Varerya, Wiriyana Navetho Okhalemo Livuru Anethanu 5
![Varerya, Wiriyana Navetho Okhalemo Livuru Anethanu 5](https://static.globalrecordings.net/300x200/lll5-00.jpg)
ರೂಪರೇಖೆಯನ್ನು: Elisha, Daniel, Jonah, Nehemiah, Esther. 24 sections. It has a picture book to go along with the recording.
ಸ್ಕ್ರಿಪ್ಟ್ ಸಂಖ್ಯೆ: 422
ಭಾಷೆ: Lomwe: Mozambique
ಥೀಮ್: Sin and Satan (Deliverance, Sin, disobedience); Christ (Life of Christ, Authority); Character of God (Word of God (the Bible)); Living as a Christian (Worship, Obedience, No other gods, idols, Victory, Faith, trust, believe in Jesus); Bible timeline (Gospel, Good News, People of God); Problems (Problems, troubles, worries)
ಪ್ರೇಕ್ಷಕರು: General
ಶೈಲಿ: Monolog
ಪ್ರಕಾರ: Bible Stories & Teac
ಉದ್ದೇಶ: Teaching
ಬೈಬಲ್ ಉಲ್ಲೇಖ: Extensive
ಸ್ಥಿತಿ: Publishable
ಸ್ಕ್ರಿಪ್ಟ್ ಪಠ್ಯ
Mapatcherero
![Mapatcherero](https://static.globalrecordings.net/300x200/lll5-00.jpg)
Kinnolotchelane asinthamwene! Eruku ya livuru antikwa ennanlela hiyo sa mulopwana a mPipiliani amuroromenle Muluku mu ilukuluku sa sokatchamiha sawe. Mwanwiriyanaka kasseti yola, mwiwa oruma wu, vareryani eruku yotcharavo.
Eruku Yopatchera 1: Naama Amwetchelela Eliseu
![Eruku Yopatchera 1: Naama Amwetchelela Eliseu](https://static.globalrecordings.net/300x200/lll5-01.jpg)
2 Reis 5:1-12
Eliseu ari muhusiha ni mulipa-a-miririmo a Muluku mwa Israyeli. Nihiku nimoha mulopwana awitchaniwa Naama arwa owannyawe. Yowo ari mutokwene a alipa-ekhotcho oSiriya, navetho aSiriya yari amwitchani a nloko na Israyeli. Naama ari mutchu a wuma murima, nnya akhala ni maretcha. Arwa wa Israyeli nthowa wi ahiwa wi Eliseu akhala ompenusha maretchawe. Nyenya Eliseu hakhumenle vate wi amulotchele yowo. Eliseu aharuma akapuroawe wi yamulele Naama, "Orowe omuhitcheni oYordano warape itila thanu napili... Vawi hiha onarwa okhala mukumi". Naama ananariwa, nave ahi: "Miyo kupuwela wi onamukhuma okumana ni miyo amwitchane Muluku awe, wi akipenushere maretchaka". Naama ananariwa, avinyavo.
Eruku Yanawili 2: Naama Omuhitcheni
![Eruku Yanawili 2: Naama Omuhitcheni](https://static.globalrecordings.net/300x200/lll5-02.jpg)
2 Reis 5:13-19
Akapuro a Naama yanveka wi ahiye esarawe ni wirumiha wawe. Vawi yamunyesererya onveka wi iwelele masu a Eliseu. Vawi hiha Naama avinya oya omuhitcheni arapa itila thanu-napili. Varerya eruku! Naama atepa ohakala. Apenushiwa maretchawe. Eliseu hamonveru mutchu, ntakhara ahimuroromela Muluku. Yowo asuwela wi Muluku awe onnawerya itchu sotesene. Yowo osuwela wi atchu othene enarwa yiwa masu a Muluku. Ninnveke Muluku wi anikhaviherye ni yeyo ekhanle y'ekhaikhai. Nrukunuwe mirimahu wi nikhale ni Yowo mmahiku othene a okumiahu.
