Languta, Yingisa, Hanya Buku 1

Languta, Yingisa, Hanya Buku 1

개요: Adam, Noah, Job, Abraham. 24 sections. It has a picture book to go along with the recording.

스크립트 번호: 418

언어: Tsonga

주제: Sin and Satan (Judgement, Sin, disobedience, Satan (the devil)); Christ (Sacrifice / Atonement); Eternal life (Salvation); Character of God (Grace and Mercy, Nature, character of God, Word of God (the Bible)); Living as a Christian (Worship, Obedience, Faith, trust, believe in Jesus); Bible timeline (Creation, Prophecy, fulfillment of, Gospel, Good News); Problems (Problems, troubles, worries)

청중: General

스타일: Monolog

장르: Bible Stories & Teac

목적: Teaching

성경 인용: Extensive

지위: Publishable

스크립트 텍스트

Manghenelo

Manghenelo

Avuxeni vanghana. Tanani hi ta dyondza ta vutomi bya vanhu vo sungula lava nga hanya emisaveni. Xikwembu xin'we xa ntiyiso xi hi dyonzisa leswi xi nga swona hi ndlela leyi xi hanyeke na vanhu lava ha kona. Loko u ri karhi u yingisela Khasete, languta swifaniso leswi nga eka buku leyo tshuka. I tidyondzo leti humaka ebukwini ya Xikwembu, yi nga Bibele.

Loko u twa mpfumawulo (NOTI) pfula papila leri landzelaka.

Xifaniso 1: Adamu na Swiharhi

Xifaniso 1: Adamu na Swiharhi

Genesa 1:1 - 2:14

Eku sunguleni I Xikwembu ntsena lexi a xi ri kona, a ku ri hava xivumbiwa xin'wana. Ku na Xikwembu xin'we/ntsena I Moya. Xi tiva hinkwaswo naswona xikumeka hinkwako hinkarhi wun'we. Misava leyi hi yi vonaka namuntlha, a yi nga ri kona. Xikwembu hi xona xi tumbuluxeke hinkwaswo leswi nga misaveni ni leswi nge matilweni. Xi endlile ku vonakala. Kutani Xikwembu xi endla misava. Xihambanyisa lwandle ni misava leyi omeke, kutani swimilana swi timelela. Kutani Xikwembu xi endla dyambu, N'weti na tinyeleti. Kutani Xikwembu xi endla swivumbiwa hinkwaswo leswi hanyaka emisaveni ni leswi hanyaka elwandle.

Wanuna loyi a nga exifanisweni lexi I Adamu. Xikwembu xin'wi endlile hi ntshuri wa misava. Xikwembu xi endlile wanuna hi xifaniso xa xona leswaku munhu a ta kota ku tiva Xikwembu (leswaku moya wa munhu wu ta kota kuva wun'we na moya wa Xikwembu).

Mianakanyo hinkwayo ya munhu ni ku navela ka yena, a swi pfumelelana ni swa Xikwembu. A famba na Xikwembu. Kutani Xikwembu xi vona leswaku hinkwaswo leswi xi swi endleke swisasekile ngopfu.

Xifaniso 2: Nsati wa Adamu

Xifaniso 2: Nsati wa Adamu

Genesa 1:27-28, 2:15-25

Xikwembu xi vekile Adamu entangeni wo saseka lowu vuriwaka Edeni kutani xi n'wi lerisa ku wu hlayisa. A ku ri ni mirhi ya tinxaka hinkwato ku katsa na Murhi wa Vutomi. Adamu a ri ni mihandzu ya tinxakaxaka leyinene leyi a ta tidyela yono. Xikwembu xi pfumelele Adamu leswaku swiharhi hinkwaswo ni Swinyanyana hinkwaswo a swi thya mavito. Eka swivumbiwa hinkwaso a kuri na swa xinuna ni swa xisati, swi vumbiwa leswi aswinga n'wi chavi munhu naswona a swi n'wi vavisangi. Kambe Adamu a ri hava munghana loyi a fanaka na yena. Hiloko Xikwembu xi endla wansati a va munghana wa Adamu. Xikwembu xi endlile leswaku Adamu a etlela vurhongo lebyikulu. Xikwembu xihlomula rimbambu etsheveni ra Adamu.

Hi rimbambu leri Xikwembu xitumbuluxa wansati. Xikwembu xi tisa wansati eka wanuna. Wanuna ni wasanti a va nga ambalanga nchumu, kambe a va ngari na tingana. A va vulavula na Xikwembu tani hi vanghana. A ku ri hava mahlomulo, rifu kumbe swin'wana swobiha endhawini ya vona leyo hlamarisa.

Xifaniso 3: Nyoka entangeni

Xifaniso 3: Nyoka entangeni

Genesa 2:16, 3; Isaya 14:12

Xikwembu xi lerisile Munhu ku nga Adamu xiku: "U ntshuxekile ku tidyela mihandzu ya mirhi hinwayo laha ntangeni, kambe u nga tshuki u dya mihandzu ya murhi wo tivisa swo biha ni swo saseka, hikuva loko wo yi dya, u ta fa hakunene."

Kambe sathani u kanganyisile nsati wa Adamu. Sathani a ri ntsumi ya Xikwembu kambe eku heteleleni u pfukerile Xikwembu muendli wa yena. A lava ku tikurisa a tlula Xikwembu. Hiloko Xikwembu xi n'wi hlongola a suka etilweni kutani sathani a hundzuka nala wa Xikwembu.

