Inongwa Inunu
概要: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.
文本编号: 395
语言: Ngonde
主题: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)
听众: General
目的: Evangelism
Features: Bible Stories; Extensive Scripture
状态: Approved
脚本是翻译和录制成其他语言的基本指南，它们需要根据实际需要而进行调整以适合不同的文化和语言。某些使用术语和概念可能需要有更多的解释，甚至要完全更换或省略。
文本正文
Inongwa Inunu
Inongwa inunu sisimbigwe kubandu aba bakamanyila fiyo ukuti baketege nupilika, ukuti bayimanye injila yakupokigwa.
Filipo ififwani malongo mana, ukutunangisya ifimanyisyo nu bumi bwa mu Kristi. Ikifwani kilikyosa ki namasyu gake.
Ifimanyilo Mwi Bangeli Ifi Tupomanyila
1. Bo kikapeligwa ikisu 21. Kipingika
2. Kyala oyoba 22. Injila sibili
3. Ukupela 23. Abana ba Kyala
4. Adamu na Eve 24. Kupapigwa kupya
5. Kaini na Abele 25. Ukwisa kwa Mbepo Mwikemo
6. Ingalaba ya Noa 26. Ukwenda ndumuli
7. Umwelesyo 27. Kupilikila amasyu ga Kyala
8. Abrahamu, Sala na Isaka 28. Inyumba ya Kristi
9. Mose ni ndagilo sya Kyala 29. Ubagane abalungu bako
10. Indagilo kalongo 30. Yesu yogwamaka
11. Ilikemo lyabutula nongwa 31. Kusosya imbepo inyali
12. Ugwandumi, Maria na Yosefu 32. Kunkonga Yesu
13. Kupapiwa kwa Yesu 33. Linga tubombile imbibi
14. Yesu mmanyisi 34. Ububine
15. Imbombo ni fika fya Yesu 35. Ifwa
16. Yesu ikwangasigwa 36. Umbili gwa Kristi
17. Kugogigwa kwa Yesu 37. Ukwaganila pamo pene
18. Kusyuka 38. Yesu ikwisa kangi.
19. Tomasi ikumwitika 39. Kupapagwa kwa Isaki
20. Kufyuka 40. Kubabula abandu bangi
Ubwandilo
Ngubaponya mungamu yaye Khristu.Amasyo agha mupopilika manunufiyo agha mkapilikamo siku.Isa mupilikisye inongwa inunu isi. Keta ikifwani pibuku kangi pilikisya kanunu. Akabalilo kosa linga mupilikya ulwimbo ulu, igula ikifwani ikingi mwi buku lya fifwani. (Ulwimbo)
Ikifwani Kya Kwanda
BO KIKAPELIGWA IKISU
Pabwandilo aliko Kyala. Kyala apelile ikisu popapo alinkuti luyeko ulumuli, pakuti pali ngisi. Kyala alinkupagulania ulumuli ni ngisi umu muketela ikifwani kya kwanda, alinkupagulania amisi gha pasi namisi gha kumwanya. (Amisi gha pasi, agha lolusoko nu sumbi, amisi gha pamwanya agha ago misi gamabingu. Kumbuka, imfula yutima ufuma kumabingu). Kyala apelile ulumuli luyege lwa pa musi popapo umwesi guyege gwa pakilo. Kyala nunu. Kyala apelile fyosa kangi yo mwene gwa fyosa. (Ulwimbo)
Ikifwani Kya Bubili
KYALA OYOBA
Ibuku lya mukifwani iki ingamu yake ili Bangeli. Amasyu ga Kyala kangi gikutibula isya Kyala ni mbombo syake. Amasyu ga Kyala ga bwanaloli. Ifimanyisyo ifi mupopilikisya lino fyosa fya mwi Bangeli. (Ulwimbo)
Ikifwani Kya Butatu
UKUPELA
Kyala, mu masyu ghake apelile fyosa ifinunu. Apelile ikisu ni fyamba, usumbi nu lusoko. Kangi apelile ifya bumi fyosa, iswi sya mmisi, ni njuni sya mmipiki ni finyamana fyosa. (Ulwimbo)
Ikifwani Kya Buna
ADAMU NA EVA
Kyala apelile umundu wakwanda. Ingamu yake Adamu. Panyuma alikumpela unkikulu ingamu yake Eva. Kyala alimpele umundu amaka pa fyosa ifi afipelile pa kisu. Adamu na Eva bali bamanyani ba Kyala kangi bakayobesaniagha nagwe umu bakikaligha. Kyala abitikisye ukulya ifibyaligwa, upagulako umpiki ugwapakati pangunda.
