unfoldingWord 25 - Setanan Isua A Thlem
概要: Matthew 4:1-11; Mark 1:12-13; Luke 4:1-13
文本編號: 1225
語言: Mizo
聽眾: General
類型/流派: Bible Stories & Teac
目的: Evangelism; Teaching
聖經摘錄: Paraphrase
狀態: Approved
腳本是翻譯和錄製成其他語言的基本指南，它們需要根據實際需要而進行調整以適合不同的文化和語言。某些使用術語和概念可能需要有更多的解釋，甚至要完全更換或省略。
文本文字
Isua baptis a nih zawh veleh, Thlarau Thianghlim chuan thlalêrah a hruai ta nghala, chutah chuan ni sawmli leh zan sawmli chaw a nghei a. Tin, Setana chu Isua hnênah a lo kal a, sual turin a thlem a.
Setana chuan Isua hnênah, “Pathian fapa i nih chuan, heng lungte hi chhangah chantir rawh, tichuan i ei thei dawn nia,” tiin a thlem a.
Isuan, “Pathian thuin a ziak ang in ‘mihringten an nunna tûrin chhang ringawt an mamawh lova, Pathian kaa thu tin chhuak an mamawh a ni,” tiin a chhang a.
Tin, Setana chuan Isua chu Biakin chhip zumah a hruai a, a hnênah, “Pathian fapa i nih chuan, tla thla rawh, ‘Pathian chuan nangmah chawi tûr che in a vântirhkohte thu a pe ang a, tichuan, i ke in lung i chhuih dawn lo nia,’ tih ziak ang khan,” a ti a.
Nimahsela, Isuan Pathian thu hmangin Setana chu a chhang a. Isuan, “Pathian thu ah chuan, Pathianin, ‘I Pathian fiah suh,’ tiin a mite thu a pe a ni,” a ti a.
Tin, Setanan Isua chu khawvel lalram zawng zawng leh an ropuinate a entîr a, a hnênah, “Bawkkhupin chibai mi bûk la, heng zawng zawng hi ka pe dawn che a nia,” a ti a.
Isuan a chhang a, “Setan, kalbo daih rawh! Pathian thu ah chuan, “I Pathian chauh chibai bûk la, ama rawng chauh bawl rawh,” tiin a mite thu a pe a ni,” a ti a.
Isua chu Setana thlemnaah a tlu ta lova, tichuan, Setanan a kalsan ta a. Tin, Vântirkohte an rawn kal a, Isua rawng an rawn bawlsak ta a.