Look, Listen & Live 3: Victory through GOD
രൂപരേഖ: Joshua, Deborah, Gideon, Samson. 24 sections. It has a picture book to go along with the recording. This Simple script is meant for unwritten languages where the translation must be oral.
മൂലരേഖ (സ്ക്രിപ്റ്റ്) നമ്പർ: 420
ഭാഷ: Kalinga, Tanudan
പ്രമേയം: Eternal life (Salvation); Character of God (Nature, character of God, Word of God (the Bible), Power of God / Jesus); Living as a Christian (Obedience, No other gods, idols, Victory, Faith, trust, believe in Jesus); Bible timeline (Gospel, Good News); Sin and Satan (Spiritual Warfare, Deliverance, Judgement)
പ്രേക്ഷകർ: General
ഉദ്ദേശം: Teaching
Features: Monolog; Bible Stories; Extensive Scripture
അവസ്ഥ: Approved
മറ്റ് ഭാഷകളിലേക്ക് വിവർത്തനം ചെയ്യുന്നതിനും റെക്കോർഡുചെയ്യുന്നതിനുമുള്ള അടിസ്ഥാന മാർഗ്ഗനിർദ്ദേശങ്ങളാണ് സ്ക്രിപ്റ്റുകൾ. ഓരോ വ്യത്യസ്‌ത സംസ്‌കാരത്തിനും ഭാഷയ്‌ക്കും അവ മനസ്സിലാക്കാവുന്നതും പ്രസക്തവുമാക്കുന്നതിന് അവ ആവശ്യാനുസരണം പൊരുത്തപ്പെടുത്തണം. ഉപയോഗിച്ച ചില നിബന്ധനകൾക്കും ആശയങ്ങൾക്കും കൂടുതൽ വിശദീകരണം ആവശ്യമായി വന്നേക്കാം അല്ലെങ്കിൽ രൂപാന്തരപ്പെടുത്തുകയോ പൂർണ്ണമായും ഒഴിവാക്കുകയോ ചെയ്യാം.
മൂലരേഖ (സ്ക്രിപ്റ്റ്) ടെക്സ്റ്റ്
Introduction
Tinorongan Apo Dios da tago ad Israel we mangabak aqq tta kabusorda. Mabalin we man-adar tako kan dida. Dongron tako de cassette ya itallong tako de sumaruno we iglato ate brown we libro no dongron yo de sana we kanta.
Umuna we iglato - Ak Joshua nakapatay at da Amalekites
Tago ad Israel, naidpon kuwada ak luta.
Nalliklikwosda atte desierto.
Ak moses de pangat da.
Pinilina de kabanbanuagana we laraki nanggadan ak Joshua we kapitan da saldado na.
Guinohat da Amalekites ad Israel, wot kanan Moses kan Joshua, “Lumawa ka ta makapatay ka atta Amalekites. Asiyak sumikad atte toktok ni batilid odon ko de surkod Apo Dios atte imak”.
Ingangato’n kad Moses de surkod Apo Dios ak Joshua ya da Israelites loog da inabak da inabak da Amalekites.
Yakon naiwas kad de ima’n Moses adina pon loog mipugod de surkod we mangipangato kan Apo Dios, baag nan anne isarad da Amalekites we mangabak atte baroknit.
Siya de gapu we intayog da duwa we laraki de takray Moses inggana mumasdom. Wo’t binadangan Apo Dios ak Joshua we mangabak atta Amalekites.
Maikagwa we Iglato - Da Espiya ya sa Bungana ad Canaan
Impanamnaman Apo Dios we ittona atte Israel de luta ad Canaan, siya gapu we imbo-on Moses da nasawaran ak dua we laraki we manespya atte luta.
Narakpus kad de opat puro (40) we orgaw nansubli da wot ul-ullitan da de innilada.
Indanon da Joshua kan Caleb de ambaro we damag.
