo Yesu pashilambo pakulota avaombole vanu uti mu dimongo dya ndamoni na shaushanga didambi na mukupela.Wetu tundalipundisha kavili mushu mo mu ipisha.(MUSIC,MUSHIKA)

Ipisha 12 NJELO, MALIYA YOSHE

Ipisha 12 NJELO, MALIYA YOSHE

Lukashi 1:26-38; Mateu 1:18-25

Mwamboli walivikidile. Lukashi 1:26-38,Mateu 1:18-25
Inditandeka myaka vyoe vipitile baada imwe Musha.Yesu Kristu andivalekwa Myaka vyioe vipitile,Nnungu anditangalela kuntuma Mwamboli,nae alota kutwambola wetu kwaloka mudidambi dyetu.( Ipisha ive kunshanda) unkumwona njelo kwaloka kuwa na kunnungama nnkogwe jumo wavashinshema Maliya.Maliya ave mwanamwali avealivikile kulombwa na Yoshe.Njelo akamwaulila nae, Aunajope,Maliya,…..undava na mwana nnume,na undanshema lina Yesu.Nae andavana hishima na vananshema mwanagwe wapashanya uti.Andakushulukila Imumu Yanashwe na dimongo dyake Wapashanya- uti dindakwinikidya wako.( Lukashi 1:31-32 na 35)
(Kenga mo mwawonela mu ipisha ive kunkanakono) njelo akalumilidya na kutangola na Yoshe mwindoti. Akammanyia Yoshe,….. aunajope kuntwala Maliya nkongwe ndyavo….. Nae andammaleka mwana nnume na mwenu mundanshema lina lyake Yesu,nae andavaposha vanuvake kwaloka mudidambi.(Yesu manalake Nkwambola)
(Mateu 1: 19-21)Yoshe andimwishimu Nnungu na nae alelenavo Maria mpaka baada yakummaleka mwana.( MUSIC,MUSHIKA)

Ipisha 13 KUVALEKWA KUMWE YESU

Ipisha 13 KUVALEKWA KUMWE YESU

Lukashi 2:1-20

Kuvalekwa kumwe Yesu.Lukashi 2:1-20
Yoshe dadavo andyuma ku Nashaleti kwambokela ku Yudeya,kuka kwao Daudi ku Bele.Vandipagwa ako,na Maliya kummaleka mwana nnume wa kulijedya Yesu.Na kunnadya mu shombo sha kulyela vanyama mwaa shumba shavajeni havapatile lyutu lya kulala.na hapapagwite pashinu panji pakwikala.Koko vashindapagwa vakushunga dinyama vashivashunga vanyama vavo shilo kwilanga.njelo akalyumilidya na akavamanyia kuvalekwa kumwe Yesu ku Bele.Baadaye ikalyumilidya imbumba kuwa,vaimba na vanshibanga Nnungu.Vanu kengaavo vakauma na dinudya kuka namwona Mwammboli.( MUSIC,MUSHIKA)

Ipisha 14 YESU KENGA MWALIMU

Ipisha 14 YESU KENGA MWALIMU

Lukashi 2:41-52; Malukushi 6:34

Yesu kenga Mwalimu.Lukashi 2:41-52; Malukushi 6:34
Yesu ashindakulumuka,ashindang amukanga avanavo limanyilo lyoe na Nnungu ashinamupa dinema (Lukashi 2;40b)Mu ipisha ya kunshanda unkumwona Yesu avenavo miaka 12 andikala avalanga Lilove lya Nnungu na kuvaudya vyakudya vamwalimu na vanang olo va Ishilaeli,vanu uti vashimwigwilila,vashindashanga ding ano dyake na mwavashivajang ulila mwa walimanyilo lya Nnungu.Muipisha yoyo yo tunkumwona Yesu andikulumuka kuva nnemba washilinga na ankuvapundisha vanu Lilove lya Nnungu.Vanu vanji vandikulupila mapundisho lake na kutandyedya.Vanji havankulupidile nae na vandintaukanga (vandimwita) (MUSIC,MUSHIKA)

