unfoldingWord 14 - Шөл даланы кезу
![unfoldingWord 14 - Шөл даланы кезу](https://static.globalrecordings.net/300x200/z05_De_31_04.jpg)
Преглед: Exodus 16-17; Numbers 10-14; 20; 27; Deuteronomy 34
Број на скрипта: 1214
Јазик: Kazakh
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z04_Nu_21_02.jpg)
Құдай исраилдіктермен жасаған келісіміне сай, орындау керек барлық заңдарды бергеннен кейін, оларды Синай тауынан түсірді. Құдай олардың алдында бұлтты бағана болып жүрді, ал халық Оның соңынан ерді. Ол халықты уәде еткен Қанахан еліне апармақ болды.
![](https://static.globalrecordings.net/300x200/z05_De_04_01.jpg)
Құдай Ыбырайым, Ысқақ пен Жақыптың ұрпақтарына уәделі жерді беремін деп уәде еткен еді. Бірақ сол жерде көптеген басқа ұлттар тұратын. Оларды қанахандықтар деп атайтын. Қанахандықтар Құдайға сиынбады және Оған мойынсұнбады. Олар жалған тәңірлерге табынып, көптеген зұлым іс-әрекеттер жасады.
![](https://static.globalrecordings.net/300x200/z05_De_00_05.jpg)
Құдай исраилдіктерге: “Уәделі жерге кіргенде бүкіл қанахандықтардың көзін құртыңдар. Олармен одақтаспаңдар және неке құрмаңдар. Сендер олардың жалған тәңірлерін жою керексіңдер. Егер Менің айтқанымды бұлжытпай орындамасаңдар, онда Маған емес, олардың жалған құдайларына сиына бастайсыңдар” — деді.
![](https://static.globalrecordings.net/300x200/z04_Nu_13_02.jpg)
Исраилдіктер Қанаханның шекарасына жақындап келгенде, Мұса Исраилдің әр руынан бір-бірден он екі ер адамды таңдап алды. Оларды сол жердің қандай екенін білу үшін барлап келуге жіберді. Сонымен қатар олар қанахандықтардың әскери күшін біліп келулері керек еді.
![](https://static.globalrecordings.net/300x200/z04_Nu_13_05.jpg)
Он екі ер адам Қанахан жерін қырық күн барлап қайта оралады. Сонда олар халыққа келіп: “Ол жер шыныменде жақсы, өнімі мол жер екен!” — дейді. Бірақ олардың ішіндегі он барлаушы: “Олардың қалалары өте берік салынған және онда алып адамдар тұрады екен! Егер біз оларға шабуыл жасасақ, қырылып қаламыз” — деді.
![](https://static.globalrecordings.net/300x200/z04_Nu_13_07.jpg)
Басқа екі барлаушы Халеп пен Нұн ұлы Ешуа былай дейді: “Иә, рас! Қанахандықтар алып әрі мықты, бірақ біз оларды жеңе аламыз! Құдай біз үшін шайқасады.” — деді.
![](https://static.globalrecordings.net/300x200/z04_Nu_13_06.jpg)
Бірақ халық Халеп пен Нұн ұлы Ешуаны тыңдамады. Олар Мұса мен Һаронға: “Сендер неге бізді осы қауіпті жерге алып келдіңдер? Одан да біздің Мысыр жерінде қалғанымыз жақсы еді. Біз олардың жеріне басып кірсек, соғыста құримыз, ал әйелдеріміз бен балаларымыз қанахандықтарға құл болмақ” — деп ашуланды. Олар өздеріне Мысыр жеріне қайта алып баратын жаңа басшыны тағайындағылары келді.
![](https://static.globalrecordings.net/300x200/z04_Nu_14_01.jpg)
Құдай халықтың айтқандарын естіп, қатты ашуланды. Ол Киелі шатырға келіп: “Маған қарсы шыққандарың үшін сендер шөл даланы кезіп жүретін боласыңдар. Жиырма жастан асқандардың барлығы осында өліп, ешқайсысы Мен уәде еткен жерге кіре алмайды. Тек Халеп пен Нұн ұлы Ешуа ғана кіреді.” — дейді.
![](https://static.globalrecordings.net/300x200/z04_Nu_14_04.jpg)
Адамдар Құдайдың сөзін естігенде күнә жасағандарына қатты өкінді. Солай олар Қанахан тұрғындарына қарсы соғысуға шешім қабылдады. Мұса қанахандықтармен соғыспаңдар, Құдай сендермен бірге бармайды деп ескерткен еді, бірақ олар Мұсаны тыңдамады.
![](https://static.globalrecordings.net/300x200/z04_Nu_14_05.jpg)
Құдай бұл соғысқа исраилдіктермен бірге бармағандықтан қанахандықтар оларды талқандап, көбін өлтірді. Сонда олар Қанахан жерінен шегініп, шөл даланы қырық жыл бойы кезіп жүрді.
![](https://static.globalrecordings.net/300x200/z02_Ex_16_06.jpg)
Шөл далада жүрген қырық жылдың ішінде Құдай оларды қамқорлап жүрді. Оларға “ман һу” деген нанды аспаннан жаудырып отырды. Киімдері мен аяқ киімдерін де Құдай сақтап отырғандықтан олар еш тозбады.
![](https://static.globalrecordings.net/300x200/z02_Ex_15_03.jpg)
Құдай керемет жолмен оларға жартастан су ағызды. Бірақ осының бәріне қарамастан исраилдіктер Құдайға және Мұсаға шағымданып, күңкілдей берді. Ал Құдай болса, Өз уәдесіне сенімді болып қала берді. Құдай Өз уәдесіне сай Ыбырайым, Ысқақ және Жақыптың ұрпақтарын қамтамасыз етіп жүрді.
![](https://static.globalrecordings.net/300x200/z05_De_00_07.jpg)
Бірде халықта ішетін суы бітіп қалады. Сонда Құдай Мұсаға: “Мына жартасқа су ақсын деп бұйыр” — дейді. Бірақ Мұса бүкіл халықтың алдында Құдайға мойынсұнбады. Ол жартасқа су ақсын деп бұйырудың орнына қолындағы таяғымен екі рет ұрып қалады. Сонда жартастан су ағып, бүкіл халық шөлін қандырады. Бірақ Құдай Мұсаның мойынсұнбағанына ашуланып былай дейді: “Сен Мені тыңдамағаның үшін мен уәде еткен жерге кірмейсің”.
![](https://static.globalrecordings.net/300x200/z05_De_31_04.jpg)
Қырық жыл шөл даланы кезіп жүргеннен кейін, Құдайға қарсы шыққан адамдардың барлығы өлді. Сонда Құдай халықты уәделі жердің шекарасына қайтадан әкелді. Мұса қартайған еді, сонда Құдай халық басшысы қылып Нұн ұлы Ешуаны тағайындайды. Құдай Мұсаға: “Бір күні мен адамдарға өзіңе ұқсас пайғамбарды жіберемін” — деп уәде етті.
![](https://static.globalrecordings.net/300x200/z05_De_32_02.jpg)
Құдай Мұсаға уәде еткен жерді көрсету үшін таудың басына шықсын деп бұйырады. Мұса уәде еткен жерді көрді, бірақ Құдай оған сол жерге кіруге рұқсат бермеді. Содан кейін Мұса қайтыс болып, исраилдіктер оны отыз күн бойы жылап жоқтайды. Нұн ұлы Ешуа халықтың жаңа басшысы болып тағайындалады. Ол Құдайға сенгендіктен және Оған мойынсұнғандықтан халықты жақсы басқарды.