Buukhu 5 Woone, Wiiwe ni okhale
![Buukhu 5 Woone, Wiiwe ni okhale](https://static.globalrecordings.net/300x200/lll5-00.jpg)
ರೂಪರೇಖೆಯನ್ನು: Elisha, Daniel, Jonah, Nehemiah, Esther. 24 sections. It has a picture book to go along with the recording.
ಸ್ಕ್ರಿಪ್ಟ್ ಸಂಖ್ಯೆ: 422
ಭಾಷೆ: Xirima
ಥೀಮ್: Sin and Satan (Deliverance, Sin, disobedience); Christ (Life of Christ, Authority); Character of God (Word of God (the Bible)); Living as a Christian (Worship, Obedience, No other gods, idols, Victory, Faith, trust, believe in Jesus); Bible timeline (Gospel, Good News, People of God); Problems (Problems, troubles, worries)
ಪ್ರೇಕ್ಷಕರು: General
ಶೈಲಿ: Monolog
ಪ್ರಕಾರ: Bible Stories & Teac
ಉದ್ದೇಶ: Teaching
ಬೈಬಲ್ ಉಲ್ಲೇಖ: Extensive
ಸ್ಥಿತಿ: Publishable
ಸ್ಕ್ರಿಪ್ಟ್ ಪಠ್ಯ
Masu Oopacera
![Masu Oopacera](https://static.globalrecordings.net/300x200/lll5-00.jpg)
Mooni atthu ootheene. Buukhu oorimbelela oninleela sa atokweene akhalayi yaamuroromela Muluku ihuhu sa milattu. Mwiiwa oruma, ngweheke ethoonyihero ekina yohoolo.
Ethoonyihero 1: Naamani omuxekura mprofeeti a Muluku
![Ethoonyihero 1: Naamani omuxekura mprofeeti a Muluku](https://static.globalrecordings.net/300x200/lll5-01.jpg)
Elisa aari mprofeeti a Muluku oIsrayel. Nihiku nimoha, aaphiya mutokweene eeriwa Naamani owanyawe. Naamani aari mutokweene a anakhotto oSiria, ni aSiria yaari amwiittani oIsrayel. Owo aakhalano eretta ya makokho, tivawo aarongwaawe wa Elisa aahiiwa weera Elisa onoowera omulamiha erettaawe. Owo aattimula elap'waawe ni itthu sincipale soomvaha yoole eera amulamihe. Aphiyakaru owanyawe Elisa, Elisa khaakhumme mpaani, aarumme anamutekwaawe weera mwamuleele: "Aroweke omoolokoni Yordanu arapeke vathanu ni veeli, onoolama erettaawe." Naamani aanyoonyiwa, niwooko uupuwela weera apaale Elisa muneene ookhala eeraawe avare. Vaavaale, Naamani aattimula anyoonyiweene vancipale.
Ethoonyihero 2: Naamani oolamihiwa erettaawe
![Ethoonyihero 2: Naamani oolamihiwa erettaawe](https://static.globalrecordings.net/300x200/lll5-02.jpg)
Anamiteko aNaamani yaamucoondelela weera ahiye onyoonyiwa wawe ni wiivuwihawawe. Ni Naamani aarowa omoolokoni Yordanu aarapa vathanu ni veeli ntoko aaleeliwaawe ni mulopwana a Muluku. Ngwehe vethoonyiheroni! Naamani oohakalala!. Erettaawe yoolama yootheene. Aahokoleela wa mprofeeti ni aaheera: "Vano koosuwela weera Muluku o Israyel, Muluku eekhaikhai." Ovinyero vaavaale, orowa ohoolo, Naamani aamvekela Muluku eekhaikhai paahi. Ni aatthunatho omvaha Elisa itthu sincipale, Elisa khaakhulenle, aahimaka: "Muluku oolamiihe."