Ipisha 15 MAKANGO LATANDI YESU

Ipisha 15 MAKANGO LATANDI YESU

Malukushi 8:22-26, 5:35-43, 6:45-52

Makango latandi Yesu. Malukushi 8:22-26; 5:35-43; 6:45-52
Muipishai tunkwona dimongo dyamakano a Nnungu Atata ampele mwanagwe walina Yesu nanae kutenda makango.Muipisha ya kunshanda Yesu andivika nkono wake pamuti wa munu avelekwidye bila kwona.Baada imwe Yesu kummikila nkono wake pashanya muti,munu akatunduvanga kwona.Muipisha yoyo pakatipakati tunkumwona Yesu antakatuwa mwana mukupela mo mwawonela tatake na anyoke vandiimilanga vannola.Yoyo yo kunkanakono,tunkumwona Yesu awena pashanya medi amwimanga auka kwa vakwoda vake vashamegwa vamyombe vanavo valele mwingalava mwimanga.
Umu Yesu Klistu anditenda makango loe kenga alo uti ankulodya kenga nae mwiu ni mwana wa Nnungu.(MUSIC,MUSHIKA)

Ipisha 16 MAUVILO LAMWE YESHU

Ipisha 16 MAUVILO LAMWE YESHU

Mateu. 27:11-31

Mateu. 27:11-31
Imbumba ya vanu vashindamwoda Yesu.Nae ave nnanda.Nae ashindavaponya valwele na kufundisha malove a Nnungu,Nae andida ndavaposha vajaike na vanu vadidambi.
Na momo vanu vashindamangedya Yesu kupunda namene pashivaulila umwiu wa didambi dyavo.Vanannangaledi vadidini na vakuvelunu(Ishilikali) ya medyalo haikukulupila kenga Yesu mwiu na mwana wa Nnungu.Vandinkamula,na kunnambilila valove la ushwang a na vakankanyola.mashudadu vakangwadya lidaka lya miva muti mwake,vandinshunila mata na kunkanyola.Kanji Yesu ashinyanyala.Nae andimanya kenga mauvilo kenga alo lanampata.Nae andilotela vakalau vankamule na vamyae.Nae andimanya kenga andapela kenga dinudya kwa Nnungu.Naivedoni anditwala shaushanga shetu uti tuvanu pashilambo.(MUSIC ,MUSHIKA)

Ipisha 17 YESU ANDIPELA PAMUNGULO

Ipisha 17 YESU ANDIPELA PAMUNGULO

Malukushi 15:22-39; 1Patulu 2:21-24

Yesu andipela pamungulo.Malukushi 15:22-39; 1Patulu 2:21-24
Umu Yesu Klistu vandinkamalela mishumali pamuungulo wa imbau.Muungulo vandiimbila pai na Yesu kunning inila mpaka kupela popo.palyutu lyolyoVandivakamalela vakalau vavili pamo namu Yesu.Vanu va medi alo vandidyavalela kuvadyaa vakalau kwa indilayo ya shikalau.Kanji Yesu hatendile shinu shoe shoe shakunyata.Nae ave dinudya dyakulita didambi dya vanu uti .Vanu uti vanditenda didanmbi na indituvaila tupele tuvene kwa didambi dyetu.Yesu andipata shaushanga shatushilota kupata wetu.Wetu tukalishapea nna kulijugulanag didambi dyetu Nnungu andatukanga wetu didambi.Andatupatia dimongo dyakulyambila didambi.Ukankulupila Umu Yesu Klistu undaombolegwa.(MUSIC,MUSHIKA)

Ipisha 18 KUDYUKA KWAKE YESU

Ipisha 18 KUDYUKA KWAKE YESU

Lukashi 23:50 - 24:9

Kudyuka. Lukashi 23:50; 24:9
Vammongo vamwe Yesu vashitenga kenga vandimmalidya.
Baada imwe Yesu kupela pammuungulo,vambodi vake vandishika mmili ume Yesu mushonga shavapakaidye mulijanga.Vanavo vakaingiliya lijanga likumene na kushima nnango wa shonga.Vanannangaledi vavaing ondo vakapiga muuli na ving ondo vanji kulaledya likabuli.Maduva mavili akapita na liduva lya ntatu Yesu akadyuka kwaloka mukupela.Vakongwe vavili pavashida kulikabuli,vandikodya lijanga vaingiliidye na Yesu andyuma kuka.Vanjelo vavili vavemomulikabuli na vakavamanyia kenga Yesu muumi.Nae anapagwashinu hapa:Andidyuka,vandivamanyia (Lukashi 24:6).Muwakati Yesu padyukile mukupela,nae andililodya kenga nae ni Nnungu,na nae ni wadimongo kumpunda shatwani na kupela.(MUSIC,MUSHIKA)

