Good News
రూపురేఖలు: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.
స్క్రిప్ట్ సంఖ్య: 395
భాష: Varisi
థీమ్: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)
ప్రేక్షకులు: General
ప్రయోజనం: Evangelism
Features: Monolog; Bible Stories; Extensive Scripture
స్థితి: Approved
స్క్రిప్ట్‌లు ఇతర భాషల్లోకి అనువాదం మరియు రికార్డింగ్ కోసం ప్రాథమిక మార్గదర్శకాలు. ప్రతి విభిన్న సంస్కృతి మరియు భాషలకు అర్థమయ్యేలా మరియు సంబంధితంగా ఉండేలా వాటిని అవసరమైన విధంగా స్వీకరించాలి. ఉపయోగించిన కొన్ని నిబంధనలు మరియు భావనలకు మరింత వివరణ అవసరం కావచ్చు లేదా భర్తీ చేయబడవచ్చు లేదా పూర్తిగా విస్మరించబడవచ్చు.
స్క్రిప్ట్ టెక్స్ట్
Dudule Kameka (1): Tutupina Nalu
Tutupina nalu Banara iko bana meso osina pataro i sapua rodoho. Banara Ivelaha sivala I Batu ne osina Pataro gereua aro qomia ze dudule kenaqa dena. Banara i zazune vudu pekapeka. Banara i seko tatavata mara damara. Go nae tatavata i damara. Banara i zazu ne. Sana tina tatavata nalu-musaqara Inaqa nalu kuse.
Dudule Karua (2): Seko Ia Banara
Buka dudule dena iri vitono ze Buka Tabo. I seko Tabo ia Banara. Iva sadaka ne qita-ita de igogo zazaona Banara, lupo nar zuka ia go. Banara i nanao qira Basoe Topu ro. Ita qata Tavotae de ikoego Banara-ba seko Tabo ia iva sadaka me qita ita kameka zuka. Go tatana ko bule de ikoego Banara.
Dudule Kapisa (3): Zazu
Osina pataro ne I sadaka me loborona seko ia Banara. Banara iva sadake osina pataro ne Ivelaka sivala. Banara iva sadake vudu, kubolo, loka maeara uguru go. Lupoi mae iva sadake osina pata ro ito, inana itani ze. Loka. Pale ro itaru ze varioka. Lupo nae Pata Qaraqara ro go. Banara ikula me osina pataro i zazu nego. Do osina pataro ne. Ivelaka sivala.
Dudule Kavasi (4): Adama Mana Ivi
Banara Izazune valeke kenaqa qole kenaqa I vitono qiru Adama mana Ivi. Banara iteke ne qiru karaputa go tiruna mia soka pata Banara izazu nego. Riru iru vakitaka ia Banara. Riru iru seko tabe Banara. Loborona barue de riru iru koego. Banara iva mao ne qiru rini tinina ge osinaro ure ure. Ba urena so kameka moki ikoego. Tepa gede na dudule, Banara. Va labo gava doriru iru vae tamana ia Banara riru iru ge. Nalu rini iru ge ure ure Banara iva Tabo go. Rini ini sini vari vakitaka riru de ikoego Banara ita koroto. Tepa matau qo mazala miana Banara i muma ne Adama mana Ivi ikakale qiru loborona banie. Tupi to nalu nae Basoe ipala dano ia Banara zazulaba iba go i ara pala go pata gege. I le i pala vokara go.
Dudule Kalima (5): Keni Mana Ebolo
Adama mana Ivi ini vapodo karua sale. Vitono qiru Keni mana Ebolo. Keni i misi ne Ebolo. Gonae Idoha kameka musaqara Keni i vae kom ua Ebolo. Banara i tekeue kimata Keni gerena kimata itekene go Adama mana Ivi. ita qata salero qata sadaka me podopodo ia Adama go ita qata basoe sini lupo go. Sini i vota qita ita de ikoego Banara. ita qata pala kimata ne sini urena ro ita.
