Lavhelesani, Thetshelesani ni tshile Bugu 5
![Lavhelesani, Thetshelesani ni tshile Bugu 5](https://static.globalrecordings.net/300x200/lll5-00.jpg)
ರೂಪರೇಖೆಯನ್ನು: Elisha, Daniel, Jonah, Nehemiah, Esther. 24 sections. It has a picture book to go along with the recording.
ಸ್ಕ್ರಿಪ್ಟ್ ಸಂಖ್ಯೆ: 422
ಭಾಷೆ: Venda
ಥೀಮ್: Sin and Satan (Deliverance, Sin, disobedience); Christ (Life of Christ, Authority); Character of God (Word of God (the Bible)); Living as a Christian (Worship, Obedience, No other gods, idols, Victory, Faith, trust, believe in Jesus); Bible timeline (Gospel, Good News, People of God); Problems (Problems, troubles, worries)
ಪ್ರೇಕ್ಷಕರು: General
ಶೈಲಿ: Monolog
ಪ್ರಕಾರ: Bible Stories & Teac
ಉದ್ದೇಶ: Teaching
ಬೈಬಲ್ ಉಲ್ಲೇಖ: Extensive
ಸ್ಥಿತಿ: Publishable
ಸ್ಕ್ರಿಪ್ಟ್ ಪಠ್ಯ
Tswikiso
![Tswikiso](https://static.globalrecordings.net/300x200/lll5-00.jpg)
Dzindumeliso (Hee dzikhonani). Bugu ya zwifanyiso dala I ri vhudza nga La vhanna vha Bivhilini vhahulu vhe vha fulufhela, Mudzimu, u vha thusa nga zwifhinga zwa dzikhakhathi. Musi ni tshi thetshelesa khasethe, vulani tshifanyiso tshi tevhelaho musi ni tshi pfa uyu mubvumo.
Tshifanyiso 1: Naamani U Delela Nndu Ya Elisa
![Tshifanyiso 1: Naamani U Delela Nndu Ya Elisa](https://static.globalrecordings.net/300x200/lll5-01.jpg)
2 Dzikhosi 5:1-12
Elisa o vha e mudededzi muhulu na muporofita wa Mudzimu, kha la Isiraele. Linwe duvha munna ane a pfi Naamani o da nduni yawe. O vha e ene mukomanda wa mmbi ya Syria, na hone Syria ndi musi li swina lihulu la Isiraele. Naamani o vha e muhali na munna wa maanda, hone o vha e na mapele (vhulwadze ha lukanda). O da Isiraele ngE a pfa uri Elisa a nga kona u mu fhodza mapele awe. Hone Elisa ho ngo vhuya a bvela nnda u yo mu resha. Elisa o ruma mulanda wawe u yo vhudza Naamani, ari "Tshimbila u yo tamba ka tanu na kavhili mulamboni wa Yorodane........
U do vha wo tamba mapele a u." Naamani o vha o sinyuwa a ri, "Nne ndo vha ndo humbula uri ngoho u do bvela nnda kha nne, a rerelela dzina la Mudzimu wawe, a mpodza mapele anga." Nga u ralo Naamani o tuwa o sinyuwa zwihulu.
Tshifanyiso 2: Naamani Mulamboni
![Tshifanyiso 2: Naamani Mulamboni](https://static.globalrecordings.net/300x200/lll5-02.jpg)
2 Dzikhosi 5:13-19
Mulanda wa Naamani a mukwegeledza u ri a bve kha tsinyuwo na u di hudza. Vha mu kwengeledza u ri a thetshelese ndaela isa dini ya Elisa. Ndi hone Naamani a tshi ya mulamboni wa Yordane a tamba katanu na kavhili. Lavhelesani kha tshifanyiso! Naamani o takala nga maanda. Mapele awe o fhola tshothe. Elisa o vha a sa ofhi muthu ngauri o vha a tshi fulufhela kha Mudzimu muhulu. O vha a tshi zwi divha zwauri Mudzimu wawe a nga ita tshithu tshinwe na tshinwe. O vha a tshi zwidivha vho zwauri munwe na munwe u fanela u thetshelesa Ipfi la Mudzimu. (Bivhili)
Ri fanelavho u humbela Mudzimu u thusa uri ri ite zwire zwone (uri a ri thuse u ita zwivhuya), na u mu fulufhela nga zwifhinga zwothe.
Tshifanyiso 3: Elisa Na Dumbu La (Khavhu Dza) Mulilo
![Tshifanyiso 3: Elisa Na Dumbu La (Khavhu Dza) Mulilo](https://static.globalrecordings.net/300x200/lll5-03.jpg)
2 Dzikhosi 6:8-17
Nga tshifinga hetshi vha Syria ndi musi vhe nndwani na vha Isiraele. Mudzimu o vhudza mulanda wavho Elisa tshifhinga tshothe zwauri vha Syria vha khou ya u tshothela vhaIsiraele, na hone Elisa o divhadza khosi nga ha vha Syria. Khosi ya Syria ya vhudza maswole a yo ya ri, "Iyani ni yo toda uri Elisa u ngafhi, u itela uri ndi kone u rumela vhanna u yo mufara." Nga mutsheloni manwe.
