unfoldingWord 18 - Дэвэл розчиндя царсво пэ дуй котыра
Đề cương: 1 Kings 1-6; 11-12
Số kịch bản: 1218
ngôn ngữ: Romani, Baltic
Khán giả: General
Thể loại: Bible Stories & Teac
Mục đích: Evangelism; Teaching
Trích dẫn Kinh Thánh: Paraphrase
Trạng thái: Approved
Bản văn này là một hướng dẫn cơ bản cho dịch và thu âm trong các ngôn ngữ khác. Nó phải được thích nghi với nền văn hóa và ngôn ngữ để làm cho nó phù hợp với từng khu vực, nơi nó được sử dụng khác nhau. Một số thuật ngữ và khái niệm được sử dụng có thể cần một lời giải thích đầy đủ hơn hoặc thậm chí bị bỏ qua trong các nền văn hóa khác nhau.
Kịch bản
Давидо сыс царёса 40 бэрш. Сыр ёв мэя дэ Израилё атча хулай лэскиро чаво Соломоно. Дэвэл пуча кэ Соломоно, со ту камэс бутыр сарэстыр. Соломоно мангья кэ Дэвэл тэ дэл лэскэ годы, соб ёв тэ годявир хулай манушэнгэ. Дава покамняпэ Дэвлэскэ, Ёв кэрдя со Соломоно исыс само годявир мануш дэ свэто.Дэвэл кэрдя Соломонос годявирэса хуласа, и Дэвэл кэрдя лэс дрыван барвалэса.
Дэ Иерусалимо Соломоно кэрдя Кхэр Дэвлэско, саво камня тэ кэрэл лэско дад Давидо. Сыр Давидо сыс джидо то скэдыя саро со сыс трэби соб тэ кэрэ Дэвлэско Кхэр. Кана мануша поклонинэнпэ Дэвлэскэ и янэн Лэскэ жертвы дэ Кхэр, а нанэ дэ Шатра Собрания. Дэвэл исыс дэ Кхэр и исыс пэскирэ манушэнса.
Соломоно и сыс годявир, нэ ёв на кандыя Дэвлэс, и лыя тэ лэл пал пэстэ ромнэн авирэ родостыр, савэнса Дэвэл пхэндя тэ накэрэ бьява. Бут джювля яндэ пэса пэскирэн дэвлэн и поклонинэнаспэ лэнгэ. А сыр Соломоно пхурия, ёв атча тэ поклонинэпэ лэнгирэ дэвлэнгэ.
Пал дава Дэвэл холясыя пэ Соломоностэ и пхэндя, со Ёв разделит израильсконэн манушэн пэ дуй царства. И кэрэла ада сыр мэрэла Соломоно.
Сыр Соломоно мэя, то царёса тэрдыя лэскиро чаво Ровоамо. Сарэ Израильска мануша скэдынэпэ кэтанэ, соб тэ прижинэ лэс царёса. Мануша пхэндэ Ровоамоскэ, со ёнэ кэрэнас пхари буты кэ Соломоно и покинэнас лэскэ бут ловэ. Ёнэ помангнэ Ровоамос тэ на дэл лэнгэ пхари буты.
Нэ Ровоамо пхэндя лэнгэ: «Тумэ ракирэн, со кэ миро дад Соломоно тумэ кэрэнас пхари буты. А мандэ тумэ лэна тэ кэрэн бутыр и пхарэдыр буты, сыр кэ миро дад!»
Сыр шундэ мануша адала лава, бут манушэн лэндыр гинэ пэ Ровоамостэ. Дэш роды Израилёскирэ на закамнэ тэ прылэ лэскиро лав и тэ прылэ лэс пэскирэ царёса. Ровоамоса ачнэпэ дуй роды, савэ лынэ тэ кхарэпэ царство Иудоско или Иудейско.
Авир дэш роды выкэдынэ пэскэ царёс манушэс савэн кхарэн Иеровоам, адалэ дэш роды дживэнас пэ северно боко свэто. Ёнэ лынэ тэ кхарэпэ Царство Израилёско.
Царё Израилёско, Иеровоамо, исыс нанэ лачё царё. Ёв на кандэлас Дэвлэс и сыклякирэлас манушэн тэ дживэн дэ бэзэх. Иеровоамо чидя ваш пэскирэнгэ манушэнгэ дуен идалэн, и мануша бутыр на пхирэнас дэ Иерусалимо, саво исыс пэ пхув Иудеяко, и на поклонинэнаспэ Дэвлэскэ дэ Лэско Кхэр.
Иудея и Израилё кошэнаспэ бут молы и марэнаспэ машкир пэстэ.
Дэ нэво царство Израилёско сарэ цари исыс нанэ лачэ хулая. Бут лэндыр исыс умардэ авирэнса израильтянэнса, савэ камнэ тэ тэрдё пэ лэнго штэто царенса.
Сарэ цари и бут манушэн савэ дживэнас дэ царство Израиля поклонинэнаспэ идалэнгэ. Лэнгиро поклонения исыс дэ бэзэх а исыс дасаво со янэнас чаворэн дэ жертва идалэнгэ.
Цари Иудейска исыс родо Давидоскиро. Нанэ бут адалэ царендыр исыс лаче мануша, сыс чачунэ хулая и поклонинэнаспэ Дэвлэскэ. Нэ бутыр царен Иудеи исыс нанэ лачэ хулая и поклонинэнаспэ идалэнгэ. Варисавэ адалэ цари янэнас пэскирэн чаворэн дэ жертва хоханэ дэвлэнгэ. Бут манушэн савэ дживэн дэ Иудэя поклонинэнаспэ авирэ дэвлэнгэ, адалэса ёнэ джянас пэ Дэвлэстэ.