unfoldingWord 39 - Jisu Ukilkhan Laga Age-te Pariksa Paise
![unfoldingWord 39 - Jisu Ukilkhan Laga Age-te Pariksa Paise](https://static.globalrecordings.net/300x200/z41_Mk_14_35.jpg)
Áttekintés: Matthew 26:57-27:26; Mark 14:53-15:15; Luke 22:54-23:25; John 18:12-19:16
Szkript száma: 1239
Nyelv: Nagamese
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z41_Mk_14_29.jpg)
Tetia adha rati hoijaise. Sipoikhan Jisu ke dhurikena maha purohit laga ghorte loijaise, kilekoile tai Jisu ke kotha hutibole thakise. Peter olop dhur pora taikhan laga piche kuri ahise. Jitia sipoikhan Jisuke ghor bhitorte loijaise, Peter bahar te khara hoise aru jui laga usorte jaikena bohise.
![](https://static.globalrecordings.net/300x200/z41_Mk_14_31.jpg)
Ghor bhitorte, Jehudi cholautakhan pora Jisu ke huda-hudi kurithakise. Tai khan misa koa gawahi khan anise aru Jisu laga misa-misi kothakhan bisi kobo dise. Hoilebi taekhan majote kotha namila hoi jaise, aru Jehudi cholautakhan tai galti ase kobole napara hoise. Jisu ekta kotha bi koanai.
![](https://static.globalrecordings.net/300x200/z41_Mk_14_33.jpg)
Tetia, maha purohit pora Jisu ke saikena hutise, “Amikhan ke kobi, apuni Mashia, Jinda thaka Isor laga Chokora ase?”
![](https://static.globalrecordings.net/300x200/z41_Mk_14_34.jpg)
Jisu koise: “Ami ase, aru apunikhan ami ke Isor logote bohikena sorgo pora ahithaka dikhibo.” Tetia maha purohit tai laga kapor phataise kilekoile Jisu laga kotha hunikena bisi khong hoise. Tai hala korikena dusrakhan ke koise: “Amikhan itu manu ki kurise itu kobole dusra gawahikhan nalage! Apunikhan nijor pora tai Isor laga Chokora ase kuwa toh hunise. Itia apunikhan tai nimite ki phaisla koribole mon ase?”
![](https://static.globalrecordings.net/300x200/z41_Mk_14_35.jpg)
Jehudi cholautakhan pora maha purohit ke jawab dise: “Tai moribole lage!” Tetia taikhan Jisu laga chuku kapor pora bandi dise, kunba tai ke thuk phelaise, kunba tai ke marise aru tai ke bisi sorom khilaise.
![](https://static.globalrecordings.net/300x200/z41_Mk_14_36.jpg)
Aru Peter toh, ghor bahar te rukhi thakise. Ta-te ekta noukarni tai ke dikhise. Tai Peter ke koise; “Apunibi Jisu logote asile!” Peter nohoe koise. Pichete arubi ekjon pora eki kotha hutise aru Peter nohoe koise. Arubi dusra manu bi tai ke koise: “Ami khan jani ase apuni Jisu logote thakise, kilekoile apuni duijon bi Galilee pora ase.”
![](https://static.globalrecordings.net/300x200/z41_Mk_14_38.jpg)
Tetia Peter koise: “Isor ami ke sajai dibi, jodi ami utu manu ke jani thakile!” Thik tetia ekta morga hala kurise. Aru Jisu ghuraikena Peter ke saise.
![](https://static.globalrecordings.net/300x200/z41_Mk_14_39.jpg)
Peter ta-te pora ulaijaikena mon bisi tita hoikena kandise. Itu homoi te, Judas jun pora Jisuke thokia dise, tai janise Jehudi cholautakhan Jisu ke morabole ase koikena. Tetia tai bisi galti aru pap korise koikena bujibole parise aru tai jaikena nijor golate rusi bandikena morise.
![](https://static.globalrecordings.net/300x200/z41_Mk_15_02.jpg)
Tetia utu desh laga cholauta Pilate thakise. Tai Rome desh nimite kam kuri thakise. Jehudi cholauta khan pora Jisu ke tai logote anise. Taikhan Pilate pora Jisu ke moraidibole hokom koridibole mon thakise. Tetia Pilate Jisu ke hutise: “Apuni Jehudi laga Raja ase?”
![](https://static.globalrecordings.net/300x200/z41_Mk_15_03.jpg)
Jisu jawab dise, “Apuni thik koise. Hoilebi prithibi te ami laga rajyo nai. Jodi ineka thakise koile amilaga noukarkhan ahikena ami nimite lorai kuribo. Ami itu prithibi te Isor laga hosa kotha janaidibole ahise. Junkhan hosa ke morom kore, taikhan ami laga kotha manibo.” Pilate hutise: “Hosa ki ase?”
![](https://static.globalrecordings.net/300x200/z41_Mk_15_04.jpg)
Jisu logote kotha koa pichete, Pilate bahar te jaise aru manukhan joma hoikena thaka khan ke koise, “Ami tai ke sajai dibole nimite eku galti napa-a hoise.” Hoilebi Jehudi cholautakhan aru manukhan sob jor pora hala korise: “Tai ke krus te maridibi!” Pilate koise: “Hoilebi tai laga galti eku nai.” Taikhan arubi jor pora hala korise. Tetia Pilate aru tisra bar taikhan ke koise, “Tai eku galti nai.”
![](https://static.globalrecordings.net/300x200/z41_Mk_15_05.jpg)
Pilate bhabona korise manu jiman joma korikena ase taikhan pora jhagara ulaidile bhoe korikena, tai Jisu ke sipohikhan laga hath te dikena crus te moraidibole monjur hoise. Rome laga sipoikhan Jisuke bisi marise aru tai ke beguni rong laga kapor lagaidise, aru kata thaka laga gol tupi nisena banaikena matha te halidise. Tetia taikhan Jisu ke ineka koikena tai ke bodnam kurise: “Sabi, Jehudi laga Raja ke!”