unfoldingWord 43 - Girja Suru Hoise
Đề cương: Acts 1:12-14; 2
Số kịch bản: 1243
ngôn ngữ: Nagamese
Khán giả: General
Thể loại: Bible Stories & Teac
Mục đích: Evangelism; Teaching
Trích dẫn Kinh Thánh: Paraphrase
Trạng thái: Approved
Bản văn này là một hướng dẫn cơ bản cho dịch và thu âm trong các ngôn ngữ khác. Nó phải được thích nghi với nền văn hóa và ngôn ngữ để làm cho nó phù hợp với từng khu vực, nơi nó được sử dụng khác nhau. Một số thuật ngữ và khái niệm được sử dụng có thể cần một lời giải thích đầy đủ hơn hoặc thậm chí bị bỏ qua trong các nền văn hóa khác nhau.
Kịch bản
Jisu sorgo te wapas jaija-a pichete, tai adesh dia nisina chelakhan Jerusalem te jaise. Biswas kuri thakakhan joma kurikena prathna kuri thakise.
Hoidai sal, Mukti-jatra khotom hoikena pachas din pichete, Jehudi khan ekta bisi dangor din manaithake, itu din ke Pentecost matise. Jetia kheti te dhan katibole shuru kore, tetia itu puja mania thakisile. Taikhan sob Jerusalem te joma korikena eki logote Pentecost mania thakise. Utu sal te, Pentecost din toh Jisu sorgo te jaikena sat din hoija pichete ahise.
Jetia biswasikhan sob ekta jagate joma hoikena asile, achanak pora akash pora ekta jor hawa mara nisina laga awaj hoise aru ghor bhitorte awaj pora bhorta hoise. Tetia jui laga jiva nisina ahikena sob laga matha uporte rukhise. Taikhan sob ke Pobitro Aatma ahise aru taikhan alak bhasa pora Isor laga nam ucha korise. Pobitro Aatma pora he taikhan ke dusra bhasakhan kobole dise.
Jetia Jerusalem te thaka khan itu awaj hunise, tai khan sob bisi manu joma kurikena ki hoi ase itu sabole ahise. Biswasi khan pora Isor ki dangor kam kurise itukhan prochar kura hunise. Taikhan bisi asurit hoise kilekoile taikhan sob nijer bhasa te hunibole paise.
Kunba khan koise chelakhan mudu khaikena ase. Hoilebi Peter khara hoise aru taekhan ke koise: “Amilaga kotha hunibi! Itu manukhan modu kha nai! Hoilebi, apunikhan itia ki dikhi ase itu bhaubadi Joel pora ineka hobo koikena thakise: Isor koise, ‘Ses hobole laga din te ami ineka koribole ase, Amilaga Aatma manukhan ke didibo.”
“Israel laga manukhan, Jisu tai kun ase amikhan ke bujibo dibole nimite, tai asurit kam bisi korikena dikhaise. Asurit kam Isor laga hokti pora he korise. Apunikhan itu jane, kilekoile apunikhan laga usorte he itu sob hoise. Ineka hoilebi apunikhan pora tai ke krus te moraidise!”
“Jisu morise hoilebi Isor pora tai ke morija-a pora arubi uthaidise. Itu pora ekta bhaubadi pora likhikena thaka hosa hoise, ‘Jun he Pobitro ase, apuni tai ke mati nichete puchibole nadibo.’ Amikhan sob saksi ase Isor pora Jisuke aru jinda kuri dia toh.”
“Isor Baba pora Jisu ke sonman kurise aru taike tailaga dyna phine bohibole dise. Aru Jisu amikhan ke, tai kosom kura nisina, Pobitro Atma pathaiase. Amikhan itia ki dikhi ase aru ki huniase itukhan sob Pobitro Aatma laga hokti pora ase.”
“Apunikhan Jisu ke krus te moriadise. Hoilebi itu jani thakibi Pormeswar Isor pora Jisu ke sob laga uporte tai he Malik aru Masiha banaise!”
Peter laga kothakhan hunikena manukhan bisi mon dukh lagise. Aru taikhan Peter aru chelakhan ke hutise: “Bhai-kokaikhan, amikhan ki koribo lage?”
Peter pora jawab dise: “Apunikhan sob nijor pap pora maph pabole mangibi, aru Jisu Khrista laga nam te baptisma korilobi. Tinihoile tai pora apunikhan ke tai laga Pobitro Aatma vardan kuribo!”
Utu din te, tin hazar manu Peter laga kotha hunikena biswas kurise aru taikhan bi Jisu laga chela hoise. Taikhan baptisma loikena Jerusalem laga girja manukhan logote milai loise.
Biswasikhan ahikena chelakhan pora taikhan ke Jisu laga kotha bisi hikai dise. Taikhan lok paithakise aru eki logote Prabhu-bhoj khai thakise aru prathna kori thakise. Taikhan eki logote Isor laga nam ucha kore aru ki ase, sob logote bhag korithakise. Dusrakhan sob taikhan ki kuriase utukhan dikhikena bisi asurit lagithakise. Hodae, biswasi manukhan bisi hoi thakise.