Elisa na mulanda wawe vho bvela nnda na hone vha vhona uri mmbi ya vha Syria yo tanga mudi une vha dzula khawo. Mulanda a vhidzelela a ri, Mune wanga nna ri do ita mini? Elisa ari, "U songo ofha, ngauri havho vha na rine ndi vhanzhi u fhira havho vha re navho." Ndi hone Elisa a tshi humbela Mudzimu u ri a vule mato a mulanda. Mulanda a lavhelesa a vhona mivhundu yo dala nga dzi bere na khavu dza tanga u mona na Elisa. Mudzimu vho rumela hezwi u vha tsireledza.
Dzikhonani, Musi Vhalanda vha Mudzimu vha tshi thetshelesa ndaela dza Mudzimu, Mudzimu vha na maanda a u vha eletshedza na u vha tsireledza. Ngauralo a vha faneli u ofha tshifhio na tshifhio kana nnyi na nnyi.
Tshifanyiso 4: Elisa Na Mmbi Ya Bofu
![Tshifanyiso 4: Elisa Na Mmbi Ya Bofu](https://static.globalrecordings.net/300x200/lll5-04.jpg)
2 Dzikhosi 6:17-23, Vhaheberu 10:30, Mirero 25:21
Musi vha Syria (vho) da tsini u dzhia Elisa, o rabela Mudzimu, a tshi ri, "Irwa vhathu havho nga vhupofu." Ngautavhanya maswole othe a vho ngo tsha kona u vhona. Elisa o ya khavho a ri, "Ntevheleni, ndi ni ise kha munna ane na khou mutoda. Elisa o endedza vhanna vhothe a vha isa Samaria, mudi muhulu wa Isiraele. Henengei Elisa o fara abelo hafhu Mudzimu ari, "Mudzimu vula mato a avha vhanna uri vha kone u vhona." Ndi hone vha Syria vha tshi vhona zwauri vha mudini wa maswina a vho. Khosi ya Isiraele yo vha I tshi toda u vha vhulaha, hone Elisa ari, "Vha neeni zwiliwa na zwa u nwa ni vha litshe vha tuwe." Khosi yo ita zwe Elisa a I vhudza.
Dzikhonani, Mudzimu wa Elisa ndi muhulwane u fhira swina linwe na linwe. Mudzimu vho ri laedza kha Ipfi lavho uri ri songo lifhedza maswina ashu, ngauri Mudzimu vho ri, "U lifhedza ndi hanga; Ndi do lifhela murahu." Mudzimu vho ri vho: Arali swina lanu li na ndala, lifheni li le. -lifusheni, lina dora, li neeni zwa ula."
Tshifanyiso 5: U Thuthwa Ha Samaria
![Tshifanyiso 5: U Thuthwa Ha Samaria](https://static.globalrecordings.net/300x200/lll5-05.jpg)
2 Dzikhosi 6:24 - 7:2
Mmbi ya vha Syria yo dovha hafhu u da u lwa na vha Isiraele. Vho mona na mudi wa Samaria tshifhinga tshilaphu. Hu si kale vha Isiraele vho vha vha sina zwiliwa zwa u la. Lavhelesani kha tshifanyiso. Khosi ya Isiraele yo vha I tshi khou tshimbila kha luvhondo lwa mudi. Vhafumakadzi vhavhili vho da khae. Vho humbela khosi uri ivha thuse. Vho vha vhe na ndala lwe vha vha vha tshi khou la vhana vhavho. Khosi yo vha I sa divhi ya ita. Ndi musi ya sinyuwa nga maanda nge Mudzimu vha si vha tsidza kha vha (vhatsha vha) Syria. A mbo di humbula u vhulaha Elisa, mulanda wa khosi. Huno Elisha a rumela mulaedza hoyu kha khosi ari. Hezwi ndi zwine Mudzimu vhari, "Nga tshifhinga hetshi matshelo, fulauru na Gorou (thoro) dza do rengiswa-getheni la Samaria."
Tshifanyiso 6: Vha Mapele Vhana
![Tshifanyiso 6: Vha Mapele Vhana](https://static.globalrecordings.net/300x200/lll5-06.jpg)
2 Dzikhosi 7:3-20
Nga tshifhinga hetsho vhanna vho vha vho dzula Getheni la Samaria. Vothe vho vha vhe na mapele. Vho vhudzana nga tshavho vha ri, "Naa ndi ngani ri tshi dzula fhano ra fa? Kha ri tuwe ri kha mmbi ya vha Syria." Musi vha Syria vho pfa phosho khulu I no nga mmbi I daho. Vho vha vha tshi ofha lwe vha vhuya vha sia thundu ya vho vha shavha. Musi vhamapele vho da gambani ya vha Syria, ho vha hu sina na muthihi hone. Vhamapele vho dzhia zwiliwa na tshinwe na tshinwe tshe vha toda.
