בחר שפה

unfoldingWord 17 - దావీదుతో దేవుని నిబంధన

unfoldingWord 17 - దావీదుతో దేవుని నిబంధన

מתווה: 1 Samuel 10; 15-19; 24; 31; 2 Samuel 5; 7; 11-12

מספר תסריט: 1217

שפה: Telugu

קהל: General

מַטָרָה: Evangelism; Teaching

תכונות: Bible Stories; Paraphrase Scripture

סטָטוּס: Approved

סקריפטים הם קווים מנחים בסיסיים לתרגום והקלטה לשפות אחרות. יש להתאים אותם לפי הצורך כדי להפוך אותם למובנים ורלוונטיים לכל תרבות ושפה אחרת. מונחים ומושגים מסוימים שבהם נעשה שימוש עשויים להזדקק להסבר נוסף או אפילו להחלפה או להשמיט לחלוטין.

טקסט תסריט

సౌలు ఇశ్రాయేలు దేశానికి మొదటి రాజు. ప్రజలు కోరుకున్నట్టుగా అతను పొడవుగానూ, అందంగానూ ఉన్నాడు. సౌలు ఇశ్రాయేలుపై పరిపాలించిన మొదటి కొన్ని సంవత్సరాలలో మంచి పాలన అందించాడు. అయితే అతడు దేవునికి విధేయత చూపించలేదు, దుష్టుడైన రాజుగా ఉన్నాడు. అందుచేత దేవుడు ఒక రోజు తన స్థానంలో రాజుగా ఉండగల వేరొక మనిషిని ఎన్నుకున్నాడు.

దేవుడు ఒక యువ ఇశ్రాయేలీయుడైన దావీదును ఎన్నుకున్నాడు, ఒక రోజు సౌలు తర్వాత రాజుగా అతడిని సిద్ధపరచడం ఆరంభించాడు. దావీదు బేత్లెహేము గ్రామ నివాసి, అతడు గొర్రెల కాపరి. తాను తన తండ్రి గొర్రెలను కాస్తుండగా వేరువేరు సమయాలలో వాటి మీద దాడి చేసిన ఒక సింహాన్ని, ఒక ఎలుగుబంటిని చంపాడు. దావీదు దేవునికి విధేయుడు, నీతిమంతుడు. దేవుణ్ణి విశ్వసించాడు, ఆయనకు విధేయత చూపించాడు.

దావీదు ఒక యువకుడిగా ఉన్నప్పుడు, ఉన్నత దేహుడైన గోల్యాతుకు వ్యతిరేకంగా పోరాడాడు. గొల్యాతు . చాలా బలమైన వాడు, దాదాపు మూడు మీటర్ల పొడవు ఉన్నాడు! అయితే దేవుడు గొల్యాతును చంపి ఇశ్రాయేలును రక్షించడంలో దావీదుకు సహాయంచేసాడు. ఆ తరువాత, దావీదు ఇశ్రాయేలు శత్రువులపై అనేక విజయాలను సాధించాడు. దావీదు ఒక గొప్ప సైనికుడు అయ్యాడు, ఇశ్రాయేలు సైన్యాన్ని ఆయన అనేక యుద్ధాల్లో నడిపించాడు. ప్రశంసించారు ప్రజలు అతన్ని చాలా..

ప్రజలు దావీదును యెంతో ప్రేమించారు, సౌలు రాజు దావీదు పట్ల అసూయపడ్డాడు. చివరకు సౌలు రాజు దావీదును చంపాలని కోరుకున్నాడు, అందుచేత దావీదూ, అతనితో ఉన్న సైనికులు తమని దాచుకోడానికి అరణ్యంలోకి పారిపోయారు. ఒకరోజు సౌలు, అతని సైనికులు దావీదు కోసం చూస్తున్నప్పుడు సౌలు ఒక గుహలోకి వెళ్లాడు. ఇది దావీదు దాగుకొన్న గుహ ఉంది, అయితే సౌలు దావీదును చూడలేదు. దావీదు సౌలు వెనుకకు చాలా దగ్గరగా వెళ్లి అతని వస్త్రం నుండి ఒక చిన్న ముక్కను కత్తిరించాడు, సౌలు గుహను విడిచిపెట్టిన తరువాత, అతడు పట్టుకొని ఉన్న వస్త్రపు ముక్కను చూడమని సౌలు వినేలా గట్టిగా అరచాడు. ఈ విధంగా, రాజు కావడం కోసం దావీదు తనను చంపడానికి నిరాకరించినట్లు సౌలు గుర్తించాడు.