Ipisha 19 TAMASHI ANKUKULUPILA

Ipisha 19 TAMASHI ANKUKULUPILA

Yuwana 20:19-31

Tamashi Ankukulupila.Yuwana 20:19-31
Baada ya Yesu kudyuka kwaloka mukupela,vanu voe vandimwona.vanji vandyombanga na mwaa na momo vandilya pamo shakulya.
Tamashi,jumo wa vamyombe umwe Yesu,akulupidile kenga mwiu Yesu andidyuka mukupela.Tamashi akatangola,/Mpaka ngwone makwanda lamishumali mmanda mwake na ngwinjidye vyala vyangu mmilonda mwavivele mishumali,na ngwinjidye mpaka ng ambo inji,Angukulupilashinu hatapadyoko.( Yuwana 20:25)Tunkwona muipisha kenga Yesu andilyumilidya na kunkodya Tamashi maandalake.
Tamashi avenavo shakutangola.Nae akajanguka mushu mumwe Yesu na akatangola,Umu wangu na Nnungu wangu ( Yuwana 20;28)
Yesu akatangola,Mwaa uningwona nangu,nipaukulupila;Vandyalaligwa avala vakangugwene (nangu)na vankukamushu vakulupila. Yuwana 20;29) (MUSIC,MUS1HIKA)

Ipisha 20 KULILODYA KWA VANU

Ipisha 20 KULILODYA KWA VANU

Vitendo vya Vamyombe 1:1-11

Kulilodya kwa vanu.Vitendo vya Vamyombe 1:1-11
Yesu baada ya kudyuka kwaloka mukupela,andyonekana kwa vanu voe mumaduva 40 alubaini na myanda vyoe andililodya kwa vanu,na baada ya maduvalo Yesu andyuka kuwa kwa Tatake.Andimalila shimadengo shaidilile ndatenda.Yesu andivamanyia vambodi vake( Vamyombe) Vavalannge Ntengau Wambone.
Vamyombe vandimwona Yesu pashikwela kuwa Kuniyaniya.Vanjelo vavili kwaloka kuwa,shingangala vakalyumilidya na vakavamanyiya vamyombe kenga bai muliduva limo Yesu andauja kwaloka kuniyaniya kwida pashilambo kwa indila yoyo yamumwona nae auka kuwa.Kutunduvanga muliduvalyo,Yesu ankupagwa kokuwa.Nae ankukandyanga mautu la vanu huti vankulupila nae na kutandedya.
Dashi wako undankulupila na kumwoda Yesu? Wako uvetayali kukodyana na nae?
(MUSIC, MUSHIKA)

Ipisha 21 NSHALABA

Ipisha 21 NSHALABA

1 Patulu 3:18; Galatiya 2:20

Nnshalaba ukaveshinu.1Patulu 3:18 ;Galatiya 2:20
Tuke tulole mwanshani Yesu Klistu indibidi apele pamungulo.Yesu andipela avambole vadidambi kwaloka mushaushanga sha didambi.
Kumbukila,myadi vimwe Yesu Klistu,Mwana wa Nnungu vinkutuukanga didambi.
Yesu mwiko atendile didambi,kanji andipela mwaa wakushanianga didambi diveditushidye wetu mushu mwa Nnungu.Nshalaba unkutukumbuwa,kenga Yesu ni mwana wa liputiputi lya Nnungu akavelilemba,andipata mauvilo mwaa wetu.Wakati watunkulupila Yesu na kulishapeya (kulyambila didambi)didambi dyetu tundiputigwa na Nnungu.
Yesu ankututenda wetu kuva vana va Nnungu.Nae ankutulundanyanga wetu na umbodi uveulumwike.Ipisha ivemushu yo indakupwashela wako kumanya ni shinunshani shilotakukutenda wako unkulupile na kumwoda Yesu Klistu.) (MUSIC, MUSHIKA)

Ipisha 22 DINDILA MBILI

Ipisha 22 DINDILA MBILI

Mateu 7:13-14; Yuwana 3:26; 1 Yuwana 1:9

Dindila Mmbili. Mateu 7:13-14; Yuwana 3:26; 1Yuwana 1:9
Yesu andipundisha shingumi shinkulinganishwa na dindila mbili.kutunduvangila liduva lya kuvalekwa unkuwena mbalabala ya kutega impalakedya munu kumoto.wetu uti tunditega didambi dyatulandile kwaloka kwa tatawetu Adamu.Kanji tunkuulula kushiliuka na kuleka indilayo yakunyata na kwoda inndila idikidiki,itulangalalela kuka kuwa kwa Nnungu.Munu akankulupila Yesu na kumwoda,andapata shingumi shikamalilika.Andaleka kwoda ibalabala na kuwena mwindila idikidiki.Itulangalalela kuwa.vapita mwindilayo havapata shaushanga.
Ukashagula kumwoda Yesu,unkulula kunjugwa Nnungu( Kwakujugwa)kenga doni:
Nnungu nangu ni wadidambi.Ninkukulupila kenga Yesu andipela pa Nshalaba kwa kulipila didambi dyangu.Ngulivalila na ungukange nangu na nguve kenga munu wa mulikola lyako yako.ninkulota kumwoda Yesu mwindila ya shingumi,na baada ya kupela nguname nawako kuwa.Ninkulambwalela Nnungu.Amen.

