unfoldingWord 06 - Isor Isaac Nimite Maiki Dise
Zusammenfassung: Genesis 24:1-25:26
Skript Nummer: 1206
Sprache: Nagamese
Zuschauer: General
Genre: Bible Stories & Teac
Zweck: Evangelism; Teaching
Bibelzitat: Paraphrase
Status: Approved
Skripte dienen als grundlegende Richtlinie für die Übersetzung und Aufnahme in anderen Sprachen. Sie sollten, soweit erforderlich, angepasst werden, um sie für die jeweilige Kultur und Sprache verständlich und relevant zu machen. Einige der verwendeten Begriffe und Konzepte müssen unter Umständen ausführlicher erklärt oder sogar ersetzt oder ganz entfernt werden.
Skript Text
Jetia Abraham bisi bura hoi jaise, tetia tai laga chokora Isak jowan manu hoijaise. Itu nimite Abraham tai laga ekta noukar ke matise aru jaikena tailaga ghor-manukhan bhitor te ekta chukuri ke Isak nimite bisarikena anibi koise.
Bisi lamba rasta safar kurikena utu noukar Abraham laga desh te punchise aru Abraham laga ghor-manukhan logote ahise. Isor he utu noukar logote Rebekah ke ahibole dise. Utu maiki toh Abraham laga kokai laga nati asile.
Aru utu noukar logote, Rebekah tai laga ghor manu ke charikena Isak laga ghorte jabole monjur hoise. Tai puncha logote, Isak taike shadi kuri loise.
Bisi homoe pichete, Abraham mori jaise. Isor pora Abraham laga chokora Isak ke asis dise, kile koile Isor pora Abraham logote ekta kotha milaikena rakhi thakise. Utu kotha milaikena rakhi thaka te Isor ekta kosom dise, Abraham laga khandan ginti kuribile naparibo nisina hobo koise. Hoilebi Isak laga maiki Rebekah bacha bukhibole naparikena thakise.
Isak pora Rebekah nimite prathna kurise, aru Isor pora Isak laga prathna hunise aru Rebekah eki logote duita bacha bukhise. Itu duita bacha ama laga pet bhitor te jujibole lagise, itu nimite Rebekah Isor ke itu laga jawab hudise.
Isor pora taike koise; ‘‘tumi duita chokora ke jonom dibo. Tai duijon laga khandan pora duita alag-alag desh hoijabo. Tai duijon ekjon-dusra-jon ke jhagara kuribo. Hoilebi apuni laga dangor chokora he chutu chokora laga takot nichete hobo.’’
Jetia Rebekah bacha ke jonom dise, dangor chokora lal rong nisena paise, aru gaote chuli bisi thakise, itu nimite tai laga nam Esau rakhise. Dusra chokora Esau laga theng ke tan pora dhurikena ulaise, itu nimite tai laga nam Jakob rakhise.