Kananda, “ sa luta umip-ip-ip de gatas ya dilo (nabaknang ya naganagan). Annaya da bungana. Da tago we awad sidi, mansosokar da, takon kad ay, adi tako umogyat at da tago. No mas-on de Apo kan ditako, ipuyatna luta kan ditako.”
Yakon da udun we espya indatong da de lawing we damag.
Kananda, da tago ad Canaan isuda de kadadakkor ni balinto-ogan (giants).
Sana umogyatan da Israel we lumnok ad Canna.
Oni pon summanga Apo Dios ta adida pon mamati kan siya wot ipuuli na dida atte disyerto atte unog ni opat puro (40) we tawon.
Nangkakatoy da Israelites we adi pon mamati kan Apo Dios atte desyerto.
Maikatlo we Iglato - Nandormang da tago ad Israel atte tao-wang
Nagangput kad natoy ak Moses, nambalin ak Joshua we pangat da Israel.
Wot kanan Apo Dios kan Joshua, “Sa sana sika ya da losan we tago mansagana kayo ta mandormang kayo te taw-wang ad Jordan we lumnok atte luta we ittok kan dikayo.”
Imbagan Apo Dios kan Joshua de koon da.
Da papadi’n da odonda de duma we kabon we awaganda arko.
Niigga ad darom da lintog Apo Dios we naiguili ta topak we bato.
Imbaga’n Apo Dios kan dida we bukodonda de arko we umoy atte tawwang.
Lummatad de tawwang, yakon oni ta guinusdan da pade de danum, iyyagay ni tawwang we man-osog wot mamag-anan.
Summikad da papadi atte gawa’n ni dot-ar ni tawwang wot nakador mang da losan umoy ad Canaan atte labaw ni ammamag-an we luta.
Maikaopat we Iglato - Niwakas de bato we arad na Jericho
Da tago ad Israel nankampo da ad Canaan adani atte ili we maawagan Jericho.
Wot kanan Apo Dios kan Joshua, “Indawat ko inabus atte imam ad Jericho. Sikwoson yo atta losan we soldado de ili atte onom orgaw. Mangawit ka pito we papadi ta mangdon da tanggoyob atte sango ni arko’n Apo Dios. Sa maikapito we orgaw, manlikwos kayo mangampito buronyo da papadi we sapsap-uyanda da tangguyobda. Bilinom da tago ta mambogbogga da. Sa tuping ni syudad magday ya da tago makwa’e lumnok dagus ad darom.”
Kiningwa’n da Joshua ya da tago de bilin Apo Dios.
Sa arad we tupingna’d Jericho niwakas wot sinurongda de syudad.
Imbaga’n Apo Dios atta Israel we adida patot manansam ta mankuwada.
Maikalima we Iglato
Ad Ai sabali gos we kabusor we ili adani ad Jericho.
Kasapuran we sakupon da gos, wot nangiboon atta espiya umoy atte ili.
Nansublida espiya wot kananda, ”Adi kayo mangiboon atta losan we tago we makapatay ad Ai, ta akit da tago sidi.”
Siya gapu we nangiboon ak Joshua atta akit we soldado ta surongonda ad Ai.
Yakon da lallarakin da ai inabakda da soldado’n da Israel.
Natoy da udum we Israelites ya da udum ummawid da ta matago da.
Insubsob Joshua de bosorna atte sango’n Apo Dios.
Yakon kanan Apo Dios kan siya, “Nakabasol ak Israel, nan-akawda kan nantuli-tuli da siya de gapuna adida pon maisikad da kabusorda.
Maikaonom we iglato - Sa Dusa’n Achan
Tinipon Joshua da tago ad Israel atte sango’n Apo Dios.
Impiila’n Apo Dios kan Joshua kan Achan “ibagam no nga ni kiwwam.”
Wot kanan Achan, “Tuttuwa, nakabasulak kan Apo Dios. Innilak kad de adu we samsam ad Jericho de ambaro we kagoy, sa tanso ya sa simbukos we burawan innarak dida.”