Kenga wako undilyambila shimwiumwiu na jugwe Nnungu kengavo wako undawena mwindila idikidiki,na ni indila ya lipuwilo na dinema pamo na Nnungu.(MUSIC,MUSHIKA)

Ipisha 23 VANA VANNUNGU

Ipisha 23 VANA VANNUNGU

Yuwana 6:37-40, 14:6; Vitendo Vyavamyombe 7:9

Vana Va Nnungu.Yuwana 6:37-40; 14:6; Vitendo Vyavamyombe 7:9
Yesu ankuvakalibisha vanu vamakabila uti na kila shilambo na inangodi.Uti vankulupila nae vankushamegwa vana va Nnungu.vankuwena mwindila idikidiki,ivalangalalela kuwa.Ni vanu va Nnungu kenga valikola,uti vandyungana pamo na Umu Yesu.(MUSIC,MUSHIKA)

Ipisha 24 KUVALEKWA KAVILI

Ipisha 24 KUVALEKWA KAVILI

Yuwana 3:1-18; Titu 3:4-7; 1 Patulu 1:22-23

Kuvalekwa Kavili. Yuwana 3:1-18; Titu 3;4-7.1Patulu 1:22-23
Mumaduva lapagwite Yesu pashilambo,mmwalimu jumo wa idini wa lina Nikodemu,liduva limo shilo andyuka kumwe Yesu nalipundisha Lilove lya Nnungu.
Yesu akamwaulila Nikodemu doni kila munu alota kuva wa mulikola lya Nnungu na kuka kuwa ndanama baada ya kupela,inkulategwa ave nna shingumi shaambi.
Ni kenga kuvalekwa kavili.Atuvedimongo dyakulibadilisha tuvene.
Imumu yanashwe ya Nnungu inkutupatiya wetu shingumi shaambi kutunduvanga po patutunduvanga kunkulupila na kumwoda Yesu.na tundatandeka kuva tuvanu vaambi,vana va Nnungu.( MUSIC,MUSHIKA)

Ipisha 25 KUSHULUKA KUMWE IMUMU YANASHWE

Ipisha 25 KUSHULUKA KUMWE IMUMU YANASHWE

Yuwana 14:15-18; V.Vyavamyombe 2:1-39

Kushuluka kumwe Imumu Yanashwe.Yuwana 14:15-18; V.Vyavamyombe 2:1-39
Vanwavo ni vamyombe vamwe Yesu ( vambodi na vakwoda va pepi).Kabula Yesu akanava kutwaligwa kuka kuwa,nae andivamanyia kenga andavatumidya Imumu Yanashwe kwakila munu ankulupila nae.Maduva Kumi baada imwe Yesu kuka kuwa,vamyombe vandipagwa pashinu pamo mushumba shimo pashapa igalopa.
Shinngangala Imumu Yanashwe akavashulukila uti kenga momo mwavamanyiidye po panantandi.Vanwavo vakapata dimongo dya makango dya kutangola dinangodi dyakuvilingananga na kuvavalangila vanu vanji makango latendile Nnungu mwaa wavanu uti.Imumu Yanashwe ankwikala nkati mwa vanu vankulupila mwiu na vamwoda Yesu.Imumu Yanashwe annkuvapundisha mwakunotela na kuntandedya Yesu. (MUSIC, MUSHIKA)

Ipisha 26 KUWELA MULILANGADYO

Ipisha 26 KUWELA MULILANGADYO

Yuwana 3:19-21, 8:12; 1 Yuwana 1:5-7

Kuwena Mulilangadyo.Yuwana 3:19-21; 8:12; 1Yuwana 1:5-7
Munu kenga anava kumpwashalela Yesu,ankulingana kenga avele kunshanda muipisha,ankuwena mwakudimba.ankulikuvala na kujanguka mmadambi mwaa alipali lilangadyo lyakumulikila na kunnangalalela nae.Kanji akankulupila Ummu Yesu,tundava kenga munu awena mwindila ya kwalowa mui liduva livala.Yesu andivalanga kenga;Nangu ni kulangala kwa vilambo uti.woe woe angwoda nangu awenashinu mwakudimba,kanji andavanavo lilangadyo lya shingumi.(Yuwana 8;12)
Nnungu andaumya Imumu yakeYanashwe kwa vanu uti vankulupila ndava lipwashalelo na kwa kuvapundisha vakulupidile Indila yake ya shingumi.(MUSIC,MUSHIKA)