కొద్దికాలానికే సౌలు యుద్ధంలో చనిపోయాడు, దావీదు ఇశ్రాయేలు రాజు అయ్యాడు. అతను మంచి రాజు, ప్రజలు దావీదు రాజును ప్రేమించారు. దేవుడు దావీదును ఆశీర్వదించి అతనిని విజయవంతంగా చేసాడు. దావీదు అనేక యుద్ధాలు చేసాడు. ఇశ్రాయేలీయుల శత్రువులను ఓడించడానికి దేవుడు దావీదు సహాయం చేసాడు. దావీదు యెరూషలేము నగరాన్ని జయించాడు, దానిని తన రాజధాని నగరంగా చేసుకొన్నాడు. అక్కడ అతను జీవించి, నలభై ఏళ్ళు రాజుగా ఉన్నాడు.. ఈ సమయంలో, ఇజ్రాయెల్ శక్తివంతమైన, సంపన్నమైన దేశంగా మారింది.

ఇశ్రాయేలీయులందరూ దేవుణ్ణి ఆరాధించి, ఆయనకు బలులు అర్పించేలా ఒక దేవాలయాన్ని నిర్మించాలని దావీదు కోరుకున్నాడు. దాదాపు. 400 సంవత్సరాలు ప్రజలు మోషే తయారు చేసిన ప్రత్యక్షగుడారం వద్ద దేవుణ్ణి ఆరాధిస్తూ, బలులు అర్పిస్తూ వచ్చారు.

నాతాను అనే ప్రవక్త ఉన్నాడు, దేవుడు నాతానును దావీదు వద్దకు పంపాడు, నాతాను దావీదుతో, “నీవు అనేక యుద్ధాల్లో పోరాడావు, నీవు నా కోసం ఈ దేవాలయాన్ని నిర్మించవు, నీ కుమారుడు దాన్ని నిర్మిస్తాడు, అయితే నేను నిన్ను గొప్పగా ఆశీర్వదిస్తాను, నీ సంతతివారిలో ఒకడు నా ప్రజలను శాశ్వతంగా పరిపాలిస్తాడు!” దావీదు సంతానం శాశ్వత కాలం ప్రజలను పాలించగల ఏకైక రాజు మెస్సీయ. ఈ మెస్సీయ లోకంలోని ప్రజలను తమ పాపంనుండి రక్షిస్తాడు.

దావీదు నాతాను సందేశాన్ని విన్నప్పుడు, ఆయన దేవునికి కృతజ్ఞతలు చెప్పాడు. దేవుడు అతనిని ఘనపరచి, అనేక ఆశీర్వాదాలు అనుగ్రహించాడు. అయితే దేవుడు ఇవన్నీ చేస్తాడని దావీదుకు తెలియదు. మెస్సీయ రావడానికి ముందు ఇశ్రాయేలీయులు దాదాపు 1,000 సంవత్సరాలు దురు చూడాల్సి వచ్చిందని మనకు తెలుసు.

దావీదు తన ప్రజలను చాలా సంవత్సరాలు పరిపాలించాడు. ఆయన దేవునికి చాలా విధేయుడయ్యాడు, దేవుడు దావీదును ఆయనను ఆశీర్వదించాడు. అయితే తన జీవితపు అంతంలో దావీదు దేవునికి వ్యతిరేకంగా భయంకర పాపం చేసాడు.