Ethoonyihero 3: Elisa ni anakhotto a Muluku
![Ethoonyihero 3: Elisa ni anakhotto a Muluku](https://static.globalrecordings.net/300x200/lll5-03.jpg)
Mukwaha mmoha mwene oSiria ahaaruma anakhott'waawe weera yawane ni aIsrayel. Muluku aamoonihera Elisa etthu yaatthunaaya opaka aSiria, atapanyihaka mirukusaya. Hiiho saaheereya vancipale. Mwene oSiria anyoonyiweene vancipale, aahuupuwela weera mwa hiyo ookhala namootha onaaleela mirukusahu aIsrayel. Anakhottowaawe yaamweerela: "Mprofeeti Elisa onsuwela sootheene niwooko Muluku oIsrayel ti onaaleela". Amwene yaahaaruma anakhotto ancipale weera yamvare Elisa. Ohinaxe, namuteko Elisa avinyaka, aawoona anakhotto erukurenreene. Aahoova vancipale ni aaheera: "Nneere heeni?" Elisa aahaakhula: "Ohoove, yaattiye ari ni hiyo waapwaha awo." Elisa aamvekela Muluku weera mayitho anamutekwaawe ehuleye, ni owo aawoona anakhotto ancipale amooro yaarukurenreene nipuro yaaraaya. Yaari anakhotto a Muluku weera yaakhapelele anamutekwaawe. Muluk'weene yoowo aavara muteeko, nlelo onnavara muteeko ni hiyo.
Ethoonyihero 4: Elisa ni anakhotto yahoona
![Ethoonyihero 4: Elisa ni anakhotto yahoona](https://static.globalrecordings.net/300x200/lll5-04.jpg)
ASiria yaattamelaaya wa Elisa weera emvare, Elisa aamvekela Muluku weera mwaawale mayitho ehooneke. Vanaanoru, yaawaleya mayitho waya ni Elisa aawaattamela ni aaheera: "Kinimooholani mpaka wa mulopwana munintthunaanyu." Mprofeeti aahaakuxa mpaka yaaraayawo ecidade etokweene yo Israyel. Weiwo, aavekela weera mayitho waya ehuleye. Ni awo yaahoona weera yaarukureriwa ni anakhotto aIsrayel. Mwene oIsrayel aatthuna owiiva, vano mprofeeti aaheera: "Mwaavahe yooca ni mwaahiye epwaheke owanyaya."
Muluku a Elisa, Mulukwaahutho. Owo mutokweenexa waapwaha amwiittanaahu. Tivawo khontthuneya woova namuroromela Yoowo. Othanaru Yeesu oonihusihatho weera naasiveleke amwiittanaahu ni naavekeleleke annittharatthara weera nikhale anamwane a Muluku.
Ethoonyihero 5: Orukureriwa wa oSamaria
![Ethoonyihero 5: Orukureriwa wa oSamaria](https://static.globalrecordings.net/300x200/lll5-05.jpg)
Saavira iyaakha, ni anakhotto oSiria yaarowatho owana ni aIsrayel. Awo yaarukurera ecidade ya oSamaria. Yaavira ehuhu yincipale mpaka atthu ohoona yooca. Mwene oIsrayel yaarukurera ewapo ya ecidade. Yaawaattamela athiana eeli. Yahaacondelela amwene weera yaakhavihere. Yaavoliwa ettala mpaka waakhuura anamwanaaya. Amwene khayoona yooweera. Yaamunyoonyeriwa Muluku niwooko khaavuluxa wa amwiittanaaya aSiriya. Ni yaahuupuwela omwiiva Elisa, namuteko a Muluku.
Elisa aarumiha mitthenga waamwene. Owo aaheera: "Omaalo sinookhala sooca ecidadeene yeela. Imaara sincipale sinooniphwanya ehuhu yoonyoonya, nlelo Muluku onnawehaweha.