Eruku Yaneraru 3: Eliseu Ni Ikharro Sa Moro
![Eruku Yaneraru 3: Eliseu Ni Ikharro Sa Moro](https://static.globalrecordings.net/300x200/lll5-03.jpg)
2 Reis 6:8-17
Elukulukuene yele yari ekhotcho aSiriya ni aIsrayeli. Muluku alotcha vantchene ni Eliseu wi aSiriya anamurwa owaniha ekhotcho ni aIsrayeli, Eliseu amulopola mwaene sa ekhotcho yarwa oSiriya. Mwene oSiriya aharuma anakhotchoawe: "Rowane mwamwetchelele Eliseu onakhaleiyevo kintchuna waruma atchu wi yamphare". Woshishelwene Eliseu ni asurtatoawe yakhumela vate ewona aSiriya erukurenrye mutchetche yowo yakhalayamo. Akapuroawe yammora wunla, "Muhusiha, nni nere hai?" Eliseu awakhula: "Muhove, yawo ari ni hiyo ahatcha wapwaha yawo". Eliseu ahinveka Muluku wi ahule mitho akapuroawe. Akapuroawe erikinweharu yahona ikavalo ni ikharro sa moro imurukurenrye Eliseu. Muluku aharumihela seiya wa mulipa-a-miririmo. Asinthamwene, akapuro a Muluku yiwelenlaya olamulelo wa Muluku, Muluku akhala a ikuru sa wakhuparela. Vawi hiha hiyovaleru etchu.
Eruku Yanesheshe 4: Eliseu Ni Asurutato Evasi
![Eruku Yanesheshe 4: Eliseu Ni Asurutato Evasi](https://static.globalrecordings.net/300x200/lll5-04.jpg)
2 Reis 6:17-23, aHebri 10:30, Proverbios 25:21
Asiriya emurwelaka Eliseu, ahivekela wa Muluku ii: "Owerele amwitchanaka wi ekhale evasi!" Mwa wakuva asurtato othene yakhala evasi. Eliseu aya wa yawo ii: "Kitcharene, kinahala wovelelani wa mulopwana yowo munamwavyanyu". Ahavelela oSamariya, wa mutokwene a mutchetche wa Israyeli. Wanawili waya, Eliseu ahavekela:"Apwiya, hulani mitho alopwana ala wi yone". Vava aSiriya yahona wi ari mmutchetcheni wa amwitchaniaya. Mwene a aIsrayeli atchuna owipha yawo, nnya Eliseu ahi, "mwavaheni y'olya ni y'owurya, wi mwahiye eroweke". Mwene ahera yeyo Eliseu amulenleiye. Akhwaka, Muluku a Eliseu tori mutokotokosha wapwaha amwitchani. Muluku onnalotcha mu yorepawe wi nihiwerele opwalo amwitchaniahu. Muluku onnalotcha:"Mwitchania avoliwa etala, onvahe yolya, nari akhala ni ntchanana, onvahe yowurya.
Eruku Yanethanu 5: Etala Osamariya
![Eruku Yanethanu 5: Etala Osamariya](https://static.globalrecordings.net/300x200/lll5-05.jpg)
2 Reis 6:24 - 7:2
Wanawili waya aSiriya yarwa owaniha ni aIsrayeli. Mu ilukuluku sintchipale yawo yarukurerya mutchetche w'oSamariya. Vohilekela yakhala etala mmutchetcheni w'aIsrayeli. Varerya eruku! Mwene a Israyeli ahetchetcha orukurerya mukintale wa mmutchetcheni. Athiyana eli yarwa wa yowo. Yanveka esimola Mwene wi akhaviherye. Yatepa okhala etala muSamariya, vawi hiha atchu yanakhura anamwanaya. Mwene hasuwenle yawera. Mwene atepa ovoliwa etala vawi Muluku hamoponle w'amwitchaniawe. Yowo ahupuwela omwipha Eliseu, kapuro a Mwene. Mwawi hiha Eliseu arumiha mitchaka wa mwene, "Ela ti yeyo Apwiya Muluku alontchaya: Ewora yawi siyela omelo, epepha ni enama enamphwanyeyaka va mulako wa mutchetche w'oSamariya.
Eruku Yanethanu Nammoha 6: Alipa-A-Maretcha Asheshe
![Eruku Yanethanu Nammoha 6: Alipa-A-Maretcha Asheshe](https://static.globalrecordings.net/300x200/lll5-06.jpg)
2 Reis 7:3-20
Mahiku yale alopwana ashshe yakilathi vamilako w'oSamariya. Othene yari alipa-a-maretcha. Yalotcha mmoha va mukhweiye, "Nthowa tani nnerahu nikhale vava niwehereryaka okhwa? Hankoni nivelele w'asurtato aSiriya". Erikimwiru hiha asurtato a'osiriya yahiwa oruma ntoko anakhotcho anarwela. Yawo yatepa wova, nave yariha ni ohiya sothene yaryayano, etchawa. Alipa-a-maretcha yapilayaya vava yaryayavo aSiriya, hiyamphwannyevo mutchu! Yawo yakusha solya ni sotesene seiyo yatchunaya. Yahi mukina ni mukhwawe: "Hiyo hinnera yeyo ekhanle ekhaikhai. Nla nihiku na Mitchaka Yaphama nave hiyo ninnakhapelela iha wa hiyo mekhihuru". Mwa wakuva yakokela oSamariya nave yalokoha Mitchaka Yaphama wa mulipa owehererya yowo alontche wa mwene. Mwa wakuva atchu yapatchera otumiha solya va milakoni y'oSamariya, ntoko Muluku alontcheiye wa Eliseu. Muluku ahiwopola aIsrayeli mwa amwitchaniaya navetho ahimopola kapuroawe Eliseu. Asinthamwene. Muluku amurumiha mwanawe Yesu Kristu wi anopole mwa sotcheka sahu. Muluku hanatchuna wi niye wolakiwane wohimala. Ti Mitchaka Yaphama ya Muluku onnaphwanela okawana vamoha othene.
Eruku Yanethanu Nawili 7: Yona Amutchawa Muluku
![Eruku Yanethanu Nawili 7: Yona Amutchawa Muluku](https://static.globalrecordings.net/300x200/lll5-07.jpg)
Yona 1:1-7
V'okhwa Eliseu,akhala mulipa-a-miririmo mukina awitchaniwa Yona. Muluku ahi wa Yona,"Rowa mmutchetcheni w'oNinive walalerye. Kosuwela otcheka waya". Atchu oNinive yari amwitchana a nloko n'aIsrayeli. Yona hatchunne oya weiwo, ahererya otchawa (Muluku). Amphwanya mmwatcheyani aya elapo yorakamela. Yowo aliva awela mwawakuva matchumusa yapatchera. Atchu yari mmwatcheyani yapatchera wova. "Yahi onapwanela navye enarwela wowi yela". "Yapwanya wi makatchamiho othene yarwela wa Yona.
Eruku Yanethanu Natcharu 8: Yona Amiriwa Ehopa
![Eruku Yanethanu Natcharu 8: Yona Amiriwa Ehopa](https://static.globalrecordings.net/300x200/lll5-08.jpg)
Yona 1:8 - 2:10
Atchu yari mmwatcheyani yahi wa Yona, "Tisheni weyo wenrawe?" Yowo ahi wa yawo wi onamutchawa Muluku. Yawo yahi wa Yona, "Nni nere sheni ni weyo wi matchumusa emale?" Yona ahakhula, " Kiriheleni mmahini. Miyo kosuwela wi nenla nthowa naka vorwa matchumusa yala wa nyuwo". Alopwana hiyakhwela wi emwiphe Yona, matchumusa yanateparu, vawi hiha yamurihela mmahini. Namwi eri hiha, Yona hakwile mmahini. Varerya eruku! Ehopa etokotoko yammirya Yona. Yowo hakhwile, akhala mmirimani mwa ehopa mahiku mararu. Nave ehopa yamurapheya Yona v'ehavani.
Eruku Yanethanu Nasheshe 9: Yona Oninive
![Eruku Yanethanu Nasheshe 9: Yona Oninive](https://static.globalrecordings.net/300x200/lll5-09.jpg)
Yona 3:1-10
Muluku alotcha wa nawili wa Yona! " Orowe oNinive walalerye wa yawo mitchaka kolenlaka" Nave Yona amwiwelela Muluku nave arowa oNinive vawi yowo alopola muloko, ariki, "Mahiku makhumi masheshe Ninive onarwa atoloshiwa" Mwene natchu othene yahinla wa Muluku evekaka ovulushiwa. Yahiya sonanara yeraya, nave Muluku ahupuwela ohatolosha. Asinthamwene, othene hiyo nri ntoko Yona vamoha muloko woNinive. Othene hannamwiwelela Muluku vawi ninerano sonanara. Ninnaphwanela olakiwa, nnya Muluku onnansivela. Yowo omuruma Yesu wi anlopole ni onivulusha mwa sonanara. Yesu okhwenle sotcheka sahu, Yowo akhala mmahiyeni mahiku mararu, ntoko Yona ariye mahiku mararu mmirimani mwa ehopa. Yesu ovinya wokhwani. Hihano vava onavaha okumi wohimala wa yawo anarukunuwa mu sotcheka saya navetho enamutchara Yesu.