Indasan da tago da sana we inakaw Achan we naitoru atte sigayna.
Nadusa Achan atte katoy, maigapu atte bilin Apo Dios.
Nan-awidan Apo Dios de sangana wot kanana. ”Aran yo da atta Ai. Adi kayo umogyat ta impagomgom ko de ili ad atta imayo (mangkuwayo ad Ai).”
Pinati’n da Israel ak Apo Dios woot orogda we inabak da Ai.
Maikapito we Iglato - Gumminok de init ya sa sorag
Da lawing we tago ad Canaan insarad da we kumimot atta Israel.
Lima we tribu da de nandadatong ta makagubat da atta Israel,
Yakon kanan Apo Dios kan Joshua, “adiyo ikimot dida.”
Wot ak Joshua ya da soldado lummawada ta makapatay da atta tribu wot umawid da sadi ye tribu we amod de kimot da.
Inittag Apo Dios de amod we bumato we dararo (Hailstones) atta kabusar wat ado kan dida de natoy.
Insisikad da de barokwit atte sin-orgaw.
Oni kad kanan , “Sika init guminok ka.”
Pinaginok Apo Diosde guido’n ni init kan sorag atte sadi we orgaw inggana abuson da Israel abakon da kabusor da.
Ippon orgaw ak iswa ni nakwa atte sadi we orgaw.
Binadangan Apo Dios da Israel we mangabak atte lawing we tribu ad Canaan.
Maikawaro we iglato - Sinuruan Joshua da tago
Nambalin ak luta’n da Israel ad Canaan we siya de impanamnama’n Apo Dios.
Narakay kad ak Joshua dinagup na da losan we tago
Kanana kan dida, “Pumigsa kayo. Ummaanyo tungparon da losan we naisurat atte libro we igaw ni lintog Apo Dios. No unudonyo da udum we Dios, maamin kayo maura atte luta we innatod Apo Dios kan dikayo. Mansomsomok kayo te sana we orgaw no ngani unubon yo (patiyon yo).”
Impanamnama’n da tago we patiyon da de Apo.
Gagayyom, ak Apo Dios tun-oyona da losan we imbagana kan Joshua ya da Israel.
iunatodna de luta we mangkuwa da wot abakona da kabusur da. Impanamnaman Apo Dios de igaw tako ad langit we ippon patinggana.
Oonnsn Apo Dios da losan we imbagana (promises).
Sa kabusor ak Satanas.
Yakon annat de napigsa we pangat tako we nangabak kan Satanas.
Siya ak Apo Jesu-Kristo.
Ansilbi ya pumati tako kan siya.
Sa Sana we orgaw piliyon tako no ngani unudon tako.
Maikasiyam we Iglato - Nan-ugod ak Derorah para kan Apo Dios
Nagangpot kad ak Joshua natoy, nan-awidan da tago ad Israel ak Apo Dios.
Dinaydayaw da da tinikitikan da i-Canaan.
Siya de gapu we innatod Apo Dios atta i-Canaan de mangituray atta Israel yakon lawing de koko-on da kan dida.
Osa we tago tukonon siya.
Pinadasna ipuuli da tago atte Apo Dios da Israel.
Osa kad we orgaw inayagana ak Barak we pangat da soldado ad Israel.
Kanana kan siya, “Iyoy no da simpuro’n libo (10,000) we lallaraki atte bilig tabor. Ak sisera ya da soldadona annat we dumatong we makapatoy kan sika. Yakon badangan dika kan Apo Dios we mangabak kan siya.”
Umogyat ak Barak.
Kanana kan Deborah, “no adika mikuyog kan sakon, adiyak pon umoy!”
wot kanan Deborah kan siya, “umunudak kan sika yakon siya mangittan atte Apo Dios mangituroy ad sisera de bobai. Dakom pon ak kuwan di dayaw.”
