unfoldingWord 05 - ولد الوعد
![unfoldingWord 05 - ولد الوعد](https://static.globalrecordings.net/300x200/z01_Ge_22_07.jpg)
Преглед: Genesis 16-22
Број на скрипта: 1205
Јазик: Arabic, Sudanese: Khartoum
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z01_Ge_16_01.jpg)
عشرة سنوات بعد وصول ابرام وساراي لكنعان ، ولسع كان ما عندهم جنى .عشان كدا زوجة ابرام ، ساراي, قالت ليه،"ما دام الله ما سمح لي اكون عندي عيال . انا هسع كبرت شديد عشان نكون عندي عيال ،دي هاجر خادمتي . اتزوجها برضوعشان تقدر تلدي لي جنى".
![](https://static.globalrecordings.net/300x200/z01_Ge_16_02.jpg)
عشان كده ابرام اتزوج هاجر. هاجر ولدت ولد ، و ابرام سماه اسماعيل .ولكن ساراي بقت غيرانة من هاجر . ولمن اسماعيل عمره بقى ١٣ سنة ,الله اتكلم تاني مع ابرام.
![](https://static.globalrecordings.net/300x200/z01_Ge_15_04a.jpg)
الله قال، "انا الله القدير . انا بعمل عهد معاك". و بعداك ابرام ركع على الارض . الله برضو كلم ابرام ، "انت بتكون اب لناس كتير . وانا بديك انت و نسلك ارض كنعان لتمتلكوها و انا بكون الههم الى الابد. وانت لازم تطهر كل ذكر في اسرتك".
![](https://static.globalrecordings.net/300x200/z01_Ge_17_01.jpg)
زوجتك ساراي ، حتكون عندها ولد_ هو حيكون ,ولد الوعد . تسميه اسحق. انا بعمل عهدي معاه، و يكون امة عظيمة . وانا بخلي اسماعيل يكون برضو امة عظيمة، لكن عهدي حيكون مع اسحق. وبعداك الله غير اسم ابرام الى ابراهيم معناه "ابو الكثير". الله برضو غير اسم ساراي الى سارة ،معناها "اميرة"
![](https://static.globalrecordings.net/300x200/z01_Ge_21_02.jpg)
اليوم داك ابراهيم طهر كل الذكور الفي بيته . و بعد سنة، وقت ابراهيم عمره كان مية سنة وسارة كانت تسعين سنة ، سارة ولدت ولد لابراهيم . وسماه اسحق زي ما الله كلمهم يعملوا.
![](https://static.globalrecordings.net/300x200/z01_Ge_22_01.jpg)
لمن اسحق كان صغير ، الله امتحن ايمان ابراهيم و قال ليه "شيل اسحق ولدك الوحيد و قدمو لي كذبيحة". ابراهيم تاني طاع الله و جهز ولده عشان يقدمو ذبيحة .
![](https://static.globalrecordings.net/300x200/z01_Ge_22_05.jpg)
زي ما ابراهيم واسحق كانوا ماشين لمكان الذبيحة ، اسحق سال ، "يا ابوي ،نحن عندنا حطب الذبيحة، لكن وين الخروف ؟" ابراهيم رد ، الله بوفر لينا خروف للذبيحة ، يا ولدي".
![](https://static.globalrecordings.net/300x200/z01_Ge_22_07.jpg)
لمن وصلوا مكان الذبيحة ، ابراهيم ربط ولدو اسحق و رقدو على المذبحة. هو خلاص داير يقتل ولده ، الله قال ،"اقيف ما تاذي الولد !هسع انا عارف انو انت بتخاف مني لانو انت ما رفضت لي بولدك الوحيد".
![](https://static.globalrecordings.net/300x200/z01_Ge_22_08.jpg)
ابراهيم شاف جنبو خروف معلق في الشجرة. الله جهزه عشان يكون ذبيحة بدل اسحق. ابراهيم بقى فرحان شديد و قدم الخروف ذبيحة .
![](https://static.globalrecordings.net/300x200/z01_Ge_22_11.jpg)
بعداك الله قال لأبراهيم، "لانك انت كنت عندك نية تديني اي حاجة حتى ولدك الوحيد ، انا بوعد بانو اباركك. حيكون نسلك اكتر من النجوم الفي السماء. عشان انت اطعتني انا ابارك كل الاسر في الدنيا من خلال اسرتك".