Ipisha 27 KUTANDEDYA LILOVE LYA NNUNGU

Ipisha 27 KUTANDEDYA LILOVE LYA NNUNGU

Galatiya 5:16-26; Epesho 4:22-32; 2 Kolintu 5:17

Munu Waambi.Galatiya 5:16-26; Epesho 4:22-32; 2.Kolintu 5:17
Amwitikila Yesu Klistu ( Nklistu,amwoda Yesu Klistu)Ni munu wa medi aambi atandedya Lilove lya Nnungu.Ni munu avena kulambwalela kenga Nnungu andinguushidya didambi dyangu.Nkukulupila anatendashinu wendi:Nae anakomanana na munu junji na kwangonga ushaka mene,na nae mene kwiva,nae mene kulipudyanga mashinamu hata vannungu vanu nae mene,kulamana na mashatwani.
Imumu Yanashwe inkumpwashela nkwang ula mene kuka mwindila yakunyata nae pakutenda vyammbone bai.(MUSIC,MUSHIKA)

Ipisha 28 LIKOLA LYA VAKRISTU

Ipisha 28 LIKOLA LYA VAKRISTU

Epesho 5:21 - 6:4; 1 Patulu 3:1-9

Likola lyavakristu.Epesho 5:21_ 6:4;1Patulu 3:1-9
Valole valikolali. Vankunama mudindila dya Nnungu.Nnume ankunnagwaledya ndyagwe nankongwe ankumwigwilila na kumwishimu ntwagwe kenga mo mwalivalangila Lilove lya malamulo a Nnungu.Vanavo vankukulupilanila na kuvapundisha vanavavo kunnagwaledya Nnungu, kulipundisha mulilove lyake na kutandedya. Likola lya Kiklistu lya vakwang ula vandanjugwa Nnungu na kukola madengo pamo Kwa mwaa wa Nnungu. (MUSIC, MUSHIKA)

Ipisha 29 NNAGWALEDYE MMONGO

Ipisha 29 NNAGWALEDYE MMONGO

Mateu 5:43-48; Lukashi 10:25-37

Nnagwaledye Mmongo.Mateu 5:43-48; Lukashi 10:25-37
Yesu andivapundisha Vakwoda vake vavanagwaledye vanu uti, pamo na mmongo.
Indituvaila tumpwashele woewoe avena lishida, yadavo vanu va innangodi inji. Yesu (mwandaumo) andivalanga nkong o umo wa munu jumo avewavankamenge vakalau na kumwivila vinu uti. Na munu wa innangodi inji akankodya andiligwa na andilala pai nkuwena kenga ajo.Nae kwa shididi akammukanga vilonda vyake,mwaa nae ashindalota lipwashalelo.Nnwele alipile dishingu kwa aija ampwashadile na kummummya pashijoidyo.Yesu andivalanga kenga wetu yadavo tuvatandele vanu vinu vyambone kenga yadavo.(MUSIC,MUSHIKA)

Ipisha 30 YESU NI WADIMONGO DYA MAKANGO

Ipisha 30 YESU NI WADIMONGO DYA MAKANGO

Vitendo V.Vamyombe 19:18-20; Shabuli 115:1-8; 1 Yuwana 3:8; 1 Yuwana 4:4

Yesu ni Wadimongo Dyamakango.Vitendo V.Vamyombe 19:18-20; Shabuli 115:1-8; 1Yuwana 3:8; 1Yuwana 4:4
Vanwavo vataamoto,vannungu washwan ga mashinamu wavi na milapu (vyashihaviavi). Vyavashikulupila kabula vakanava kumwoda Yesu,(kuva vaklistu)
Kanji vaklistu vabomolange vinu uti vya shatwani na vannungu vaushwang’a.
Umu ankuvanavo dimongo dya kumpunda shatwani na vannungu vake,va mashinamu na wavi(Vahavi na vamitela) Wetu tuvaklistu atunanjope shatwani. Shilotegwa ni kunjugwa Nnungu atulinde na kutuposha.(MUSIC,MUSHIKA)