Maikasimpuro we Iglato - Bummadang ak Dios to maabak da Sisera
Da Deborah, Barak ya da Israelites ummoy da atte bilig tabor.
As Sisera ya da losan we soldado ad Canaan ummoyda nakapatay kan dida.
Siyam gasut (900) da karwahe (Chariot) we inusar Sisera.
Abus lawa espada (gaman) de inonnan de Israel.
Dummatong da i-Canaan atte tawwang we adani ad bilig tabor, yakon da karwahe da adida pon. Makakaddaran atta atukkitukki we batbatilid.
Oni kad niyanud da atte dumamakor danum ni tawwang.
Abus ak natago ak Sisera wot umawid we abus we iki.
Loog da Israel inabak da soldado’n da i-Canaan.
Na amin natoy da soldado.
Abus ak Sisera ak nakaawid we abus we iki.
Maikasimpuro ya osa we Iglato - Gingngat Jael ak Sisera
Ummawid ak Sisera atte boroy ni bobai nangngadan Jael.
Kanan kan siya, “lumnok ka darom! Adika makimot!”
Ak Jael dokon ak i-Israel, siya gapu we nantarowana sigay na.
Inittana siya ak gatas we inomona, oni kad inorosana siya wot masuyop ak Sisera.
Oni kad innaran Jael de lusod ni sigay ya sa mantilyo.
Ummoy we angginnok atte igaw Sisera we masusuyop, oni kad induspakna de lusod ni sigay atte urona wot nadikpus we nilaut atte luta.
Sin-akkitan pon dummatong ak Barak we manginop kan Sisera.
Inayagan Jael siya we lumnok atte sigay wot kanana kan siya, “away no ta ipiilak kan sika de tago we inapom.”
Andi we babaddong ak Sisera we natoy, sa urona nila-ut atte luta.
Maika-simpuro ya dua we Iglato - Nambarogway da Israel
Sa Apo Diosde nangatod atta Israel de kabalinan we mangabal atta i-Canaan.
Da Deborah kan Barak nangkanta da ta anggappiyada kan Apo Dios.
Nambarogway da tago.
Allaylayad da ta annat de pangatda we isun Deborah.
Isunana ina kan dida.
Dinayaw da gos ak Jael gapu ta adipon nakimot kan Sisera.
Usar Apo Dios anna duwa we bobai ta mailisi ad Israel.
Gagayyom ak Apo Dios usarona da kamat nakapuy we mangabak atta napigsa.
Awad os da napigsa we kabusor tako.
Yakon imboon Apo Dios de Apo Jesus ta milisi tako kan Satanas.
Da lawing’e tago de nangngat kan Jesus.
Kananda pon no ippon pannakabalin na.
Yakon binangon Apo Dios ak Jesus manipud kan katoy.
Inabakna ak Satanas ya da losan we lawing we tago. Itton Jesus de pannakabalin kan ippon patinggan we biag attalosan we mantorok ya mamati kan siya.
Nangatngato ak Apo Dios no da tinikitikan we kayo kan da bato.
Umman tako ipapoot we umunod kan siya.
Maika-simpuro ya turo we Iglato - Ak Gideon ya sa Angel Apo Dios
Da tago ad Israel adida pon dinongngor kan Apo Dios wot koon da lawing we makwa.
Wot imparubos Apo Dios da tago we Medianite we iturayanda dida atte unos di pito we tawon.
Tinangga’n da Medianite da losan we mura’n da Israelites.
Nan-ibil da Israelites kan Apo Dios ta isarak na dida.
Osa’e orgaw inayagan nit ago ak Gideon we madama ambogbog atte pagoy (wheat).
Padpadasona itaro atta Medianites.
Bigla we naniparang de angel Apo Dios wot kanana kan Gideon, “Inka ya inlisim da Inlisin da Israel manipud atta Midianites
Kanan Gideon, “Ngani inok we mangilisi atta Israel… ippon bilang ko we tago!”