Ndi hone vha tshi ri nga tshavho, "A ri khou ita tshi re tsha vhudi. Heli ndi duvha na mafhungo madifha, na hone ri khou li vhulungela rine vhane." Ngautavhanya vho vhuyelela Yerusalema vha amba mafhungo a yo mudini kha mulinda khoro we a vhudza mushumeli wa khosi. Na hone hu si kale vhathu vho vha vha tshi vho rengisa zwiliwa Khoroni ya Samaria, sa zwe Mudzimu vha amba na nga Elisha. Mudzimu vho tshidza Isiraele kha maswina a vho na hone Mudzimu vho tshidza mulanda wa vho Elisha vho. Mudzimu a vha funi na muthihi a tshi ya fhethu ha tshitarafu tsha lini na lini. Haya ndi Mafhungo Madifha a bvalo kha Ipfi la Mudzimu na hone ri fanela u li kovhe kana na vhanwe.
Tshifanyiso 7: Yona a Tshi Shavha Mudzimu
![Tshifanyiso 7: Yona a Tshi Shavha Mudzimu](https://static.globalrecordings.net/300x200/lll5-07.jpg)
Yona 1:1-7
Musi Elisha ono fa ho vha na munwe muporofita kha la Isiraele a no pfi Yona. Mudzimu vho ri kha Yona, "I yai mudini muhulu wa Ninive, u u huwelele. Ndi a divha zwauri vhathu vha hone ndi vha vhi hani." Vhathu vha Ninive ndi musi vhe maswina a Isiraele. Yona o vha a sa funi u ya khavho, ndi hone a tshi lingedza u shavha (Mudzimu). O wana Gungwa li yaho shangoni la kule. O badela mutengo wa lwendo, gungwa la tala la tuwa. Hu si kale ha mbo di vuwa dumbu lwanzheni. Vhtahu vha re gungwani vha ofha. Vha ri, "Kha ri ite madenwa uri ri vhone uri ndi nnyi we a ri tulela iyi khombo." Vha ita madenwa vha wana zwauri zwo itiswa nga Yona.
Tshifanyiso 8: Yona Na Khovhe Khulu
![Tshifanyiso 8: Yona Na Khovhe Khulu](https://static.globalrecordings.net/300x200/lll5-08.jpg)
Yona 1:8 - 2:10
Vha tali vha ri kha Yona, Naa wo ita mini? A vha vhudza zwauri u khou shavha Mudzimu. Ndi hone vha tshi muvhudzisa uri, Naa ri do ita mini u ri lwanzhe lu dzike, Yona a fhindula a ri, "Mposeni lwanzheni. Ndi a zwi divha zwauri ndi mulandu wanga uri dumbu heli lihulu li de kha inwi. Vhathu vho vha vha sa funi u vhulaha Yona, huno dumbu la di nana li tshi hulela, ndi hone vha tshi muposa lwanzheni. Naho zwo ralo Yona ho ngo fela ngomu madini. Lavhelesani kha tshifanyiso! Khovhe khulu yo mba mila Yona. O dzula ngomu (thumbuni) hayo a tshi khou tshila maduvha mararu. Ndi hone khovhe I tshi (mu)tanzela Yona nnda kha shango lo omaho.
Tshifanyiso 9: Yona E Ninive
![Tshifanyiso 9: Yona E Ninive](https://static.globalrecordings.net/300x200/lll5-09.jpg)
Yona 3:1-10
Mudzimu vho dovha vha amba na Yona. Vhari, "Tshimbila u ye Ninive u huwelele kha vho Mulaedza une nda khou vhudza." Ndi hone Yona a tshi thetshelesa Mudzimu a ya Ninive, a kaidza vhathu a tshi ri, "Nga murahu ha maduvha a fuina Ninive u do tshinyadzwa." Khosi na vhathu vhothe vha Isiraele Mudzimu uri a vha tshidze. Vho tutshela ndila mbi dzavho, ngauralo Mudzimu vha vhofha la u sa tsha vha tshinyadza.
Dzikhonani, rine rothe ri tou nga Yona na vhathu vha Ninive. Rothe a rongo thetshelesa Mudzimu na hone ro ita zwithu zwivhi. Ro fanelwa nga u tungufhadziwa. Hone Mudzimu vha a ri funa. Vho rumela Yesu u ri kaidza, na u ri tshidza u itela uri thamusi ri do tutshela vhuvhi. Yesu o fela zwivhi zwashu. O vha e tshaloni maduvha mararu, sa musi Yona o vha e thumbuni ya khovhe maduvha mararu. Yesu o vuva vhafuni. Zwino U do nea vhutshilo vhu sa fheli vhothe vhane vha do tutshela zwivhi na vhuvhi vha tevhela ndila ya Yesu.
Tshifanyiso 10: Estere Na Khosi
![Tshifanyiso 10: Estere Na Khosi](https://static.globalrecordings.net/300x200/lll5-10.jpg)
Estere 1:1 - 2:18
Estere o vha e musidzana mutuku wa Muynda a bvaho shangoni la Isiraele. Vhabebi vhawe vho vha vho no lovha, huno Modekai, malume wawe vho mudzhia vha muvhavhalela (aiusa). Nga murahu ha nndwa, Estere na Modekai vho thubwa na vhathu vha Isiraele, vha tuwiwa na vho vha iswa shangoni la Peresia. Khosi ya Peresia yo vha I munna wa maanda. Munwe na munwe o vha a tshi mu ofha. Musi mutanuni wa yo a sa I takadzi yo vha I tshi dzhia munwe. Nga u ralo yo vhidza vhasidzana vhatuku vha lunako muvhusoni wa yo u ri vha diswe pfamoni ya yo. (nnduni khulu) Vhukati ha vhenevho vhothe, ya Nanga Estere a vha mutamuni wa yo muswa. Huno Estere hongo vhudza muthu na muthihi u ri ene ndi Muyuda.
