unfoldingWord 36 - Hmel Danglamna
Đề cương: Matthew 17:1-9; Mark 9:2-8; Luke 9:28-36
Số kịch bản: 1236
ngôn ngữ: Mizo
Khán giả: General
Thể loại: Bible Stories & Teac
Mục đích: Evangelism; Teaching
Trích dẫn Kinh Thánh: Paraphrase
Trạng thái: Approved
Bản văn này là một hướng dẫn cơ bản cho dịch và thu âm trong các ngôn ngữ khác. Nó phải được thích nghi với nền văn hóa và ngôn ngữ để làm cho nó phù hợp với từng khu vực, nơi nó được sử dụng khác nhau. Một số thuật ngữ và khái niệm được sử dụng có thể cần một lời giải thích đầy đủ hơn hoặc thậm chí bị bỏ qua trong các nền văn hóa khác nhau.
Kịch bản
Ni khat chu, Isuan a zirtîrte pathum, Petera te, Jakoba te leh Johana te chu a hnênah a hruai a. (Zirtir Johana hi Isua baptistu kha a ni lo). Tlang sâng takah ṭawngṭai turin an chho ta a.
Isua a ṭawngṭai lai chuan, a hmel chu ni angin a lo êng a, a silhfente chu êng angin a lo vâr ta a, leia puan sutu rêng rêngin an sûk vâr theih loh khawp hiala vârin a lo tle ta sûr a.
Tin, Mosia leh zawlnei Elija an rawn inlâr a. Heng mite hi kum zâ tel hma lam khan khawvelah an lo chêng tawh a. Jerusalema Isua a thih tleitlakna tûr thu an sawi a.
Mosia leh Elija chu Isua nen an inbiak lai chuan, Peteran Isua hnênah, “Kan tan heta awm hi a ṭha e. Bawkte pathum i khawh ang u, i tan pakhat, Mosia tan pakhat, Elija tan pakhat,” a ti a. Petera chuan engnge a sawi a hre lo.
Peteran thu a sawi laiin, chhhum chhah tak a lo zing a, anmahni chu a hliah ta a, chhumah aw a lo chhuak a, “Hei hi ka Fapa duhtak, ka lawm êm êma chu a ni. Ama thû ngai rawh ,” a ti a. Zirtîr pathumte chuan an hlau ta êm êm a, leiah an tlu ta a.
Tin, Isuan anmahni chu a khawih a, an hnênah, “Tho ula, hlau suh u,” a ti a. An dâk chhuak a, Isua chu amah chauhvin an hmu ta a.
Isua leh zîrtir pathumte chu tlang ata chu an chhuk a. Tin, Isuan an hnênah, “He lai hmuna thil thlengte hi tuma hnênah la hrilh suh u. Ka thi dawn ta a, tin, mithi zing ata ka tho leh ang. Chumi hnuah chuan mite hnênah in sawi thei tawh ang,” a ti a.