Ikifwani kya kiboko ikimana iki mukikubona bakalimpilikile Kyala pa kulya ikibyaligwa iki bakanishigwe. Batulile inogwa kangi ubumanyani ulugano na Kyala lulinkumalika. Ikifwani kya kukiboko ikililo kyunangisya umu Kyala alinfundile Adamu na Eva pakubasosya mu ngunda. Ufuma mukabalilo kala ifibyaligwa fya mungunda filikukanisigwa ukuti umundu angalyagha kangi asokemo akabombeghe imbombo mo ikufyagilaga ifyakulya. Ukufuma nkabalilo kala umundu alinkwipilika ububabe, ububine nifwa. (Ulwimbo)
Ikifwani Kya Buhano
KAINI NA ABELI
Adamu na Eva bali nabana abanyambala babili ingamu syabo Abeli na Kaini. Kaini ali nakabini na Abeli nukuti isiku limo alingogile. Kyala alimpele ulufundo Kaini pabutula nongwa bwake bobuno ampelile ulufundo Adamu na Eva. Bosa aba bafumile kunyumba ya Adamu na Eva kangi na twesa tuli batula nongwa. Ubutula nongwa bukutupagulania na Kyala. Tubaghiligwe ulufundo pa nongwa yabutula nongwa. (Ulwimbo)
Ikifwani Kya Buhano Na Kimo
INGALABA YA NOA
Ifinja fingi fikindilepo ubutula nongwa bwa bandu bwali bunyWamu fiyo popapo Kyala alinogwine ukubonanga nu mwelesyo umunywamu ugwa misi. Alipo umundu yumoywene uyu alinganile Kyala. Ingamu yake Noa. Kyala alimbulile Noa ukuti ayenge ingalaba inywamu yo umwene nabannyumba yake bikupokigwagha. Noa alikufumusya ubukulumba bwa Kyala mu finja fyosa bo ikuyenga ingalaba. Abandu batakasubilaga ubusoke kwa Kyala ukuti baleke injila imbibi ukuti bapokigwe kumwelesyo. (Ulwimbo)
Ikifwani Kya Buhano Nububili
UMWELESYO
Bo amalile ukuyenga ingalaba, Noa alingisyemo injuni ni finyamana ifyaluko nuluko mu ngalaba iyi Kyala alimbulile ukuti ayenge. Noa nu nkasi nabana abanyambala batatu, gwesa nu mkasi gwake balingile mu ngalaba. Kyala aligele ulwigi. Kyala atumile ifula inyingi nukuti ikisu kyalwiswile na misi. Akabalilo kakindile ukuti abandu abangi bapokigwe. Noa nabanake mu ngalaba bapokigwe, bosa abandu aba bali panja pa ngalaba bafwile. Noa apokigwe pa nongwa yalusubilo nukumpilikila Kyala. (Ulwimbo)
Ikifwani Kya Buhano Nutatu
ABRAHAMU, SALA NA ISAKA
Umwelesyo walyumile ni fyinja fingi fyakindilepo kangi nabanyumba ya Noa bali bingi. Yumo ugwa nyumba yake ingamu yake Abrahamu yuyu alinganile nukuntila Kyala. Kyala alindagile Abrahamu ukuti aba nduyungu lwake lwisa kuya luko lukulumba. Abrahamu nu nkasi gwake Sala bakali nabana, loli Abrahamu alinsubile Kyala. Ikifwani iki kikunangisya bobanumwana unnyambala bobakangele. Balimpele ingamu yake Isaka. (Ulwimbo)
Ikifwani Kya Buhano Nubuna
MOSE NI NDAGILO SYA KYALA
Bo Kyala alitikanile na Abrahamu, Isaka aba nduyungu lwake bali bingi fiyo. Bali ni kisu kinywamu ingamu yake Israeli. Yumo gwa kisu iki ali Mose. Mose ali nsubiligwa gwa Kyala. Ilisiku limo Kyala akambilikilaga Mose ku kyamba. Kyala alimpele indagilo isya kubamanyisya abandu. Ikifwani iki kyunangisya Mose ikufuma ku kyamba nindagilo sya Kyala sisimbigwe pibwe. Kyala ikulonda gwesa asikongege indagilo. (Ulwimbo)
Ikifwani Kya Kalongo
INDAGILO KALONGO
Isi syo ndagilo simo isi Kyala alimpele Mose sisyo sikutumanyisya ulugano nukumpilikila Kyala uyu yogwa bwanaloli nubumi. Pabwandilo (ikifwani kya pamwanya pakimama) tuketa ukuti tungayaga nabakyala abangi kangi koma kutendekesya akandu kamo aka kukwiputako akafinyamana nifindu ifingi. Twiputege umpeli gwa bwanaloli. (ikifwani kingi) yo tata, mama na banake bikumtufya pampene Kyala. Bosa aba bikunsubila Kyala bayege nilisiku limolyene ilyakumtukifya Kyala pa ndungu. (Ikingi) abana bitikege nupilikila abapapi (ikifwani kya pasi kukimama). Indagilo sya Kyala sikuyoba ukuti ungagogaga, ungatotomelagha unkasi gwa nnino uku ko kulogwa (ikifwani kya bumalilo) ungahiyagha, uku kokuya nikindu iki kikakyako, uhiya ifya nnino. (Ulwimbo)