Ethoonyihero 6: Alipa amakokho axexe
![Ethoonyihero 6: Alipa amakokho axexe](https://static.globalrecordings.net/300x200/lll5-06.jpg)
Ehuhuweene yeele yaakhala atthu yaavoreiwa makokho axexe yaakhala vamulako va ewapo ya ecidade. Awo yaaheerelana: "Nakhalá muumu, nnimookhwa. Nrowe wa anakhotto oSiriya. Apaale anoonivaha yooca vakhaaneene." Ni ohiyueene yoole waavinre, aSiriya yaahiiwa onyakula otokotoko ntoko anakhotto yaaphiya. Yuupuwela weera awo asinthamwenaaya aSamariya, tivawo yaatthawa ehiyaka itthusaya sootheene. Anamakokho yaaphinyaaya omikotthani wa Siriya, khiyaamphwanye mutthu. Anamakokho yaakuxa itthu sootheene yaatthunaaya, ni sooca sene. Yaaheerelana yaaworu: "Ela khereenre. Nihiku noohima etthu yooreera. Heeni nihinrowaahu ohima?" Mowaakuveya yaarowa ohima ocidade. Atthu oSamariya yaawaakhela anamitthenga ale ni ohakalala. Ni saakhala sooca nihiku nene nenne mwaatthu ootheene.
Asinthamwene, hiyotho nookhalano itthu sooreera nnooleelaahuni. Yeesu orwiye wa Muluku weera avahe okumi, okumi woohimala.
Ethoonyihero 7: Yoona onimutthawa Muluku
![Ethoonyihero 7: Yoona onimutthawa Muluku](https://static.globalrecordings.net/300x200/lll5-07.jpg)
Saavira iyaakha ovinyero Elisa, ni Muluku aamwiitthana mprofeeti mukina, nsinanawe Yoona. Muluku aamuruma mas'waawe weera orowe ecidade yooNinive waaleele atthu aweiwo weera Muluku onoophwata ecidade ela niwooko na soottheka sanyu. Yoona khaatthuna opaka yeeyo Muluku aamurummaawe. Owo uupuwela weera atthu eniihiye soottheka saya ni Muluku anaalevelele. Owo khaatthuna hiiho niwooko atthu oNinive yaari amwiittani oIsrayel. Tivawo Yoona anneerera omutthawa Muluku. Aaphwanya nikula nirowaka ottayiwene ni aatthara. Muluku aarumiha epheyo etokotoko yaattinkinya nikula mpaka ohalela ottatta. Atthu yaari munikulani yaahoova vancipale. Yaahuupuwela waasa ehako weera noone enrwaayavo epheyo. Ni yaahoona weera niwooko na Yoona.
Ethoonyihero 8: Yoona ni ehopa etokotoko
![Ethoonyihero 8: Yoona ni ehopa etokotoko](https://static.globalrecordings.net/300x200/lll5-08.jpg)
Yoona 1:8 - 2:10
Atthu yaamukoha Yoona weera opanke heeni? Owo ahaaleela weera kinimutthawa Muluku. Ni awo yaamukoha: "Vano neereke hayi?" Yoona aaheera: "Mukivonyere mphareya. Miyo koosuwela weera ti niwookonaka yoorweenlaayani epheyo ela." Atthu khiyaatthuna omwiiva Yoona, ni yaahoona weera epheyo enimwaaceerereya, tivawo yaamvonyera mphareya. Yoona khaakhwiiye aphiyakaru mmaahini. Mwehe vethoonyiheroni! Ehopa etokotoko yoommira Yoona. Owo aari mmirimani mwa ehopa mahiku mararu. Evirakaru mahiku mararu, ehopa yaamurapheya Yoona oxerexere.
Ethoonyihero 9: Yoona oophiya oNinive
![Ethoonyihero 9: Yoona oophiya oNinive](https://static.globalrecordings.net/300x200/lll5-09.jpg)
Yoona 3:1-10
Muluku aamweerelatho Yoona: "Orowe oNinive wahime masu kooleenlaaka." Ni Yoona aamwiiwelela Muluku aarowa oNinive. Owo aahaaleela weera yaavirakaru mahiku miloko mixexe, Muluku onoophwata oNinive nno. Amwene ni atthu ootheene yaahinla weera Muluku aavuluxe. Awo yaahiya iphirosaya soonanara ni Muluku aahuupuwela waalevelela. Asinthamwene, hiyo nri ntoko Yoona ni atthu ooNinive. Ootheene khiyaamwiiwelela Muluku ni yaapaka itthu soonanara. Hiyo noophwanela othorihiwa ni Muluku. Vano Muluku onnanisivela. Oomuruma Yeesu weera anileele ni anivuluxe, weeratho nihiye iphiro sahu soonanara.