Dudule Kaonomo (6): Aka Ia Noa
I topu sapoko i sivala podopodo ia Adama i zaza papoka nalu nae basoe ro iri legu iri vae vato ia Banara. Sini ria basoero nalu nae ilavata sivala Banara i toqeve qira ria mara le loborona kiale lavata kameka basoe so i nanao va lavate Banara i lulua vato ia Banara. Vitono na Noa. Banara isine ne Noa mara zazune kameka koluka lavata. Banara i soko va kavele qira tatamana ro. Noa loborona koluka. Noa i Tamana i sine vasadake. Totolono ia Banara loborona ave Noa i zazunego koluka. Do basoe ro nalu nae iri vaogote kaega seko va banabana ia Noa. Basoe ro nalu nae iri taleqe kakamu ne kaega vato sakata ro ria Go tara ria kavele ego loborona kiale lavata.
Dudule Kavitu (7): Kiale Lavata
Banara i sinene Noa ia va keba qira. Pata qaraqara pale osina pataro loboro na koluka. Noa basoe ia kapisa sale valeke ia kapisa basoe ria go iri keba za loborona koluka. Tanuna Banara i kokoqua go siporana. Banara iri sorua nare lavata loka i vuvuala me polana pua loka i Sapua vudu. Ria iri ko sivala i kaega kaki kameka ikavele tatamana Noa iri koego loborona koluka neso iri kavele go. Ria iri age go kaega koluka ne. iri uqi le lupo go. Noa so ikavele i tatadane De i koego Banara, i lulua vato ia Banara go.
Dudule Kazalu (8): Ebarahamu Sera Aisake
I topu sapuko i sivala tutulu na podopodo ia Noa i lama kaki sinaqi lavata napu. Go nae Ebarahamu Ivaleke i nanao valavate Banara i vaotove Banara go. Banara i soso me vato ia de ikoego Ebarahamu podopodo ia tina kaki sinaqi lavata. Ebarahamu mana sera ikaega ne qiru sale. Do, riru iru vaogote pui ia Banara itaru ze de iru koego. Dudule olena i vasadaka ne qita riru iru va podo sale nalu riru iru valaka maqota go. Sale ne iru vitono ze Aisake tutuluna podopodo iato Ebarahamu mana Aisake tane i podo gome go Jisu Karaisiti i lama va kavele qira basoero iri koego vudu pekapeka.
Dudule Kaia (9): Moses Tama Ia Banara
Podo podo ia Ebarahamu i zaza popoka i lavata i vitono sinaqiri Izereli Mosese i sadaha gome tulu luna podopodo ia Ebarahamu valeke dena ivaogote Ivaotove Go Banara. Kameka nalu Banara i koru ze Mosese kameka kubolo. Go nae Tekene ia Tamana ro ia go mara va roue qira basoero ia igo dudule dena i vasadaha ne qita Mosese i qoqoro me kubolo ipala me Tamana ia Banara ikaro ze ikapa. Banara isoko osina basoe ro ne mara lulua Tamana ia igo.
Dudule Manoga (10): Manoga Tamana
Iato dena Tamana Banara isoso me de ikoego Mosese iva tatana qira ita go mata nanaua mata vaotove tanuna so Banara ogote iko. Kenaqa dudule zahazaha tepa gede ne. iva mia qita ita mata kasi va rere na kaki beku ba mamaoto mara gere kaki pata qaraqara ba kakia pata napu ro. Ba ita mata varere so kameha Banara ogote sivala.
Varuana dudule, valeke qolero salero go iri kameka varere so Banara. Osina basoero ne. Kameka musaqara na nogotona vuiki mara varere Banara kaki pata napu salero mamu padapada vaotove qira vanovano ramu. Mia ze dudule sokasoka tepa gede. Tamana ia Banara igo deua ita mata kasi vae basoe. Kakia napu ita mata kasi pala rauna qole ia kenena valeke. Irina (Taunata) dudule muzimuzi ita mata kasi siko lupo nae mata kasi roda na pata totonovo ia kero nena basoero. Banara isoko mata mia soka Tamana ro ia.