Wot kanan Apo Dios, “Isarak ko sika.”
Inattana de angel ak kanona.
Guinidona atte bastonna.
Dagus we ummapuy wot ippon orgon mi ila atte angel.
Sadi nangigamoan Gideon we sa baga norpu kan Apo Dios.
Maikasimpuro ya opat we Iglato - Dinadail Gideon da tinikitikan
Da pamilya ‘n Gideon mandaydayawda kan baal ya Ashera da tinikitikan we dios da i-Canaan.
Kanan Apo Dios kan Gideon, “Iwakas no de altar ni amam kan Baal ya pinokpok no de tukod Ashera we adani. Oni kad mangwa ka usto we altar Apo Dios.”
Umogyat ak Gideon atta tago yakon pi-ona gos we pumati kan Apo Dios, wot sasadi ye labi nangara ak sinipuro we laraki wot dinadail da da tinikitikan.
Amod de alimo-on da tago wot pi-on da gongaton ak Gideon, yakon sa mismo we amam na insarakna siya.
Gagayyom, ak Apo Dios nangatngato no da tinikitikan we kayo kan bato.
Pasig tako otyan pumati kan siya.
Maikasimpuro ya lima we Iglato - Da soldado’n Gideon ininomda danum
Dinagup Gideon da adu we laraki we soldado ad Israel.
Da Medianites nadagupda ta gubatonda da Israel.
Kanan Apo Dios kan Gideon, “Amod de kaadu da tagom. Ngadan kad ad makimot toron pay man-ulinda te boboroy.”
Kanan Apo Dios kan Gideon kasin, “Annat pos we sissiya aduda tagom. Man-osog kayo atte danum sakon de amadas kan dida para kan sika.”
Inyosog Gidoen da tago atte danum ta uminumda.
Adu atta tago de nantalluko ya uminum atte danum awat ni inon da aso we uminum.
Abusda we turo’n gasut (300) we laraki de u minum we morpu atte imada.
Kanan Apo Diosda anna we turo’n gasut we tago we umminum atta iwada, abakok da Medianites.
Maikasimpuro ya onom we Iglato - Linikwosda tago’n Gideon de kampo’n da Midian
Namkampo da amod we soldado’n da Midian atte tanap.
Adita pon mabilang de kaadu’n da tago kan camelio.
Abus we turo’n gasut da tago’n Gideon, wot ibagan Apo Dios de koon da.
Inittan Gideon ak sin-ossa we tangguyob ya gumilgillayab we apuy ad darom ni banga.
Sinikwos da de campo’n da Midian atte mandawa.
Oni kad bigla we nandidisan da tumurog.
Sinap-uyan da da tangguyob wot batakonda da banga wot asida ipakaw, “Espada para kan Apo Dios ya para kan Gideon.”
Nakogway da Midianites wot isaradda we dida de manggogongat.
Tinayranda de campo wot abakon da Israelite didalosan.
Gagayyom, takon ay no nakalisut tako ya akit de bilang tako we isun da soldado’n Gidoen, no badangan ditako kan Apo Dios, makwa e abakon tako da kabusor we napigsa, ak Satanas.
Maikasawar ak pito we Iglato - Gingngat Samson de Lion
Natoy kad ak Gideon, da Israelites nan-awidanda gos kasin ak Apo Dios.
Mangwa kad ak Apo Dios impa rubos na da nauyong we Philistines we dusa-onda dida.
Oni kad imboon Apo Dios de pangat we awad de kabailana we mangisalakan atta Israel.
Samsom de ngadanna.
Sa Espiritu’n Apo Dios de nangwa kan siya we amod de kosdor na, yakon ak Samson adina pon inusar de kosdor na ta isalakana da Israel manipud atta Philistines.
Inusar na pagoy abus kan siya.
Sinukilna Apo Dios.