Ikifwani Kya Kalongo Nakimo
ILIKEMO LYA BUTULANONGWA
Kyala obafunda aba batikumpilikila. Umundu linga atulile inongwa nu Kyala mukabalilo ka Mose, pakonangila indagilo abikaga ilikemo lya ng’osi kwa Kyala. Ing’osi yagogigwaga ukwega ubuyo bwantula nongwa. Ing’osi yali kimanyisyo kya mwana gwa Kyala Yesu Khristu. Yesu alisile nukufwa ukuya likemo lya Kyala lya bandu bosa pa kisu. Kyala abombile ngani ukuntuma Yesu ku kisu ukwisa kubapoka abandu kubutula nongwa nifwa. Tupomanyila ifingi mukifwani ikingi. (Ulwimbo)
Ikifwani Kya Kalongo Nabubili
UGWANDUMI, MARIA NA YOSEFU
Bo pakindile ifinja ufuma nkabalilo ka Mose Yesu apapigwe. Kunyuma fiyo, Kyala atile isa kutumagha umpoki uyo isa kutupokagha ku mbibi. (Ikifwani kya kukimama). Keta ugwandumi uyu alisile ufuma kumwanya ukwaghana nundindwa ingamu yake Maria. Maria akalimenye unyambala uyu bapangen nagwe isya bwegi ingamu yake Yosefu. Ugwandumi atile kwa Maria, “Ungatetemaga …Maria kwisa kuyaga nu mwana undumyana, yo gwise umpege ingamu ya Yesu. Yo isakuyaga nkulumba, kangi isakuyobigwa ukuya yo Mwana gwa yu Nkinde uNtwa Kyala. Mbepo Mwikemo isakukwisilagha namaka ghayu Nkinde isakukupikilagha.” ( Luka 1kanandi 31 mpaka 32a)
(Bo muketa ikifwani kya kukililo). Ugwandumi alinkusetuka munjosi ukumbula Yosefu, “Ungatilagha ukumwega Maria unkasigho, isakupapagha umwana undumyana yogwise umpege ingamu gha Yesu buno yoyuyo isa kubapokagha abandu bake kumbibi syabo.” (Yesu ikung’anamula Mpoki). (Matai 1kanandi 19 mpaka 21). Yosefe alimpilikile Kyala kangi alinkusita nukummanya tasi Maria, ukwisa kufika papo apapile umwana. (Ulwimbo)
Ikifwani Kya Kalongo Nabutatu
KUPAPIGWA KWA YESU
Yosefe na Maria balinkubuka mukaya ka Betelehemu. Bobikele nkaya kala Maria alinkupapa umwana ingamu yake Yesu, nukundambalika nkibaghapapo ubuyo bukaliko bwakugonako abahesya. Mukabalilo kala bufwene bonyumba isi bogonamo abahesya lino. Bukaliko ubuyo ukuti bagoneko. Pakilo ugwandumi abonekile kubatimi ba ng’osi ndukubo lwa papipi. Kyala ababulile isi sibombigwe mu Betelehemu. Abandumi bingi babonekile kumwanya, balinkwimba nukuntufya Kyala. Abandu babukile mbibimbibi ukwakunketa Umpoki Yesu. (Ulwimbo)
Ikifwani Kya Kalongo Nabuna
YESU MANYISI
Yesu alinkukula yope nilipyana lya Kyala. (Luka 2 kanandi 40) Ikifwani kya kukimama tukuketa Yesu bo ali ni finja kalongo na bubili. Ikuyoba isya Kyala nabamanyisi abakulumba bamu Israeli, balinkupilikisya nukundalusya amalalusyo. Balinkuswiga namahala amakulumba agha Kyala ali nagho. Ikifwani kya bubili kyunangisya Yesu bo akulile ukuya mundu, alinkwanda ukubamanyisya abandu isya Kyala. Abandu bamo bapilikile ifimanyisyo fyake nukwanda ukumpilikila. Bamo bakalimpilikile kangi bali nkutatikana nagwe. (Ulwimbo)
Ikifwani Kya Kalongo Nubuhano
IMBOMBO SYA FIKA FYA YESU
Ikifwani iki kyunangisya amaka amakulumba aga Tata Kyala alimpele Yesu upelela ifika. Ikifwani kya kiboko ikimama, Yesu alimbumbulwisye umundu uyu apapigwe nfwamaso. Bo Yesu alimbumbulwisye nukuti umundu alinkuketa. Ikifwani kya pakati kikunangisya ukusyuka kwa mundu umfwano bo unyina nu gwise boketelela. Ku kililo tuketa Yesu ikwenda pa misi ubuka kubafundigwa bake aba bali mungalaba pa nyanja. Yesu apangile ifika ifya luko papo ali mwana gwa Kyala. (Ulwimbo)
Ikifwani Kya Kalongo Nubuhano Nakimo
YESU IKWANGASIGWA
Abandu bingi bankongaga Yesu. Ali gwa kisa, abumbulusyagha ababine nukumanyisya injila ya Kyala. Alisile ukutupoka twe bandu kumbibi syitu.