Tshifanyiso 11: Modekai U Hana U Gwadama Fhasi
![Tshifanyiso 11: Modekai U Hana U Gwadama Fhasi](https://static.globalrecordings.net/300x200/lll5-11.jpg)
Estere 3:1 - 4:17, 5:14; Johane 3:16
Hamani o vha e munna are mudivhalea kha la Peresia. Vhathu vhothe vho vha tshi gwadama fhasi vha tshi sumbedza thonifho kha Hamani musi a tshi fhira. Modekai ene o vha a sa ralo. Modekai o vha wau a luvha fhedzi muthihi are Mudzimu wa ngoho. O hana u luvha Hamani. (U gwadamela Hamani.) Hamani o sinyuwa. O vha o di lugisela uri a ite ndifhedzo yawe kha Modekai. Linwe duvha o vhudza khosi a ri, "Hu na lushaka lune wa lu vhusa lwo balanganaho vhukati ha vhathu kha mivhundu yothe ya Muvhuso wau. A vha tevhedzi milayo ya khosi. O vha a tshi khou amba vha Yuda. Hamani o dovhavho ari, "Nga zwi itwe naa mulayo uri vha fanela u tshinyadzwa." Hamani o nea khosi tshelede. Khosi ya rwele tari khumbelo yawe, hone ya hana tshelede. Mulayo wo itwa shangoni lothe la muvhuso wa Peresia, wa u vhulaya vhaYuda vhothe na u vha dzhiela thundu yavho nga linwe la Maduvha. Hamani o vha o ita tshinembeledzi tshihulu tshine khatsho a do nembeledza Modekai. Modekai o vhudza Estere uri u fanela u ya ha khosi u humbelela vhathu vha hawe.
Hone Estere a ri, "Arali nnyi na nnyi a ya ha khosi a songo tou vhidzwa, onoyo u fanela u fa. A humbela vha Yuda u ri vha sa le, vha sa nwe maduvha mararu vha tshi khou murabelela. Ene na vhalanda vhawe vha do itavho zwenezwo. A dovha ari, "Nga murahu ha hezwo ndi do ya ha khosi. na ho zwi tshi lwa na mulayo. Na hone nda fa, ndi do fa zwanga." Fhungo la Mudzimu liri funza uri Vhatendi vhafanela u takalela u nekedzela vhutshilo havho vha (heishu ri) tshi itela vharathu na dzikhaladzi dza vha Kriste.
Tshifanyiso 12: Munyanya Wa Estere
![Tshifanyiso 12: Munyanya Wa Estere](https://static.globalrecordings.net/300x200/lll5-12.jpg)
Estere 5:1 - 7:10
Mudzimu vho fhindula dzithabelo dza vha Yuda. Khosi ya nea thendelo ya uri Estere a ambe nae. A mu rambela u da vhutamboni ha sipeshala vhuvhili na hone a rambavho na Hamani. Vhutamboni khosi ya vhudzisa ya ri, "Mutanuni Estere, naa u toda mini?" Estere a fhindula ari, Lutamo lwanga na vhathu vhanga ri a tshila, hone ro rengiselwa u vhulahwa." Khosi ya ri, U yo munna ndi nnyi na hone u ngafhi ane a toda u ita zwithu izwo?
Ndi hone Estere a tshi ri, "Swina lashu ndi hoyu munna Hamani."
Khosi yo sinyuwa nga maanda musi itshi pfa pulane mmbi dza Hamani, lwe a ita uri Hamani a nembeledzwe kha tshinembeledzi tshe Hamani a vha o tshi lugisela Modekai, ndi hone vha Yuda vhothe vha tshi tshidzwa. Dzikhonani, Estere o vha a tshi tama u fa, a tshi fela I tshidza vhathu vha hawe uri vha sa vhulahwe. Hone humbulani Yesu. O ri funa nga maanda lwe a fela u ri tshidza a tshi itela uri rine ri songo dzhena fhethu ha tshitarafu tsha lini na lini, tshe tsha vha tsho ri fanela nga nwambo wa zwivhi zwashu.
Tswikiso
![Tswikiso](https://static.globalrecordings.net/300x200/lll5-00.jpg)
Vhanna vha vhili Daniele na Nehemia vho kombe tshedzwa u tshila shangoni la maswina a vho. Hone vho luvha muthihi are Mudzimu wa ngoho, na hone vho vha vhanna vhahulu vha Mudzimu. Lavhelesani kha tshifanyiso tshi tevhelelaho kha bugu musi ni tshi pfa muungo hoyu.
