unfoldingWord 05 - Ufayssa Qaali Imettida Na7aa
![unfoldingWord 05 - Ufayssa Qaali Imettida Na7aa](https://static.globalrecordings.net/300x200/z01_Ge_22_07.jpg)
Преглед: Genesis 16-22
Број на скрипта: 1205
Јазик: Gofa
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z01_Ge_16_01.jpg)
Tammu laythafe guye, Abraameranne Soorara Kanaane gakkidosona. He wode enttaw na7i baawa. Hessa gisho, Abraame machiya Soora Abraameko, “Xoossay tana na7a diggis; taakka cimas. Ta aylliw Aggaaro hano be7a; iyo dawutha; iya taw na7a yelo” yaagasu.
![](https://static.globalrecordings.net/300x200/z01_Ge_16_02.jpg)
Abraamey, Aggaaro dawuthis; Aggaara adde na7a yelasu. Abraamey he na7aa, “Isma7eela” gidi sunthis. Gidoshin, Soora, Agaari bolla denddasu. Isma7eelas laythi tammanne heedza gidiya wode Xoossay zaarid Abraames qonccis.
![](https://static.globalrecordings.net/300x200/z01_Ge_15_04a.jpg)
Xoossay Abraamekko, “Taani ubbaa dandda7iya Xoossaa; taani neera caaqqana” yaagis. Abraamey, ba som7uwa sa7a gathidi gufannis. Xoossay Abraamekko, “Taani nena daro asaas aawa oothana; Kanaane biittaa newunne ne sheeshas laata oothada immana. Taani merinaw entta Xoossaa gidana; neeni ne son de7iya adde ubba qaxxara” yaagis.
![](https://static.globalrecordings.net/300x200/z01_Ge_17_01.jpg)
Xoossay, “Ne machiya Soora new adde na7a yelana; I, ufayssa qaali imettida na7a gidana; neeni iya Yisaaqa gada sunthana. Taani iyara caaqana; I wolqqaama dere gidana. Isma7eelakka taani wolqqaama dere oothana, shin ta caaqoy Yisaaqara gidana” yaagis. Xoossay Abraame sunthaa “Abrahaame” gidi laamis; birshshethayka “Darota aawa” guussu. Xoossay Soora sunthaa, “Saara” gis; birshshethayka “Darota aayo” guussu.
![](https://static.globalrecordings.net/300x200/z01_Ge_21_02.jpg)
He gallas Abrahaamey ba son de7iya adde ubbaa qaxxaris. Issi laythafe guye, Abrahaames xeetu laythi, Saaras uddufun tammu laythi gidiya wode, Saara Abrahaames adde na7a yelasu. Xoossay enttaw kase odidaysada “Yisaaqa” gidi sunthidosona.
![](https://static.globalrecordings.net/300x200/z01_Ge_22_01.jpg)
Yisaaqi diccidi bana erida wode, Xoossay Abrahaame ammanuwa paaccis: “Ne issi na7aa taw yarshsho oothada shukka” yaagis. Abrahaamey Xoossaa kiitetidi, ba na7aa yarshshanaw giigettis.
![](https://static.globalrecordings.net/300x200/z01_Ge_22_05.jpg)
Abrahaamera Yisaaqara yarshsho yarshshana bessaa buussa bolla de7ishin, Yisaaqi ba aawako, “Abbo, tamaynne mithay haysish, yaatin, xuugettiya yarshsho dorssay awune?” yaagis. Abrahamey, “Ta na7aw, xuugettiya yarshsho dorssaa Xoossay immana” yaagis.
![](https://static.globalrecordings.net/300x200/z01_Ge_22_07.jpg)
Entti yarshsho yarshshiya bessaa gakkida wode, Abrahaamey ba na7aa Yisaaqa qachidi yarshsho bessaa bolla zin7isis. Abrahamey ba na7a shukkanaw ba kushiya yeddidi mashsha ekkis. Xoossay, “Agga! Ne na7a bolla ne kushiya wothofa; neeni taw yashetteysanne ne issi na7aa tana diggonaysa taani be7as” yaagis.
![](https://static.globalrecordings.net/300x200/z01_Ge_22_08.jpg)
Abrahamey dhoqqu gidi xeelliya wode, iya matan issi dorssi buure giddon qashetidi de7eysa demmis. Xoossay, Yisaaqa bessan, yarshsho dorssi giigisidi wothis. Abrahaamey ufayttishe dorssaa yarshsho oothidi shukkis.
![](https://static.globalrecordings.net/300x200/z01_Ge_22_11.jpg)
Xoossay Abrahaameko, “Neeni hari attoshin, ne issi na7aa tana diggona gisho, taani nena tuma anjana. Ne zerethaa taani salo xoollinttoda darsana. Neeni taw kiitetida gisho, ha sa7aa kawotethati ubbay ne baggara anjjetana” yaagis.