Yeesu akhwaaka ookuxa othorihiwa wa soottheka sahu. Aamala mahiku mararu areene mmahiyeni sintoko Yoona aamanlaawe mahiku mararu areene mmirimani mwa ehopa. Yeesu oovinya mookhwaani. Vano owo ohiirehera weera anivahe okumi woohimala, hiyo nahiya soottheka sahu ni nnamutthara ephirwaawe.
Ethoonyihero 10: Estere ni amwene
![Ethoonyihero 10: Estere ni amwene](https://static.globalrecordings.net/300x200/lll5-10.jpg)
Estere 1:1 - 2:18
Estere aari mwaamwali oIsrayel. Asitithawe yaahookhwa, tivawo yaamuhuwa ti atatawe aMordekayi. Ehuhu yakhotto, aMordekayi yaavariwa oIsrayel erowihiwaka oPersiya. Mwene oPersiya aari mutokweenexa. Amwaarawe ehimuttitimihaka, aamwaasa mukina. Asimwaali ancipale yaahiixoonihera, ni aathanliwa mmoha. Nsinanawe eeriwa Estere. Estere khaamuleenle mutthu weera aari oIsrayel.
Ethoonyihero 11: Mordekayi onkhootta omulapa mutokweene
![Ethoonyihero 11: Mordekayi onkhootta omulapa mutokweene](https://static.globalrecordings.net/300x200/lll5-11.jpg)
Haamani aari mutokweene oPersiya. Waanatthuneya atthu ootheene omulapa aaviraka. Mordekayi aakhootta omulapa. Mordekayi aasuwela weera ti yoonanara omulapa mutthu ntoko Muluku. Hiiho waamuxupa vancipale Haamani. Haamani aahuupuwela wiixoonihera otokweenaawe. Aatthuna omwiiva Mordekayi ni axikwaawe ootheene oYuda. Haamani aahaaleela amwene weera aYuda ootheene ari mulaponi, khenaattittimiha amwene. Aalokolola hiiho imaara sincipale. Owo aahaawera amwene ni amwene yaavaha nlamulo weera aYuda ootheene yiiviwe ni itthu saya sikuxiwe. Iyo seera sikhumelele nihiku nimoha. Haamani aahaasa nipuro ntokotoko eeraawe amutthukelelevo Mordekayi. Mordekayi aamuleela Estere weera aacondelele amwene weera ehipake hiiho. Ni Estere aahaakhula: mutthu awaattamela amwene ahiitthaniwe, onimwiiviwa. Tivawo ahaavekela aYuda weera emale mahiku mararu ehicaaka naari ehiwuraka evekelaka. Estere ni ipotthasawe yaakela opaká hiihotho. Owo aaheeratho: Neeraru hiiho, kinoowaattamela amwene, naari woopiha. Miyo kiiviwa, kinimookhwa.
Ethoonyihero 12 Ohakalala wa Estere
![Ethoonyihero 12 Ohakalala wa Estere](https://static.globalrecordings.net/300x200/lll5-12.jpg)
Muluku aahiiwa mavekelo aaYuda. Amwene yaamuhiya Estere olokololano. Estere aahaalattula amwene weera eceeke vamoha. Aamulattulatho Hamani.
Ecaaka, amwene yaamukoha Estere: Ontthuna eheeni? Owo aahaakhula: Miyo kintthuna weera miyo ni nlokonaka nikhalé akumi, niwooko nihiku nahu nookhwa noohimmwa. Amwene yaakoha enyoonyiweene: "Taani ohimme etthu yoonanara si yeeyo?" Estere aahaakhula: "Mwiittanaahu ti yoola ola Haamani." Amwene yiiwakaru miruku sa Haamani, yaamwiiva nipuro Haamani aareherenraawe weera amwiive Mordekayi. Hiiho aYuda ootheene yaavuluwa. Asinthamwene, Estere aahiiveleela okhwa nipuro na nloko nawe. Vano, muupuweleke sa Yeesu. Owo onsivelaxa mpaka okhwa nipuro nahu weera nivuluwe omooroni.
Mpitikuxe ekasete weera mwiiwe Muluku moota okhavihenraawe nlokonawe naaraaya mmilattuni.
Ethoonyihero 13: Daniel ni asinthamwen'aawe
![Ethoonyihero 13: Daniel ni asinthamwen'aawe](https://static.globalrecordings.net/300x200/lll5-13.jpg)
Yoocambuliwa ela ennoonihera Daniel ni asinthamwen'aawe. Yaari aYuda. Awo yaavariwa ni amwiittanaaya erowihiwaka oBabiloni. Amwene oBabiloni yaatthuna weera yaavareleke miteko saya. Hiiho wannatthuneya awo ohusera nuulumo ni mikhalelo soBabiloni. Vano Daniel ni asinthamwen'aawe yaakhootta oca sooca sikina samwene, niwooko yaari eharaamwaaya. Naari ottayi ni owanyaya awo yaatthuna otthariha malamulo a Muluku. Hiiho awo yaavekela weera ehikhuureke enama. Mutokweenaaya aalamulela annoova woontta ni oovoreiwa. Vano Muluku ahaakhapelela ni ahaavaha miruku waapwaha ootheene yaavarela miteko aamwene.
Ethoonyihero 14: Daniel ni amwene oBabiloni
![Ethoonyihero 14: Daniel ni amwene oBabiloni](https://static.globalrecordings.net/300x200/lll5-14.jpg)
Amwene oBabiloni yaaloha etthu yaarukureriinghe muru. Yaahaaruma anahako, anamacitta ni anamiruku weera yaaleele etthu alonghaaya. Khaawo aawenre ohima. Tivawo amwene yaahuupuwela owiiva ootheene. Hiiho, Daniel ni asinthamwen'aawe yaamwiiviwatho. Daniel aavekela ehuhu weera ataphulele yooloha. Daniel ni asinthamwenaawe yaamvekela Muluku ni Muluku aamoonihera Daniel yooloha yaamwene. Daniel aarowa waamwene ni aaweerela: "Ookhala Muluku wiirimu onoonihera miiriira. Muluk'weene yoowo aawooniherani itthu sineera sikhumelele muhoolo." Daniel aahaaleela amwene weera moolohani mwanyu, moonne omwene wootheene wa mulaponi, ni mohoonatho omwene mmoha mutokotoko opwahatho omwene wootheene. Omwene mutokweene moonnaanyu ti omwene wa Muluku woohimala. Amwene yaatthuna masu a Daniel. Amwene yaahaahiya akumi yaale yaatthunaaya owiiva, ni Daniel yaamukhaliha mutokweene ooBabiloni wootheene.
Ethoonyihero 15: Muluku oowootha
![Ethoonyihero 15: Muluku oowootha](https://static.globalrecordings.net/300x200/lll5-15.jpg)
Amwene ooBabiloni yaamucaambula mutthu mutokotoko ni eyuuma yoorika. Yaawiitthana asitokwen'aaya ootheene weera erwe yoone etthu yaacaambunlaaya. Yaahaaruma ootheene weera mwiiwaru icipo, mwiineke ni muurameke mulapeke yoola. Yoole oneera ahilape, onoovonyeriwa mukhukuni mwa mooro. Asinthamwene a Daniel, yeeriwa Sadraka, Mesak ni Abedneku yaakhootta olapa. Awo yaamulapa Muluku paahi. Alopwana akina yaarowa waaleela amwene weera aakhala asilopwana ankhootta olapa miluku sanyu ni yoocambulaanyu.