Sathani u tile eka wansati hi xivumbeko xa nyoka leyo saseka. Sathani u kuceterile wansati kudya mihandzu ya murhi lowu va arisiweke ku yidya.

Sathani u byerile wansati leswaku loko a dya mihandzu leyi a nge fi. Wansati I dyile kutani a teka mihandzu yin'wana a nyika Adamu. Loko varikarhi vadya, vasungula ku vona leswaku ava ambalanga nchumu. Kutani va ti endlela swiambalo hi matluka, va ringeta ku tumbela emahlweni ka Xikwembu.

Xifaniso 4: Adamu na Eva ehandle ka ntanga

Xifaniso 4: Adamu na Eva ehandle ka ntanga

Genesa 3:14-24

Laha xifanisweni lexi, hi vona leswi humeleleke loko Adamu a tlurile xileriso xa Xikwembu. Xikwembu xifanele ku tshinya Adamu hikuva u tlurile nawu wa xona. Eku sunguleni Xikwembu xi byerile nyoka xiku: "Leswi u endleke mhaka leyi, u rhukaniwile exikarhi ka swiharhi swa nhova." Kusukela enkarhini wolowo, sathani u vile nala wa Xikwembu na vanhu.

Xikwembu xivurile leswaku xihluke xa Adamu na nsati wa yena xi ta hlula sathani. Leswi swi humelerile loko Yesu a fela swidyoho swa misava kutani a tlhela a pfuka eku feni.

Xikwembu xi byela wansati xiku: "Ndzi ta endla leswaku loko u tikile u va ni switlhavi na swona u ta veleka vana hiku xaniseka."

Kutani Xikwembu xibyela Adamu leswaku misava yi ta rhukaniwa hikuva yena Adamu u yingisele nsati wa yena kutani a dya mihandzu ya murhi lowu a arisiweke.

Hikwalaho ka swona Adamu u ta fanela ku tirha hi matimba ku endlela leswaku a kuma swakudya swa yena ni swa nsati wakwe ku kondza a fa. Hiloko Xikwembu xi hlongola Adamu entangeni. Adamu a thya wansati evito ra Evha hileswaku "Vutomi" Evha a velekela Adamu evana. Vanhu hinkwavo va huma eka Adamu na Evha. Adamu na Evha ni hinkwavo lava tumbulukeke endzhaku ka vona vadyohile. Vudyoho lebyi byi va hambanyisile na Xikwembu ni vanhu kulobye.

Hinkwerhu hi ala ku yingisa Xikwembu; ku ala ku yingisa I xidyoho. Ha fa hikuva ha dyoha. Kambe ku tshemba ku kona, hikuva Yesu Kriste loyi a hanyaka u ni matimba ya ku hi ponisa ematimbeni ya vudyoho ni ya sathani.

Xifaniso 5: Nowa na ngalava

Xifaniso 5: Nowa na ngalava

Genesa 6:1 - 7:5

Vana va Adamu na Evha kun'we ni vatukulu va vona va andzile ngopfu. Valandzelerile mitila ya sathani va endla leswo biha. Kutani Xikwembu xiti sola hikuva xi endlile munhu. I munhu un'we loyi a nga ringeta ku tsakisa Xikwembu. Vito ra yena a a ri Nowa. Siku rin'wana Xikwembu xi vulavula na Nowa xi ku, "Ndzi ta herisa vanhu hinkwavo, hikuva misava yi tele hi madzolonga hikwalaho ka vona. Wena tiakele ngalava." Ngalava I xikepe lexikulu. "Mina Xikwembu ndzi ta rhumela ndhambi emisaveni kutani swivumbiwa hinkwaswo swi ta dyiwa hi mati. Kambe ndzi ta endla ntwanano na wena. Nghena e ngalaveni, wena ni nsati wa wena kun'we ni vana va wena na vasati va vona.

Eka tinxaka hinkwato ta swiharhi, hlawula xa xinuna ni xa xisati u swinghenisa engalaveni, endlisa sweswo ni le ka tinyenyana leswaku swita pona."

Xikwembu xi leterile Nowa hi laha ngalava yi fanelaka ku akiwa ha kona. Nowa u endlile hilaha Xikwembu xin'wi leriseke hakona. Loko a ri karhi a aka Ngalava, Nowa a tshama a ri karhi a tsundzuxa vanhu leswaku Xikwembu xita vaherisa kambe vona a va hundzukanga etindleleni ta vona leto biha.

Xifaniso 6: Ta ndhambi leyi kulu

Xifaniso 6: Ta ndhambi leyi kulu

Genesa 7:6-23

Minkarhi hinkwayo Xikwembu xihlayisa swithsembiso swa xona. Nowa ni vandyangu wa yena kun'we ni swiharhi hinkwaswo va nghenile engalaveni. Xikwembu hi xivirhi xi pfarile rivanti ra ngalava xiva khiyelela endzeni.

Endzaku ka masiku ya 7 Mpfula yi sungula ku na. Yi nile masiku ya 40 ni vusiku bya kona. Mithavela ya mati yi baleka kutani misava hinkwayo yi funengetiwa hi ndhambi. Vanhu hinkwavo lava nga handle ka ngalava vafa kun'we ni swiharhi hinkwaswo ni tinyenyana hinkwato. Vanhu a va hundzukanga. Va hari ni vudyoho, va landzelela sathani va ala ku yingisa Xikwembu. Xikwembu xi hi byela sweswo e ritweni ra xona ku nga Bibele leswaku siku rin'wana Hosi Yesu Kriste u ta vuya ata avanyisa vanhu hinkwavo lavo homboloka. Kambe Xikwembu xi lulamisile ndlela yo ponisa lava nga ta pfumela eka Xona yena.