Ipisha 31 KUVAPUKUSHANGA MASHATWANI

Ipisha 31 KUVAPUKUSHANGA MASHATWANI

Malukushi 5:1-20; James 4:7

Malukushi 5;1-20; James 4:7
Muipishai tunkumwona munu nnume jumo,wavammumbele mashatwani.Nae ashwululika kummunga na ndidi au nyololo mang’unyang’unya.
Mwaa andivanavo,mashatwani loe ladimongo mummili mwake.
Yesu andivakumulanga mashatwani vannekange,vanavo vanditadya mwaa Yesu ni wadimongo namene kupita mashatwani.na dimumu dyavo na vandamoni.
Munwajo akava hulu kwaloka dimumu dyakunyata.Na akauka navamanyia vavagwe shantandalele Yesu pammili pake.Kumbukila,Yesu ni wadimongo ding’umene kupunda dimongo dya ndamoni na dimumu dyake uti dyakuvilingananga.

Tandola
Ikava kenga dimongo dyandamoni dikukushumbua vaulile Vakristu Vankulupila Yesu vakujugwangile nawako jugwa pamo na vanavo na njugwe Umu Yesu Kristu wamakango nae andavakumulanga uti mummili mwako.Na kenga munu ankuvanavo lijini au majini,unkuulula kuvamanyia Vakristu vankulupila Yesu na vakujugwile vavaumadyange mummili mwako.Vanavo vandanjugwa Nnungu pa lina limwe Yesu Kristu akumulange dimumu dyakunyata,na kumanyia adinakujile kavili.
Yesu ankuvavo dimongo dyakumwing’a munu uhulu kwaloka muvilwele vya mashatwani pammilipake.(MUSIC,MUSHIKA)

Ipisha 32 KUMWODA YESU

Ipisha 32 KUMWODA YESU

Mateu 6:24; 1 Timoteu 6:6-10; 1 Corinntu 10:13-14

Mateu 6;24 1.Timoteu 6:6-10” 1.Corinntu 10:13-14.
Muipishai inkulodya nkukulupila jumo avele mumilingo ya kulota kuleka
kumwodaYesu. Shatwani ankutulota wetu tunneke Nnungu,na muwakati uti tubakile ukumbukila dyela
Dinguvo,olya,ugwalwa wa liipa, pamo na vyakukumbilanga vyakukalala vinji.shatwani
Annkutwaulila, Wetu vinwavyo kenga ni vintadya munu kuvanavo lipuwilo.Kanji shatwannini nswang’a.
Na ankulingangila kutudanganya myanda vyoe atwaushange wetu.
Nnungu anditangola.Litalele umwenne,mushu mwa Nnungu.Mwite ndamoni,na
Andakutukula.(Jamusi 4;7)Nnungu ni Tatawetu wa kuwa.nae ankumanya vyavalota
Vanavake na andilivikila pakulota kuvaing’a vinu vyambone vyo vavanjugwa nae.
Wakati watunkulupila nae Nnungu na kutandedya kwa Mwanagwe Yesu,na wetu
tundavanavo dimongo dya Nnungu mu wakati wa milingo,(MUSIC,MUSHIKA)

Ipisha 33 WETU TUKATENDA DIDAMBI

Ipisha 33 WETU TUKATENDA DIDAMBI

Lukashi 15:11 32; 1 Yowana 1:7-9

Lukashi 15:11 32 1.Yowana 1:7-9
Liduva limo Yesu andikoma nkong’a;Nnemba jumo andinjugwa tatake diela na akauma
kuka shilambo sha kushu,ako akajaanga diela uti dyampele tatake kwa vitendo vya kunyatanga.na pamalidile,akatunduvannga kuvauvanga, Na mushilambwasho,indala
Ing’umenne mwaa wa shinungunungu mwaka ukapita bila kutonya imbula bai indala
Ikamamodya na nnembajo,akava mmaskini namene na indala,bai akatunduvanga
Kulijugulanga mwanshyani anditega!nae akauja kwa tatake nanjugwa annivalile.
Na momo tatamunu kwoda ashindannagwaledya mwanagwe,akampwashalela nnembajo
Pakulota anname apala pakaja.Nkong’o kenga awo unkutumanyia wetu kenga tukatega,tulijugulange na tulyambile didambi dyetu.Na tukava na umwiu maaa lake Nnnungu andatulivalila wetu didambi dyetu na andatupwashalela wetu kukaja kwake,na tundavannavo Upamo namwinae kavili.
( MUSIC,MUSHIKA)

Ipisha 34 MALWELE

Ipisha 34 MALWELE

Vapilipi 4:6-7; Jamus 5:13-16

Nnume na nkongwe vashonekana shididi na kudimikila.pakati pa vatatavavo avennwele
Namene.Vanu va Nnunguvantenda dashi pakati pavo akapagwa nnnwele? Vanavo vanjugwe Nnungu vankulupile kenga andavatandela lambone.Nnungu avenadimongo dya kumponya munu nnwele kulinganna na mwalotela Nnungu Au kunnambalela ntela wambone.Nnungu ankuvanogweledya vanavake na nkuvalaledya uti amanye kila shipita pakati pavo annkumanya Nnungu ankuvainikidya vamwoda na kushushanga dinambo dha shatwani. Kanji wetu atunanjoje shatwani,wetu tunnkulupile Yesu atunagwaledya wetu na kutupiya Shambonne.Yesu annkupagwa na wetu.Nae andatupatiya wetu dinema wakati waMilingo.

