unfoldingWord 36 - Hiloito No Yesu
Disposisjon: Matthew 17:1-9; Mark 9:2-8; Luke 9:28-36
Skriptnummer: 1236
Språk: Lopit
Publikum: General
Hensikt: Evangelism; Teaching
Features: Bible Stories; Paraphrase Scripture
Status: Approved
Skript er grunnleggende retningslinjer for oversettelse og opptak til andre språk. De bør tilpasses etter behov for å gjøre dem forståelige og relevante for hver kultur og språk. Noen termer og begreper som brukes kan trenge mer forklaring eller til og med erstattes eller utelates helt.
Skripttekst
Ifa obo holoŋ, eyari Yesu ho inyeja efahat ohunik, Peturu, Yakobo ojo Yoani. (hejufani ile ara fure nohonyi Yoani obe ara lafa etifoto Yesu.) Ofwo ifa isieja ahide doŋe nesaga ta kwaite innohosie lomojori.
Hati ifa omojo Yesu, ette homom nohonyi calai no lobwor iya holoŋ. Ojo boŋojin innohosie ette hira boŋi, obwor agalik inno huwo illo lowuon da fau obe lobo oremik ehuhumu isieja.
Hati olieu ifa Moses ho hekiliani Elija illafa amanya to fou ŋasi hisihai ahisihit hobe Hiram innaŋ. Ero ifa isieja ho Yesu hiram no Ye nohonyie, nolohu wuana kwak to Yerusalem.
Hati nafa ero Moses arik he Elija to Yesu, ojo Peturu to Yesu, "Anyar to hoi hoto wanari enni. Hehuhumak hajik hunik, nobotie nohoi, nobo to Musa ojo nobo te Elija." Obe ifa Peturu oyen hiro inne ero inyeja.
Hati ifa ero Peturu, olu ifa itiran no lobwor afau ette hijo, “Lenyi hanaŋ illeŋ ille amuno naŋ. Itirai to honyi." Ette hejufak ille lohunik baŋi, ette isieja ŋahuyik to fau.
Hati ette Yesu hitir hejufak ette hijo, Ibaŋa hebaŋ, itite ahide." Ifa ewolo isieja daŋ ette ŋegonyu Yesu alobotie.
Ifa ŋacahari Yesu arik hejufat ohunik to hide toŋe afou. Hati ojo Yesu to hosi ibaŋa elimak lobo tihoni. Ahu iso naŋ ye ajo hidofe acohini tamanya. Hati tahalu ifanu iso ŋelimak huwo."