Xifaniso 7: Ta nkwangulatilo na switshembiso swa Xikwembu

Xifaniso 7: Ta nkwangulatilo na switshembiso swa Xikwembu

Genesa 8:1 - 9:17

Nowa ni vandyangu wa yena kun'we ni swiharhi hinkwaswo, va tshamile engalaveni kutlula lembe. Loko mpfula yixile na loko mati maphyile emisaveni, hinkwavo vahumile e ngalaveni. Kutani Nowa a akela Xikwembu e Alitari tani hi leyi u yi vonaka. A tlhava swiharhi swin'wana a humesela Xikwembu gandzelo leri hisiwaka ehenhla ka Alitari. Xikwembu xi tsakerile gandzelo leri, kutani xi veka nkwangulatilo etilweni. Ku va mfungho wa leswaku xi nge he tlheli xi herisa swivumbiwa leswi hanyaka hi ndhambi ya mati. Nkwangulatilo I xitsundzuxo eka hina mayelana na switshembiso swa Xikwembu. Tsundzuka switshembiso swa Xikwembu kambe u nga rivali leswaku Xikwembu xita tlhela xi avanyisa misava.

E ka nkarhi lowu taka, Xikwembu xi ta herisa misava hi ndzilo. Lava va tshembaka ni ku titsongahata emahlweni ka Xikwembu a vafanelanga ku chavisiwa hi leswi nga ta humelela. Titsongahate emahlweni ka Hosi Yesu Kriste kutani u ta pona a wunga herisiwi.

Xifaniso 8: Xihondzo xa babele

Xifaniso 8: Xihondzo xa babele

Genesa 11:1-9

Vanhu hinkwavo va misava va huma eka vana vanharhu va Nowa. Xikwembu xi va lerisile leswaku vatswalana va andza ni leswaku va ya tshama etindhawini hinkwato ta misava. Vanhu hinkwavo a va vulavula ririmi rin'we naswona a va nga swilavi ku hangalaka va ya emisaveni hinkwavo. Va ala ku yingisa Xikwembu, kutani va boha kuti akela Muti lowukulu lowu nga ni xihondzo lexi leheke ku ya dliva etilweni. Xikwembu xi vonile muti lowu ni xihondzo xa wona.

Xikwembu xi vonile ku ala ka vona ku yingisa ni ku tikurisa ka vona. Kutani Xikwembu xiku, "Vanhu lava hinkwavo va vulavula ririma rin'we. A hi yeni hi ya pfilunganyisa ririmi ra vona leswaku va ta ka va nga ha twanani loko va vulavula."

Eka xifaniso lexi, vanhu a va ha twisisani loko va vulavula. Hiloko va tshika ku aka muti kutani va hangalaka va ya tshama etindhawini to hambana. Namuntlha hi ni tindzimi to hambana hikwalaho ka ku tiarisa ka vona. Loko hi ala ku yingisa Xikwembu, ha dyoha. Xidyoho xihambanisa munhu na Xikwembu naswona xihambanisa munhu ni vanhu van'wana. A hi yingiseni Xikwembu hi xi tshemba minkarhi hinkwayo.

Xifaniso 9: Yobo u khongela Xikwembu

Xifaniso 9: Yobo u khongela Xikwembu

Yobo 1:1-12

Laha hi vona wanuna loyi va nge I Yobo. U humesela Xikwembu Magandzelo lama hisiwaka. Yobo a khongela Xikwembu xin'we xa ntiyiso na swona a nga landzelelanga tindlela ta sathani. Yobo ari na vana va vafana va 7 ni vanhwanya va nharhu. Kutani Yobo a humesela vana va yena magandzelo. A kombela leswaku Xikwembu xi varivalela loko swi nga endleka vatshuke vadyoha.

Yobo a tsakisa Xikwembu. Xikwembu xin'wi katekisa kutani a humelela eka hinkwaswo leswi a swi endlaka. Yobo a ri ni mitlhambi ya swifuwo ni malandza lyo tala.

Kutani siku rin'wana Xikwembu xi byela sathani leswaku Yobo wa xi tsakisa. Hiloko sathani a mangalela Yobo ni ku vula leswaku Yobo u khongela Xikwembu leswaku a ta va mufumi. Sathani a byela Xikwembu aku: "Loko wo tekela Yobo hinkwaswo leswi a nga na swona we Xikwembu, a nga ku rhuketela." Xikwembu, a xi swi tiva leswaku sathani u vulavula mavunwa na leswaku Yobo a rhandza ku tsakisa Xikwembu. Hiloko Xikwembu xi pfumelela sathani ku tekela Yobo hinkwaswo leswi a a ri na swona ku ri ku ringa ripfumelo ra Yobo.

Xifaniso 10: Yobo Exirilweni

Xifaniso 10: Yobo Exirilweni

Yobo 1:13-22

Xifaniso lexi xikombisa siku leri Yobo a ri exirilweni lexi kulu. Malandza ya yena va n'wi tiserile mahungu yo tsema nhlana. Nandza wo sungula a tile hi ku tsutsuma a ta n'wi byela leswaku valala va dlele malandza ya Yobo kutani va byisile Mitlhambi ya yena ya tihomu ni timbhongolo.

Loko nandza lowo rhanga a nga si heta ku vulavula, ku fika nandza wa vumbirhi. Kutani yena aku ndzilo wu hisile tinyimpfu ni varisi vakona. Hinkwaswo swifile. Nandza wa vunharhu a fika a byela Yobo a ku valala va hi hlaserile kutani va byisile tikamela hinkwato.

Nandza un'wana a tisa mahungu yo biha kutlula hinkwawo aku, "Vana va wena a va tildyela nkhuvo endhawini yin;we, hiloko ku sungula bubutsa ra moya leri nga wisa yindlu kutani va fa hinkwavo." Loko Yobo a twile mahungu lawa, a ya byewula nhloko a tiwisela hansi a rila hi gome lerikulu. Kutani Yobo a ku, "Xikwembu xinyikile, Xikwembu xi tlhele xi teka. A ku dzunisiwe vito ra Xona." Hambi loko swilo leswi hinkwaswo leswo biha swi humelerile Yobo a nga dyohangi, a nga rhukananga Xikwembu.

Xifaniso 11: Mahlomulo ya Yobo

Xifaniso 11: Mahlomulo ya Yobo

Yobo 2:1 - 41:34

Sathani u swi vonile leswaku Yobo wa ha xixima Xikwembu kutani a byela Xikwembu a ku: "Loko wo n'wi vavisa emirini u ta ku rhukana." Hiloko Xikwembu xipfumelela sathani ku ringa Yobo - sathani a tisela Yobo mavabyi yo chavisa ya nhlonghe. Yobo a ya handle ka muti a hamba a ti nwaya hi xirhengele xa mbita leyi fayekeke. Nsati wa yena a ku: "Rhukana Xikwembu u ti fela."

Kambe Yobo ahlamula a ku: "Xana hi fanele ku amukela leswinene leswi humaka eka Xikwembu kambe leswo biha hi nga swi amukeli xana?"

Vanghana va Yobo vanharhu va fikile va vulavula na yena masiku yo tala. A va lava ku tiva xivangelo xa maxangu lawa ya Yobo. Vavurile leswaku u fanele a endlile xidyoho emahlweni ka Xikwembu hikokwalaho Xikwembu xi n'wi baka. Yobo a nga pfumelelani na leswi va swi vulaka ehenhla ha yena. Hiloko a sungula ku vutisa maendlele ya Xikwembu kambe anga zangi a xifularhela. Hiloko Xikwembu xi kombisa Yobo matimba ya xona lamakulu ni vutivi bya xona ehenhla ka Yobo.

Xifaniso 12: Yobo a vuyiseriwa swa yena

Xifaniso 12: Yobo a vuyiseriwa swa yena

Yobo 42:1-7

Eka xifaniso lexi, Yobo u hanyile naswona I mufumi nakambe. Ndi ta hlamusela hi laha swilo leswi humeleleke hakona. Loko Yobo a hlanganile na Xikwembu hi vunntshwa u tisorile embilwini. Hi loko Xikwembu xi vulavula na Elifasi un'wana wa lava a va veka Yobo enandzu xi ku: "Wena ni vanghana va wena lava mbirhi, ndzi mihlundzukerile hikuva a mi vulavulanga swa kahle hi mina. Mihambanile na leswi nandza wa mina Yobo a swi andleke." Xikwembu xi va byele ku ya tihumesela gandzelo leri hisiwaka va ri eka Yobo. Kutani Yobo nandza wa Xikwembu u ta va khongelela. Xikwembu xi vule na leswaku xi ta varivalela. Yobo u khongelele vanghana va yena kutani Xikwembu xi amukela xikhongelo xa yena.

Endzhaku ka leswi, Xikwembu xitlhele xi endla leswaku Yobo a hola xi n'wi engetelela ni rifuwo ra yena.

Vanghana va Yobo ni maxaka ya yena va tile e nkhubyeni wa yena, va n'wi tisela ni tinyiko. Xikwembu xi n'wi nyikile vana va nkombo va va fana na vanhwanyana va nharhu vo saseka. Yobo u hanyile malembe layo tala kutani a hundza emisaveni a dyuhele swinene. Xikwembu xa swi tiva leswaku hikwalaho ka yini hi xaniseka evutonwini lebyi. Hi xona xi lawulaka hinkwaswo leswi humelelaka. Xikwembu xi lava hi tiyisela. Tsundzuka leswi, Xikwembu xa hi rhandza. Lava va xi hloniphaka xi va navelela leswinene.

Manghenelo

Manghenelo

Vanghana, mi nge ndzi mi byela hi wanuna loyia vitaniwa Abraama. Yena a a yingisa Xikwembu na swona vanhu vo tala va katekisiwile hikwalaho ka yena. Languta xifaniso lexi landzelaka loko a twa mpfumawulo lowu.

Xifaniso 13: Abraama a sukela va ka vona

Xifaniso 13: Abraama a sukela va ka vona

Genesa 12:1 - 13:4

Eka xifaniso lexi u vona wanuna loyi a vitaniwaka Abraama, Nsati wa yena Sarayi Ntukulu wa yena Lota na malandza ya yena. Va famba rendzo lero leha swinene hikuva Xikwembu xi valavule na Abraama xiku, "Suka etikweni ra rinkwenu, u hambana ni maxaka ya wena ni va ka n'wina hinkwavo, u ya e tikweni leri ndzi nga ta ku komba rona ndzi ta ku endla tiko lerikulu, ndzi ku katekisa, kutani vanhu hinkwavo va ta katekisiwa hikwalaho ka wena.

Abraama a tshemba xitshembiso xa Xikwembu. Yena na valandzeri va yena va langutile matlhelo hinkwawo va famba masiku yo tala va kondza va fika eka tiko ra xintshembiso e kanana. Kutani Hosi Xikwembu xi humelela eka Abraama. Xikwembu xi ku eka yena "Tiko leri, ndzi ta ri nyika vatunkulu va wena."

Abraama a rhendzeleka na tiko, loko a fika endzhawini ya Nkuhlu (xiphemu xa misava), Kutani ku wa ndlala etikweni ra Kanana na swona a ku ri hava hambi swiri swakudya swa vona. Kutani Abraama na vanhu va yena va rhelela etikweni ra Egipta ku luvela kona, leswaku va kota ku kuma swakudya. Endzhaku ka nkarhi u tlhelele e Kanana, hikuva a tshemba leswi Xikwembu xi n'wi tshembiseke swona. Xikwembu xi hi tshembisile vutomi lebyi ntshwa ni ndhzawu etilweni. Ku fana na Abraama, hi n'wi yingisa, loko hi lava ku amukela leswi Xikwembu xi nga hi tshembisa swona.

Xifaniso 14: Abraama na Lota

Xifaniso 14: Abraama na Lota

Genesa 13:5-18

Abraama na Lota ava tshama swin'we eKanana, Ava ri na swifuwo swo tala. Vudyelo bya swifuwo a byiri byi ntsanana eka ndhawu leyi. Varisi lavakulu va swifuwo swa Abraama na Lota a va sungula ku holova. Abraama a ku ka Lota, "Ku nga tshuki kuva ni ku holova exikarhi ka mina na wena, hambi ku ri exikarhi ka varisi va swifuwo swa mina na wena, hikuva hi vanhu van'we. Abraama a byela Lota ku hlawula tiko leri a ri tsakelaka ngopfu. Lota a ti lavela swa kahle yena na tinhloko ta yena, a tihlawulela tindzhawu hinkwato ta nkova wa Yordani, a famba a kongoma evuxeni, kasi tindzhawu tin'wana a tiri kona leti a tshama eka tona. Lota a tshineta ntsongwa wa yena kusuhi na Sodoma. Sodoma wu nga muti wa vanhu vo homboloka, lava a va dyohele ngopfu Hosi Xikwembu. Abraama u tshamile emutini wa kanana.

Xikwembu xi vulavula na yena nakambe. Xikwembe xi ku "Tiko hinkwaro leri u ri vonaka ndzi ta ku nyika rona, ri va ra wena na vatukulu va wena hilaha ku nga heriki." Vanghana, vanhu van'wana va ngava va ti komba va ri na swa kahle evuton'wini, ku fana na Abraama a hi tshembeni Xikwembu ku va xi hi sirelela.

Xifaniso 15: Abraama a hlangana na hosi ya ku rhula

Xifaniso 15: Abraama a hlangana na hosi ya ku rhula

Genesa 14:1-25

Loko Lota a ha tshamile enkoveni, nyimpi yi sungula. Hi loko Abraama na vavanuna va yena lava a va hlomile va ya kutsula Lota. Va hlule valala va vona kutani va ponisa nhundzu ya yena. Loko va vuya hile nyimpini va hlangana na hosi,tani hi loko mi swi vona eka xifaniso lexi. Vito ra hosi leyi a kuri Melkisedeke. A ri hosi ya doroba leri va nge I Salem, leswi vulaka "Kurhula".

A ndzunisa Xikwembu xa ntiyiso a tlhela a tsakisa Xikwembu. A tisa xinkwa na vhinyo eka Abraama. Abraama a khinsamela Melkisedeke a n'wi nyika tinyiko. Hosi ya Sodoma yi yile ku ya nyika Abrahama tinyiko ku va a ponisile vanhu, kambe Abraama a nga pfumelanga ku teka tinyiko ta hosi leyo homboloka. Vanghana, a hi faneni na Abrahama hi nga landzeleri vanhu lavo homboloka va hi kongomisa ekhombyeni ni le ku feni.

Rito ra Xikwembu eBibeleni ri hi ndyondzisa leswaku Melkisedeke a fana na hosi Yesu Kriste. Hi fanele ku hlonipha ni ku landzelela Hosi Xikwembu hikuva tindlela ta yena ti hi tisela ku rhula ni ku rhandza Xikwembu.

Xifaniso 16: Abraama na tinyeleti

Xifaniso 16: Abraama na tinyeleti

Genesa 15:1-21

Endzaku ka loko Abram a hlayisile Lot na vanhu hinkwavo, Lot u tlhelele e Sodoma. Kutani Xikwembu xi vulavula ka Abrama, "U nga chavi Abram, ndzi xichavelo xa wena, mbuyelo wa wena wukulu. Xikwembu xiku eka Abram nakambe xi ta n'wi nyika ndhawu ku teka ndhawu (vutshamo) eka yona. Xikwembu a xi vulavula hi ndhawu ya Kanana. Kambe Abram avilela hikuva Xikwembu axi nga n'wi nyikanga n'wana. Hi xikongomelo lexi Xikwembu xi yise Abram ehandle kutani xiku, "Languta, ringeta ku hlaya tinyeleti, U ta va ni rixaka ro tala ku kota tona."

Abram u tshembhile xitshembhiso xa Xikwembu, hambi leswi Abram angari na vana. Xikwembu xi tsakisa hi Abram.

Vanghana, Xikwembu xi lava hi pfumela na ku yingisa marito ya xona, bibele. Hi xona Xikwembu xa matimba hinkwawo. Kutani ha ha ta amukela switshembhiso swa Xikwembu, tani hileswi endleke hi Abram. Hi ta ku byela hi leswi, e ndzaka nkarhi.

Xifaniso 17: Ta Iximaele n'wana

Xifaniso 17: Ta Iximaele n'wana

Genesa 16:1 - 17:22

Languta xifaniso Abraama u na n'wana wa mufana. Abraama u tshamile eKanana nkarhi wo ringana khume ra malembe, kambe a ha langutele leswi Xikwembu xi nga n'wi tshembisa swona, loko ari Sarayi, nsati wa yena, a nga se kuma n'wana. Sarayi a ri na nandza loyi a vitaniwa Hagara. A lava leswaku Hagara a n'wi velekela n'wana na Abraama, Endzhaku Sarayi a teka n'wana ku va wa yena.

Lowu a ku ri ntolovelo wa nkarhi wolowo. Hagara u tikisiwile hi Abraama kutani Sarayi a sungula ku n'wi vondzoka. Sarayi u khomile Hagara hi ndlela ya tihanyi kukondza a baleka. Kambe ntsumi ya Xikwembu yi tivonakise eka Hagara yi n'wi byela leswaku u ta kuma n'wana wa mufana loyi a nga ta vitaniwa Ishmael. Leswi swi vulaka leswaku "Xikwembu xa yingisa". Xikwembu xi te xi ta katekisa Ishmael. Ishmael u ta lwa ni vanhu hinkwavo.

Ishmael a velekiwa endzhaku a va tata wa vanhu va Arabu. Khumenharhu wa malembe endzhaku ka ku velekiwa ka Ishmael, Xikwembu na kambe xi tshembisa tiko hinkwaro ra Kanana eka Abraama ni leka rixaka ra yena hilaha ku nga heriki. Kambe Abraama na rixaka ra yena a va fanele ku yingisa rito ra Xikwembu. Loko Abraama a ri na makume-kaye-kaye wa malembe Xikwembu xi tile eka yena xiku, "Hi mina Xikwembu xa matimba hinkwawo." Famba emahlweni ka mina na swona u ndzi yingisa eka hinkwaswo leswi u swi endlaka.

Ndzi ta hetisisa xitshembiso xa mina na wena na swona ndzi ta endla rixaka ra wena ri va ni vanhu vo tala. Sweswo I xitshembiso (ntwanano) na wena. U tava tata wa tinxaka leto tala. Hikokwalaho u nge he vitaniwi Abraama, "U ta vitaniwa Abraham." Hikwalaho ka vito lerintshwa, leri Xikwembu xi n'wi nyikeke rona, Abrahama a swi tiva leswaku Xikwembu xi ta n'wi nyika vatukulu lavo tala.

Xikwembu xi tlhela xiku eka Abrahama, "Tiko hinkwaro ra Kanana ndzi ta ri nyika wena ni rixaka ra wena endzhaku ka wena, na mina ndzi ta va Xikwembu xa vona." Xikwembu xi ku ka Abrahama "Sarayi nsati wa wena a nge he vitaniwi hi vito ra Sarayi kambe u ta vitaniwa Sara". Xikwembu xi n'wi katekisile xi tlhela xi nyika Abrahama n'wana wa mufana hi Sara. Minkarhi yin'wana, ku fana na Abrahama na Sara, hi ringeta ku endla swilo hi tindlela ta hina. Swi nga hi tisela kuhlupheka ni gome lerikulu eka lavo tala. Hi fanele ku tshemba Xikwembu, hi xiyingisa naswona hi yimela leswaku xi tirha makungu ya xona.

Xifaniso 18: Sarah a hleka

Xifaniso 18: Sarah a hleka

Genesa 18:1-15

Siku rin'wana, Loko Abrahama a ri na Malembe ya makume-kaye-kaye, Varhumiwa vanharhu va Xikwembu vata ka ntsonga wa Abrahama. Abrahama a vitana Sara ku lunghisa swakudya, kutani yena a va phamela. Kutani wanuna a vutisa Abrahama, a ku "U kwihi Sara nsati wa wena xana?" A hlamula a ku "U kwala ntsongeni." U n'wana wa vavanuna lava a ri Yehovha Xikwembu hi xiviri, Xi ku eka Abrahama, "Ndza ku tshembisa leswaku ndzi ta tlhela ndzi vuya kambe haxawa hi nkarhi wolowu, Sara nsati wa wena u ta va a ri na n'wana wa mufana.

Sara a nw'i twa a hleka a ri yexe hikuva a ri na malembe ya makume-kaye, A nga nw'i tshembi. Hosi Xikwembu xi ku ka Abrahama "Xana Sara u hleka yini, u vula leswaku u hundzeriwile hi nkarhi wa ku kuma n'wana xana?" Xana xi kona lexi nga tsandzaka mina Hosi xana? "Sara u tava na n'wana."

Xifaniso 19: Abrahama a khongelela muti wa Sodoma

Xifaniso 19: Abrahama a khongelela muti wa Sodoma

Genesa 18:16 - 19:29

Hi vona Abrahama na varhumiwa vanharhu, Xikwembu a xi ri na makungu yo herisa doroba ra Sodoma na Gomora hikuva vanhu a va endla lewi a swi nga laveki e mahlweni ka Xikwembu. A va lahle kungu ra Xikwembu ra vuxaka lebyo kwetsima exikarhi ka wanuna na wansati. Abrahama a tsundzuka Lota kutani a ku eka Yehovha Xikwembu, xana u tiyisile hakunene leswaku u ta herisa lavo lulama swin'we ni lavo homboloka xana?

Abrahama a va na makungu na Xikwembu ku ponisa Sodoma. Eku heteleleni Xikwembu xiku xinge herisi tiko ra Sodoma ehandle ka loko ku ri ni vanhu va khume lava tirhelaka Xikwembu. A ku ri hava na khume ra malandza lava a va tirhela Xikwembu eSodoma. A kuri na munhu wo lulama loyi a vaku I Lota. Varhumiwa va lerisa Lota ni ndyangu wakwe ku baleka e tikweni ra Sodoma na swona va nga languti endzaku.

Xikwembu xi rhumela ndzilo hi le tilweni ku herisa vanhu lavo homboloka etikweni ra Sodoma na Gomora. Lota na ndyangu wa yena ya baleka, nsati wa yena u langute endzaku kutani a hundzuka tshuka ra munyu. Abrahama u kombele Xikwembu ku ponisa vanhu hikwavo lavo lulama, kambe ku pone Lota na vana va yena vambirhi va vanhwana.

Xifaniso 20: Gandzelo ra Abrahama

Xifaniso 20: Gandzelo ra Abrahama

Genesa 21:1 - 22:19

Loko Sara a ri na Makume-kaye wa malembe u velekile n'wana wa mufana, tani hi laha Xikwembu xi tshembiseke Abrahama. U thyiwe vito ra Isaka, leswi vulaka "ku hleka." Loko Isaka a hari mufana, Xikwembu xi ringa Abrahama. Xikwembu a xi lava ku vona loko Abrahama a xi yingisa. Xikwembu xiku ka yena, "Teka n'wana wa wena un'we Isaka, loyi u nwi rhandzaka, u ndzi gandzela ha yena."

Abrahama u yingise Xikwembu. A tshemba leswaku loko Isaka a file Xikwembu xi ta tlhela xi n'wi pfuxa eku feni a hanya kambe. U lunghise Isaka kuva gandzelo ra Xikwembu, tani hi loko u vone eka xifaniso lexi. Loko Abrahama a tlakusa mukwana ku dlaya Isaka, ntsumi ya Xikwembu yi vulavula yi ku ka yena "Nwana yoloye u nga tshuki u n'wi endla nchumu, ni ku n'wi khumba u nga n'wi khumbi.

Xifaniso 21: Abrahama ni nandza wa yena

Xifaniso 21: Abrahama ni nandza wa yena

Genesa 24:1 - 25:11

Loko Abrahama a khalabyile swinene a vitana nandza wa yena a ku, "Ndzi tshembise leswaku u ta tlhelela etikweni ra mina na le ka maxaka ya mina uya tekela n'wana wa mina nsati, Isaka." Abrahama anga lavi leswaku Isaka a suka etikweni leri Xikwembu xi ri tshembiseke kumbe ku teka nsati eka vavasati va kanana. Nandza u yingisile Abrahama kutani a ya etikweni ra Nakor. Kwalaho u komberile Xikwembu ku va xin'wi komba ndlela ku kuma nhwanyana wa kahle wa Isaka.

Nhwanyana wo saseka loyi vito ra yena a ri Rebeka u tile a huma etikweni eku keni ka mati exihlobyeni. A tsakile eka kela nandza wa Abrahama mati na tikamela ta yena ta khume. Nandza u swi tivile leswaku Xikwembu xi n'wi kombe eka wansati loyi na leswaki I wansati loyi a lava yena. U kumile leswaku a ri n'wana wa buti makwa Abrahama.

Nandza a dzunisa Xikwembu lexi hlamuleke xikhongelo xa yena ku va xin'wi rhangerile eka hosi leyi nga xaka ra yena. Kutani Rebeka a va nsati wa Isaka. Abrahama u file loko a ri na malembe ya 175. Vutomi bya yena hinkwabyo u tshembile Xikwembu ku hlayisa switshembiso swa xona, kutani Xikwembu xi nwi amukerile na ku n'wi katekisa. Xikwembu xa ha katekisa hinkwavo lava va xi tshembhaka ku kotisa Abrahama.

Xifaniso 22: Yesu u velekiwile

Xifaniso 22: Yesu u velekiwile

Matewu 1:18-25; Vagalatiya 4:4-5

Rito ra Xikwembu I ntiyiso. Xikwembu a xi hembi. Xikwembu xi byerile Adamu leswaku xi ta rhumela muhlawuriwa un'we ku hlula Satana. U tshinyile Noah leswaku u ta herisa lava nga Vadyohi. Xikwembu xi kombe Jobo leswaku xi lava leswi nga kahle eka hina. Xikwembu xi kombile Abrahama leswaku xi hlayisa switshembiso swa xona hi minkari hinkwayo. Eka xifaniso u nga vona n'wana loyi a vitaniwa Yesu.

(Enkarhini wa kahle) u tswariwe eka misava ya Israel, eku sunguleni a yi vitaniwa Kanana. Vito ra mana wa yena ari Maria loyi a humeke hi le ka Abrahama na Isaac. Maria a nga se tiva wanuna loko a veleka Yesu. Yesu angari na Tatana wa laha misaveni. Tata wa yena I un'we kunga Xikwembu xa ntiyiso. Yesu hi yena ntsena loyi a tiseke mikateko emisaveni hinkwayo u tile ku ta hetisisa xitshembiso xa Xikwembu, ku hlula na ku hi nyika ku vuyela eka Xikwembu.

Xifaniso 23: Rifu ra Yesu

Xifaniso 23: Rifu ra Yesu

Vagalatiya 3:13-14

(Enkarhini lowu Yesu a hanyeke emisaveni) Loko Yesu a kula ku va wanuna, u dyondzisile vanhu ndlela ya Xikwembu. Yesu u endlile masingita yo tala ku komba leswaku a a ri n'wana wa Xikwembu, kambe vavanuna va vadyohi a va nga pfumeri eka yena. Van'wani va n'wi dlayile hi ku n'wi gongondzela emahadzini ya xihambano, socha ri n'wi tlhava etsheveni hi tlhari ku kumisisa loko a file.

Vanghana, Xikwembu xi byele Adamu leswaku u ta fa loko o dya leswi nge ensinyeni. Hinkwerhu a hi landzelelanga nawu wa Xikwembu kutani hi faneriwa hi rifu leri nga heriki. U ta tsundzuka leswaku Xikwembu xi nyikile Abrahama mpfana leswaku a xi gandzela ha xona ematshan'wini ya Isaka.

Xikwembu xi nyikile n'wana wa xona, Yesu, leswaku a fa ematshwan'wini ya vanhu hinkwavo, leswaku hi ta rivaleriwa swidyoho swa hina. Swidyoho swa hina swi hi hambanyisile na Xikwembu. Yesu i ndlela yo ya ka Tatana. Tsundzuka leswaku Xikwembu xi te eka Adam, xi ta rhumela u n'wana leswaku a ta hlula Sathani. Loko Yesu a fa exihamban'weni a tlhela a pfuka eku feni, u hlurile Sathani.

Eka lava tshembhaka ni ku landzelela milawu ya Yesu, Matimba ya Sathani ya hlulekile. Xikwembu xi tshembisile nakambe xitshembiso xexo eka Abrahama. Xikwembu xi vurile leswaku hikwalaho ka vatukulu va Abraham tinxaka hinkwato ti ta katekisiwa. Ku katekisiwa eku hanyeni na Xikwembu hi laha ku nga heriki ku tile hi ndlela ya Yesu Kriste. Hi nga amukela mikateko eka Xikwembu loko hi tshembha eka Yehovha ni ku landzelela milawu ya yena.

Xifaniso 24: Yesu wa hanya

Xifaniso 24: Yesu wa hanya

John 20:19-29

Vanghana va Yesu va veke ntsumbu wa yena esirheni. Ari esirheni ku ringana masiku manharhu. Kutani u pfukile (esirheni). Rifu ari n'wi tiyiselanga Yesu, la humaka ka Xikwembu. Yesu u tikombisile eka vadyondzisiwa va yena kutani a yima exikarhi ka vona. Hinkwavo a va hlamarile. Un'wana wa vadyondzisiwa avaku I Thomasi, a ngari na van'wana loko Yesu ata eka vona. Thomas aku ka vona, "Loko ndzi nga voni swivati swa swipikiri emavokweni ya yena na ku vekela voko ra mina etsheveni ra yena, a ndzi anga pfumeli."

Vhiki rin'wana endzhaku Yesu ati vonakarisa nakambe. Languta eka xifaniso. Yesu akomba Thomas laha a tlhaviweke hi swipikiri emavokweni ya yena na ku byela Thomas ku nghenisa voko etsheveni ra Yesu.

Yesu aku, "Thsika ku kanakana u pfumela. Yesu a vula nakambe, "ku katekile lava pfumelaka hambi loko va nga vonanga." Vanghana hi nga tshuki hi fana na Thomas lo yi a kanakana hi Xikwembu, a hi faneni na Abrahama la pfumeleke switshembhiso swa Xikwembu na ku yingisa. Hiku tshembha hosi Yesu na ku n'wi yingisa hinga tiva Xikwembu, na ku amukela nyiko ya ku hanya na Xikwembu hi laha kunga heriki.

관련정보

무료 다운로드 - 여기에서 다운로드 가능한 여러 언어로 된 주요 GRN 메시지 스크립트, 그림 및 기타 관련 자료를 찾을 수 있습니다.

"Look, Listen and Live" 시청각 자료 - 8개 프로그램의 24개 그림은 각각 체계적인 전도와 그리스도 교육에 매우 적합합니다. 이 시리즈는 구약의 등장 인물과 예수님의 삶, 그리고 젊은 교회에 대하여 배울 수 있으며 수백개의 언어로 제공됩니다.

GRN 시청각 자료 활용 하기 -파트1: 복음 공유를 쉽게 - 이 글은 사역에 사용될 수 있는 다양한 GRN 시청각 자료에 대해 소개합니다.

GRN 시청각 자료 활용하기-파트2: 더 많이 배우기 - 이 글은 어떻게 사람들이 이야기로부터 배우는지, 그리고 왜 이야기에 많은 주석이 없는지에 대한 이유에 대해 추가적으로 설명 합니다.

GRN 오디오 도서관 - 전도와 기본 성경 가르침을 위한 자료는 mp3, CD, 카세트 테이프 형태로 사람들의 필요와 문화에 맞추어졌습니다. 녹음은 성경이야기, 전도 메시지, 말씀 읽기, 노래를 포함하여 다양한 스타일로 구성되었습니다.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?