Estratehiya ng Pagrerekord

Ang GRN ay nagsasanay ng mga misyonerong nagrerekord mula sa ibat't ibang bansa at ipinapadala sila sa iba't ibang panig ng mundo. Dala ang mga matataas na kalidad ng kagamitan sa pagrerekord, at ang pananamplataya sa Diyos na sila ay gagabayan sa lahat ng hakbangin, ang aming mga pangkat ay naglalakbay sa buong mundo upang marating ang mga maliliit na grupo na may sariling wika. Mula sa Amazon hanggang sa Himalayas at hanggang sa dulo ng mundo, kami ay nagtutungo upang maihatid ang mabuting balita.

Walang tribo ang itinuturing na masyadong maliit, walang wikang itinuturing na malabo at walang lugar ang tinuturing na malayo upang hatiran ng salita ng Diyos.

Ang mga misyonero ay kumukuha ng mga lokal na tagasalin na nakatira mismo sa lugar at nakakaintindi ng ibang lenguwahe upang mairekord ang mensahe sa natural na wika at boses ng lugar. Sa pamamagian nito kami ay nakabuo ng estratehiya upang maipaabot ng tama ang mensahe kahit sa mga wikang hindi pa naisusulat. Aming inirerekord ang aming mga Kwento sa Bibliya gamit angstorytelling format. Ang mensaheng naririnig ay binubuo ng pagpapaliwanag, pagsasakatuparan, paanyaya upang tanggapin ang Panginoong Jesu Kristo, at ang payak na mga aral ng buhay Kristyano.

Kapag ang pagrerekord ay nagawa at naiayos na, ang mga teyp (at CDs) ay kinokopya upang maipamahagi sa mga tao sa lugar na iyon. Bagamat ang GRN ay nagsasagawa ng sarili nitong mga misyon, ang pangunahin nitong adhikain ay kumilos at makipagtulungan din sa ibang mga grupo upang mas maraming mangagawang Kristyano ang makagamit ng aming mga materyales upang mapalawak din ang kanilang sariling ministeryo at sa gayon ay magkatuwang nating maipalaganap ang Mabuting Balita ng ating Panginoon.