Loli abandu ababibi balimbengile Yesu, fiyofiyo linga obabula imbibi syabo. Abakulumba ba fipanga nabakulumba bandaghalo aba nkabalilo kala batakasubilaga ukuti ali Mwana gwa Kyala. Balimpinyile, balintungulupile kangi nukukoma. Abasilikali balifwikile ikitili kya mifwa muntu mwake nukunfunyila amata nukumohela. Loli Yesu akabakanisye abandu ababibi ukumbombela imbibi nukungogha. Asimenye ukuti alisile ukufwa ukuya lwitiko lwa Kyala. Mu injila iyi alyegile ubutula nongwa bosa bwa bandu. (Ulwimbo)
Ikifwani Kya Kalongo Nubuhano Nu Bubili
UGHOGHIGWA KWA YESU
Yesu balinkomelile pakipingika. Ikipingika kyalimile pamfu popapo Yesu apayikigwe nukufwa. Abandu babili ababomba mbibi bope bakomeleligwe na Yesu palikimo. Mukabalilo kala ndagilo mo syayilile ukugoga ababibi mnjira yabukali. Loli Yesu akabombile imbibi nasimo. Ali ngolofu. Loli alinkuya likemo lyabandu bosa ababomba mbibi. Abandu bosa babombaga imbibi babagile ukufwa. Yesu alyambilile ikilango iki kwatubaghilile twesa. Linga tukwitika imbibi syitu nukunsubila Yesu, Kyala isa kutuhobokela nukutwelusya imbibi syitu. Ikwisa kutupa amaka gakuleka imbibi syitu. Subilaga mwa Yesu gwisa kupokigwa. (Ulwimbo)
Ikifwani Kya Kalongo Nubuhano Nu Butatu
KUSYUKA
Abalugu ba Yesu balinkwinogona ukuti Yesu atisa kusyuka kangi. Bo Yesu afwile pakipingika, abamanyani bake bo bayekumbika mwipumba, lilyo lyakumbugwe kulyalagwe. Balinkwigala ilipumba nibwe inywamu.
Abalongosi ba ndaghalo bababikile abalindilili pipumba. Bo amasiku mabili gakindile nukuti ilya butatu, Yesu alinkusyuka mbufwe. Bo abamama bamo balabile ukubuka kwipumba, balyagile ibwe lisegwike nukuti Yesu akayamo mwipumba. Abandumi babili bali mwipumba babo balinkubabula ukuti Yesu asyukile. “Akayamo muno mma, loli asyukile,” bankuyoba abafundigwa (Luke 24 kanandi 6). Bo Yesu asyukile, anangisye ukuti naloli yo Kyala, kangi anamaka ukunkinda Setano nifwa. (Ulwimbo)
Ikifwani Kya Kalongo Nabuhano Nabuna
TOMASI IKUMWITIKA
Bo Yesu asyukile mwipumba, abandu bingi balimbwene, bamo balinkuyoba nagwe nukulya nagwe. Tomasi, yumo gwa bafundigwa akalitikisye ukuti Yesu asyukile mbufwe. Tomasi alinkuti “Linga ngaghaketa amaboko gha misumali mmaboko ghake, linga ngabikamo ulobe muno gyalimo imisumali nukubika ikiboko kyangu palubafu lwake, ndisakwitikamo siku.” (Yohani 20 kanandi 25) Keta ikifwani kya Yesu ikunangisya Tomasi amaboko.
