unfoldingWord 37 - يسوع يقوم لعازر من الموت
概要: John 11:1-46
文本編號: 1237
語言: Arabic, Sudanese: Khartoum
聽眾: General
類型/流派: Bible Stories & Teac
目的: Evangelism; Teaching
聖經摘錄: Paraphrase
狀態: Approved
腳本是翻譯和錄製成其他語言的基本指南,它們需要根據實際需要而進行調整以適合不同的文化和語言。某些使用術語和概念可能需要有更多的解釋,甚至要完全更換或省略。
文本文字
كان في راجل اسمو لعازر. عندو اختين ، اسمهم مريم و مرثا. كلهم كانوا اصدقاء القريبين ليسوع. في يوم من الايام، في زول قال ليسوع: انو لعازر كان عيان شديد. لمن يسوع سمع ده، هو قال: "المرض ده ما بينتهي بموت لعازر لكن بخلي الناس يكرموا الله".
يسوع كان بحب اصدقاءه ، لكن انتظر لمدة يومين في المكان الكان فيه. بعد اليومين ديل، هو قال لتلاميذه: "خلينا نرجع لليهودية". التلاميذ جاوبوا: "لكن يا معلم" "قبل فترة قصيرة الناس هناك كانوا دايرين يقتلوك!" يسوع قال: "صديقنا لعازر نام وانا لازم اقومو".
تلاميذ يسوع جاوبوا: يا سيد "لو لعازر نايم،هو حيكون كويس". بعد داك يسوع قال ليهم: بوضوح، "لعازر مات. انا مبسوط لانو انا ما كنت هناك، عشان تؤمنوا بي".
لمن يسوع وصل بلد ناس لعازر،كان لعازر مات قبل اربع يوم. بعد داك مرثا مشت عشان تقابل يسوع و قالت: يا سيد، لو كنت هنا اخوي ما كان حيموت. لكن انا مؤمن انو الله بديك اي حاجة انت بتسألو منو".
يسوع جاوب: "انا القيامة و الحياة. اي زول امن بي حيحيا، حتي لو مات. اي زول بيؤمن بي ما بموت ابدا. بتؤمني بده "؟ مرثا جاوبت: "نعم، يا سيد! انا بؤمن انو انت المسيا ابن الله ".
بعد داك مريم وصلت. ووقعت عند قدمي يسوع وقالت: "يا سيد لوانت بس كنت هنا اخوي ما كان حيموت" يسوع سالهم "انتو ختيتوا لعازر وين" قالوا ليه: "في القبر. تعال و شوف" و بعد داك بكي يسوع .
القبر كان كهف بتقفل بحجر مدحرج من قدامه .لمن يسوع وصل القبر قال ليهم، "دحرجوا الحجر ". لكن مرثا قالت: "هو ميت ليهو اربع يوم. بكون فيه ريحة كعبة ".
يسوع جاوب: "انا ما كلمتك لو امنتي بي حتشوفي قوة الله ؟" بعد كده هم دحرجوا الحجر.
بعد داك يسوع عاين للسماء وقال: "ابوي، شكرا لانك بتسمعني. عارف انت دايما بتسمعني، لكن انا قلت ده عشان تساعد كل الناس الواقفين هنا، عشان يؤمنوا بانو انت رسلتني". بعد داك يسوع صرخ لعازر اطلع برا!"
عشان كده لعازر طلع برا! كان لسه مربوط بكفن. يسوع قال ليهم: "ساعدوه وفكوا منو الكفن! "كتار من اليهود امنوا بيسوع عشان المعجزة دي.
لكن قادة اليهود الدينيين حسدوا يسوع، عشان كده اجتمعوا سوا عشان يخططوا كيف يقدروا يقتلوا يسوع ولعازر.