unfoldingWord 25 - Satan i Traim Jisas
![unfoldingWord 25 - Satan i Traim Jisas](https://static.globalrecordings.net/300x200/z40_Mt_04_04.jpg)
Преглед: Matthew 4:1-11; Mark 1:12-13; Luke 4:1-13
Број на скрипта: 1225
Јазик: Tok Pisin: PNG
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z40_Mt_04_01.jpg)
Bihain liklik long taim Jisas i kisim baptais, Holi Spirit i kisim em i go long ples i nogat man. Na em i no bin kaikai inap long 40 de na 40 nait. Na Satan i kam traim em long mekim sin.
![](https://static.globalrecordings.net/300x200/z40_Mt_04_02.jpg)
Satan i traim Jisas na i tok olsem, “Sapos yu Pikinini bilong God, orait tokim dispela ston i tanim kamap bret na yu ken kaikai!”
![](https://static.globalrecordings.net/300x200/z40_Mt_04_03.jpg)
Na Jisas i bekim tok olsem, “Tok bilong God i tok olsem, ol manmeri i no inap i stap laip long bret tasol, ol i mas bihainim olgeta tok bilong God!”
![](https://static.globalrecordings.net/300x200/z40_Mt_04_04.jpg)
Na Satan i kisim Jisas i go antap long het bilong tempel long Jerusalem na i tokim em olsem, “Sapos yu Pikinini bilong God orait tromoi yu yet i go daun, long wanem tok bilong God i tok olsem, em bai tokim ol ensel i kam karim yu na ston i no inap sutim lek bilong yu.”
![](https://static.globalrecordings.net/300x200/z40_Mt_04_05.jpg)
Tasol Jisas i bekim tok bilong Satan wantaim tok bilong Baibel na tok, “Tok bilong God i tok strong long ol manmeri olsem, noken traim God Bikpela bilong yupela.”
![](https://static.globalrecordings.net/300x200/z40_Mt_04_06.jpg)
Na Satan i soim Jisas long olgeta strong na pawa bilong graun wantaim ol gutpela bilas bilong en, na tok olsem, “Bai mi givim dispela olgeta samting long yu, sapos yu brukim skru na lotu long mi.”
![](https://static.globalrecordings.net/300x200/z40_Mt_04_07.jpg)
Na Jisas i tok,“Satan klia long mi! Tok bilong God i tok strong long ol manmeri olsem, lotu long God Bikpela bilong yupela tasol na aninit long em wanpela tasol.”
![](https://static.globalrecordings.net/300x200/z40_Mt_04_08.jpg)
Jisas i no pundaun long traim bilong Satan olsem na Satan i lusim em na ol ensel i kam lukautim em.