Paghahayag ng Kanyang Kwento

Mula pa sa nakalipas na mga siglo, ang pagkukwento ay isa sa pinakamabisang paraan ng pakikipag uganayan. Maging ito man ay sa isang grupo na nagkukwentuhan sa paligid ng isang siga o mga batang nakikinig sa kwento ng nakatatanda....ang pagkkuwento ay isa sa pinakamabisang paraan upang makaantig ng puso at imahinasyon at maisalin ang mga mahahalagang impormasyon mula sa isang henerasyon patungo sa susunod.

Ang ating Panginoong Jesus ang pinakamahusay na tagapagsalita na nabuhay sa mundo. Gumamit siya ng mga kwento sa kanyang pagtuturo tungkol sa Kaharian ng Diyos. Sa pamamagitan ng mga pabula, ay pinukaw niya ang puso na mga tao upang ito ang mga ito ay magkaroon ng pagkauhaw sa katotohanan. Sa ngayon, ang pagkukwento ay nananatiling mabisang paraan sa pag abot ng mga pusong tunay na nagsasaliksik. Sa isang sermon, ang bagay na umuukit ng mabuti sa ating mga isip ay hindi ang salita tungkol sa "tatlong mahalagang puntos" kundi kung pano ito naisalarawan sa ating mga kaisipan.

Mula sa pasimula, sinusunod ng GRN ang pamamaraang ito ng ating Panginoong Jesus kayat ito ay gumagamit ng mga kwento sa bibliya upang magpahayag mga espirituwal na katotohanan. Ang paraang ito ay patuloy na nagbubunga nga kahanga hangang resulta at isa sa pinaka hindi makalilimutang halimbawa ay nangyari ilang taon na ang nakakaraan. Isang mag asawang misyonero ang mula sa ibang pangkat ng mga misyonero ang ipinadala sa isang ilang na lugar sa Upper Volta (ngayon ay Burkina Faso) sa Africa upang magpahayag ng salita ng Diyos. Nagulat sila sa kanilang pagdating sapagkat ang tribo ay nakakakilala na kay Jesus. Labinlimang taon na ang nakararaan, isang kasapi ng aming pangkat ang gumawa ng pagsasadula ng mga kwento sa bibliya sa teyp gamit ang sariling wika ng naturang tribo. Namangha ang mga tao sa mga kwentong kanilang napakinggan at ang mga kwento at mensahe ay kanilang isinapuso at itinanim sa isip at kanilang nalaman ang daan ng kaligtasan bago pa man dumating ang misyonero.

Sa kasalukuyan, maraming buhay ang patuloy na namamangha at naantig ng mga kwento sa Bibliya na nakasadula sa aming mga teyp. Isang punong ebanghelista and nagpatotoo sa amin at nagsabing " Mula ng matanggap ko ang mga teyp ng Ebanghelyo ng ating Panginoon, limampu na ang naniwala at nanampalataya mula sa aming lugar, dalawampu mula sa katabing kabukiran at labingtatlo mula sa karatig na mga pook."

Isang matandang lalake mula sa Zimbabwe ang nagsabi sa isang Kristyanong manggagawa nang ganito :" Buong buhay ko ay nag-aalay at nagdarasal ako sa aking mga ninuno upang humingi ng gabay at tulong. Ilang tao ang dumating sa aking tahanan isang araw at kanilang ipinarinig ang mensahe sa kanilang teyp tungkol sa Panginoong Diyos at kanyang mga nilikha. Sa unang pagkakataon sa aking buhay ay aking naunawaan ang tungkol sa tunay na Diyos. Nagpapasalamat ako na narinig ko at nalaman ang mensaheng ito bago ako sumakabilang buhay."

Upang mas maging epektibo, ang pagsasadula sa teyp ay dapat gawin gamit ang boses at punto na likas sa lugar upang di makagambala sa mga nakikinig ang kakaibang punto. Ang ganitong paraan ng pagpapahayag ng mga kwento mula sa Bibliya kasama ng panalangin nating mga anak ng Diyos ay patuloy na magagamit upang ang dakilang kwento at mensahe ng ating Diyos ay patuloy na magbago ng mga buhay sa mundo.