Dudule Manoga Kameka (11): Komakoma Nena Sini
Totorana nalu deua; Nalu basoe ivae Tamana ia Banara ne. Basoe nae tina komakoma ne lami de ikoego Banara. Lanu tina le kavale basoe i vaego Tamana, lami vapadapada na tuna Banara ia Jisu Karaisiti. Jisu i zalama i lama le. ikaki komakoma titita de ikoego Banara. Jisu ne ilami ia Banara de qata koego ita basoe qata koego kolabana vudu pekapeka ia to tina pala va zikiago sini ikoego kolabana vudu pekapeka. Jisu ne ilama ikaki komakoma na kebu ro ita ilama le moki kekele vareva mata vaogote Jisu Karaisiti. Matavarana ne kebu ro ita. Nanao ule mata taleqe kasine kebu ro ita. Go Banara tina nanao ule ne qita go.
Dudule Mano Karua (12): Puinena Variva Kavele
Nini deua ita mata vavaronono ne de igogo podona Jisu Karaisiti. Nalu Bana sivala Banara i pui ne tina valame varivakavele dudule tepa gede aro qo mazala mia na matiana ireqe me rani ilamae de ikoego kameka sale qole vitonona Mere. Mere ne itamatura Josepa. Mere ne qole ivatabo to ia ipuine. Tina kotavise Josepa igo matiana isine ne Mere. Madau tabo ia Banara tina lamae de qo koego aro Aro Tono Pala sale. Aro ono vitono ze salene Jisu. Gerena aro qo mia ze go dudule tepa matau. Matiana i za sadake de ikoego Josepa. Loborona kukureka igo deua ia. Kasi sareki palana Mere, ia ne tina basoe aro Mere ipala ze sale loborona karaputana. Madau Tabo ia Banara. Sale ne ina votonoze Jisu. "Talupasana varivakavele:" Do ia tina vakavele qira basobasoero ia loborona ke bu ro ria. Go nae Josepa iva otove seko ia Banara Josepa iki garo garo kaega mere doka nalu sale ipodo.
Dudule Mano Kapisa (13): Podo Na Jisu
Josepa mana Mere iru zae kameka komala lavata vitono na Betelema. Nalu riru iru za doka, ikaega pade tiruna za koego. Osina padero ne ipuraka lupo eto basoero iago, riru iru za koeso pade iri taru ze go pata pupuara. Pade naeto Mere iva podo zego sale Jisu. Kuse nalu gogone matiana isadaka qira kavia basoero iri vitono qira sepatiro. Ria iri dogara mia soka qira sipiro garogarona Betelema. Matiana iza isine ne qira ria Jisu ipodo ego Betelema. Go nae topuna matiana ro iri sadake varioka iri kera iri vazaka Banara. Vano sepati iri za mia varivakavele ipodo.
Dudule Mano Kavasi (14): Jisu Ibasoena Varivatatana
Dudule tepa gede ita qata mia Jisu nalu imanogakarua avena Jisu ipepeua de igogo zazaona Banara. Di iri koego vano virivatatana, vano kenakenaqa na Izireli. Ria iri vavaronono iri tana ne kavia tana de ikoego Jisu ria iri polosone ia nalu ia isine va sadakego zazaona seko ia Banara. Dudule tepa matau ivasadake Jisu izaza popoka ibasoe lavata ivarivatatana ne seko ia Banara kavia basoe iri vaogote lulua varivatatana ia, ba kavia basoe iriki va ogote kaega ia. iri va legulegua pataro isinego ia. Banara isoko qita ita mata vaogote mata lulua vato ia Jisu.
Dudule Mano Kalima (15): Zazu Varivapoloso Ia Jisu
Dudule dena ivasadake karaputana mazalana zazu varivapoloso ia Jisu tepa gede Jisu isiba Basoe ipodo palua kodo gonae ia imimia! Dudule ikoego varilobori ne ivasadak Jisu ivatonapua kaki kameka sale Tamana mana sinana iru kotavisi iru renavalene ia. Lupolupona ita qata mia Jisu izazae popokona loka izae de irikoego disaepeliro ia nalu ria iri agego botu. Jisu izazune topu zazu varivapolosoro dena ivasadake ia ituna Banara Jisu imazala Tavisi napune qita ita loborona karaputana madau tabo ia.
