unfoldingWord 28 - Sotoo Sanu Makaya Najaok EisiYesus
Samenvatting: Matthew 19:16-30; Mark 10:17-31; Luke 18:18-30
Scriptnummer: 1228
Taal: Tajio
Gehoor: General
Doel: Evangelism; Teaching
Kenmerke: Bible Stories; Paraphrase Scripture
Toestand: Approved
De scripts dienen als basis voor de vertaling en het maken van opnames in een andere taal. Ze moeten aangepast worden aan de verschillende talen en culturen, om ze zo begrijpelijk en relevant mogelijk te maken. Sommige termen en begrippen moeten verder uitgelegd worden of zelfs weggelaten worden binnen bepaalde culturen.
Tekst van het script
Watu seeleo sotoo najaok eisiYesus. Tetoo heꞌua nokuasa, molumbi ane nakaya. Siia noꞌutanya eisiYesus, “Guru sanu mombosi, monggauka tesapa siaꞌu antau maꞌaala teꞌotutuvu sanu seende-endenya?” Noꞌutanya siYesus eisiia, “Neteꞌuya siꞌoo nongular Siaꞌu mombosi? Boi umai sotoo sanu mombosi, ane heꞌua teꞌAlataꞌala. Tapi ane siꞌoo seilu maꞌaala teꞌotutuvu sanu seende-endenya, turuꞌi tehukum-hukum nuꞌAlataꞌala.”
Pinoꞌutanyainya, “Tehukum-hukum nusapa sanu kanaboi uturuꞌi?” SiYesus nonyimbat, “Inyaa momate. Inyaa monyaapi. Inyaa mongangga. Inyaa malampoa. Poꞌoongko eisiamamu ane siinamu ane galani jojoo temanusia sima siꞌoo nonggalani teꞌalaemu mboto.”
Tetoo sanu makaya heꞌua nonjarita, “Siaꞌu nonuruꞌimo jojoo tehukum eini lamai watu siaꞌu ulengi medeꞌi jaok eꞌeini. Tesapa sanu ulengi kanaboi ugauka?” SiYesus nongongontong siia ane nagalang eisiia.
SiYesus nonyimbat, “Ane siꞌoo seilu majari melengkaap, naꞌomo ane pobaluk jojoo sanu umai eisiꞌoo ane veena tedoinya eitoo-too sanu nopukur, ane siꞌoo kana oharta eisuruga. Lamai heꞌua ponuuto Siaꞌu.”
Watu tetoo sanu makaya heꞌua neꞌeepe tesapa sanu jinarita niYesus, siia najari tututuu noondong, karna siia tutuu nakaya ane jio seilu nodaag teꞌakakayanya. Siia negois ane nolinjoꞌi siYesus.
Lamai heꞌua siYesus nonjarita eimurit-murit-Nya, “Tututuu nandasa tetoo sanu nakaya mompamula noparenta nuꞌAlataꞌala! Melabi magampang sambaang teꞌunta mentama eilulu nujaru heꞌuapa sotoo sanu nakaya mompamula noparenta nuꞌAlataꞌala.”
Watu temurit-murit neꞌeepe eini siira netetarigut ane nonjarita, “Ane sima heꞌua, sisee sanu maala nosalamata?”
SiYesus nongongontong temurit-murit-Nya ane nonjarita, “Tetoo-too jio maala monggauka heꞌua, tapi teꞌAlataꞌala maala monggauka jojoo tegauk.”
SiPetrus nonjarita eisiYesus, “Siꞌami eini nolinjoꞌimo jojoo tesagara ane jojoo terurus ane nonuuto Siꞌoo. Tesapa sanu majari tetambo niꞌami?”
SiYesus nonyimbat, “Tetoo sanu nolinjoꞌimo tevonua, tesiaꞌa, tetuai, tesiama, tesiina, teunga, atau teharta karna tetopeꞌU, kana monarima sagatus ngkaning nelabi nabari eijuniaa eini, concoono jinajaati. Tapi eijuniaa sanu kana majaok siia kana novenii tetambo sanu mooge ane teꞌotutuvu sanu seende-endenya. Tapi nabari tetoo sanu pamulanya kana majari tetoo sanu ponouꞌong, ane tetoo sanu ponouꞌong kana majari tetoo sanu pamulanya.”