Tomasi akalinulusubilo lyamalike agwile pa maso pa Yesu alinkuti “Gwe Ntwa gwangu, gwe Kyala gwangu!” (Yohani 20 kanandi 28). Yesu alinkuti “Gwitike papo umbwene une? Basayigwa aba bikwitika bo bakaketa.” (Yohani 20 kanandi 29) (Ulwimbo)
Ikifwani Kya Malongo Mabili
YESU IKUFYUKA KUMWANYA
Amasiku malongo na mana bo Yesu asyukile mbufwe, alinkubonekela kubandu kakingi. Yesu alitendekisye ukubuka kumwanya ku gwise. Amalile imbombo iyi alisile. Yesu ababulile abafundigwa ukuti bababule bosa abandu isya masyu amanunu.
Abatundigwa balinkuketa Yesu akifyuka ku kisu ukubuka kumwanya. Abandumi babili bafumile kumwanya bafwele imyenda imyelu bikuyoba bikuti Yesu yuyuyu uyu egigwe ukufyuka kumwanya ukufuma kumyinu isa kwisa kangi bo mumo mumbonile ukubuka kumwanya. Ukufuma nkabalilo kala, Yesu ali kumwanya ukutendekesya ubuyo bwa basubiligwa nababo bikumpilikila Kyala. Kuya kumpilikila nukunkonga Yesu? Gwitendekisye ukwagana nagwe? (Ulwimbo)
Ikifwani Kya Malongo Mabili Nalimo
KIPINGIKA
Tulinganye inongwa iyi Yesu afwilile pakipingika. Yesu afwile ukupoka ababomba mbibi. Kumbuka ili lopa lya Yesu khristu umwana gwa Kyala likutwelusya ku mbibi syitu syosa. Yesu akali ntulanongwa loli afwile ukutupoka imbibi isi syatupagwile kwa Kyala. Ikipingika kikutukumbusya ukuti Yesu ali mwelu, ing’osi ya Kyala ulwitiko lwitu. Linga tukumwitika Yesu nukuleka imbibi syitu isakutuhobokera Kyala. Yesu ikutupela ukuya bana ba Kyala. Ikutugomokesya kulugano lwa Kyala. Ikifwani iki kikututula ukupilikisya ukuga mpokigwa nu nkongigwa gwa Yesu Khristu. (Ulwimbo)
Ikifwani Kya Malongo Mabili Nabubili
INJILA SIBILI
Yesu akamanyisyaga ukuti ubumi bufwene ni injila sibili. Aligwesa ukufuma nkabalilo apapigwe ali munjira inyelefu yikulabila kubupyuto naku moto. Twesa tuli namikalilo amabibi gago twegelile kwa Adamu. Loli tubagile ukuleka injila iyi nukwanda ukwenda injila infinye iyi yilabile kumwanya. Linga umundu osubila mwa Yesu nukunkonga ali nubumi bwa bwila. Ikusoka ku njila inyelefu nukwingila ku njila ifinye iyi yikubuka kumwanya. Ubulongi bukayako ubwa mbibi kubosa aba bali munjila ifinye.
Bwigane: Linga usalile ukunkonga Yesu ubagile poyoba na Kyala (mulwiputo) ukuti; “Kyala ngwitika ukuti ndintula nongwa, ngwitika ukuti Yesu afwile pakipingika, ahombile ubutula nongwa. Nhobokela nukunyelusya une kangi njege mwanako. Ngulonda ukunkonga Yesu munjila iya bumi ukuti linga ngufwa ngaye nubumi kumwanya. Ndaga Kyala, amen.”
Linga kusubila bwanaloli nukwiputa kwa Kyala bolu, kwingila injila ifinye iyo yo njila yabuhobofu nulutengano mwa Kyala. (Ulwimbo)
Ikifwani Kya Malongo Mabili Nubutatu
ABANA BA KYALA
Yesu ikulonda aligwesa ugwa luko losa ni fisu ni njobelo syosa. Bosa aba bikunsubila abapele amaka ukuya bana ba Kyala. Bali mnjila ifinye iyi yikubuka kumwanya. Abandu ba Kyala bafwene bo bana bamundu yumo, bosa palikimo mwa Yesu. (Ulwimbo)
Ikifwani Kya Malongo Mabili Nabuna
KUPAPIGWA KUPYA
Yesu bo akali pa kisu kya pasi umanyisi gwa kipanga ingamu yake Nikodemo ubusiku bumo alisile kwa Yesu ukumanyila sya Kyala.