Tshifanyiso 13: Daniele Na Khonani Dzawe
![Tshifanyiso 13: Daniele Na Khonani Dzawe](https://static.globalrecordings.net/300x200/lll5-13.jpg)
Daniele 1:1-21
Tshifanyiso he tshi tshi sumbedza Daniele na khonani dzawe thara dza khwine. Vho vha vhe vha Yuda. Vho vha vhodzhiwa vha iswa shangoni la Babeloni nga maswina a vho. Khosi ya Babeloni yo vha I tshi toda uri vha mu shumele. Ngauralo vho vha vha tshi fanela u guda luambo na maitele a Babeloni. Daniele na khonani dzawe vho hana u la zwiliwa zwavhudi zwa khosi. Hezwi zwo vha zwi tshi hanedzana na maitele a vha Yuda. Vho vha vha tshi divha zwauri vha fanela u tevhedza milayo ya Mudzimu na u muhulisa. Ngauralo vha humbela muroho ya u la, na madi a u nwa. Vhathu vhane vha vha thogomela vho vha vha tshi ofha uri vha do o nda na u lwala. Hone Mudzimu vho vha vhavhalela vha takala na u thanya (kwatha) u fhira vhanwe vhanna vhothe vhe vhavha vha tshi shumela khosi ya Babeloni.
Tshifanyiso 14: Daniele Na Khosi Ya Babeloni
![Tshifanyiso 14: Daniele Na Khosi Ya Babeloni](https://static.globalrecordings.net/300x200/lll5-14.jpg)
Daniele 2:1-49
Khosi ya Babeloni ya lora muloro. A humbela vhanna vhawe na dzi nanga uri vha muvhadze zwine muloro wawe wa amba zwone. Hone hu si vhe na muthihi we a kona u muvhudza, ndi hone a tshi humbula/phetha la u vha vhulaha vhothe. Ndi hone Daniele na dzikhonani dzawe vha tshi rabela Mudzimu. Ndi hone Mudzimu vha tshi dzumbululela Daniele Muloro wa khosi. Daniele a ya ha khosi a ri, "Huno Mudzimu wa tadulu vha dzumbulula zwiphiri. Hoyu Mudzimu u khou vhudza khosi zwine zwa do itea tshifhingani tshi daho."
Daniele a vhudza khosi a ri kha muloro wayo yo vhona mivhuso yothe ya shangoni, na hone ya vhona vho na muvhuso muhulu une wa tshinyadza minwe yothe. Ndi Muvhuso wa Mudzimu une wa vha wa lini na lini. Khosi yo takalela maipfa a Daniele. Vhanna vha vhutali na mingome ya tendelwa u tshila, na hone Daniele a itwa muvhusi nga fhasi ha khosi kha llothe la Babeloni. Zwothe zwine zwa itea shangoni heli zwi nga fhasi ha Ndaulo (maanda) a hoyu Mudzimu Muhulu ane Daniele a mu amba. Ngauralo ri songo shanduka ra vha mingome na dzivianga (nanga) dza vhuloi, hone ri shandukele kha Mudzimu, ri Mu fulufhele ri tshi ita zwi re zwone.
Tshifanyiso 15: Tshifanyiso Tsha Mudzimu
![Tshifanyiso 15: Tshifanyiso Tsha Mudzimu](https://static.globalrecordings.net/300x200/lll5-15.jpg)
Daniele 3:1-12
Khosi ya Babeloni yo imisa tshifanyiso tshihulu tsha musuku. O vhidza vhahulisei vhawe vhothe uri vha de vha vhone tshifanyiso. Vhalanda vha khosi ndi hone vha tshi vhudza vhathu henefho vha ri.
"Musi ni tshi pfa mubvumo wa luimbo nothe ni fanela u wela fhasi na losha tshifanyiso tsha musuku. Nnyi na nnyi ane a si tshi loshe, anoyo u do poswa dzivhani la mulilo (nandoni ya mulilo). Khonani dza Daniele Shadraka, Meshaka na Abedenego, vho hana u losha tshifanyiso.
Vho losha fhedzi Mudzimu. Vhanwe vhanna vho ya ha Khosi vha ri, "Huna vha Yuda vhanwe kha muvhuso wau vhane vha sa u thetshelese. A vha shumeli midzimu yau kana u losha tshifanyiso tsha musuku."
Tshifanyiso 16: Nando Ya Mulilo
![Tshifanyiso 16: Nando Ya Mulilo](https://static.globalrecordings.net/300x200/lll5-16.jpg)
Daniele 3:13-28, Exodo 20:3-5
Khosi ya rumela kha dzikhonani tharu dza Daniela. Ya ri khavho, "Arali ni sa loshi tshifanyiso tsha musuku ni do poswa nandoni ya mulilo. Ndi mudzimu u fhio ane a do ni phulusa zwandani zwanga. Vhanna vha fhindula vha ri, "Mudzimu ane ra mu (gwadamela) u a kona u ri tshidza, naho arali a sa ri phulusa, a ri nga do losha tshifanyiso tsha musuku." Ngauralo Shadraka, Meshaka na Abedenego vho posiwa nandoni ya mulilo. Ndi hone khosi i tshi vhidzelela ya ri, "Lavhelesani, ndi vhona vhanna vhana vha tshimbilaho muliloni, wa vhuna Muthihi u tou nga murwa wa mudzimu (kana Murwa wa Mudzimu). Musi vhararu vha tshi bva muliloni vho vha vha songo vhuya vha swa. Khosi ya ri, "Nga hu rendiwe Mudzimu wa Shadraka, Meshaka ha Abedenego we a rumela Murunwa a phulusa a tshidza vhalanda Vhawe........Ngauri a huna munwe Mudzimu ane a kona u tshidza nga heyi ndila."