Ipisha 35 KUPELA

Ipisha 35 KUPELA

1 Teshalonike 4:13-18; Ebalaniya 2:14-15; V.Vyavamyombe 14:13

1.Teshalonike 4;13-18; Ebalaniya 2:14-15: V.Vyavamyombe 14:13
Wetu uti tunkumanya kenga liduva limo tundapela.kanji ilota kuvalela mwashi baadae?
Wakati papela wakulyalaliya,Imumu yake inkuka ndapagwa pamo na Umu Yesu Kristu.
Ibibiliya,Nnungu ankutumanyia shinu shani,vanu vakupela,vambodi na vakunagwaleka
Vakanaulula kutema matuma. Vakukulupila avanava shinu vanu vakujopa kupela mwaa vankumanya kenga Nnungu ankuvanagwaledya vanavo na andivaambola vanavo mudidambi. Avala vakankulupila Yesu avanavanavo shinu likulupilo kenga alyo mushu mwa Nnungu Wakati vavapela.vankuka pashinu pashaushanga.pavashema kulyui.
Wako undauka kwashi baada ya kupela?(MUSIC,MUSHIKA)

Ipisha 36 MMILI UMWE KRISTU

Ipisha 36 MMILI UMWE KRISTU

1 Kolintu 12:12-31; Epesho 4:11-16; 1 Patulu 4:10

1.Kolintu 12:12-31; Epesho 4;11-16; 1.patulu 4;10
Apa tunkwona dimbandi dyakuvilingananga dya mmili wa munu.Na kila imbandi ya mmilyawo,inkuvanavo madengo lake laitandela.Meo ni lakulolela. Matu ni wigwililila,na dindomo dyakulyela na kutangalela.dimbanndi uti dya mmili,dinkukula madengo wapamo.kanji imbandi imo ikauula kwali kuligwa,na mmili huti unkuula.Lilove lya Nnungu linkutupundisha wetu kenga,Wakristu vakukulupila inkulategwa kukola madengo kwa pamo kenga isemu imo ya mmili.Yesu ni muti wa mmilyawo Nnungu ankukovo madengo kwa kula nkwoda lakutenda.|
Kenga ; Kujugwa,Kuvalanga Lilove,Kupundisha mambo la Nnungu. Kuntumbyanganae kumwimbila,kulima na kulisha likola.na kutaleka shakulya shavo. Kila munu ankutenda shimadengo shakemushu mumwe Umu Yesu.pakulota kupwashela mmili uti umwe Kristu uve na dimongo.Vakukulupila uti inkulategwa vanagwalane na kukola shimadenngo pamokwali mmili umwe Kristu undauvauvanga.
(MUSIC,MUSHIKA)

Ipisha 37 KUKODYANA PAMO MWAA WA KULIPUDYA

Ipisha 37 KUKODYANA PAMO MWAA WA KULIPUDYA

Ebalaniya 10:24-25; 1 kolintu 11:23-34; Koloshai 3:15-17

Ebalaniya 10:24-25; 1.kolintu 11;23-34; Koloshai 3;15-17
Uti vakukulupila vatende vakodyana pamo valipwadyanga kwa Nnungu kwapamo.
Tulipundishe kwaloka mu Ibibiliya,mwaa ni Lilove lya Nnungu,kwimba dimu dya
Lovor na kujugwa.NNa yadavo tumye dinudya kwa mwaa wa madengo la Nnungu.
Apa tuntuvona vakukulupila (Vanu va Nnungu)valyanga na vakumbilanga kwapamo.
Ligung’u linkutukumbuwanga wetu mmili umwe Yesu uvewavatamenge pa Muungulo
mwaa wetu.Vakukumbila vinkutukumbuwanga Myadi vyake.viumanenge kutuukanga
wetu didambi dyetu na kutuvandiya wetu pepi na Nnungu.Yesu ankutulota wetu tukumbukile kupela kwake mwaa wetu na wetu tunnagwale Nae kwaloka mmitima mwetu.(MUSIC,MUSHIKA)