Dudule Mano Kaonomo (16): Jisu Ipala Kimata
Jisu izazune topu zazu varivapoloso topu basoero iri arune ia, Jisu ivakapa qira ivole qira ivatatana qira zuka ia Banara ia ilama ivakavele qira ria iri rore bana, ria basoe keburo igonae basae sakataro iri vasasakatane ia nalu ia isine go kebu ro ria vano kenakenaqa iri misi ne Jisu. iri vaogote kaega Jisu iruna Banara ria iri pala ia poqe pilune ia iri sima ia.
Iri taruze topatopa varipaqo kuzukuna ia iri suelapa ia vakesolone ia Do Jisu iki kakale qira kaega, ia irove osina pataro dena tina doka Banaeso deikoego ia. Ia ivamalumu qira vano sakataro mara vabakora ia vaevale iago. Jisu ilama le ikaki komakoma deikoego Banara ia ipala kimatana kebu ria basoero.
Dudule Mano Kavitu (17): Jisu Iri Paqipaqia
Vanokonokono iri paqipaqia batu Jisu moki kekele vareva ria iri vadegere ze pua moki kekele vareva, Jisu idokoke nae dokato nalu ia ile karua basoe sikosiko iri vae palu qirue Jisu. Tamana iko nalu nae basoe sakararo ne Tina vaeqira tirina pala kimata Jisu iki zazune kaega kaki kebu, ia izalama ikaki komakoma tina baure kebu ria basoe topuro. Ita qata basoe kebu itora banaso tanana le palua kebu ita Do Jisu ipala makuru itorago ita titana pala go. Nalu ita qata varana vaogoto nesio ita qata basoe kebu taleqe kasine kebu ro ita ogo ne Banara. Tina nanao ule ne qita. Vaogote batu Jisu Karaesiti go mata kavele.
Dudule Mano Kazalu (18): Tonapuna Jisu
Kanaro ia Jisu iri vaogote ria iri vamakure ia ba iki ogoto kaega. Taramuzina le ia Jisu loborona moki kekele vareva vakitaka ro ia iri pala puputina iri za taruze lena go nae iri bavana vanadu ze siporanana. Lena kameka ekapa lavata isivala karua musaqara. Vapisana musaqara Jisu ito napu me le kavia qole ro iri lamae kukubo ria iri mia kokoqu ipapaqa bana Jisu i zaza banato karua matiana iru koe dona isine ne qira Jisu ito napu ia iki koe kaega dena ia ito napu iru go. Nalu Jisu ito napu mego le i vasadake ia i Banara. Jisu ito idoka nini dena. ia ikaraputa sivala ne Satan le go.
Dudule Mano Kaia (19): Vaogoto Ia Tomasi
Nalu Jisu ito napu mego le. Topuna disaepeli ro ia iri mia iri seko tabe nana tavise go. Tomasi kameka disaepeli ia Jisu iki vaogote kaega Jisu ito napu me go. Igo dena nalu era tuna mia tuna siba bakora na karisina ia era qa vaogote kaega. Ita qata mia zaqe dudule, Jisu ilama vasadaka ne Tomasi bakorana. Tomasi ivaogoto ipaqo tutunu tarakenaqana Jisu igodena. Batu era Banara era. igodena Jisu iri manana vano iri mia kaega do iri vaogoto.
Dudule Karabete (20): Gado Ule Ia Jisu
Isivala vasinaolu musaqara nalu Jisu ito napu ego le, ia isadaka kotakota de ikoego basoero topu. Basoe iri mia, ia ito napu. Gonae idoka nalu Jisu tina ule napu za de ikoego Tamana vudu Rani. Jisu iva lupo zazu ia-ilama nego. Jisu isine ne Qira ria disaepeli ro ia, mamu sine ne qira basoe ro na osina dia varivagata velavelaka dena. Ria disaepeli iri rena valene Jisu nalu ia ikasine go vudu pekapeka. Ule zago vudu rani karua matiana iru varokune roku sele lama sadaka. Iru sine ne qira ria disaepeli kameka musaqara Jisu tina ule napu me tina varipada Gerena ramu qamu mia go ninidena. idoka nalu nae Jisu ikoe rani ia ivanama kame ka dia tina koe vano iri vaogoto lulua go Jisu. Ia go ava qo go aro qo vaogote lulua Jisu ba, avigo qo vanama tono soba Jisu ba?
Dudule Karabete Kameka (21): Korosi I Tataqala
Avi vae tane Jisu ile go korosi na? Jisu ile go tina vakave le basoe kebu ro loborona na kebu ro ria. Jisu ikaega ne kaki kebu, do ia ile tina pala vakuziki ne kebu ivota qita ita de ikoego Banara. Korosi iva rove qita ita Jisu ikaega kaki korekore de ikoego ia itabo idalo ilami ia Banara. Jisu ikomakoma titita. Nalu ita qata vaogote Jisu taleqe kasine kebu ro ita Banara tina nanao ulene kebu ro ita. Jisu iva mazala qita ita. Qata lama sale napu ia Banara. Dudule vapadapada dena tina tavisi nigo aro tono nanao rove talupasana nalu aro qa lulua batu Jisu.
Dudule Karabete Karua (22): Karua Zuka
Jisu isine izari karua zuka osina basoero iri koe zuka i betara, zukana kebu zadoka makuru talupasana nako. Ita qata basoe kebu lupo do ita qata podo gome podopodo ia adama. I kebu Jisu i go dena ita mata lulua zuka I teteri tina vadoka qita rani de ikoego Banara. Ka basoe iva ogote to seko dena go nae lulua Jisu tina pala to sivala. Do ia i kasine zuka betara i lulua zuka teteri iza doka ego rani. Tina kaega vari tanai nena kebu de iri koego ria iri goe zuka teteri. Nalu aro qo soko lulua go batu Jisu aro mo seko tabe Banara loborona tavatavara. Mo go dena Banara, era qa vevela qa basoe kebu, era qa va ogote Jisu i le korosi, i baure kebo ro era nanau ule nava vadalo madaoqu, go era mako tatamana de qo koego aro Banara. Era qa soko lulugo aro Jisu zuka na to go tara muzina le era qasoko ma kotavisi go aro komalana rani, velaka sivala Banara.
Dudule Karabete Kapisa (23): Sale Ru Ia Banara
Dudule dena aro qo majala miana Jisu iva doka qira basoero, nogotona sinaqi, nogotona vudu, nogotona sekoro, do ria iri vaogote Jisu go dedena ria iri sale ro ia Banara. Basoe ro iri lulua go zuka teteri ne tiri na dokae rani. Sale ro ia Banara iri gereso kameka tatamana ria iri ko kameka eso de ikoego batu Jisu.
Dudule Karabete Kavasi (24): Podo Napu
Kameka kuse kameka valeke batu vari va tatana na Tamana. Vitonona Nikodimasi ilamae de ikoego Jisu. Isoko mara rove velake napu zaqe Banara i go. Jisu i sinene ia, basoe i soko go ko tatamana ego de ikoego Banara ne, tina pala to voru. Tina gere sale voru ia tina podo napu. Ita ikaega ne qita karaputa titana sosoka napu tanu qita. Madau tabo ia so Banara tane tina tekene qita go ita to voru. Nalu ita qata soka to ita lulua go Jisu. Ita titana basoe voru titana baso basoe ia Banara.
Dudule Karabete Kalima (25): Za Lamana Madau Tabo
Basoero dena iri talukasana vano iri jaju temenene Jisu. Nalu Jisu iara kaebo ule za rani ne, Jisu i pui ne qira ria tina valame soso de iri koego ria ia madau tabo. Taramu tina manoga musaqara nalu Jisu i ule za go rani basoe ro dena ria iri zazu temene ne Jisu. Iri qoqone kame dia. Iri ki rove kaega ria madau tabo ia Banara iza lama kebae loborana to ria. Gerena Jisu i pui bana ne qira ria. Vanu iri jaju temene nego Jisu iri pala karaputa, iri seko ne osina seko kakavata iri sinene qira baso basoero zazaona jaju vari va poloso. Banara izazu nego. Madau tabo ia Banara tina toe loborona to riria vano iri va ogote go Jisu. Tina tekene qira ria majala go tirina nanao va otove go Jisu.
Dudule Karabete Kaonomo (26): Zazaena Loboruna Tatavata
Nalu basoe iara kaebo va ogotene Jisu. Basoe nae igere basoe dena, izazae loborona rodoko. Ia tina tupara ne tina sorue loborana kebu ro ia. Do ia ikaega ne tatavata tina lulua go ia. Nalu ita qata ruqe batu Jisu ita qata gere basoe i goe zuka totolono nalu musaqara sana idamara Jisu i go dena era qa tatavatana vudu pekapeka nalu kaba soe iluluava go era ne, basoe nae iki majala kaega goena rodoko, Banara i sosome madau tabo ia de iri koego vano iri vaogote go ia. Go tina va tatavata ne qira ria zuka na to.
Dudule Karabete Kavitu (27): Basoe Voru
Basoe I pala go, i lulua batu Jisu loborana to ia ne ikaki basoe voru. Ia tina va otove osina seko ia Banara. Tina seko kula de i koego Banara i nanao ule nego kebu ro ia. Basoe variva otovo ne tina taunata kaega, tina varitara kaega, katinili muma kaega, siko kaega, vazaka kaega kaki mamaoto ba kaki manuru sakata napu. Ba madau tabau ia Banara tina tekene ia kara puta tina taleqe kakavata ne go sakata ro ia. Lupo nai zazu ne zazu velaka ia Banara.
Dudule Karabete Kazalu (28): Tatamana Jisu Ikoe Loborana To Ria
Rena ne qira tatamana dena, ria iri lulua vato ia Banara. Valeke ne inanaua qole ia qole ne i va batua valeke ia. Iato dena pata I sine go seko ia Banara. Riru tiru na ko vari tatavisi lupo nae va tatana sale ro riru go tirina nanaoua Banara lupo nae lulua seko ia go. Ria tirina ko basoe vivisi jaju kameka de ikoego Banara.
Dudule Karabete Kaia (29): Nanaua Kana Aro
Jisu iva tatana qira basoero iri lulua go ia. Ia koroqi raiwun disaepeli ru ia ne. Ria mara nanao qira osina basoe topu, vari pada to kana ro ria go. Ita mata tavisi ne qira ria vano iri ko vari vananama, gerena basoe na kero nena sinaqi ro. Jisu i pepeu a zazaona kameka valeke izaza, ivili zae kameka komala lavata. Vano sikosiko iri soba ia iri pala tarua vae ia. Kameka basoena kaki sinaqi napu I soba ia i bakora i garo garo le. Basoe dena i tavisi ne ia imiasoka basoe bakora dena i variva nanama, do ia iki pene kaega vabona. Jisu i go dena, ita mata jaju ne jaju velaka gerena vatovato dena go.
Dudule Pisanaulu (30): Jisu Ikaraputa Sivala
Basoero dena kenaqana ria iri varere mamaoto iri va zazua sumuku taravalu ria, lupu nae iri taru vanaqe to sakata ria iri lama lulua Jisu. Vano iri vaogotego batu Jisu ria tirina taleqe kasine to vatovato sakata iza reqeme go de ikogo satan mana manuru sakata. Batu Jisu ikara puta sivala ne satan mana manura sakata, mamautu taravalu, ia go ita qata vaogotego batu Jisu mata kasi sareki nena satan manuru sakata. Taravalu qo ita mata pene Banara tina tavisine qita tina mia soka qita.
Dudule Pisanaulu Kameka (31): Kakalena Manuru Sakata
Dudule dena it qata mia basoe i pala manuru sakata tali chain makuru tina pala tarua go ia. Do manuru sakata ikoego de koe ia ikaraputa. Jisu i seko de ikoe go manuru sakata. I go dena siporo kasine basoe nae igo go nae ia i voto basoe dena ita voisi. Iza sinene sadake. De koe go kita ka ro ia pata Jisu i jaju nego Jisu i karaputa sivala ne kaputana manuru sakata. Satan, mana manuru sakata iru va otove Jisu. Basoe i pala tavise go manuru saka ne, pene qira kero nena (Christian) go mara, pe pene nigo. Pene batu Jisu Christ i kara puta sivala, mara kakale va kuziki ne ia. Nalu ita qata nanaoua ia qata valavate ia, va otove Jisu ikoego to ita kara puta ia tina bara ne qita. Go nae Satan i majala kae ga va bakora qita.
Dudule Pisanaulu Karua (32): Qiqilo
Dudule dena i vasadake basoe i pala go to ia Christ. Ne tina soba banas qiqilo go mara va mamanava ze ia luluna kraisti i go satan i soko va nanao kasu pe ne qita ita Banara. Lupo nai itaruze nanao titita osina. Pataro gerena-kesa, poga, viri, osina ro to korekore gerena loka karaputa go. Satan i go dena osina pata ro dena tina tekene qita ita kulakula i go do ia ipoge ia i pada ne poqe valu vaqalo qita ita vano basoe (Christian). Basoe i pala go to ia Karasiti imajala so kakalena qiqiro nalu ia iruqe Jisu lupo nae lulua ia go.
Dudule Pisanaulo Kapisa (33): Nalu Ita Qata Kebu
Jisu i pepeua pepeu dena. Kameka sale valeke ikasine komala ia, izae de ilaqalaqa go nae iza i zazu ne jaju sakata ro. Ia ilaqalaqa igole qisone kesa Tamana i tekene go ia. Gonae i lavata kebu izazu ne go taramusina kesa ia ilupu one lavata idoka go nae sale valeke dena i sarakutu sivala, ipala saqo. Sale valeke dena imaqata ne kebu ro ia i ule za deko Tamana, iza pene nanao ule nalu nae Tamana i mamaligara ne ia go nae i vadoka ia i pala vaule napu ia. Pepeu dena i sinene qita nalu ita qata kebu ita mata maqata ogote ne, kebu ro ita lupo nae ta leqe kakamu ne kebu-ita. Do Banara inanao vasakata qita ia i majala nanao ulenena kebu ro ita lupo nae tina pala vaule napu qita.
Dudule Pisanaulu Kavasi (34): Mokoso
Valeke dena mana qole dena iru mimia maqata do onoto qiru imokoso iavata. Avana ta tiri na jaju ne go baso basoero ia Banara nalu ria tirina mokoso. Ria tirina tavatavara aqe de ikoego Banara, tirina vaogote ia tina jaju ne pata i velaka de ikoego ria. Banara i migala vole na. Basoe imokoso nalu i vato ia or tina tavisi ne gira tina pak sumuku itorago mokerso ia. Banara inanao qita mia soka qita nalu pata ro idoka ego de qata koego ita salero ia. Banara i bara ne qira vano iri vaogote go ia ia go ita mata kasi sareki nena satan, do Jisu i ko tavisi qita tina tekene qita bule - ia nalu makuru.
Dudule Pisanaulu Kalima (35): Le
Osi qita ita qata rove kameka musaqara ita titana le. Apatana tina dokae deqata koego buka tabo, ia i seko ia Banara. I go dena basoe i pala Jisu to ia nalu tina le madau na tina za ko tavisi e batu Jisu Karasiti vakitaka ro era kasi va maona maqata mara palata. Ita mata kasi sareki nena le. Do ita qata rove Banara i nanao qita lupo nai i va kavele qita. Lo borona kebu. Ro ita vano iri i Christian go kaega ne i kaega ne qira vaogoto ikoego de ikoego Banara taramu zina le. Adepa tono zae go nalu? Tono le na?