Eruku Yanekhumi 10: Ester Ni Mwene
![Eruku Yanekhumi 10: Ester Ni Mwene](https://static.globalrecordings.net/300x200/lll5-10.jpg)
Ester 1:1 - 2:18
Ester ari mwali a elapo yaIsrayeli. Asitithinya yakhikhwa nnya Mordekai, atatawe, yamphuwa. Ekhotcho yamanlaya, Ester ni Mordekai yaphariwa ni nloko naIsrayeli, eveihiwa oya elapo Yopersia. Mwene oPersia ari aikuru. Nave atchu othene yanamova. Mwara a mwene vohimwiwelela iyawe, yowo ahupuwela omuratcheliha. Awitchana asimwali orera othene oya ompani wawe. Mwa othene yala, amuthanla Ester okhala mwariye. Nave yowo hamulenle mutchu wi ari muYuda.
Eruku Yanekhumi Namoha 11: Mordekai Akhotcha Omukokhorela
![Eruku Yanekhumi Namoha 11: Mordekai Akhotcha Omukokhorela](https://static.globalrecordings.net/300x200/lll5-11.jpg)
Ester 3:1 - 4:17, 5:1; Yohane 3:16
Hamani ari mulopwana okhweleya oPersiya. Othene yanamukokhorela nnya Mordekai herano. Mordekai amukokhorela Mulukuru mmoha eparipari. Akhotcha omukokhorela Hamani. Hamani anyenyeya. Yowo aleliwa wi amonihiwa ekoi ni Mordekai. Nihiku nimoha aleliwa mwene, " Weiwo yokhalawo elapo atchu anathukumanayawo elotchelaka opwalu omweneanyu. Hanakhapelela malamulo a mwene." Yalotchela Ayuda. Hamani ahi, " Nireherye malamulo wi yawo ekhwe." Hamani ahintaka makhwankwa (anvaha ikhorowa) Mwene ahemererya yovekawe nnya akhotcha ikhorowa. Malamulo yalotcha wi yiphiwe aYuda othene oPersiya nave ekushe muhakhuaya naphiya nihiku nalakaniwe. Hamani areherya ntapha owannyawe wi amuheyeno Mordekai. Mordekai amveka wi ikhupanyere ni mwene vanthowa natchuawe. Ester ahi: "Mutchu aya wa mwene ahitchaniwe onamukhwa". Yowo ahaveka aYuda wi ehilye, nari owurya va mahiku mararu navetho envekeleleke Ester. Yowo ni akapuroawe anamwera emoha-moha. "Kimanle wi hiha kinamuya okumana ni mwene. Akipha, homwaha, kirimukhwa". Masu a Muluku anihusiha wi mukristu avahe okumiawe ntoko epepha.
Eruku Yanekhumi Napili 12: Efesta Ya Ester
![Eruku Yanekhumi Napili 12: Efesta Ya Ester](https://static.globalrecordings.net/300x200/lll5-12.jpg)
Ester 5:1 - 7:10
Muluku onnakhula nivekelo n'aYuda. Ester ahemereriwa olotcha ni mwene. Yowo ahinwopa mwene vamoha ni Hamani. Ofestani, mwene ahikoha: "Mwara a mwene, onatchuna sheni?" Ester ahakhula: "Yokinliha tila wi miyano ni mulokoaka noveleliwa okhwa. Mwene ahi:"Tani mulopwana yowo, navetho ori wowi yowo enre itchu seiyo sohiphwanela". Ester ahi: "Mwitchaniahu mulipa-otcheka yola ori vava Hamani". Mwene ahinanariwa ni mupuwelo yala a Hamani, amukusha amukheriha ontaphani arehenreiye wi amuheyevo Mordekai, aYuda othene yavuluwa. Asinthamwene, Ester ahivelela wi akhwe munipuroni na nloko nawe. Upuwelani sa Yesu, Yowo ansivela nave okhwa wi anivulushe.