Ipisha 38 YESU ANDAIDA KAVILI

Ipisha 38 YESU ANDAIDA KAVILI

Yuwana 14:1-3; 1 Teshalonike 4:13 - 5:4

Yuwana 14;1-3; 1.Teshalonike 4;13-5;4
Liduva limo,Yesu andaumilia shingangala kwaloka kuwa,ali andilivikila.
Gweka yake Nnungu Atata ankumanya liduvanshani andaida navatwala uti vakukulupila
Vashimwiumwiu pashilambo napagwa pamo na nae.Avala uti vapedile vandadyuka
namakabuli lavo landava mwandwana avala vangumi vandalyunganianga kuka kwa
unapamo na vakukulupila uti vanakadyana na Umu Yesu na kunama pamo nanae maduva.
Loe Lakamalilika.na vakankukupila nae vanabakila pashilambo na kukadyana na Shaushanga sha Nnungu.

Ipisha 39 KUPA VYEPO

Ipisha 39 KUPA VYEPO

Mateu 7:15-20; Gatatiya 5:22-23; Yowana 15:1-8

Mateu 7;15-20; Gatatiya 5;22-23; Yowana 15;1-8
Kenga vyepo vya munnandi muipisha unkupa vyepo,Vakristu vakukulupila vanaapa vyepo vya Imumu ya Nashwe.Yesu anditangola.”Nangu ni nshabibu (nnandi) mwenu ni dinavi.kenga munu andalinnanopya nkati mwangu na nangu nkati mwake, nae andaapa vyepo.nyenje mwangu apaali alota kutenda shinushoeshoe”( Yowana 15;5) Imumu Yanashwe ya Nnungu. Inkwikala na kukola madenngo nkati mmitima mwetu.(Nkati mwetu) kuupa vyepo vya
LINAGWALEDYO,LIPUWILO,KULIMALADYA KULIPILILILA, KULISHULUWA,WAMBONE,UWANASHWE,SHIDIDI,na KUKULUPILIKA,pakati pa umbala wa vanu,kanji lutavi lwa nnanndi lukanaapa vyepo Vandalumula na kutaa moto.Kanji Vakwoda vamwe Yesu kudyanga vape vyepo vyoe.Davopo indaidanavo shimbili na Ishima kwa Nnungu.Atata wa Kuwa. (MUSIC,MUSHIKA )

Ipisha 40 KUVAVALANGILA VANU VANJI

Ipisha 40 KUVAVALANGILA VANU VANJI

Mateu 28:18-20; Act 1:8

Mateu 28;18-20; Act 1;8
Muipishai inkunnodya nnkukulupila antandedya Yesu na kuvavalangila vanji mwaa
Umwe nae.Yesu ankuvatuma Vakristu uti vakukulupila vauke na kuvavalangila vanu
vanji Lilove Lyambone lyamakango.mwaa umwe Yesu. Kenga nae andipela pamuungulo,kanji andidyuka kwaloka mukupela.na vanavo vankuulula kulyalaliya
Kwaloka mudidambi na mukupela.Imumu Yanashwe ya Nnungu inkuulula kutupwashela wetu kuva mashaidi vamwe Yesu Kristu.na unkuulula kuvavalangila vavavo, na vanu vanji ni shinu shani Shaulipundishidye kupitila dipishadi dya mulibuku.

Informações pertinentes

Downloads gratuitos - Baixe gratuitamente áudios de histórias bíblicas e estudos em milhares de idiomas, além de ilustrações, roteiros e vários outros tipos de material para evangelismo e crescimento da igreja.

Audiovisual "Boas Novas" - Este conjunto audiovisual contém 40 figuras e apresenta uma visão geral da Bíbla desde a Criação até Jesus, e traz a mensagem da salvação e o ensino básico sobre a vida cristã. Está disponível em mais de 1.300 idiomas.

Como usar os recursos audiovisuais da GRN - 1: Levando o Evangelho - Este artigo fala sobre algumas das muitas formas de se usar os recursos audiovisuais da GRN em seu ministério.

Como usar os recursos audiovisuais da GRN - 2: Ensinando a Palavra - Esse artigo explica como as pessoas aprendem através das histórias e por que as histórias não contêm muitos comentários.

Coleção de áudio da GRN - Material evangelístico e de ensino bíblico, adaptado às necessidades e cultura de cada povo em vários estilos e formatos.

Choosing the audio or video format to download - What audio and video file formats are available from GRN, and which one is best to use?

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach