unfoldingWord 17 - दाऊद कर संगे परमेसवर कर जबान
![unfoldingWord 17 - दाऊद कर संगे परमेसवर कर जबान](https://static.globalrecordings.net/300x200/z10_2Sa_10_07.jpg)
מתווה: 1 Samuel 10; 15-19; 24; 31; 2 Samuel 5; 7; 11-12
מספר תסריט: 1217
שפה: Surgujia
קהל: General
ז׳נר: Bible Stories & Teac
מַטָרָה: Evangelism; Teaching
ציטוט כתבי הקודש: Paraphrase
סטָטוּס: Approved
סקריפטים הם קווים מנחים בסיסיים לתרגום והקלטה לשפות אחרות. יש להתאים אותם לפי הצורך כדי להפוך אותם למובנים ורלוונטיים לכל תרבות ושפה אחרת. מונחים ומושגים מסוימים שבהם נעשה שימוש עשויים להזדקק להסבר נוסף או אפילו להחלפה או להשמיט לחלוטין.
טקסט תסריט
![](https://static.globalrecordings.net/300x200/z09_1Sa_18_02.jpg)
शाऊल हर इसराईल कर शुरु कर राजा रहीस। ओहर रोंट अऊ सुन्दर रहिस, जेकस आदमी मन चाहत रहिन। ओहर एगोठ बढ़ीया राजा रहीस। परमेसवर कर गोइठ ला नई मानीस तेकर पाछु ओहर बदमाश आदमी बन गईस। एकरले परमेसवर हर एक दूसर आदमी ला शाऊल कर जगह में राजा बने बर निमारीस।
![](https://static.globalrecordings.net/300x200/z09_1Sa_16_14.jpg)
परमेसवर हर शाऊल कर पाछु राजा बने बर दाऊद नाव कर एकठे जवान आदमी ला निमारीस । दाऊद एकठे चरवाओ रहीस, अऊ बेतलेहेम गाँव कर रहोईया रहीस। दाऊद अपन दाऊ कर भेंड मन ला चराए अऊ पहरा करे। ओही मंझार में एक धाएर ओहर एगोठ बघवा ला अऊ दूसर धाएर एकठे भालू ला मारए गिराईस जेमन ओकर भेड़ मन ला धरत रहिन। दाऊद एक सीधा साधा अऊ धर्मी आदमी रहीस। जेहर परमेसवर कर ऊपर भरोसा करिस अऊ ओकर आगियां ला मानिस।
![](https://static.globalrecordings.net/300x200/z09_1Sa_17_09.jpg)
दाऊद एक ठे बड़खा ताकत दार अऊ अगुवा बनिस। जे घरी दाऊद जवान रहीस ओही घरी ओहर गोलियात नाव कर राक्षस जग लडिस। गोलियात एक नामी बलवान रहीस अऊ ढ़ेरे बजर अऊ करीबन तीन मीटर ऊँच रहीस, फेर परमेसवर हर दाऊद कर मदद करिस, कि ओहर गोलियत ला मारे अऊ इसराईल ला बचाये। ओकर पाछु इसराईल कर बैरि मन जग ले कइयो दाएर दाऊद हर जीते रहीस। तेकरले जम आदमी मन ओकर ढ़ेरे तारीफ करीन।.
![](https://static.globalrecordings.net/300x200/z09_1Sa_24_03.jpg)
शाऊल हर दाऊद ला इसगावत रहीस काबर कि आदमी मन ओकर जबर माएन करे लागीन। दाऊद ला कए धाँव ले शाऊल हर मारे कर उपाये करीस लेकिन दाऊद हर शाऊल ला देख के लुकाये जात रहीस। एक दिन कर दिन में शाऊल हर दाऊद ला मारे बर खोजत रहीस, शाऊल हर एक ठे माडा में गईस, जिहा दाऊद हर लुकाये रहीस लेकिन शाऊल हर ओके नई देखीस। दाऊद हर शाऊल कर ठाँवे में रहीस अऊ ओके माएर सकत रहीस, लेकिन ओके नई मारिस। एकर बदला दाऊद हर शाऊल कर ओड़ना कर धरी ला सबूत दिखाए बर काट लेहीस की राजा बने बर मैं कभों शाऊल ला नई मारहूँ।.
![](https://static.globalrecordings.net/300x200/z10_2Sa_10_07.jpg)
तेकर पाछु शाऊल हर लडाई में मर गईस, अऊ दाऊद हर इसराईल कर राजा बन गईस। ओहर एक बढ़िया राजा रहीस अऊ जम झन ओके मया करत रहिन। परमेसवर हर दाऊद ला आशिर्वाद देहीस अऊ ओके सफल बनाईस। दाऊद हर ढ़ेरे अकन लड़ाई लडि़स अऊ परमेसवर हर दाऊद कर मदेत करिस कि ओहर इसराईल कर दुश्मन मन ला हरूवाए देहत रहीस। दाऊद हर यरुशेलम देश ला अपन कब्ज़ा में कर लेहिस अऊ ऊहाँ अपन राजधानी बनाईस। दाऊद जे घरी इसराईल में राएज करे लागीस ते घरी इसराईल देश सामर्थी अऊ धनी देश बन गईस।
![](https://static.globalrecordings.net/300x200/z10_2Sa_09_01.jpg)
दाऊद हर परमेसवर बर एकठे मंदिर बनाऐ बर करत रहिस जिहा जम इसराईली मन परमेसवर कर आराधना करतीन अऊ ओमन ऊहाँ बली चढाए सकतीन। करीबन ४०० बछर ले आदमी मन परमेसवर कर आराधना अऊ बली चढाऐ बर अऊ भेंट करे बर तंबू में आत रहिन जेला मूसा हर बनावाए रहीस।
![](https://static.globalrecordings.net/300x200/z10_2Sa_13_02.jpg)
तबोले परमेसवर हर नाथान अगमजानी ला दाऊद जग एक संदेश देके भेजीस “तैं लड़ाई करेवाला आदमी रहे, एकरले तैं मोर बर मंदिर झइन बनाबे। तोर बेटा मोर बर मंदिर बनाही। लेकिन मैं तोके ढ़ेरे अकन आशिर्वाद देहूँ। तोर लईका में ले एक जन मोर लोग मन कर ऊपर सब घरी राएज करही, ओ बेटा मसीहा हवे। मसीहा हर परमेसवर कर चुनल जन हवे। जेहर दुनिया कर जम झन कर अपन पाप ले ओहर बचायेवाला रही।
![](https://static.globalrecordings.net/300x200/z10_2Sa_07_02.jpg)
जे घरी दाऊद हर ऐ गोईठ ला सुनीस त ओहर एकदम परमेसवर कर धन्यवाद अऊ स्तुति करीस काबर कि परमेसवर हर दाऊद ला ढ़ेरे बगरा आशिर्वाद, अऊ बडे आदर कर वचन देहे रहीस। दाऊद ऐला नई जानत रहीस कि परमेसवर हर कब बात जबान ला पूरा करही। इसराईली मन ला मसीहा बर करीबन १000 बछर ले अगुरेक परीस।
![](https://static.globalrecordings.net/300x200/z19_Ps_23_03.jpg)
दाऊद हर ढ़ेरेच बछर ले नियाव अऊ सही सलामत राएज करिस, अऊ परमेसवर ओके आशिर्वाद देहीस। तबोले दाऊद हर अपन जीवन कर आखरी घरी में परमेसवर कर विरोध में गंभीर पाप कएर दारीस।
![](https://static.globalrecordings.net/300x200/z10_2Sa_11_01.jpg)
एक दिन कर दिन में दाऊद कर जम सिपाही मन अपन घर ले दुरिहा लड़ाई लडत रहीन। दाऊद हर अपन राजमहल ले बहिरे एक ठे संवाघीन ला अस्नान करत देखीस अऊ ओकर नाव बतशेबा रहीस।
![](https://static.globalrecordings.net/300x200/z10_2Sa_11_02.jpg)
अपन आँख ले संवाघीन ला एक ढ़ीढ़ देखत रहीस। दाऊद हर संवाघीन ला बलाए बर एक ठे आदमी ला भेजीस। दाऊद हर ओकर संगे सूतीस अऊ फेर ओके घरे भेज देहीस। चटीक दिन कर पाछु, दाऊद जग एकठे खबर आईस कि ओहर आसापति हवे।
![](https://static.globalrecordings.net/300x200/z10_2Sa_11_03.jpg)
बतशेबा कर घरदार उरिया नाव कर एक आदमी रहीस। ओहर दाऊद कर जम ले बढ़िया सिपाही रहीस। दाऊद हर उरिया ला लड़ाई कर जगहा ले बलुवाईस अऊ ओके अपन घर अऊ घरदारिन ठे जाए बर कहीस। लेकिन उरिया अपन घरे नई गईस काबर कि अऊ सिपाही मन युद्धमें लडत रहीन। एकरले दाऊद हर उरिया ला युद्ध में फेर भेज देहीस अऊ सेनापति ला कहीस कि उरिया ला युद्ध में जम ले कठिन जगहा में ठडूवाए देबे कि ओहर लडत लडत मएर जाए।
![](https://static.globalrecordings.net/300x200/z10_2Sa_12_05.jpg)
उरिया कर मरे कर पाछु, दाऊद हर बतशेबा संग शादी कर लेहीस। चटीक दिन कर पाछु बतशेबा हर दाऊद कर बेटा ला जनम देहीस। दाऊद हर जे जाएत भी करे रहीस ओला देखके परमेसवर हर गुस्साए गईस अऊ परमेसवर हर नाथान अगमजानी ला दाऊद जग भेजिस, ऐ बताये बर कि ओकर पाप कितना गंभीर हवे। दाऊद हर अपन पाप ले पशचाताप करीस अऊ परमेसवर हर ओकर पाप ला क्षमा कर देहीस। अपन बाचल जीवन में दाऊद हर परमेसवर कर पीछु चलीस अऊ दुख कर घरी में भी ओकर आगियां ला मानिस।
![](https://static.globalrecordings.net/300x200/z10_2Sa_12_06.jpg)
लेकिन दाऊद ला ओकर पाप कर फल मिलीस अऊ ओकर लईका हर मएर गईस। दाऊद कर जीवन कर आखरी घरी में ओकर परिवार में एको दाना सल नई रहिस, अऊ ओकर सामर्थ हर कम होए गए रहीस। दाऊद हर परमेसवर जग बिश्वासघात करीस। तबोले परमेसवर अपन जबान के प्रति बिसवास योग्य रहिस। तेकर पाछु दाऊद अऊ बतशेबा कर एकठे बेटा होईस तेकर नाव सुलैमान धरिन।