Mapatcherero
![Mapatcherero](https://static.globalrecordings.net/300x200/lll5-00.jpg)
Mulopwana awitchaniwa Daniel ni Neemiya yatitelihiwa okhala elapo y'amwitchaniaya. Yanamukokhorela Muluku eparipari, yawo yakhala anthamwene a Muluku. Ovarerye eruku enatcharavo mulivuruni wiwa orumawu.
Eruku Yanekhumi Natcharu 13: Daniel Ni Akhwawe
![Eruku Yanekhumi Natcharu 13: Daniel Ni Akhwawe](https://static.globalrecordings.net/300x200/lll5-13.jpg)
Daniel 1:1-21
Eruku ela ennoniha Daniel ni akhwawe araru. Yari aYuda. Yaphareliwa oBabiloniya ni amwitchaniaya. Mwene oBabiloniya atchuna owera akapuroawe. Yakhalano wi ehuserye elotchelo ni makhalelo oBabiloniya. Daniel ni akhwawe yakotcha y'olya yochichimiheya ya mwene. Okotcha yolya yari yohihiwa mu nlamulo n'aYuda. Yawo yanasuwela wi wanaphwanela okhapelela malamulo a Muluku ni omuchichimiha Yoworu. Yawo yaveka solya sa mukhwani, ni mahi pahiru. Mulopwana yowo akhapelela anova wi anamotcha. Mwa wutusha Muluku ahavaha okumi navetho ahaneneviha ompwaha mwene oBabiloniya.
Eruku Yanekhumi Nasheshe 14: Daniel Ni Mwene Obabilonia
![Eruku Yanekhumi Nasheshe 14: Daniel Ni Mwene Obabilonia](https://static.globalrecordings.net/300x200/lll5-14.jpg)
Daniel 2:1-49
Mwene obabilonia aloha. ahakoha alopwanawe wi emutaphulele yolohawe. Hawoneye nari mmoha awenrye otaphulela yoloha ya mwene anatchuna owipha yawo. Daniel nakhwawe yavekela wa Muluku. Muluku amoneiherya Daniel yoloha ya mwene. Daniel aya wamwene alotcha ariki: "Wirimu okhalawo Muluku okonihenrye yolohayo. Muluku yola onolela weyo mwene siho inahala wereya muholo". Daniel amulela mwene wi molohani mwayo wonihiwe omwene wa elapo yothene ya vathi, okokatho wonihiwa omwene onarwa watolosha mamwene othene. Yola ori omwene wa Muluku oni wikhaleleru okhala-wokhala. Mwene ahakalala ni masu a Daniel. Anamiruku a mwene yatchuna wiphiwa yahiwa ekhala. Daniel aheriwa mwene obabilonia. Sothene inereya elapo yela, inereya mwa ikuru sa Muluku. Mwawi hiha nihavye ehako, nari okhuruwela wa namuku pyakala. Muluku onnawerya onleliherya sawephini sothene.
Eruku Yanekhumi Nathanu 15: Yophwaniherya Yopatcha
![Eruku Yanekhumi Nathanu 15: Yophwaniherya Yopatcha](https://static.globalrecordings.net/300x200/lll5-15.jpg)
Daniel 3:1-12
Mwene a obabilonia ahemesha yophwaniherya yopatcha. Awitchana anamutekoawe othene orwa wona yophwaniherya. Anamutekoawe yahalela atchu eriki "mwiwa wipa, othene mukokhore muthamalele yopatcha yela. Yowo ani ahikokhorele onamvonyeriwa mutchukutcha a moro". Daniel nakwawe, Sadrek, Mesak ni Abedeneku, yakhotcha okokhorela yopacha. Yamukokhorela Muluku mmoharu pahi. Atchu akina yaya wasomela eriki; "Akhalawo aYuda ahinatchuna wiwelela olamuleloanyu. Hanarumela amulukuanyu nari hanakokhorela".