Dudule Pisanaulu Kaonomo (36): Tokamana Christ
Osina takoborona tokama qita ita izari nogono go tona zazu ro ria. Mata tina mimiani qeqele tina gatagata ne, saqe tina seko ne tina nana ne. Osina takoborona tokama ne iri zazu kameka. Nalu kakia takoborona tokama imokoso ba i bakora go ne, lavatana tokama ne tina pala vokara, Banara igo dena, vano iri vaogotoe go Jisu ne iri kameka tokama. Ria iri kora qira vari kitaki na vazaka. Jisu i kuzuka na tokama Banara i taruze zazu de iri koe ria vano iri pala Jisu loborona to ria. Gerena Tamana, kera, vari vatatana, batuna leleba. Jaja ba va moza na pata gege go. Nogo tona jaju ro dena tiri na jaju temene batu Jisu. Go tina tavisi ne tokama, go tina karaputa. Osina Basoe iri pala Jisu loborona to via mara ko vari nanao napu tanu qira luponae mara ria jaju kameka. Nalu ita qata vari nanao napu kaega tanu qita ne, ita qata tekene kimata tokamana batu Jisu.
Dudule Pisanaulu Kavitu (37): Qoqonona Vazaka
Osina ro vano iri pala Jisu loborona to ria/ria tirina qoqonoe kameka dia tirina vazaka go Banara. Seko ia Banara tina va rove qita ita kera, tavatavara lupo nae ita i titana pala me sosoro ita loborana jaju ia Banara. Banara i sinene qita ita mata nanao tarua le na batu Jisu. Ita qata mia basoe ro iri pala Jisu loborona to ria iri vari kenakena ne palava, mana loka. Palava ne iva nanao taru qita ita tokamana Jisu i bakorae go korosi sau qita ita. Loka ne iva nanao taru qita ita parasana isiporo, go tina vakavele qita loborona kebu ro ita.
Dudule Pisanaulu Kazalu (38): Jisu Tina Uleme Napu Me
Kameka musaqara batu Jisu tina vari vapoloso lama napu na. Tina reqeme rani gerena ia i pui bana nego. Ia tina zalama tina pala qira vano iri lulua vaogote go Jisu. Jisu tina ja lama tina va tapa degere qira baso basoe ro ia. Banara, iri le bana go. Kukubo tina tataqala baso basoero ia Banara iri ara to nalu nae tina zaza tavisi qira ria. Osi qita titana tatana soba batu Jisu vari oka. Tatana ko tavisi ia osina nalu topu. Vanu legulegu vano iri vae Tamana ia Banara. Tirima ko sivala pirine vari tanai ia Banara. Ia go ita qata ki rove kae musaqara, nalu Jisu tina ule napu mego. Mata ko vanamanama mata piri. Avigo aro qo vanama tono soba batu Jisu nalu ia tina ulemego nini dena ba?
Dudule Pisanaolu Kaia (39): Va Sadake Ure Ure
Dudule dena i va sadaka ne qita ita moki ure ure. Moki i ure ure go ne, tina va sadaka bana so ure na. Basoe i va ogo tego batu Jisu tina vasadake ure ure na madau tabo. Jisu i go dena era qa tokamanavaeni. Ramu qamu paqapaqa vana. Nalu ramu qamu koego. De qa koego era, era qa koego de kamu koego ramu ne, ramu Tamana va sadake ure ure topu. Madao tabo ia Banara tina to-tina zazue loborona to ita. Tina vasadake nanao, kula, bule, kovari piri i, vari tatavisi, totolono, kovanadu, ko vasoka napu, mia soka go ta numu loborona to aro. Nalu paqarana moki i urego knegane Tirina Tado va naqe, le ia subia Basoe iri lulua go Jisu ne, topu ure ure velaka tirina va sadake go. Tiri na va kula Banara tama qita ogoto i koego rani.
Dudule Vasinaulu (40): Tarama
Jisu i turi ne qira vano iri vaogo tego ia mara sine va sadake ne qira basoero tarama velave laka ia go. Go ria mara kavele loborona kebu ria-loborona nako go. Dudule dena i va sadake vano iri va ogote Jisu iri sine va sadake Jisu de ikoego kero nena basoero. Madao tabo ia Banara tina vakaputa qita go titana tarama ne go batu Jisu.
Aro mo sine va tatavata pata qo rovese go loborona buka du du le dena.