Იცხოვრო Იესოსთვის
概要: Jesus can help us to do right. Read and obey the Bible, pray, ask for forgiveness if we disobey. Trust Jesus in all things.
文本編號: 362
語言: Mingrelian
主題: Character of God (Holy Spirit, Word of God (the Bible), Power of God / Jesus); Living as a Christian (Prayer, petition, Spiritual Growth, Forgiveness, Faith, trust, believe in Jesus); Sin and Satan (Cleanse, purify)
聽眾: New Christian
目的: Teaching
Features: Monolog; Bible Stories; Minimal Scripture
狀態: Approved
腳本是翻譯和錄製成其他語言的基本指南，它們需要根據實際需要而進行調整以適合不同的文化和語言。某些使用術語和概念可能需要有更多的解釋，甚至要完全更換或省略。
文本文字
იესოშოთ ცხოვრება
ძვირფასი მეგობარი, ნება ქომუჩი ქორკითხენი, ქორექ დო ვარ ქირსტიანე? „ ქო, ალბათ არძა ჩქინთაგანი ფიქრენს ნამდა ქრისტიანეფი ვორეთ“ მარა მორთი ჩქინი გურეფიშა ქინიივჯინათ, ჭეშმარიტო ქოვწაანო იესოში, თუ უბრალოთ გონებათ ვჯერა? თუ თინა რჯერა მუთ ჩქინი მარდუალენქ იესოშე დომოგურუეს ჭიჭენობასუნი? თუ ჩქინი ჯგირი კეთებული საქმეეფიში რჯერა? ვარდა ქომითხუუნანო ღორონთიშა ჩქინი გურეფიში გოწიმინდუა დო თიში სკუალეფო გინორთინა? მორთი დეევრწმუნათ თის ნამდა სწორი შარას გევორეთუნი დო თე შარა ღორონთიში ყუდეშა მეურსუნი.
მუდროს კოჩი მუშ გურს ნწყუნს ღორონთიში წოხოლენი, ღებუენს თის მუში მარსხებელო დო ღორონთო. ბრელი ჯგირი მუთმოხვადუუ თიში რინას, ცხოვრებას, თი წამიშე თიში არძა ცოდა ნაპატიეფი რე, წმინდა შური მიშმუურს თიშა დო ოხვარ სწორი რინას, ცხოვრებას. თინა ღორონთიში სკუა გინიირთუ, ანწი ღორონთი თიში ბაბა რე, ოხვარუ დო ზრუნენს თიშე. ჩქი ირო ოკო მიორდანი დო ვონდუდათ თის, გაჭირებაში დო პრობლემეფიში დროს. ღორონს უორთ დო თის ირო ოკო ვემარდუათ იფრელიშოთ მუთ მუთმოხვადუ ჩქინ რინასნი, თიშენი ნამდა თის უჩქუ მუ რე ჩქინოთ ჯგირინი. ათე სირთულეეფი მოგურუენა მოთმენას დო თვინიერებას.
ღორონთ დიდი ძალაუფლება გეგმიირჩქინ მუდროს იესო ქრისტე ღურელი გააცოცხალ დო თის ოკო ნამდა ჩქი ხოლო იგივენეერო ქედმეხვარანინი, თიშენი ნამდა თიში ძალათ ჩქი ხოლო ჩქარაას გიავრთათუნი. ჩქი ოკო ვოძირიათ ჩქინი ცხოვრებათ, რინათ ნამდა თიში სკუალეფი ვორეთუნი. მუდროს ეშმაკი ოცადუ ჩქინი ჩილათასუნი, იესო მოხვარუნა სწორიში ქიმინუას. თინა ახალი კოჩო გინმორთმორთინუანა,თიშენი ნამდა სწორი შარაშა გაივრათუნი. ღორონთქ მუში ყოროფა დაამტკიც თით ნამდა იესო ქომომიჯღონეს ჩქინი ცოდეფიშოთ, დოღურეედუკო სწორედ თი დროს მუდროს დიო ხოლო ვაორდით თიში მეგობრეფინი.თიში შური მარძენა თიში ყოროფას, თიშენ ნამდა ჩქი ხოლო ქეშეევპოროპუათ შხვეფინი. ღორონთის ოკო ნამდა თის ქუვაგვანათუნი. თინა რაგადაანს მუში წიგნის, ბიბლიას „ გიორდას სკანი მოჯგირე, მუჭო სკანი დუდი გიორსუნი თეში“. ათეცალი ქიუაფუქუდა ხალხი ქოძირუნს სი ჭეშმარიტო ღორონთიში სკუა რექუნი, თიშენ ნამდა სი თიში ყოროფა გიღუ გურს. ათეშ ძირაფაში დროს ხალხის ოკოდას იი ნამდა მიდააუნანი ღორონთიშ შარასუნი.