Yesu alimbulile Nikodemo ukuti aligwesa uyo ikulonda ukuya nnyumba ya Kyala nukuti abuke kumwanya linga bafwile bikulondigwa ubumi ubupya. Abagile kupapigwa kangi. Tukanamaka agakwipela twibene. Mbepo Mwikemo yo ikutupa ubumi ubupya linga tusalile ukunsubila nukunkonga Yesu. Potukuyaga bandu bapya kangi abana ba Kyala. (Ulwimbo)
Ikifwani Kya Malongo Mabili Nubuhano
UKWISA KWA MBEPO MWIKEMO
Abandu aba bafundigwa ba Yesu. Bo Yesu ikibuka kumwanya alagile ukuti isa kutuma Mbepo Mwikemo kubosa abo bikusubila. Amasiku kalongo bo Yesu afyukile kumwanya abafundigwa bali pampene mbuyo bumobwene. Nakalinga itolo Mbepo Mwikemo gwa Kyala alinkwisula mubosa aba abagile. Abandu aba balyambilile amaka gakuyoba munjobelo isingi ukubabula abandu ifika fya Kyala. Mbepo Mwikemo ikwagigwa kubasubiligwa ba bwanaloli aba bikunkonga Yesu. Mbepo Mwikemo ikubamanyisya mumo banganganila nukuntila Yesu. (Ulwimbo)
Ikifwani Kya Malongo Mabili Nubuhano Nakimo
KWENDA NDUMULI
Bo umundu uyu akamwitika Yesu, afwene bo mundu uyu ali ku kifwani kya kukimama, ikwenda mungisi. Ikwikung’ula nukugwa mu mbibi papo aka nulumuli ulwa kunangisya. Loli linga tukunsubila Yesu tukuyaga ngati bana aba bikwenda munjila ifinye mulumuli lwa pamusi! “Une nelumuli lwa kisu; uyu linga ikungonga une yo atisakwendaga mungisi mma, isakuyaga nalo ulumuli lwa bumi (Yohane 8 kanandi 12). Kyala ikupa Umbepo Mwikemo nukubatula nu kubamanyisya bosa aba bamwitike munjila iyabumi. (Ulwimbo)
Ikifwani Kya Malongo Mabili Nubuhano Nabubili
UPILIKILA AMASYU GA KYALA
Umukhristu uyu amwitike Yesu mundu mpya, yo ikupilikila amasyu ga Kyala. Ikundalusya Kyala pakunhobokela imbibi syake. Uyu amwitike Yesu itikuhiyaga, itikwiputa aba kyala abangi. Mbepo Mwikemo ikubatula aba bamwitike kangi balekile imbibi syosa nukwanda ukubomba inunu. (Ulwimbo)
Ikifwani Kya Malongo Gabili Nabuhano Nubutatu
INYUMBA YAKRISTI
Keta abandu ba nyumba iyi. Bakwikala mbwigane bwa Kyala. Unyambala ikwikala numkasi gwake kangi unkasi ikuntila undume buno gamasyu ga Kyala goyobela. Bikutulana nukukasania yumo nunine nukumanyisya abana babo mulugano lwa Kyala, numanyila upilikila amasyu. Inyumba yopilikila ya Kyala yikwiputa nukubombela palikimo imbombo isya Kyala. (Ulwimbo)
Ikifwani Kya Malongo Gabili Nubuhano Nabuna
UBAGANE ABALUGU BAKO
Yesu abamanyisye abafundigwa ukuti babaghaneghe abandu bosa nabalugu babo. Tutulege bosa aba bikulonda ubutuli nabaluko ulungi. Yesu alinkuyoba akapango ka mundu ugwa luko lungi amwagile bamfulesye. Alintulile ufwana nubutuli ubu bukalondigwaga. Akasumile amakopala pa mbombo iyi abombile. Yesu alinkuti tubombelege inunu abinitu bolulo. (Ulwimbo)
Ikifwani Kya Malongo Ghatatu
YESU YO GWAMAKA
Abandu aba bikokya ififwani fyosa, imikota gya kititu ni fibibi. Bali nulusubilo mu ifi kangi bakansubila nukunkonga Yesu Khristu. AbaKhristu aba bakunsubila babagile ukusosya fyosa ifi fya Setano nimbepo imbibi. Kyala gwa maka ukukinda Setano, imbepo imbibi, ififwani nifibibi fyosa nabalosi aba bikusubila imikota. Uswe tukusubila komma ukuntila Setano, loli tusubilege Kyala yuyo ikututula, ikufigilila nu tuponesya. Tubagile ukunsubila mufyosa. (Ulwimbo)
Ikifwani Kya Malongo Ghatatu Nakimo
UKUSOSYA IMBEPO IMBIBI
Mukifwani iki tuketa umundu uyu ali nimbepo imbibi. Apinyigwe ningoye ni minyololo, loli imbepo imbibi nkati myake syali namaka. Yesu asibulile impepo imbibi ukuti sisoke mu mundu. Syalipilikile Yesu uyu yo ali namaka ukinda Setano nimbepo inyali. Umundu uyu ali mwabuke kumpepo imbibi nukuti alinkubuka ukwakubabula abanine isi Yesu ambombile. Yesu alinamaka amakulumba ukinda Setano nimbepo imbibi.
