unfoldingWord 37 - Jisasi Lasarusimi Pukintinkena Ukuka Ankemi
![unfoldingWord 37 - Jisasi Lasarusimi Pukintinkena Ukuka Ankemi](https://static.globalrecordings.net/300x200/z43_Jn_11_11.jpg)
Áttekintés: John 11:1-46
Szkript száma: 1237
Nyelv: Gadsup
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z43_Jn_11_02.jpg)
Mana nurami Jisasi Lasarusin ac ewam wayani indemi. Lasarusi wen ayofi kanda Meri nuc Mata kanda yeni Jisasin acdekac wan ackan dauci wanone. Jisasi weni mini wayani indiremi temi, "Lasarusi mini ac marenimi iyen pukin temifo Koctin anon wici marantemino." Jisasi weni yemi ayikaran emi. Weni micnitiremi wanimi kan nurami yankakemi.
![](https://static.globalrecordings.net/300x200/z43_Jn_11_03.jpg)
Kanuran yankakain acnaempaci Jisasi wenic disaipoliuc tiyimemi temi, "Mareyic yewekec Judac wono." Disaipoliuc yeweke teni, "Tisao, makeukami mini makusim weyom waintauc en arumam pukirani enone!" Micni tire temi, Jisasi temi, "Lasarusi ikeunamac tikono oni dukaci teni wemi omar orontec umpe."
![](https://static.globalrecordings.net/300x200/z43_Jn_13_06.jpg)
Jisasinic disaipoliuc yeweke tameno, "Iyeno o, Lasarusi om warukantemi amankaci wantemino." Micni tire temi, Jisasi yewaekem pacwan uremi tiyimemi, "Lasarusi pucikaci teni minikac iye wekunawani timoneko, newarafi eni tenkac andum munkonowani micnec umpe."
![](https://static.globalrecordings.net/300x200/z43_Jn_11_04.jpg)
Micni tiremi Jisasi Lasarusi wan taunikim wemi. Lasarusi puci dukami eriyewan nurami yankakemi. Mata woyon yonaremi temi, "Iyeno o, e-manakac wakeonimi ten tiyofi iyem puki tino. Yeweken temi, "Teni enkaci ten tindum munkeko, newarafi eni indaona andandaucke Kocti amiric manan emino."
![](https://static.globalrecordings.net/300x200/z43_Jn_11_05.jpg)
Jisasi yeweken tamemi temi, "Teni masicpinke ukuckan namac ayum pawan namac wecumpe. Wanta anasi yenyindun tenkac munkeye ayumi pani wantenone, pukeni pani ayumi wantenone." Jisasi wemi yewekem indaemi, "Mini wayasac en andun munkefono?" Mata yeweken temi, "Eyo, Iyeno o!" Teni ten tindur enkaci munkec umpe, eni Mesaya Koctin akaci wanamino."
![](https://static.globalrecordings.net/300x200/z43_Jn_11_06.jpg)
Minikac pawami Meri yeremi. Weni Jisasin akantin ackondonan duemi temi, "Iyeno o, eyukam makac wakonane, ten tiyofi iyem pukitino." Jisasi minikac wake youni indaemi temi, "Inkepakac Lasarusimi dukekafono?" Yeni wen tameni teni, "Masic kimi wemifo, yerec onano." Micni ten indemi Jisasi kukanden ificdemi.
![](https://static.globalrecordings.net/300x200/z43_Jn_11_07.jpg)
Masic eyom masic osac onac wami minikac untic kami. Jisasi minikac yeremi temi, "Mini onacwan awekamam pasac dako. Mata minikaken temi, "Eriyewan nurami dukakemi manda undan inteminon temi."
![](https://static.globalrecordings.net/300x200/z43_Jn_11_08.jpg)
Jisasi mini kacken temi, "Emi acnani iyec tame kafuno, en andun tenkim munkure waci Koctinic erar onanon tecumpe?" Afo yeni mini indireni mini onacwan awekamam pasac deno.
![](https://static.globalrecordings.net/300x200/z43_Jn_11_09.jpg)
Jisasi minikake inarumpaci kakacen temi, "Tentifo, tentic tukamukir indenawani tusun teko. Umacden yamuc tekuna indeona wani tusun teko. Jisasi minikake wen afonan temi, paya mana waya tekaune, ma ye unteyon iniya waintauyic ayokukani tecumpe. Micni tenaya yen yindun enkin deya teya eni tisinka namino teko. Afo Jisasi minikac ken wacdemi temi, "Lasarusio mapac kumonon temi!"
![](https://static.globalrecordings.net/300x200/z43_Jn_11_11.jpg)
Afo Lasarusi mini indemi masikinke mapac indac imi, Jisasi tiyimemi temi, "Uckukenin andauc utufoko tini yeni wen akar ayanuc ukukeni utufeno!" Wanta anasi mini onareni yenyindun Jisasinkim munkeno. Newarafi minin onami amin yokani uwaremi.
![](https://static.globalrecordings.net/300x200/z43_Jn_11_12.jpg)
Mini onareni Judauyic mankac anti keyouni manda indini mandeni Jisasinuc Lasarusin kanda yirirani waya uyeno.