ჩქინოთ მნიშვნელოვანი რე ღორონთიში სიტყვაში მორჩილი ვორდათუნი დო მიჩქუდანი მუს რაგადაანს თინანი. ჩქი ოკო დიივგურუათ თიში სიტყვა დო ვიფიქრათ თიშე, ვეჩიათ დო ვიხვამათ თიში წოხოლე. თენა თი შარა რე უჯგუშო გივჩინებაფუათ ღორონთი დო მიივრდათ თიწკუმანი. თის ვააკო ნამდა ბაღანეფო დოვსიკათუნი, თის ოკო ნამდა ძლიერეფი ვორდათ დო შხვენს ხოლო ქემუახვარათუნი. ბრელი საკითხეფი რენამუშეც ოკო ვიხვამათ დო მარდი შევწირათ ღორონთის იესოს მოჯღონაშოთ დო თიში წმინდა ზისხირიში დობუნაშოთ. მუდროს თიქ დოღურ ჯვარსუნი, თიქ დაამარცხ ეშმაკი დო გინიიგ არძა თი ხალხიში საფასური, მინც თის იწამენსუნი. მუდროს ეშმაკი მუურს მემოჩიითუანი დო ვარდა შემაწუხანინი, ჩქი შემილებუნა წოხოლე ქეწუუდირთათ იესოში დობუნილი ზისხირითუნი,მუში წოხოლეთ თის ვეწაარინე, თიშენი ნამდა იესოქ ორჯგინ თის დო ჩქი ხოლო დუს დამანებენა, ქობწაანა იესოში ზისხირიდა.
სი ვაუჯერდი ღორონთისდა ონაღებეიე, მარა მენდიქ ვეგგეტყურას, სასწრაფოთ ქოთხიი თის ნამდა გაპატიას სკანი ცოდეფინი დო გოგიწიმინდუას სკანი გურინი, ქოთხიი თის, თიში ძალა გემერჩას ნამდა იგივე ვაგააკეთენი დო დუდი ეურიდეე ეშმაკიში ჩილათას.
ჩქინი ღორონთიში წოხოლე ოკო მიღუდანი სიმარდული ბრელი მუთუნიშენი, მუთ ჩქინოთ აფუ კეთებულინი დო თი სიძნელეეფიშოთ მუსუც ათე რინას დო ცხოვრებას მეურთუნი. თინა რაგადაანს, ნამდა გლახას ხოლო ჩქინოთ ჯგირო გინაართინუანს, მუ რაგადი ოკო თინა ქომიყორადა. თინეფიშოთ ხოლო ოკო ვიხვამათ, მინთ მუნეფიში გურეფი ღორონს ვემუნაძღვენესუნი, ( ქივხვამანთ დო ღორონს მევენდებუთუდა ღორონთიში შური დოთირაანს თინენს) ხოლო ოკო ვიხვამათ ჩქინი გაჭირებაშენი დო პრობლემეფიშენი. ღორონთიში მიზანი რე ირნეერო ქედმეხვარანინი ცხოვრებას. იესო ჩქინი არძა ხვამას უპასუხენს თიში ქობწაანადა, თიშენ ნამდა თის უჩქუ ჩქინოთ მუურე უჯგუშინი. ჩქინი ხვამაშე ვარია მიივღითუდა ესე იგი უჯგუში გეგმა უღუ ღორონტის ჩქინოთ. ვიწამენთდა თინა მეტი ხიოლს ქიმიიღანს ჩქინი გურენს დო ქიდიივგურუანთ ვიწამათ თიშინი, უფრო მნიშვნელოვანი საკითხენს.