Minoryadan Samsom de osa we bobai’n da Philistine, wot kanana kan amana, “aram de bobai ta ambaro mangitollongak kan siya.”
Ummoy kad ak Samsom atte boroy ni bobai, indukros ni lion.
Gapu ta napigsa Samson gingngatan de lion atte abus we iwana.
Inasawana de Philistine we bobai, yakon adi pon andalimot (andapat) kan siya.
Sadi de nanggongatan Samson atta turo’m puro (30) we Philistines atte (naalimoon) summanga siya.
Maikasimpuro ya waro we Iglato - ak Samson ya da umap-apuy we aso (foxes)
Ummoy kasin ak Samson atta Philistines ta itallayna de asawana yakon inabus ni amana innatod we asawan ni sabali we laraki.
Kanan Samson, “Sa sana pumatasak atta Philistines!
Lummawa kad dinokmaana da turo’n gasut we aso (foxes).
Tinakod na we sindadwa de ipusda.
Intakod na de gumilguillayob we pinatud atta aso wot iburosna did ate papayawda Philistines.
Naming nasgob da murada.
Sinasangnga-an da Philistines ak Samson.
Pinadas da kad gongaton, innaran de tung-ar we parataog ni asno wot gongatona da sinlibo (1,000) we Philistines.
Maikasimpuro ya siyam we Iglato - Pinuttanda Philistines de book Samson
Adi pon Samson gudas pinukisan de bo-okna.
Sa ando we bookna siya de mangiwatonan we kuwan ni Apo Dios we nangwa kan siya angkosdor.
Inturoy Samson we sumukil kan Apo Dios.
Ummoy attesabali we bobai ad Philistine.
Delilah de ngadanna.
Pinadasna we inapon degapu na we amod de pigsa’n Samson.
Anongos na kad imbaga na kan siya, “innatod da sakon kan Apo Dios. No maptod de bo-ok ko, matarak de pigsak.”
Osa kad we labi atte masusuyop ak Samson, inayagan Delilah da Philistine.
Pintod da de bo-ok na.
Oni pon tinaynan Apo Dios ak Samson wot mipate makaan de pigsana.
Binarud da Philistines ak Samsom wot kuraponda atana. Imbabarud da siya wot andi gos we isarad na we umando kasin de bo-ok na.
Maika-duwampuro we Iglato - Niyam-an Samson da Philistines
Nandaton da papangat da Philistines atta tinikitikan we dios da.
Illawada ak Samson we nakurap atte baballudan wot manggwa-on da atte dakor we boroy ta linglingayona dida.
Nanluolo ak Samson kan Apo Dios, kanana, “Sosomkonak ya papigsa-onak takon no abus we amis-an.”
Inappadan Samson da tukod ni dakor we boroy.
Nansaudag atta sana wot iniggana de losan we pigsa na wot moottag de nangngato we dogan ni boroy wot matapilanda.
Ak Samson ya da losan’e papangat da Philistines natoy da losan.
Innatod Apo Dios kan Samson de pangabak na atta Philistines yakon gapu atte sukilna, adi pun natago ta itollongna.
Gagayyom, no itton tako kan Apo Dios de long-ag taka ittan ditako ak pigsa we mallabo kan Satanas ya da losan we lawing we panggop na.
Siya usto de usaron tako da pigsa we mansilbi kan Apo Dios dakompon kan ditako.
Maika-duwampuro ya osa we Iglato - Pinoryao Jesus da lawing we Espiritu
Natago ak Jesus as Israel amod we tamon manipud matoy da Gideon kan Samson.
Sa osan orgaw inabat na de tago we inam-amlingan da adu we lawing we espiritu.
Nayyukong atte sanguwanan (sango’y) Jesus wot kanana, “Ngani awad’e kook kan sika, Jesus, anak ni kangatoan we Apo Dios? “
Innigammo’n da espiritu we ak Jesus siya de anak Apo Dios.
Binilin Jesus da espiritu we lumawada atte long-ag ni laraki.
Nilummok da espiritu atta adu we borok atte adani kan dida.
Baag nanoddak da borok anturong atte baybay wot maminda maanud.
Insaradda tago we maawatan we annat de kabalinan Jesus we am-amod no ak satanas ya da udum we lawing we espiritu.
Takon ay da lawing we espiritu tumungpar da kan siya.
Maika-duwampuro ya dua we Iglato - Pinoryaw Jesus da lawing’e tago
Osa’e orgaw, ummoy ak Jesus atte boroy Apo Diosad Jerusalem.
Ininggawda manloloko ad daron atte boroy Apo Dios.
Ilaklako da da animal we maidaton.
Yakon mangmangwada ak pilak we lamlamyonganda udum.
Summanga ak Jesus, kanana kan dida, “Sa boroy ko ambalin ak boroy di lualo, yakon kiwwayo umok da man-aakaw.”
Intukyod na da manlaklako ya da animal atte lasin.
Ak Jesus siya de anak Apo Dios.
Nangdon ak tuttuwa e kabalinan we amoryaw atta lawing we tago atte boroy ni amana.
Yakon da udum we Hudyo sumangada wot kanana, “Ipiilam de kalintogan we mangwa te katna!”
Summongbat ak Jesus, “Yam-anon yo de long-ag ko wot marakpos kad de turo we orgaw bumangonak kasin.”
Maika-duwampuro ya turo we Iglato - Matattago ak Jesus magangput matoy
Da anne hudyo de nanggonat kan Jesus.
Inlansada siya atte kayo we cross, wot matoy.
Yakon sa mikatlo we orgaw natago gos kasin.
Iwittan Apo Dios ak Jesus atte pannakabalin we mallabao atte katoy.
Adi pon karon matoy.
Da tago innilada we ak jesus tuttuwa’e anak Apo Dios.
Kanan Jesus atta pasurotna, “losan we pannakabalin naatad kan sakon ad langit ya ad luta. Inkayo atta losan we tago atte losan we karumaga ya koon yo dida pasurot ko. Isuro yo kan dida we suroton da da losan we imbilinko kan dikayo.
Annatak kan dikayo pasig.”
Awad de kalintogan Jesus we allabas kan Satanas, basol ya katoy.
Mangatod ak biyag we naispirituan atta losan we sumurot kan siya.
Pi-ona we ibillay tako da bagbagana atta losan we tago.
Maika-duwampuro ya opat we Iglato - Soldado para kan Apo Dios
Inabak Jesus ak Satanas.
Ittan ditako kan Jesus akpannakabalin we lumaban kan Satanas.
Masapur we mansagana tako we isun di soldado we nakasagana e makagubat.
Umuna, pasig tako ugudon de tuttuwa.
Masapur tako de katuttuwaan we malikwas kan ditako we isunana bakakat.
Ayaton tako otyan de udum ya kiwwa tako da maun-unan.
Isuna de parato ni barukong we siya de mangarasag kan Satanas we mangimura atta lawing we tarigagay kan ditako.
Ulullitan tako at ta udum panggop atte daran Jesus we kapia.
Isu ni sana de sapatos we siya de igudos tako ta adi tako mikados we umoy atte daran satanas. Umman tako mantorok kan Apo Dios ta mailisi tako ta lawing we makmakwa.
Isun ni sana de karasag we tangbana ditako atta dusang satanas.
Inlisi ditako kan Jesus manipud atte dusa we maigapu atta basol tako.
Isuna sana de (helmet) angkosdor we batkong ta matago de espiritu tako manipud atte katoy we ippon patinggana.
Sa ugud Apo Dios (Sa Biblia) isunan makaugud tako kan Apo Dios no manlualo tako ya unudon tako ta bilinna.
Ditako gos igammowon tako de pangabal tako kan satanas, basol yak an katoy we ippon patinggaua.