unfoldingWord 22 - Jonim Makayomi
![unfoldingWord 22 - Jonim Makayomi](https://static.globalrecordings.net/300x200/z42_Lk_01_07.jpg)
Uhlaka: Luke 1
Inombolo Yeskripthi: 1222
Ulimi: Gadsup
Izilaleli: General
Uhlobo: Bible Stories & Teac
Inhloso: Evangelism; Teaching
Ukucaphuna kweBhayibheli: Paraphrase
Isimo: Approved
Imibhalo ayiziqondiso eziyisisekelo zokuhunyushwa nokuqoshwa kwezinye izilimi. Kufanele zishintshwe njengoba kunesidingo ukuze ziqondakale futhi zihambisane nesiko nolimi oluhlukene. Amanye amagama nemiqondo esetshenzisiwe ingase idinge incazelo eyengeziwe noma ishintshwe noma ikhishwe ngokuphelele.
Umbhalo Weskripthi
![](https://static.globalrecordings.net/300x200/z42_Lk_01_01.jpg)
Peyukami, Kocti wenic anasi wanta namac waya tirani ensoliuka profetiukaci wayani de wanini yeni tiyimenoyo. Afo 400 orande acnaimpaci iyewaci wayani demi. Afo yinducdimi Koctin awayani ensoli manaremi maron Sekaraiyami tamemi. Weni ayokum prisim wemoni. Sekaraiyan namac wen anac namaci Koctinic ayini awakure wano. Wenana awici Elisabetim wemi amac iyen dukemoni.
![](https://static.globalrecordings.net/300x200/z42_Lk_01_02.jpg)
Ensoli Sekaraiyan tamemi, "En anaci anintam makan temino. Wen awicdei Joni newac teno. Wenkimi Acyunaumi uwikakami, weni anasi wanta antec yinkarami Mesaya minikaci yintemi." Sekaraiya temi, "Ten tinac dekaci ayokuni weko! Inkecnurenac mini ampaminte nafi?"
![](https://static.globalrecordings.net/300x200/z42_Lk_01_04.jpg)
Ensoli Sekaraiyan tamemi, "Kocti ayokuc wayani en tameno wani tewayami eni temi anduni iyen timenami. Eni iyewac ayawac tewanami mini inta macden asino nami tiren tamemi." Sekaraiya ayawac iyen temi. Ensoli Sekaraiyan yere ankarem wemi. Mini acnaimpaci Sekaraiya yewekemi wen amapac oraimi wen anac amucwasic emi.
![](https://static.globalrecordings.net/300x200/z42_Lk_01_11.jpg)
Elisabeti mana yacnar afac mana omanan ikona yeankaonimi, okan ensoli akaka ukanemi Elisabetin on anankaci afotafic emi, wen awic Maria. Weni wanta namac iyewac warukami, Josepine teyom waintam maranowani ukac ankeno. Ensoli tamemi, "Eni amuwasic uemi afon inta macdemi wen awic Jisasinen tinonami. Weni Yan Ayakan Koctin Akaci wemi penandac pan nana yiwikem winanim wantemi."
![](https://static.globalrecordings.net/300x200/z42_Lk_01_13.jpg)
Maria temi, "Mana inkec nurena ampamintena, teni wanta namac iyen wakeko?" Ensoli tamemi, "Acyunaumi enkin yeranami, Kotinic erani emi yere yako ankantemi. Afo mini inta Kotin akaci wemi acyunkaci wantemi." Maria ensolin awayani indiremi andum munkemi.
![](https://static.globalrecordings.net/300x200/z42_Lk_01_15.jpg)
Ensoli Marian namac wayayuc timan kiparemi, Elisabetin onarani wemi. Maria oren Elisabetin ayokuc nurane tewami, akaka ukam memi Elisabetin akaci wen aracpimi paya payan emi. Ye inisanda nec Kocti yemi uwan yinkenafi, miniwani yimoneno. Maria Elisabetin namac kandac manawac ikonakac wakemi yewekemi wen amacpaci wemi.
![](https://static.globalrecordings.net/300x200/z42_Lk_01_07.jpg)
Elisabeti afon intam macdami, Sekaraiyauc Elisabeti kanda ensoli tiyimeninic ureni Joninen tire awic deno. Mini acnaimpaci Kocti yewekemi Sekaraiyan ofaurami asemi. Sekaraiyan temi, "Koctin awici yaniceko, newarafi wenic anasi wanta wani omaren indeno. Emi tentikaci awide teni, Yanafac Wan Koctinic profetinen tinteno, eni anasi wanta inkec nureyac yenyic numoc daoyin teyafo, miniwani tiyimino nami!"