Ethoonyihero 16: Nikhuku namooro
![Ethoonyihero 16: Nikhuku namooro](https://static.globalrecordings.net/300x200/lll5-16.jpg)
Amwene yaawiitthana asinthamwene a Daniel ni yaaweerela: "Nyuwo mwaahilapaka yoocambuliwa, munoovonyeriwa mukhukuni wa mooro. Muluku heeni oneera oovuluxeni mmatatani mwaka?" Awo yaahaakhula: "Muluku nnimurumelaahu onoowera onivuluxa, naari owo ahipakaka hiiho, hiyo khaninlapa yoocambuliwa." Hiiho, yaavonyeriwa mukhukuni wa mooro. Amwene ewehaka mukhukuni, yaaheera: "Mwehe! Miyo kinnawoona alopwana axexe yeettaka mukhukuni, anaaxexe onkhala ntoko Muluku." Asimiravo ale yaahiitthaniwa vaate, ni naari maihaaya khayunkha mooro. Amwene yaaheera: " Owunnuwihiwa akhale Muluku a Sadraka, Mesak ni Abedneku, omurumme ngelwaawe weera aavuluxe anamitekwaawe. Khaawo Muluku mukina omvuluxa hiiho."
Asinthamwene, Mulukweene ti yoowo oweerenle atthu: "sihikhale miluku sikina okihiya miyo. Muhipake etthu yoocambula weera mulapeke."
Ethoonyihero 17: Daniel onimvekela Muluku
![Ethoonyihero 17: Daniel onimvekela Muluku](https://static.globalrecordings.net/300x200/lll5-17.jpg)
Daniel aakhalano nlamulo ntokotoko na elapo'weene yeele oBabiloni. Asitokweene akina yannamukhalela nrima. Yannaasaasa etthu yoomoothera ni khayoona, niwooko annawiiwelela amwene. Tivawo, yaavinya erowaka waaleela amwene weera mvahe nlamulo nooweera wa mahiku miloko miraru anrwa, ahikhale oneera amvekele Muluku naari mutthu woohikhala nyuwo. Yoole oneera ahittharihe, avonyeriweke mulittini mwa akharamu. Amwene yaahakalalela miruku sene seiye ni yaavaha nlamulo. Daniel aahiiwa nlamulo nenne ni khaahiyerenre omvekela Mulukwaawe imaara tthaaru vanihikuni. Amwiittanaawe emoonakaru Daniel, yaarowa waaleela amwene weera Daniel khiwelenle malamulwaanyu.
Ethoonyihero 18: Daniel mulittini mwa akharamu
![Ethoonyihero 18: Daniel mulittini mwa akharamu](https://static.globalrecordings.net/300x200/lll5-18.jpg)
Amwene khiyaatthuna Daniel akhwiiyeene mulittini mwa akharamu, vano amwene khiyaawera orukunxa nlamulo. Hiiho, Daniel aavonyeriwa mulittini mwa akharamu. Ohiyu'weene yoole amwene khiyaaciye naari khiyaawunre omuupuwela nthamwen'aaya Daniel. Oxaaka ohinaxe, amwene yaarowa olittini wa akharamu. Yaamukoha ni masu matokotoko: "Daniel, namuteko a Muluku mukumi, Muluk'waawo oowera woovuluxa mwa akharamu?" Ni Daniel aahaakhula: "Muluk'waaka oomuruma ngelo ni aahaawala akharamu iyano." Amwene yaahakalala vancipale ni Daniel aakhumihiwamo mulittini. Amwene yaahaaruma amwiittani aDaniel weera evonyeriwe mulittini mwa akharamu, ehuhueene yeele yaanyaanyiwa ni yaakhuriwa. Hiyo namuroromela Muluku mukumi, khontthuneya owoova atthu. Naari okhwa, ninnaweherera okumi woohimala.
Ethoonyihero 19: Nehemiya waamwene atokotoko
![Ethoonyihero 19: Nehemiya waamwene atokotoko](https://static.globalrecordings.net/300x200/lll5-19.jpg)
Nehemiya aakhala oBabiloni evirakaru ehuhu ya Daniel. Nehemiya aaritho oYuda aamuroromenle Muluku. Owo aari namuteko aamwene ooBabiloni. Nihiku nimoha aawinyereraawe amwene yooca, amwene yaamukoha: onthanana eheeni? Nehemiya aathanana niwooko oYerusalemu, ecidade ya makholowaawe, yaaphwateya ni aYuda yaakhala weiwo yannahaawa. Nehemiya aahaaleela hiiho amwene. Amwene yaahaakhula: "Yookhala etthu ontthunaawo okivekela?" Nehemiya, amvekelaka Mulukwaawe mmirimani, aaheera: "Amwene mwaatthunaka, mukirume wuwu, weera kapake esidadeene yeeyo." Amwene yaamwaakhulela.
