unfoldingWord 18 - Makuni Acwami Ukaremoni
രൂപരേഖ: 1 Kings 1-6; 11-12
മൂലരേഖ (സ്ക്രിപ്റ്റ്) നമ്പർ: 1218
ഭാഷ: Gadsup
പ്രേക്ഷകർ: General
ഉദ്ദേശം: Evangelism; Teaching
Features: Bible Stories; Paraphrase Scripture
അവസ്ഥ: Approved
മറ്റ് ഭാഷകളിലേക്ക് വിവർത്തനം ചെയ്യുന്നതിനും റെക്കോർഡുചെയ്യുന്നതിനുമുള്ള അടിസ്ഥാന മാർഗ്ഗനിർദ്ദേശങ്ങളാണ് സ്ക്രിപ്റ്റുകൾ. ഓരോ വ്യത്യസ്‌ത സംസ്‌കാരത്തിനും ഭാഷയ്‌ക്കും അവ മനസ്സിലാക്കാവുന്നതും പ്രസക്തവുമാക്കുന്നതിന് അവ ആവശ്യാനുസരണം പൊരുത്തപ്പെടുത്തണം. ഉപയോഗിച്ച ചില നിബന്ധനകൾക്കും ആശയങ്ങൾക്കും കൂടുതൽ വിശദീകരണം ആവശ്യമായി വന്നേക്കാം അല്ലെങ്കിൽ രൂപാന്തരപ്പെടുത്തുകയോ പൂർണ്ണമായും ഒഴിവാക്കുകയോ ചെയ്യാം.
മൂലരേഖ (സ്ക്രിപ്റ്റ്) ടെക്സ്റ്റ്
Amucna orande acnaimpaci Deviti puconimi wen akac Solomoni kukandemi Israilic inim waintaucka dafisemi. Kocti Solomonin indaemi temi eni newarac ayikarac enafi. Afo Solomoni ayoku indirani inda emi, Kocti amoyuremi anon indim waintac mana makakac uankemi. Solomoni amucna anecne onem maremi andandauc ayoku daimiric memi. Kocti wemi ayokufic uankaremi amucna anecne amemi.
Solomoni Jerusalemici Mam Mac wen afo Deviti uwararan tiren andandau anufaranuponi uwaremi. Make anasi wanta Wayu Mac yerereni Mam Makimi Koctinkac man teni akonke uankewano. Kocti kundemi yenamac mini Mam Makimi wemi weyic anasi wanta namac minikimi wami.
Afo Solomoni ena ena makusinkakena ininanuc waci maremi. Weni Koctin awayani aruremi amucna ininanuci maremi, amankac 1,000 ini nanucmo! Mini ini nanuc yen yimapatena koctinuc marerukeni miniukaci manti ankewano. Solomoni ayokum waintac emi mini koctinukaci mantewami.
Kocti Solomonin aran anecne amemi, Solomoni anufaren Koctimi iyen awakurewan anda kaci umar amemi, Solomoni pucinanin acnaimpac Israilic maku acwan daimirani temi.
Solomoni pucimi wen aka Rehoboami wenic maku mandemi kinic emi. Rehoboami ananaukam waintam wami. Masicden Israilic iniya wantauc manakin yereni wem manan puka kinic uankarani yeno. Yeni Rehoboami wapac umam waya deni teno Solomoni yemi amucna eran yokan yimini mareni amucna moniman amewano.
Rehoboami ananaukam wayani yeweken tiyimemi, "Ikeni indieke ten tifo Solomini eran yokani ikemi yimemi, afo teni tentifo yimewanin yokaruc ye ankareci anon yokar ukami yimentecu, tentifo titoc umani yimemifo teni anon umarukami yimentec umpe.
Tiyankan nani Israilic makusinke Rehoboamin namukoc uankeno. Kan nan pukasireni wenamac wano Mini kanda nani Judaucyi makuyic emi.
Tiyankan Israilic nantinke Rehoboamin namukoc uankareni ena wainta Jeroboamin ukacdami yenyic kinic emi. Yenyic maku notifac ukacde uwandeni mini maka awicde teni Israiliuyic makuyen teno.
Jeroboami Koctin namukoc uankaremi anasi wanta ukukarani manda anda uwareno. Weni kantar umac kocti wenic anasi wanta manti ankakowani uwandani wem mantiankeni Koctimi iyen Judauyic Mam Makin iyem mantiankeno.
Judauc namac Israiliuc namaci namukoc ukeni yenyirani yiru ewano.
Israilic makusimi masicden kinuc manda anda manan uwarewano. Amucna kinu ena Israiliuc manan yirewano yenyic maku mande ye kinic irani micnewano.
Masicden kinuc namac amucna inim waintauc Israilic makusinke umac koctinkaci man tewano. Umac koctinka man teni wayic eyon anda namaci eni anintauc waci yirure akonkec ewano.
Judauyic kinuc Devitin anawasinucmo. Manaceyou mini kinu ayoku waintauc weni ayokufic ure yokam mareni Koctim mantiankewano. Amucna Judauyic kinu manda anda uwareni anufare yokar iyem marewano. Manaceyon kinuc yen yikafandauc umac koctimpac akonke ewano. Amucna inim wainta Koctin namukoc uankeni umac koctinkaci man tewano