unfoldingWord 10 - Iŋweiti Tomon
രൂപരേഖ: Exodus 5-10
മൂലരേഖ (സ്ക്രിപ്റ്റ്) നമ്പർ: 1210
ഭാഷ: Lopit
പ്രേക്ഷകർ: General
തരം: Bible Stories & Teac
ഉദ്ദേശം: Evangelism; Teaching
ബൈബിൾ ഉദ്ധരണി: Paraphrase
അവസ്ഥ: Approved
മറ്റ് ഭാഷകളിലേക്ക് വിവർത്തനം ചെയ്യുന്നതിനും റെക്കോർഡുചെയ്യുന്നതിനുമുള്ള അടിസ്ഥാന മാർഗ്ഗനിർദ്ദേശങ്ങളാണ് സ്ക്രിപ്റ്റുകൾ. ഓരോ വ്യത്യസ്‌ത സംസ്‌കാരത്തിനും ഭാഷയ്‌ക്കും അവ മനസ്സിലാക്കാവുന്നതും പ്രസക്തവുമാക്കുന്നതിന് അവ ആവശ്യാനുസരണം പൊരുത്തപ്പെടുത്തണം. ഉപയോഗിച്ച ചില നിബന്ധനകൾക്കും ആശയങ്ങൾക്കും കൂടുതൽ വിശദീകരണം ആവശ്യമായി വന്നേക്കാം അല്ലെങ്കിൽ രൂപാന്തരപ്പെടുത്തുകയോ പൂർണ്ണമായും ഒഴിവാക്കുകയോ ചെയ്യാം.
മൂലരേഖ (സ്ക്രിപ്റ്റ്) ടെക്സ്റ്റ്
Ofwo Musa ha Arone da Farao. Eijoo isieja, "Hunaŋ hirro inno lojo Hollum le Israile 'Isiara huwo illa naŋ Heifie!'" Obe Farao leitira do hosie hati hijo aibusak Israile eifie bolioŋ. Orosok isieja heigemai bino.
Arasa Farao hiyumo huwo eifie, niya aŋaifahu Hollum hitigemita tomon da Masir, te higemita te inne lowak Hollum ŋaitihutek Faro hijo agalik inyie Farao ho illa Masir he jiohin.
Eloit Hollum hifioŋ hari na Nail ahoto, hati arasa Farao nyai leibusak Israile eifie.
Eifahak Hollum hidodwohi a Masir bi daŋ. Atana Farao Musa heyari hidodwohi a de. Hati da halu he eyei ne hidodwohi, eitigol Farao taji nohonyie obe leiso Israile eibusak Masir.
Niya aŋaifahu Hollum hitigema ne himiniŋ, ette ŋaifahu hitigema na hajaŋa. Eililoŋ Farao Musa ha Arone hijo litiwet itai hitigemita, eriamik iso Israile ŋaibusak Masir. Ifa lomojo Musa, aŋayani Hollum hajaŋa daŋ da Masir. Hati eitigol Farao taji nohonyie ette hiyumo huwo hotto beŋa lofwo bolioŋ.
Nabo eisio Hollum ciaŋi inna lara inna Masir hotto ŋwa ette yei. Hati arasa taji na Farao golon, inyeja leisiere Israile eifie.
Ette hollum ŋailimak Musa eibire hinuara de leyami hosiere ha Farao. Ifa leigem inyieja, erreina horoŋon ille le diaha no to kwaite ho huwo illo Masir, obe tere Israile. Eitigol Hollum taji na Farao, ette Farao enyei leibusak Israile eifie bolioŋ.
Da halu nyie, aŋaifahak Hollum tere eitihara ŋama inna Masir ette ŋatoho lobo tihoni lolotu abali. Eililoŋu Farao Musa ha Arone ette ŋailimak isieja, "Eijo aŋayau inyie. Iriamik itai ŋaifie." Niya omojo Musa, ojo Hollum ette eyani itiran no loweita to hide.
Hati einyak Farao ŋayau ette hitigolo taji nohoyie. Hijo abe inyie leriamik ŋaisiere Israile eifie bolioŋ.
Niya aŋaisiere Hollum hutubuk neiwari da Masir daŋ. Eituk iwari nyie mata innafa leibusak tere obe leitihar.
Ette Hollum ŋaifahu idumele no lowuon holoŋi wunik. Eriok ifa bino many obe huwo illo Masir leibusak haŋitek innohosie. Hati owuon ifa de lowuonyie Israile.
Many da halu ha hitigemita hotoŋwuan inne. Arasa Farao hibo ŋaibusak Israile eifie bolioŋ. De obe Farao leitira, awak Hollum ŋaifahu hitigemi naboite. Hicuŋi Anyar eiloito higigilo na Farao.