Muluku onnaalamula mamwene ootheene ni asitokweene ootheene amulaponi. Hiyo naavekelaka sintoko otthuna wa Muluku, nnimoona itthu sincipale mwa yeehuru.
Ethoonyihero 20: Nehemiya ni ecidade yoophwateiya
![Ethoonyihero 20: Nehemiya ni ecidade yoophwateiya](https://static.globalrecordings.net/300x200/lll5-20.jpg)
Amwene yaamvaha Nehemiya itthu soopakela impa, ni aatthu oomukhavihera. Hiiho yaattimula mukhwaha mutokotoko wo Yerusalemu. Nehemiya aphiyakaru oYerusalemu, amwiittani ooIsrayel yaanyoonyiwa. Awo khiyaatthuna aYuda ekhavihiwaka. Vano Nehemiya khoopopiheiya. Owo aawehaweha ecidade weera oone ookhala yeenraaya. Aawehaweha ohiyu weera sihisuweliwe miruku sawe. Oxaaka ohinaxe, aawiitthana atthu anloko nawe ootheene. Owo aaheera: "Murwe, nipanke ewapo ya maluku oYerusalemu, weera nihirwe nuulihiheya muru." Nehemiya aaweerela atth'waawe weera Muluku ori ni yaawo ni weeratho ehiwoove amwiittan'aaya. Atthu ootheene yaahaakhulela orehera ecidadaaya.
Ethoonyihero 21: Opakiwa wa ewapo
![Ethoonyihero 21: Opakiwa wa ewapo](https://static.globalrecordings.net/300x200/lll5-21.jpg)
Atthu ootheene yaapacera ovara muteeko vancipale opaka ewapo. Akina yaakhupa ikokhola, akina epakaka. Amwiittani aYuda yaamutepa onyoonyiwa. Nehemiya aamvekela Muluku weera amvahe miruku. Anamaweherera yannaaweherera ni ikapwitthi saya atthu yaavara muteko. Ni mpaka atthu yaavara muteko, yaavara ni ikapwitthi mmatatani. Hiiho amwiittani yaawooceela, ni muteko wavariwe mahiku miloko mithanu ni mahiku meeli.
Ethoonyihero 22: Ezara ni malamulo a Muluku
![Ethoonyihero 22: Ezara ni malamulo a Muluku](https://static.globalrecordings.net/300x200/lll5-22.jpg)
Emalakaru ewapo, aYuda yaathukumana oYerusalemu. Ezara, musaserdoti a Muluku, aasoma malamulo ootheene a Muluku. Atthu yiiwakaru malamulo, yaahinla. Yaahoona weera soonanara sootheene sinikhumelenle, niwooko noohitthariha malamulo a Muluku. Vano Nehemiya ni asitokweene akina yaaweerela atthu weera muhinle. Ele yaari ehuhu enyowani; ehuhu yoohakalala. Nehemia aaheera: "Muhithanane, ohakalala waapwiya ti ikuru sahu." Asinthamwene, nyuwo moohakalala? Muluku onnivaha ohakalala wa mmunepani hiyo namusuwela ni naattharihaka mas'waawe.
Mukihiye kooleeleni ni weera nyuwo mumsuwele Muluku a Nehemiya. Owo Muluku mmoharu eekhaikhai.