Bwighane:
Linga utamigwe nimbepo imbibi usume aba Khristu abasubiligwa bakwiputile. Ubagile ukwiputa nabo nukusuma ugwa maka Yesu Kristi asosye imbepo imbibi. Linga umundu ana setano abagile ukusuma aba Kristi bamwiputile. Babagile ukunsuma Kyala mungamu ya Yesu ukusosya imbepo imbibi nusilamula sisoke. Yesu anamaka yakumpepusya umundu ukuti angalamuligwaga na setano pa bumi bwake. (Ulwimbo)
Ikifwani Kya Malongo Gatatu Nabubili
UKUKONGA YESU
Ikifwani iki kyunangisya unsubiligwa ikugeligwa ukuti aleke ukwenda nu Yesu. Setano ikulonda ukuti tumwibwe Kyala, akabalilo kosa twinogonege isya ndalama, imyenda, ingambo, ubwalwa nifindu ifingi. Setano ikutubula ukuti ifindu ifi fikutuhobosya. Setano ntungulu ikugela ukutusyoba pabumalilo ikutonanga. Kyala alinkuti “Amulambeghe lelo kwa Kyala mutosanie nagwe umohesi po umwene isakubabopogha.” (Yakobo 4 kanandi 7).
Kyala yo Tata gwa kumwanya. Afimenye ifi bolonda abana bake kangi alagile “Ikubapa ifinunu aba bikunsuma”. Linga tukunsubila Kyala nukumpilikila umwanake Yesu tukwisakuya namaka ga Kyala mungelo sya masiku gosa. (Ulwimbo)
Ikifwani Kya Malongo Gatatu Nubutatu
LINGA TUBOMBILE IMBIBI
Ilisiku limo Yesu alinkuyoba akapango; undumyana alekile akaya apangile imbibi inyingi. Alyonenge ikyuma kyosa iki ugwise alimpele alikele ubumi ubibi. Bo ikyuma kimmalikile, injala yalinyingi inkisu undumyana atamigwe fiyo ninjala. Alipelile ikisa ukuti ntula nongwa. Alinkusumuka ukubuka kwa tata gwake alinkusuma uluhobokelo. Papo ugwise alinganile fiyo, alimwambilile umwanake undumyana ukugomokela pa kaya. Akapango aka kikutumanyisya linga tubombile imbibi tubagile ukwitika ububibi bwitu. Linga tukwitika bwanaloli Kyala otuhobokela imbibi nu twambilila mulugano lwake kangi. (Ulwimbo)
Ikifwani Kya Malongo Matatu Nabuna
UBUBINE
Unyambala nu nkikulu bikuboneka, bakahoboka mma. Yumo munkamu gwabo mbine fiyo. Abandu ba Kyala babombe fiki linga babinile? Bipute kwa Kyala nulusubilo ukuti ababombele ifinunu. Kyala abagile ukumbumbulusya umundu umbine mbwigane bwake, pamo ukumpa unkota ugwa bwanaloli. Kyala abanaghile abanake kangi ikubalongosya abasubiligwa bake ukusita kubuka kwa Setano. Tutangantilaga Setano, loli tuyenge nulusubilo mwa Yesu ukuti atupakikisyege papo ali nanuswe. Ikutupa ulutengano mundamyo. (Ulwimbo)
Ikifwani Kya Malongo Matatu Nubuhano
IFWA
Twesa tusimenye ukuti ilisiku limo twisa kufwa. Lelo findu fiki fikubombigwa pa uswe? Linga umusubiligwa afwile mbepo ilikusokamo nu Yesu Khristu. Momumo ibaibulo yutubulira. Umundu unfwano, abanine bangayagha nikitima ikinywamu fiyo linga yumo afwile. Abitiki ba Yesu bangayagha boga nifwa papo basimenye ukuti Kyala abaghile kangi abapokile kumbibi. Babo bakaya bitiki ba Yesu, bakaya nulusako bo ulu kangi ubumi bwa mwa Kyala linga bafwile. Bikubuka kubuyo bwa lufundo, kuko ko kumoto. Linga ufwile kwisa kubuka kugu? (Ulwimbo)
Ikifwani Kya Malongo Matatu Nubuhano Nakimo
UMBILI GWA KHRISTU
