unfoldingWord 37 - Исаның Елазарды өлімнен қайта тірілтуі
![unfoldingWord 37 - Исаның Елазарды өлімнен қайта тірілтуі](https://static.globalrecordings.net/300x200/z43_Jn_11_11.jpg)
Áttekintés: John 11:1-46
Szkript száma: 1237
Nyelv: Kazakh
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z43_Jn_11_02.jpg)
Сол уақытта Елазар есімді бір адам өмір сүрген еді. Оның Мәриям және Марта деген екі әпкесі болған еді. Елазар, Марта және Мәриям Исаның жақын достары болды. Бір күні Исаға Елазардың қатты науқастанып жатқаны туралы хабар келді. Иса мұны естігенде: “Бұл аурудың соңы өлімге соқтырмайды, қайта, осының арқасында адамдар Құдайды мадақтайтын болады” — деді.
![](https://static.globalrecordings.net/300x200/z43_Jn_11_03.jpg)
Иса Өзінің достарын жақсы көруші еді, бірақ Ол Елазардың науқастанып жатқанын естісе де, сол кезде болған жерінде тағы да екі күнге қалып қойды. Бұдан кейін Иса шәкірттеріне: “Яһудея аймағына қайта оралайық” — деді. Ал шәкірттері: “Ұстаз, Яһудеяда тұратын адамдар жақын арада ғана Сізді өлтіргісі келіп еді ғой!” — деді. Иса: “Досымыз Елазар ұйықтап жатыр. Мен барып, оны оятайын” — деп жауап берді.
![](https://static.globalrecordings.net/300x200/z43_Jn_13_06.jpg)
Исаның шәкірттері: “Ұстаз, Елазардың ұйықтағаны жақсы, сонда сауығады”, — деп жауап берді. Сонда Иса оларға тікелей: “Елазар өлді. Бірақ мен сол жерде болмағаныма қуаныштымын, өйткені енді сендер Маған міндетті түрде сенесіңдер.” — деді.
![](https://static.globalrecordings.net/300x200/z43_Jn_11_04.jpg)
Иса достары тұратын ауылға келгенде, Елазардың қайтыс болғанына төрт күн өткен еді. Марта Исаның алдынан шығып: “Ұстаз, егер Сіз осында болсаңыз, менің бауырым өлмес еді. Бірақ қазір де Құдайдан не сұрасаңыз, оны Сізге беретінін білемін” — деді.
![](https://static.globalrecordings.net/300x200/z43_Jn_11_05.jpg)
Иса былай деп жауап берді: “Қайта тірілу мен шынайы өмір — Менмін. Маған сенетін адам өлсе де, шынайы өмір сүретін болады. Соған сенесің бе?” Сонда Марта: “Иә, ұстаз! Мен Сіздің Мәсіх және Құдайдың Ұлы екеніңізге сенемін” — деп жауап берді.
![](https://static.globalrecordings.net/300x200/z43_Jn_11_06.jpg)
Содан кейін Мәриям келді. Ол Исаның аяғына жығылып былай деді: Ием, Сіз осында болсаңыз бауырым өлмес еді! Иса олардан: “Оны қай жерге жатқыздыңдар?” — деп сұрады. Олар: “Қабірде. Барып көріңіз” — деп жауап қайтарды. Иса көзіне жас алды.
![](https://static.globalrecordings.net/300x200/z43_Jn_11_07.jpg)
Қабір аузы қақпақ таспен жабылған үңгір болатын. Иса үңгірге жақындағанда: “Тасты алып тастаңдар” — деп бұйырды. Бірақ Марта былай деді: “Елазардың қайтқанына төрт күн болды, ол иістеніп кетті”.
![](https://static.globalrecordings.net/300x200/z43_Jn_11_08.jpg)
Иса оған: “Егер Маған сенсең, Құдайдың құдіретті ұлылығын көресің деп саған айтпап па едім?” — деді. Сонда олар қабірдің аузынан қақпақ тасты домалатып алып тастады.
![](https://static.globalrecordings.net/300x200/z43_Jn_11_09.jpg)
Иса көкке қарап: “Әке, әрқашан Мені еститініңе алғыс айтамын. Мені еститініңе кәміл сенемін, бірақ мұны осында тұрған адамдардың Сенің Мені жібергеніңе көздері жетуі үшін айтып тұрмын”. Содан кейін Иса қатты дауыстап: “Елазар, шық!” — деп бұйырды.
![](https://static.globalrecordings.net/300x200/z43_Jn_11_11.jpg)
Сонда Елазар қабірден шықты! Ол толық кебінге оралған еді. Иса айналасында тұрған адамдарға: “Кебінін шешіп жіберіңдер, жүре берсін!” — деді. Бұл кереметті көрген яһудилердің көбі Исаға сенді.
![](https://static.globalrecordings.net/300x200/z43_Jn_11_12.jpg)
Бірақ бас діни қызметшілер мен парызшылдар бүкіл халық Исаға Мәсіх ретінде сеніп кетеді деп кауіптенді. Сондықтан олар кеңес құрып, Иса мен Елазарды өлтіруді жоспарларды.