Eruku Yanekhuminammoha 16: Tchukutcha a Moro
![Eruku Yanekhuminammoha 16: Tchukutcha a Moro](https://static.globalrecordings.net/300x200/lll5-16.jpg)
Daniel 3:13-28, Exodus 20:3-5
Mwene alotcha ni Daniel nakhwawe araru ariki "mwahikokhorelaru yopatchaka, munamuriheliwa mutchukutcha a moro. muluku tani ani awerye owakihani mmatani mwaka?". Yamwakhula. "Muluku yowo nnamurumelahu okhalano owerya nave onamunakiha; hiytho hanirwa nikokhorela yopatchayo". Nave Sadrek, Mesak ni Abedeneku, yariheliwa mutchukutchani a moro. Nave mwene akhuwela vatokwene ariki "vareryani! Kinnawona alopwana asheshe yetchaka mutchukutchani a moro nave a nesheshe onaphwana-phwana ni mwana a Muluku. Nave atchu yakhummaya mutchukutchani a moro, moro hiwawerenletchu. Nave mwene alotcha "otchitchimihiwa akhale Muluku a Sadrek,Mesak ni Abedeneku. Yowo arumme ankeloawe wavulusha atchuawe.....havovo muluku onawerya werano yela". Asinthamwene, Muluku mmohamoha olotcha ni atchu othene. " Muhikhaleno Muluku mukina nyenya miyo mekhaka, muhipakele yophwaniherya yopatcha.
Eruku Yanekhuminathanu Napili 17: Daniel Onavekela Wa Muluku
![Eruku Yanekhuminathanu Napili 17: Daniel Onavekela Wa Muluku](https://static.globalrecordings.net/300x200/lll5-17.jpg)
Daniel 6:1-13
Daniel akhalano owerya mwelapo yoBabilonia. Anamuteko a mwene yanamukhalela nrima. Yanavyavya motherya hiyamphwanyeno nthowa vawi anamwiwelela mwene. Nave amwitchani a Daniel yaya wa mwene eriki; "nnovekani mwene wi muvahe olamulelo wi yowo ani aphwanyiwe amuvekelaka Muluku mukina vohikhala miyo mmahiku yala mararu anorwa onahala avonyeriwe munikokani namwatcho". Mwene awemererya arepa. Daniel ahiiwa wi nokhalawo nlamulo nahihano, nave Daniel atitelelaru omuvekela muluku oraru wa nihikuni. Amwitchani awe yamonnaya avekelaka yaya omusomela. "Daniel haiwelenle nlamulo opankawe".
Eruku Yanekhuminathanu Natcharu 18: Daniel Munikokani Namwatcho
![Eruku Yanekhuminathanu Natcharu 18: Daniel Munikokani Namwatcho](https://static.globalrecordings.net/300x200/lll5-18.jpg)
Daniel 6:14-24
Mwene hatchuna omona Danielamiriwe ti amwatcho nave hawerya wakakhanya nlamulo. Nave Daniel ariheliwa munikokani namwatcho. Woshishelo mwene atchimaka oya onikokani namwatcho amwitchana. "Daniel, kapuro a Muluku, Mulukuyo owerya owakiha mwamwatchoni?". Nave Daniel ahakhula "Muluku aka amurumiha munkelo awanle iyano samwatcho". Mwene atepa ohakalala. Daniel akumihiwa munikokani. Nave mwene avaha olamulelo, wi amwitchani othene a Daniel eriheliwe munikokani namwatcho. Nave amwatcho yahamirya. Asinthamwene, nihimove mutchu hanawerya wera etchu. Nimuroromele Muluku amukhavihenrye Daniel ni akhawe. Namwi niphiwe,nokhalano oweherya, okhala vamoha ni Yesu mahiku othene.
Eruku Yanekhumi Nathanu Nasheshe 19: Neemia Oholo Wa Mwene
![Eruku Yanekhumi Nathanu Nasheshe 19: Neemia Oholo Wa Mwene](https://static.globalrecordings.net/300x200/lll5-19.jpg)
Neemias 1:1 - 2:7
Akwileiye Daniel ahoneya mulopwana awitchaniwa Neemias oBabilonia. Neemia ari muYuda yowo amuroromela Muluku. Neemia ari namuteko a mwene. Nihiku nimoha amvahaka yowurya mwene, mwene amukoha. "Nthowa tani ethiayo ekhanlaya yotchimwene.....? Neemiya atchimwe ntakhara Yerusalemo, mutchetche wa makholo awe wathatuwa milepe. Ayuda yaphwanyeya weiwo yari mmakatchamihoni. Nave Neemia amulela mwene sa Yerusalemo ni atchu awe. Nave mwene ahi "yokhalavo etchu onatchunawe okiveka wi kokhaviherye?". Neemiya avekela mmurimani mwawe wa Muluku, alotcha ni mwene. " Warimwi owereyakavo mwene, kirumeni omutchetcheni wasitithiaka, wi kateke yowo". Muluku ahakhula mavekelo a Neemia, nave mwene ahemererya. Muluku onnalamula veri va mamwene othene, nave atchu yavekela wa Muluku. Evekaka yeyo enamuhakalaliha Muluku, Muluku onamwakhula mavekelo aya.