Dzikhonani, Mudzimu hoyu muthihi o laedza vhathu vhothe a ri, "Ni songo vha na minwe midzimu phanda Hanga, na hone ni songo di itela tshifanyiso na tshi gwadamela na tshi shumela."
Tshifanyiso 17: Daniele U Rabela Mudzimu
![Tshifanyiso 17: Daniele U Rabela Mudzimu](https://static.globalrecordings.net/300x200/lll5-17.jpg)
Daniele 6:1-13
Daniele o vha e na maanda mahulu shangoni ilo. (Babeloni) Vhanwe vha divhalea vho vha vha tshi mu itela vivho nga maanda. Vho vha vha sa koni u mu wana mulandu, ngauri Daniele ovha a tshi thetshelesa Khosi. Ngauralo maswina a Daniele vho ya ha khosi vha ri, "Khosi ifanela u bvisa ndaela (a ite mulayo) une wa ri nnyi na nnyi ane a rabela munwe mudzimu kana muthu, nga tshifinga tsha maduvha a mahumi mararu atevhelaho nga nndani ha, Iwe khosi, a poswe bakoni la dzindau." Khosi ya tendela a vho vhanna ya ita mulayo muswa. Daniele a pfa nga ha mulayo muswa wa khosi, huno a di isa phanda u rabela Mudzimu luraru nga duvha, sa nga musi. Musi maswina awe a tshi mu vhona a tshi khou rabela, vho ya vha vhudza khosi vha ri, Daniele ha ngo thetshelesa mulayo we wa u ita."
Tshifanyiso 18: Daniele Bakoni La Dzindau
![Tshifanyiso 18: Daniele Bakoni La Dzindau](https://static.globalrecordings.net/300x200/lll5-18.jpg)
Daniele 6:14-24
Khosi yo vha isa funi Daniele a tshi fela bakoni la dzi ndau, hone yo vha isa koni u shandukisa mulayo. Ngauralo Daniele a posiwa bakoni la dzindau. Nga matsheloni tsheloni khosi ya gidimela bakni la dzi ndau ya vhidzelela ya ri, Daniele, mulanda wa Mudzimu a tshilaho, naa Mudzimu wau o kona u u phulusa kha dzindau naa? Daniele a fhindula ari, "Mudzimu wanga o rumela Murunwa Wawe a vala milomo ya dzi ndau." Khosi yo takala nga maanda. Daniele a bviswa bakoni la dzindau.
Nga ndaela ya khosi, maswina a Daniele vha posiwa kha dzindau, ngautavhanaya dzindau dza vha kherukanya vha vha zwi pida pida.
Dzikhonani, Ri songo ofha zwine vhathu vha nga zwi ita kha rine arali ri tshi fulufhela kha Mudzimu a tshilaho we a thusa Daniele na dzikhonani dzawe. Naho vhathu vha tshi ri vhulaha ri kha di vha na fulufhelo, nga uri Yesu o bva ha Mudzimu a tshi itela u (ri) fha Vhutshilo vhu sa fheli, no vhothe vha mufunaho na u Mushumela.
Tshifanyiso 19: Nehemia Phanda Ha Khosi Khulu
![Tshifanyiso 19: Nehemia Phanda Ha Khosi Khulu](https://static.globalrecordings.net/300x200/lll5-19.jpg)
Nehemia 1:1 - 2:7
Nehemia o tshila Babeloni nga murahu ha tshifinga tsha Daniele. Nehemia o vha e muYuda vho we a vha a tshi fulufhela Mudzimu. Nehemia o vha e mulanda wa khosi khulu. Nga linwe duvha musi a tshi khou nea waini khosi, khosi yo ri khae, "Ndi ngani tshifatuwo tshau tsho tungufhala." Nehemia o vha o tungufhala ngauri Yerusalema, mudi wa vho makhulu kuku wawe, wo vha u shubi na uri vha Yuda vhe vha vha vha tshi dzula hone vho vha vhe khomboni khulu. Nga uralo Nehemia o vhudza khosi nga ha Yerusalema na nga vhathu, vha Yuda. Ndi hone khosi I tshi ri, "Naa hu na tshinwe tshine wa toda u mbudzisa tshone naa?" Nehemia a sa pfali a rabela Mudzimu, na hone ari kha khosi, "Arali zwi tshi nga takadza khosi, (iwe) u nthumele kha Mudi wa vho khotsi anga, u itela uri ndi hu fhatulule."Mudzimu vho fhindula thabelo ya Nehemia, khosi ya nea thandelo kha khumbelo yawe. Mudzimu vha vhusa ntha ha mahosi o the na u vhusa heli shango, na uri musi vhathu vha Mudzimu vha tshi Mu rabela, vha ita zwithu zwine zwa Mutakadza, ndi hone Mudzimu vha tshi do tendela dzi khumbelo dzothe dzine dza tendelana na Lufuno Lwawe.