Apa tukuketa umbili gwa mundu gosa umu ghuyilile. Ulubafu losa ulwamundu luli nimbombo yake. Ikisige kyoketela; imbulukutu yopilikila, umulomo golyela. Utumbakasya tosa utwambili tubombela palikimo. Linga ulubafu lumo lwa mbili lubinile, umbili gosa gubina. Amasyu ga Kyala gotumanyisya ukuti aba Khristu abasubiligwa babombelege palikimo botumbakasya twa mumbili. Yesu yonkulumba gwa mbili. Kyala ali nimbombo ku basubiligwa bosa, iyakwanda; kwiputa, kulumbilila, kumanyisya isya Kyala, ukwimba isya kumtufya Kyala, ukulima nukuswila akaya kabo. Aligwesa ali nulubafu lwake ulwambombo mwa Yesu, ukutula umusubiligwa ukuti uyege namaka. Abasubiligwa bosa bagananege nukubombela palikimo, papo linga batikubomba umbili gosa gwa Khristu ghubina. (Ulwimbo)
Ikifwani Kya Malongo Matatu Nubuhano Na Mabili
UKWAGANILA PAMPENE
Abasubiligwa bosa baganilege pampene pipi ukuntufya Kyala, tumanyilege ufuma ku baibulo aga go masyo ga Kyala, ukwimba inyimbo nu kwiputa. Tutwaleghe ifyabupi kwa Kyala. Apa tukuketa abasubiligwa (abana ba Kyala) bikulya pampene. Ikisyesye kikutukumbusya umbili gwa Yesu ugu gwamenyigwe pa kipingika panongwa yitu. Ikinwelo tukukumbuka ilopa lya Yesu, ili ataghile pakutwelusya ku mbibi nukuti tusegelele mbupipi mmyake. Yesu ikulonda tukumbukeghe isya nfwa yake po tukwisa ukungana nindumbula syitu syosa. (Ulwimbo).
Kyala yo Tata gwa kumwanya. Asimenye ifi bolonda abandu kangi alaghile “ukubapa ifinunu aba bikunsuma”. Linga tukunsubila Kyala nukumpilikila umwana gwake Yesu, twisa kuya namaka ga Kyala kabalilo kosa. (Ulwimbo)
Ikifwani Kya Malongo Matatu Nubuhano Nabutatu
YESU AKWISA KANGI
Ilisiku limo Yesu isakwisa kangi ufuma kumwanya bo alagilile. Kyala mwene yo amenye ilisiku ilyo isakwisa kangi. Yesu isakwisa pakwega bosa abasubiligwa pakisu ukuti bakaye nagwe. Bosa aba bafwile bisa kusyuka kangi amaleke gabo gisakuya bwasi. Aba bakali nu bumi mukabalilo kala bisa kufyuka babumi.
Abasubiligwa bosa bisa kwaganila na Yesu kangi bisakwitugala nagwe mbumi bwabo bosa. Abasita kusubila bisa kusyala nukulongigwa na Kyala. Tukamanya akabalilo aka Yesu isakwisa kangi, loli akabalilo kosa twitendekesyege ukwisa kwa Yesu kangi. Ka gwilingenie isya kwisa kangi kwa Yesu? (Ulwimbo)
Ikifwani Kya Malongo Matatu Nabuhano Na Buna
UKUPA ISEKE
Bo iseke sya mpiki ugu nkifwani. Sikupa iseke aba Khristu abasubiligwa bapege iseke sya Mbepo Mwikemo. Yesu alinkuti, “Une ne mpiki gwa mafilu, umwe muli tusamba. Uyu linga ikuya mu mnyagu yo ikupaga iseke si nyingi; namanga kusita kuya nanine, mukabagila ukubomba imbombo) mundumbula sinu ukusosya uluseke lwa lugano, uluseke, lwa lutengano, ubufisalyoyo, ubololo, ubununu, ubusubiligwa, ubutengamoyo nu kwikola mu bumi bwinu.”
Linga akasamba ka mpiki katikupa iseke ko ikukasosyapo nukokya mmoto. Aba bikunkonga Yesu bapege iseke nyingi. Isi sikutwala ukuntila nukuntufya Tata gwitu gwa kumwanya. (Ulwimbo)
Ikifwani Kya Malongo Mana
UKUBABULA ABANDU BANGI
Ikifwani iki kyunangisya abasubiligwa bikumpilikila Kyala, ukubabula abandu isya Yesu. Yesu ababulile bosa aba Khristu abasubiligwa bo ukubuka ukuti bakababule isya masyu amanunu; ukuti afwile pa kipingika, asyukile ukuti atupoke ku mbibi nifwa. Mbepo Mwikemo yo ayapotutula pakubabula abandu isya Yesu. Ubaghile ukubabula abanino na bandu abangi isi umanyilepo pa kifwani iki mwi buku ili.