Eruku Yamakhumimeli 20: Neemia Onetchetchela Milepe Sa Yerusalemo
![Eruku Yamakhumimeli 20: Neemia Onetchetchela Milepe Sa Yerusalemo](https://static.globalrecordings.net/300x200/lll5-20.jpg)
Neemia 2:8-20
Mwene amunnya Neemia alopwana ni itchu sotekano mutchetche. Neemia ni omukhaviheryawe yahetcha mukwaha worwkamelana oya oYerusalemo. Amwitchani aYuda yahiwa sa makhalelo a Neemia. Nave yawo yanenyeya. Hiyakhwela omona mutchu tani akhaviheryaka ayuda. Neemia hawomve amwitchani awe. Amwetchelela Yerusalemo, arukurerya mutchetche wothene. Sothene siha awenreno ohiyu wi ahikhale ani amone. Oshakavo Neemia awitchana aYuda ii "rwani, hankoni niteke wili-wili mutchetche woYerusalemo wi ohawa onivinyerevo". Ahalela wi Muluku ori ni yowo, nave mwene oBabilonia oherela onamona. Nave aYuda yamwakhula "hankoni nipatchere oteka".
Eruku Yamakhumimeli Namoha 21: Otekiwa Wa Esiri Ya Yerusalemo
![Eruku Yamakhumimeli Namoha 21: Otekiwa Wa Esiri Ya Yerusalemo](https://static.globalrecordings.net/300x200/lll5-21.jpg)
Neemia 3:1 - 6:19
Vareryani verukuni. Ayuda yapatchera muteko. Yakawana makhuru olapa: akina yatchotchela maluku, mapedrero yamuteka, akina yari makwarata vamilakoni wovolowa mmutchetcheni. Amwitchani aYuda yonnaya iha yasarasareya murima. Nave Neemiya avekela wa Muluku wili-wili, amveka Muluku wi amoniherye yophwanela wera. Aharumiha anakhotcho awe ni ikapwitchi saya walipelela anamalapa. Othene yakusha malemaya owaniha. Amwitchani aya hiyawenrye omwipha Neemia nari muYuda. Muteko wanayaru muholo. Emalinhe mahiku makhumimathanu ni mahiku meli yamaliha oteka mutchetche. Mahiku mantchipale ninnathoiwa miruku. Ninnahalela osuwela yophwanela wera. Muluku okhalano miruku nikuru. Ntoko Neemia hankoni nivekele wa Muluku, nimuroromele yowo; mwawi hiha Muluku onamuwaniha munipuroni nahu.
Eruku Yamakhumimeli Napili 22: Esdra Onalakhanya Malamulo
![Eruku Yamakhumimeli Napili 22: Esdra Onalakhanya Malamulo](https://static.globalrecordings.net/300x200/lll5-22.jpg)
Neemias 8:1 - 13:31
Emalinhe oteka mutchetche, aYuda othene yathukumana oYerusalemo. Esdra, mulipa ohela ephepa ya Muluku alalerya malamulo a Muluku yawo ari mPipiliani. Atchu akina yapatchera wunla. Vava yasuwela wi hiyakhapelenle malamulo a Muluku. Vanthowa nenna Muluku ahahiya amwitchani aya enyanya mutchetche aya. Ayuda anatchuna orukunuwa wera sonanara etchare ephiro ya Muluku wili-wili. Neemia alotcha ni atchu "muhove, ohakalala w'Apwiya ori ikuru sanyu". asinthamwene, mokhalano ohakalala. Muluku onnanivaha ohakalala nave ikuru wakhla wi nomusuwela Yowo. Kihiyeni kleliheryeni omusuwela Muluku aNeemia. Yowo ori Muluku mmoharu, Muluku eparipari.