Tshifanyiso 20: Nehemia a Tshi Lavhelesa Mudi Wo Pwashekanaho
![Tshifanyiso 20: Nehemia a Tshi Lavhelesa Mudi Wo Pwashekanaho](https://static.globalrecordings.net/300x200/lll5-20.jpg)
Nehemia 2:8-20
Khosi yo nea Nehemia thundu dza u fhata ngadzo, na vhanna vha u muthusa. Nehemia na vhatu vhawe vho tshimbila lwendo lwothe vha tshi ya Yerusalema. Maswina a vha Yuda o pfa ngaha Nehemia na pulane dzawe. Na hone vho sinyuwa. Vho vha vha sa funi na muthu na muthihi a tshi thusa vha Yuda. Nehemia o vha a sa ofhi maswina. O vha a tshi funa u tola Yerusalema, ngauralo a namela hothe kha dzimbondo dzo pwashekanaho dza mudi.
O ya vhusiku a tshi itela uri hu sa vhe na muthu na muthihi a divhaho zwe a ita. Matsheloni a tevhelaho Nehemia o vhidza vha Yuda ari, "Idani ri fhatulule luvhondo lwa Yerusalema na hone a ri tsha do dovha ra pfa vhutungu (ra shona nga zwo)." O vha vhudza uri Mudzimu u na Ene, na uri u na thendelelo ya khosi ya Babeloni. Ngauralo vha Yuda vha fhindula vhari, "Kha ri thome u fhatulula."
Tshifanyiso 21: U Fhata Dzimbono
![Tshifanyiso 21: U Fhata Dzimbono](https://static.globalrecordings.net/300x200/lll5-21.jpg)
Nehemia 3:1 - 6:19
Lavhelesani tshifanyiso. Vha Yuda vho thoma u shuma. Vhanwe vho swiela tshika vha lata kule, vhanwe vha tshi khou fhata dzimbondo na u kwea magethe. Maswina a vha Yuda o sinyuwa nga maanda. Ngauralo Nehemia o rabela hafhu Mudzimu. O vha a tshi funa Mudzimu vha tshi musumbedza zwine a tea u ita. Ndi hone a tshi vhea kha luvhondo vhanna vho di tamaho u linda vha shumi. Munwe na munwe o dzhia a di lugisela nndwa. Maswina a vho ngo kona u vhulaha Nehemia kana vhanwe vha Yuda. Ngauralo mushumo wo bvela phanda na hone maduvha a 52 fhedzi luvhondo lwo fhatululwa. Ri tahela vhutali ha u divha tshire tshone. Rothe ri tahela (shaya) maanda. A u divha tshi re tshone. Mudzimu u na vhutali hothe na maanda. U fana na Nehemia ri fanela u rabela Mudzimu, ri Mu fulufhele na u thetshelesa Ipfi Lawe, na hone ri divhe uri Mudzimu washu vha do ri lwela.
Tshifanyiso 22: Esera U Vhala Mulayo
![Tshifanyiso 22: Esera U Vhala Mulayo](https://static.globalrecordings.net/300x200/lll5-22.jpg)
Nehemia 8:1 - 13:31
Nga murahu ha musi dzimbondo dzo no fhela, vha Isiraele vho kuvhangana vhothe Yerusalema. Esera tshifhe wa Mudzimu, o vhala Mulayo wa Mudzimu. Ndi kha Ipfi la Mudzimu, Bivhili. Vhanwe vha vhathu vho thoma u lila. Vho zwi divha zwauri a vhongo thetshelesa milayo ya Mudzimu. Ndi tshone tsho itisaho zwauri Mudzimu vha litshe maswina a tshi tshinyadza mudi wavho. Vha Yuda vho toda u tutshela ndila dza vho dza zwivhi vha fulufhela/tevhela dzindila dza Mudzimu hafhu. Nehemia a ri kha vhathu, "Ni songo tungufhala, ngauri Dakalo la Mudzimu ndi maanda anu." Dzikhonani, na ni na dakalo naa? Mudzimu vha ri nea dakalo na maanda Muyani musi ri tshi divha Mudzimu na u thetshelesa Ipfi Lawe Likethwa, (Bivhili) I mani ndi ni vhudze uri ni nga divha hani Mudzimu wa Nehemia. Ndi ene Muthihi Ene ethe Mudzimu wa ngoho.