ఒక రోజు దావీదు తన రాజభవనం నుండి చూస్తూ ఒక అందమైన స్త్రీ స్నానం చేస్తుండడం చూసాడు. ఆమె అతనికి తెలియదు. అయితే ఆమె పేరు బత్షేబ అని తెలుసుకున్నాడు.

దానికి దూరంగా ఉండడానికి బదులు దావీదు ఆమెను తన దగ్గరకు తీసుకొచ్చేందుకు ఒకరిని పంపించాడు. దావీదు ఆమెతో పాపం చేసాడు, ఆమెను తన ఇంటికి తిరిగి పంపించాడు. కొంతకాలం తరువాత బత్షేబ తాను గర్భవతిని అని తెలియచేస్తూ దావీదుకు ఒక సందేశాన్ని పంపించింది.

బత్షెబ భర్త పేరు ఊరియా. అతడు దావీదు యొక్క ఉత్తమ సైనికులలో ఒకడు. అతడు ఆ సమయంలో యుద్ధంలో పోరాడుతూనే ఉన్నాడు. దావీదు యుద్ధరంగం నుండి అతణ్ణి రప్పించి తన భార్యతో ఉండమని చెప్పాడు. అయితే మిగిలిన సైనికులు యుద్ధంలో ఉన్నారు కనుక ఊరియా తన ఇంటికి వెళ్ళడానికి నిరాకరించాడు,. కనుక దావీదు ఊరియాను తిరిగి యుద్ధంలోనికి పంపించాడు. ఊరియా చంపబడేలా శత్రువు బలంగా ఉన్న చోట ఊరియాను ఉంచాలని దావీదు తన సైన్యాధిపతికి చెప్పాడు. ఇదే జరిగింది: ఊరియా యుద్ధంలో మరణించాడు.

ఊరియా యుద్ధంలో మరణించిన తరువాత, దావీదు బత్షేబను వివాహం చేసుకున్నాడు, తరువాత, ఆమె దావీదుకు ఒక కుమారునికి జన్మనిచ్చింది. దావీదు చేసిన దానిని బట్టి దేవుడు చాలా కోపంగా ఉన్నాడు, దావీదు చేసిన పాపం ఎంత దుష్టమైనదో దావీదుకు చెప్పాడానికి దేవుడు ప్రవక్త నాతానును పంపించాడు. దావీదు తన పాపం విషయంలో పశ్చాత్తాప పడ్డాడు. దేవుడు అతనిని క్షమించాడు. మిగిలిన తన జీవితంలో కష్టకాలాలలో కూడా దేవుణ్ణి అనుసరిస్తూ, విధేయుడయ్యాడు.

అయితే దావీదు మగ శిశువు చనిపోయాడు. దేవుడు దావీదును ఈ విధంగా శిక్షించాడు. ఆ విధంగా దావీదు చనిపోయేంతవరకు, తన సొంత కుటుంబంలో నుండి కొందరు అతనితో పోరాడుతూ వచ్చారు. దావీదు చాలా శక్తిని కోల్పోయాడు. అయితే దేవుడు నమ్మదగినవాడుగా ఉన్నాడు, దావీదు కోసం తాను చేస్తానని వాగ్దానం చేసిన దానిని దావీదు కోసం చేసాడు. తరువాత దావీదు, బత్షెబకు మరో కుమారుడు పుట్టాడు. ఆ బిడ్డకు సోలోమోను అనే పేరు పెట్టారు.

מידע קשור

Words of Life - Audio gospel messages in thousands of languages containing Bible-based messages about salvation and Christian living

Copyright and Licensing - GRN shares its audio, video and written scripts under Creative Commons

Choosing the audio or video format to download - What audio and video file formats are available from GRN, and which one is best to use?

שתף

Logo Baidu Teiba Logo Blogger Logo Bluesky Logo Facebook Logo Line Logo LinkedIn Logo OK Logo Pinterest Logo Qzone Logo Reddit Logo Telegram Logo Threads Logo Tumblr Logo Viber Logo VK Logo Weibo Logo WhatsApp Logo X e-mail דוא"ל

שתף קישור