unfoldingWord 36 - Hiloito No Yesu
![unfoldingWord 36 - Hiloito No Yesu](https://static.globalrecordings.net/300x200/z40_Mt_17_05.jpg)
Ուրվագիծ: Matthew 17:1-9; Mark 9:2-8; Luke 9:28-36
Սցենարի համարը: 1236
Լեզու: Lopit
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z40_Mt_17_01.jpg)
Ifa obo holoŋ, eyari Yesu ho inyeja efahat ohunik, Peturu, Yakobo ojo Yoani. (hejufani ile ara fure nohonyi Yoani obe ara lafa etifoto Yesu.) Ofwo ifa isieja ahide doŋe nesaga ta kwaite innohosie lomojori.
![](https://static.globalrecordings.net/300x200/z40_Mt_17_02.jpg)
Hati ifa omojo Yesu, ette homom nohonyi calai no lobwor iya holoŋ. Ojo boŋojin innohosie ette hira boŋi, obwor agalik inno huwo illo lowuon da fau obe lobo oremik ehuhumu isieja.
![](https://static.globalrecordings.net/300x200/z40_Mt_17_03.jpg)
Hati olieu ifa Moses ho hekiliani Elija illafa amanya to fou ŋasi hisihai ahisihit hobe Hiram innaŋ. Ero ifa isieja ho Yesu hiram no Ye nohonyie, nolohu wuana kwak to Yerusalem.
![](https://static.globalrecordings.net/300x200/z40_Mt_17_04.jpg)
Hati nafa ero Moses arik he Elija to Yesu, ojo Peturu to Yesu, "Anyar to hoi hoto wanari enni. Hehuhumak hajik hunik, nobotie nohoi, nobo to Musa ojo nobo te Elija." Obe ifa Peturu oyen hiro inne ero inyeja.
![](https://static.globalrecordings.net/300x200/z40_Mt_17_05.jpg)
Hati ifa ero Peturu, olu ifa itiran no lobwor afau ette hijo, “Lenyi hanaŋ illeŋ ille amuno naŋ. Itirai to honyi." Ette hejufak ille lohunik baŋi, ette isieja ŋahuyik to fau.
![](https://static.globalrecordings.net/300x200/z40_Mt_17_06.jpg)
Hati ette Yesu hitir hejufak ette hijo, Ibaŋa hebaŋ, itite ahide." Ifa ewolo isieja daŋ ette ŋegonyu Yesu alobotie.
![](https://static.globalrecordings.net/300x200/z40_Mt_17_07.jpg)
Ifa ŋacahari Yesu arik hejufat ohunik to hide toŋe afou. Hati ojo Yesu to hosi ibaŋa elimak lobo tihoni. Ahu iso naŋ ye ajo hidofe acohini tamanya. Hati tahalu ifanu iso ŋelimak huwo."