Tshifanyiso 23: Yesu Kha Tshifhambano
![Tshifanyiso 23: Yesu Kha Tshifhambano](https://static.globalrecordings.net/300x200/lll5-23.jpg)
Johane 19:17-30
Hu na ndila nthihi fhedzi ya u divha (Muvhumbi muhulu)Mudzimu. Mudzimu vho rumela Murwa Wavho, Yesu u ri sumbedza ndila. Yesu o tshila shangoni minwaha mizhi kale kale. O ita zwithu zwinzhi zwavhudi u thusa vhathu. O ri sumbedza uri ri nga tshila ri tshi takadza hani Mudzimu. Hone a rongo tevhela dzindila dzawe. Rothe ro itela Mudzimu tshivhi. Mudzimu vha tarafa (u rwa) vhatshinyi vha hanaho dzindila Dzawe na hone nga murahu ha lufu, rumela hoyo muthu kule na tshifhatuwo tshawe fhethu ha hele hu dugaho mulilo usa dzimi. Ipfi la Mudzimu li ri funza u ri Mudzimu vho vhumba muthu wa u thoma a tshi bva kha buse la maru na uri musi a tshi fa, mivhili yashu I humela buseni.
Hone Muya wa muthu, une wa vha tshipida tshashu u do humela kha Mudzimu we a u fha muthu, henengei ri do tanganedza tshitarafu tsha Mudzimu kana pfufho. Thetshelesani, Mudzimu vho tshidza Elisha na Daniele u ri vha sa vhulahwe nga zwanda zwa vhalhu (vhanna). Hone Mudzimu vho tendela vhathu vha tshi vhulaha Yesu. Vho mu vhamba kha tshi fhambano tsha thanda. Yesu o tanganedza tshitarafu tsha zwivhizwa munwe na munwe ngauri u a funa vhathu vhothe. Zwino arali ri tshi shanduka ra di sola, Mudzimu vha do ri hangwela zwivhi u itela uri ri kone u mu divha na u tevhela Ndila Yawe hafhu. Ngauri kha vha tevheli vha Ngoho vha Yesu, a hu nga do vha na tshitarafu nga murahu ha lufu, hone vha do mufuna na u Mushumela u swika lini na lini (ngei tadulu.)
Tshifanyiso 24: Yesu U Sumba Ndila Ya U Ya Vhutshiloni Vhu Sa Fheli
![Tshifanyiso 24: Yesu U Sumba Ndila Ya U Ya Vhutshiloni Vhu Sa Fheli](https://static.globalrecordings.net/300x200/lll5-24.jpg)
Joh. 14:6; Matthew 7:13-14
Dzikhonani, Musi vhathu vha tshi dzulela u sa thetshelesa Mudzimu, vha khou tshimbila kha ndila ya khulu, hune Sathane a vha mune wa vhuvhi hothe. Ndila heyi I sa fhethu ha tshitarafuni tsha lini na lini. Munwe na munwe we a bebwa shangoni heli u dzhena kha ndila heyi khulu. (Hezwi ndi zwa ngoho kha nne na vhone.) Ngauri Ipfi la Mudzimu liri, "Vho tshinya vhothe." Ngauri vhathu vhothe vho tshinya, vhothe vho linganwa nga tshitarafu tsha Mudzimu. Hone Mudzimu vho rumela Murwa Wavho Yesu u dela u tusa tshitarafu maimoni ashu.
Mudzimu vho vusa Yesu vhafuni, na hone zwino vha a tshila u itela uri sumbedza Ndila ya u humela ha Mudzimu. Yesu o ri, "Ndi Nne Ndila na Mafhungo ngoho na Vhutshilo, a huna ane a da ha Khothi arali asa di nga Nne." Havho vhane vha tevhela Ndila ya Yesu, a vha nga do dzhena fhethu ha u tambula la lini na lini, hone Sathane na vhothe vha tevhelaho ndila yawe vha do ya henefho. Ri fanela u tevhela Ndila ya Yesu zwino. I a konda na hone ndi Ndila (ire) tsekene. Na hone nga mulandu wa vhuvhi shangoni heli vhathu vha do tambula shangoni. Hone Yesu tshifhinga tshothe u na havho vha mutevhelaho, a tshi vha nea maanda awe. Ngauri kha vha tevheli vha Yesu, hu na fulufhelo ngauri ndila ya Yesu I livha tadulu. Tadulu a hu na mathupho, huna dakalo na mulalo usa pheli, ngauri vhothe vha yaho tadulu, vha do shumela na u funa Mudzimu, na hone vha do dzula vhe phanda ha Mudzimu misi yothe.
Arali ni tshi funa u tutshela ndila ya Sathane na tshimbila kha Ndila ya Yesu ino isa ha Mudzimu, ni nga rabela nga ndila heyi, "Mudzimu Khotsi, a re tadulu, ndo tshimbila nga ya Sathane ndi tshi tevhela lufuno lwanga, na nyemulo dzanga, mihumbi (mbulo) mivhi yanga na ndila mmbi dzanga. Kha vha nkhangwele, nne Muita zwivhi. Ndi a livhuha Yesu Murena zwe wa fa kha tshifhambano, Vha tshi tusa tshitarafu tsha zwivhi zwanga. Ndi a livhuha nge malofha au a ntanzwa zwivhi zwothe. Murena Yesu, ndi a u tanganedza sa Murena na Mutshidzi wanga.
Ndi a livhuha nge nga Muya wau Mukhethwa wa mpha maanda a u vha nwana wa Mudzimu na u thetshelesa Ipfi la Mudzimu. (Bivhili) Dzinani la Yesu ndi humbela he zwi zwothe. Amen. (signal)