Ethoonyihero 23: Yeesu vamuttandani
![Ethoonyihero 23: Yeesu vamuttandani](https://static.globalrecordings.net/300x200/lll5-23.jpg)
Eri ephiro emoharu yoomusuwelano Muluku. Muluku oomuruma mwanawe mmoharu Yeesu weera anoonihere ephiro. Yeesu aakhala mulaponi khalayi. Owo aavara itthu sincipale sowaakhaviherano atthu. Owo oonoonihera omusiveliha Muluku nneeraahu neeréke. Vano hiyo khanintthara ephirowaawe. Atthu ootheene aamutthekela Muluku. Muluku onnaathoriha yaale ankhootta ephirowaawe. Yaakhwaakaru, onaavonyera omooroni. Masu a Muluku anghima weera Muluku onipanke ni etthaya ni naakhwaakaru ninthatuwa etthaya. Munepaahu onghokoleela wa Muluku weera ovolowe wiirimu hoye hoye omooroni. Biblia eenre: Mutthu aakhwaakaru, onrowa woothorihiwani.
Mwiiweke! Muluku ohaavuluxa Elisa ni Daniel. Vano, khamvuluxale Yeesu vamuttandani. Atthu yaamukhomela vamuttandani vamwirini. Ni aahookhwa vaavale anuupuwelaka. Hiiho, owo ookuxa othorihiwa wa soottheka saatthu ootheene. Owo aapanke mwayiini niwooko na osivelawawe. Vano oovinyerera mookhwaani. Niwooko nawe, yoovinxiwa yeele yaanimwalamwaxa ni Muluku. Ni owo ohiirehera weera oovuluxeni, kohiyono mwa okumi wavaanaano, othorihatho wa Muluku. Nyuwo mmwivuluxiwe mwinyerera okumaanyu wootheene wa Kristu ni munamuroromela. Niwooko na Yeesu, hiyo nnoowera weetta ni Muluku.
Ethoonyihero 24: Yeesu onoonihera ephiro ya okumi woohimala
![Ethoonyihero 24: Yeesu onoonihera ephiro ya okumi woohimala](https://static.globalrecordings.net/300x200/lll5-24.jpg)
Atthu yaahimwiiwelelaka Muluku, amvira ephiro etokotoko ya Satana. Ephiroweene yeeyo enrowa omooroni. Yoole onyariwaru, onkela ephiroeene yeeyo. Eyo yeerenye mwa nyuwo ni miyo. Masu a Muluku anghima weera atthu ootheene aattheka. Weera ootheene aattheka, ootheenetho aaphwanela othorihiwa wa Muluku. Vano Muluku oomuruma mwanawe Yeesu weera athorihiwe nipuro nahu. Muluku oomvinxa Yeesu mookhwaani, vano Yeesu onnanoonihera ephiro woorowa wa Muluku. Yeesu eenre: "Miyo ti yoomi ephiro, ekaikhai ni okumi. Khaawo anaaphiye waatiithaka ahivinre mwa miyo."
Yaale antthara ephiro ya Yeesu, khanrowa omooroni. Vano Satana ni ootheene animutthara anoorowa omooroni. Onnatthuneya otthara ephiro ya Yeesu vananovaava. Ephiro ya Yeesu ekhaanene ni woorika ovira. Niwooko na soonanara sa elapo, atthu anoohaawa mulaponi. Yeesu mahiku ootheene ori ni yaale animutthara. Mwa yoole onamutthara Yeesu, onnaweherera niwooko ephiro ya Yeesu enrowa wa Muluku. Wiirimu, khoowowo ohaawa, ori wo ohakalala ni murettele. Ootheene anrowa wiirimu, anrowa ovara muteko wa Muluku ni okhala moosivelani mwawe ni okhala ni Yoowo mahiku ootheene. Nyuwo mwaatthunaka ohiya ephiro ya Satana weera mutthareke ya Yeesu, mvekeleke mweeraka ha: Muluku atiithi, miyo keetta mwa ephiro ya Satana, kivaraka sootheene kaatthunaaka. Mukilevelele soottheka saka. Asante apwiya Yeesu, mukhwiiye ni mukunxe nttaruxo na soottheka saka. Asante niwooko ephomaanyu enkirapiha mwa soottheka saka. Kinnixinyerera ootheene miyo mwa nyuwo weera nyuwo mukhale muneene. Asante niwooko na okivenxa mwa ikuru sa Satana. Asante niwooko na munepaanyu okikalinghaaya mwaana a Muluku ni onkivaha ikuru sootthara maswaanyu. Amen.