Eruku Yamakhumimeli Natcharu 23: Yesu Vamwikimanyo
![Eruku Yamakhumimeli Natcharu 23: Yesu Vamwikimanyo](https://static.globalrecordings.net/300x200/lll5-23.jpg)
Yohane 19:17-30
Eriwo ephiro emoha yomusuwela Muluku. Muluku omuruma mwanawe, Yesu, ononiherya ephiro. Yesu ari elapo yela yavathi. Oherano itchu saphama sawakhaviherya atchu. Ononiherya makhalelo ophwanela omuhakalaliha Muluku. Nave hiyo hannatchara ephiro awe. Hiyo nomutchekela Muluku. Muluku onnatoriha yotcheka wa yawo anakhotcha ephiro awe, nimanle okhwa onnanivonyera omoroni oriwo olaka wohimala. Pipilia onnanihusiha wi mutchu apakiwe ni etchaya, mutchu onakhweiye mwili onathatuwa ntchupi. Nave munepa wa mutchu yowo ori mwa hiyo, onnatchikela wa mwanene Muluku yowo onivanhe; wa Muluku ninkhalela olaka nari phatamari. Wiriyanani, Muluku omuvulusha Elia ni Daniel etchunaka wiphiwa tachu. nave Muluku oherano mwayini wahiya atchu onanara murima emwipha Yesu. Yamuthomeya yowo vamwikimanyo. Yesu onikushera yolivelahu vawi Yowo onisivela hiyo othene. Wakhala wi hiyo norukunuwa murima, Muluku onnaweya onikhurumuwela wi nimusuwele Yowo, nimutchare Yowo,nimwiwelele Yowo. Yawo anamutchara Yesu mweparipari, herwa etorihiwa emanle okhwa, yawo enarwa emusivela yowo emurumela yowo, ni watana ni yowo wirimu.
Eruku Yamakhumimeli Nasheshe 24: Yesu Ononiherya Ephiro Ya Okumi Wohimala
![Eruku Yamakhumimeli Nasheshe 24: Yesu Ononiherya Ephiro Ya Okumi Wohimala](https://static.globalrecordings.net/300x200/lll5-24.jpg)
Mateyu 7:13-14; Yohane 14:6
Asinthamwene, atchu yikhalelaru omutchekela Muluku, atchu anetcha ephiro etokwene ya satana onalamuleiye ni ankelo awe. Ephiro yela enovelelani wolakiwani wohimala. Othene yehu niyariwe velaponi vava nohetcha mwephiro yela. Yela eparipari wa miyo ni weyo. Vawi Pipilia oni "othene notcheka....". Vawi othene notcheka nophwanela olaka wohimala. Nave Muluku omurumiha mwanawe Yesu, okusha yotcheka munipuroni nahu. Muluku omuveiha Yesu wokhwani, nave hihano vava onnanoniherya ephiro yoyano wa Muluku. Yesu ori "miyo ka ephiro ni eparipari ni okumi, havovo onaya watithi aka ohiri wa miyo". Yawo anatchara ephiro ya Yesu herwa evolowa wotorihiwani. Nave satana natchu awe enarwa etorihiwa. Nipatchere otchara ephiro ya Yesu hihano. Eri yovila otchara ni yonimuwa. Vanthowa na mwitchani elapo yela ya vathi, atchu enarwa yona ekoi. Nave Yesu ori ni yawo anamutchara yowo onnavaha ikuru. Yawo anamutchara Yesu akhalano oweherya vawi ephiro ya Yesu ennaholela wirimu. Wirimu hawiwowo ekoi nave oriwo ohakalala ni mureshele, wa othene yawo anaya wirimu enarwa emurumela, nave emusivela Muluku ni okhala ni yowo mahiku othene. Watchunaka ohiya ephiro ya satana opatchere olelo vava otchara ephiro ya Yesu yeyo enamoholela wa Muluku, nave ovekele oriki: Atithi Muluku awirimu, kohetcha ephiro ya satana kinera okhwela waka. Mukimorele ikharari, mukikhurumuwele miyo otchetka. Kinnothamalani Apwiya Yesu Kristo, nyuwo mukhwile vamwikimanyo, okiveiheryavo yotchekaka. Kinathamala wa nikhami nanyu nnarapiha yotchekaka. Apwiya Yesu kinnawakhelani nyuwo ntoko Apwiyaka ni mvulusha aka. Kinnathamala mwa munepa wawela yowo munakivahanyu okera mwana a Muluku, ni wiwelela masu a Muluku. Mu nsina na Yesu Kristo miyo kinnaveka. Amem.